Desert Cat Search
قطه الصحراء: 5/1/12 - 6/1/12

Tuesday, May 22, 2012

تحذير هام للمصريين

تحذير هام للمصريين...........!! لما يكون مجلس الشعب اخوان ومجلس الشورى اخوان والجمعية التأسيسية للدستور اخوان وكمان عايزين الرئيس اخوان......!! يبقى فيه سؤال مهم جدا........؟؟ مين هيعارض مين.......؟؟ ومين هيراقب مين........؟؟ ومن سيحكم مصر.........؟؟ المرشد العام لجماعة الاخوان ولا رئيس حركة جماعة الاخوان ولا رئيس حزب الحرية والعدالة ولا رئيس البرلمان ولا مين بالضبط.............؟؟ اكلم مين لما احب... اخاطب مصر يا سيادة المرشد........!! نكتة ولكنها نكتة مخيفة جدا كده هنتحول لايران جديدة واللى هيكلم او يعارض يبقى بيعارض الشرع والدين ويكفروه وبعدين يقام عليه الحد يعنى يقتلوه لسه برضه عايزين الجماعة تحكم مصر دول غير جديرين بثقة الشعب اللى وصلتهم للبرلمان شعب مصر مش هينضحك عليه تانى بشنطة (زيت وسكر )............ كله يعمل شير عايزنها توصل للمرشد شخصيا
ودى حادثة صغيرة كدا على الهامش حصلت من زمان بس عايزة افكركو بيها
هى حكاية مش جديدة يعنى مش امبارح او اول هى كانت من شهر .. ولكنى استعيدها هنا الان لنضع امام اعيننا سلوك من يمثلون رموز الجماعة ويتعشمون ان يكونوا اولاد الريس .. اذا كان ده تصرفهم ساعتها امال لو لا قدر الله ابوهم نجح وبقوا ولاد الريس بجد حيعملوا فينا ايه.. اذا كانوا عملوا كده فى ظابط شرطة امال لو مصلحتهم تعارضت مع مواطن عادى حيعملوا فيه ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟ خسئتم وخسرت اعمالكم يا من تتاجرون بالدين وتتدارون خلف عبائته وهو منكم ومن افعالكم براااااااااااء
___________________________________________________

محمد مرسي في قسم أول الزقازيق أثناء التحقيق مع إبنه بالتعدي بالضرب علي ضابط الشرطة والذي انتهي بالصلح والتنازل من الضابط
........................................
ضابط الشرطة محمد عبد الله بالقطع أثناء تأدية عمله فى احد الأكمن الليلية بفحص السيارات والبحث عن السيارات المسروقة والأسلحة المهربة، لم يكن يعرف أنه سيصطدم بأشخاص لا يعرفهم على وجه اليقين، ولكنهم أصحاب السلطة الجديدة فى البلاد، فلم يكن مقبولاً وقوفهم فى دورهم فى الكمين لفحص السيارات ، ولم يكن مسموحاً سؤالهم عن سيارة يركبونها بدون أرقام. أبناء مرسى ويشاع أنهم يحملان الجنسية الأمريكية حيث ولدا أثناء دراسة والدهم لدراسة الدكتوراة فى أمريكا، ورغم كونهم طبيب و مهندس ويشاع أنهما يحملان الجنسية الأمريكية- إلا ان التعليم العالى والثقافة الأمريكية لم تتشرب داخلهما وتلزمهما بالإلتزام، لأن وهج السلطة الجديد سيطر عليهما.

الأسرة – أسرة مرسى- كانت تستقل سيارة بي إم 318 من غير أرقام وبصحبتهم السيدة والدتهم في مدينه الزقازيق شارع القوميه الساعه 11 ليلاً و معاهم جيب ليبيرتي سوداء فيها 3 حراسة ماشيين خلفهم.

و تصادف وجود حملة أمنية و مرورية ورفض أبناء مرسى انتظار دورهم على الطريق وخرجوا من الصف وراحو قدام الظابط و قالوا له افتح الطريق يا ابني

الضابط صاح فيهم طالباً منهم الوقوف وإظهار رخص السيارة، و سأل فين أرقام العربية

لكن هذا لم يعجب الحراسة التى نزلت من السيارة وأشبعوا الضابط ضرباً وشتموه بألفاظ قذرة ، الضابط بعد انتهاء عمله حرر محضراً بالواقعة وتم استدعائهم للنيابة
وقامت النيابة العامة بتوجيه اتهام الاعتداء على موظف عام أثناء تأدية عمله وتم حبسهم 48 ساعة تمهيداً لمحاكمتهم .

خلال هذه المدة تعرض الضابط الشاب لضغوط شديدة الشديد من المحافظ و مدير الأمن لكى يتنازل عن بلاغه ضد أولاد الرئيس!

وقد تعرض محمد عبد الله – الضابط المعتدى عليه- لتهديدات لكى يتنازل عن المحضر لدرجه تهديده بالنقل إلي العريش و عدم تثبيت زوجته المدرسة التى تعمل بعقد مؤقت في المدرسة الثانوية بنات بالزقازيق!!

بل وصل الأمر إلي تكسير كافيه اسمه أليكس يمتلكه أخو الضابط علي يد بلطجية من رجال الإخوان
http://www.alarabynews.com/?p=29381
 ونرجع تانى لابو الفتوح 
وده كلام استاذ طارق حجى

"مع كل الإحترام للسيد عبدالنعم أبو الفتوح ، فهو "إخوانجي" بنسبة 100% وكل ما فى الأمر أن طموحه الشخصي تجاوز إلتزامه الحزبي ... ولكن تكوينه الفكري والسياسي والثقافي كله "تكوين إخواني" . ومنذ أن أطلق على إبنه إسم حذيفة وللآن ، فهو إخوانجي صرف .... وليس فى هذا عيب. ولكن العيب أن يأتي أشخاص ناقصوا الخبرة السياسية ويصفون السيد أبو الفتوح بأنه يقف فى وسط المسافة بين الليبراليين واليساريين... و...بين الإخوان ! ف...هو قلبا وقالبا "إخوانجي". وفى إعتقادي أن الهوية المصرية ذات الرقائق المتعددة (المصرية القديمة + المسيحية + الإسلامية + العربية + وأخيرا مصر الحديثة التى أسسها محمد علي) ستتحطم إذا وصل السيد أبوالفتوح لحكم مصر ، كما أن مصر ستكون فى قبضة الإخوان من كل جانب وسينعكس ذلك (سلبيا) على كل أحوال مصر وأولها الأحوال الإقتصادية.
 =========
فكر واختار بلدك 
مش تبيع نفسك ب 100 جنيه ولا كيلو زيت وسكر 
فكر فى ولادك ومستقبلهم  اختار الصح 
نعم لفريق احمد شفيق

Monday, May 21, 2012

فى اللحظات الفارقة اختار صح


الفريق احمد شفيق هو رجل المرحلة 
هو المنقذ لهذا الوطن من ايدى البلطجية وسفاكى الدماء 
هو المنقذ والمخرج لنا بعيداً عن تجار الدين ومنتهزى الفرص 
انقذ الوطن وابعد به عن الارهابيين واصحاب السوابق
فخير قائد هو من تربطة علاقات محبة وصداقة بجميع الدول الشقيقة 
خير قائد هو من يحمل هم الطفل قبل الكبير فاختار الصح رقم (9) رمز السلم 
انزل يوم 23 ، 24 وشارك فى انتخاب رئيس بلدك واعبر بمصر من اكبر ازمة عرفتها وشهدتها
اعبر بمصر بعيداً عن الإخوان تجار الدين من تلوث ايديهم بايدى الابرياء على مر التاريخ 
لا تتركها لابو الفتوح امير الجماعة الارهابية فى الثمانينات وقاتل الطفلة شيماء ويده ملوثه هو و جماعته بدماء المصريين من سنه 81 حتى سنه 95
            هو صاحب فتوى سرقة محلات الصاغة المملوكة للأقباط لتمويل الجهاد في فترة السبعينات
 لا تتركها لمرسى الذى اهم تصريحاته بانه سيدوس على رقبة من يخالفه بحذاءه ومن قبل من ان يخالفه احد 
قتل الطفل محمد طفل كفر صقر بدم بارد دون حتى كلمة عزاء
مرسى و اخوانه الكذابون قاتلى اللواء البطران ويدهم ملوثه بالدماء من ايام القراشى والخازندار

 
امامنا تجربة حية وهى دور اخوانهم الهزلى فى مجلس الشعب فهل ترضى ان يكون رئيس بلدك اراجوز .. رجل مسخرة ؟؟ يقبل الايادى ويبوس احذية المرشد ؟
وان قولت على سيادة الفريق قاتل فانا اصدقك القول فهو فعلا 
قاتل يده ملوثه بدماء الاسرائليين الصهاينه فى حروب الاستنزاف وحرب اكتوبر

اشجع انسانة فى مصر اعلمنتها دون خوف او مرواغة 
رولا خرسا عبر صفحتها الشخصية ::::
==============================
==
انا بكرر أني بقول رأيي علي صفحتي الشخصية..اكرر انا حرة في صفحتي.. حانتخب الفريق شفيق للأسباب التأليه ؛١- انه ماتنكرش لماضيه وعمل كانه مولود في التحرير
٢-انه الوحيد الي حيخلي المصريين يتحدوا يعني مش حنقعد نقول لبعض ثوار وفلول ما دام الشعب قال كلمته
٣-لان الزمن مابيرجعش لورا وأكيد مش حيكرر أخطاء الماضي
٤-لانه غير انتقامي مش حيقعد ينتقم من كل الي سجنه في يوم من الايام
٥-لانه ليبرالي متدين
٦-لانه حازم مابيخليش حد يخليه يغير مواقفه وما بينافقش
٧-لأني مواطنه مصرية حاسة بغربه بقالي سنه ونص ... عايزة ارجع مواطنه تاني.

ارتقى وارفع راسك وانتخب من سيصونك حتى وانت  فى اخر الدنيا 
فنعم والف نعم للفريق احمد شفيق

Sunday, May 6, 2012

كلنا الجيش المصرى

" كلنا الجيش المصرى " ده عنوان الوقفة التضامنية التى اعلنتها الاغلبية الصامتة يوم الجمعة بميدان حدائق القبة لمساندة الجيش المصرى .. والتى سيشارك بها قوى سياسية وشخصيات عامة وانت واجبك كمصرى محترم بتحب بلدك تسيب الكنبة وتنزل الوقفة لأن ده جيشنا الدرع الواقى لينا من هجمات الخونة والعملاء والعيال البلطجية اللى مسمين نفسهم ثورجية
بالنسبة بقى للعيال اللى قاعدين يألفوا حكايات الجيش المصرى الصهيونى اهئ اهئ عا دخل المسجد بالأحذية زى ما كل يوم يجيبوا لنا صورة لبلطجى منهم ويقولوا عليه شهيد وتانى يوم نشوفه زى القرد ويقولك ايوا انا قتلت واتقتلت وصحيت تانى علشان اقتل واتقتل فالصورة دى توضح كدبهم وغباءهم 



حد يقولنا الحرائر اللى كانوا فى العباسية كانوا بيعملوا ايه ؟ كان بينضفوا الخيام ؟ ولا بيرموا قنابل غاز على اشجع ناس فى العباسية ؟ 



دى كانت بتقطع السلك الشائك ليه ؟ عايزة تدخل الوزارة عايزة حد يتحرش بيها ؟ ولا عايزة ايه ؟  على فكرة مبيزبلوش يا شابه