Desert Cat Search
قطه الصحراء: 1/1/12 - 2/1/12

Wednesday, January 25, 2012

يوم25يناير عيد الشرطة المصرية



يوم 25يناير هو عيد الشرطة المصرية ومش هيكون حاجه تانية غير عيد الشرطة المصرية
رجال الشرطة البواسل اللى ضحوا بنفسهم من اجل حماية شعبهم واهلهم فى الاسماعيلية رجال الشرطة اللى ضحوا بنفسهم من اجل شعبهم واهلهم ضد الارهابيين وضد البلطجية زى النهاردة يوم 25يناير 1952كانت مجزرة الإسماعيلية التى تحولت إلى عيد للشرطة ولمن لا يعرف ما الذى حدث يوم 25يناير 1952فاحب اهديه جزء من التاريخ
كانت معاهدة ٣٦ التى وقعها النحاس باشا تقضى بانسحاب قوات الاحتلال البريطانى لمصر إلى منطقة القناة مقابل التزام مصر بدعم بريطانيا فى مواجهتها مع الألمان فى الحرب العالمية الثانية، التى كانت العلمين تشهد إحدى جولاتها، فلما انتهت الحرب لصالح بريطانيا لم تف بوعودها لمصر ومنها الجلاء، ورفض الإنجليز الانسحاب، فأعلن النحاس باشا فى ٨ أكتوبر ١٩٥١ إلغاء المعاهدة قائلاً (من أجل مصر وقعتها ومن أجل مصر ألغيها)، وأعلن أنه غير مسؤول عن حماية الإنجليز فى خط القناة بل ودعم الفدائيين، فكان رد الإنجليز عنيفاً ففى صباح مثل هذا اليوم 25 يناير ١٩٥٢ قام القائد البريطانى بمنطقة القناة «أكسهام» باستدعاء ضابط الاتصال المصرى وطلب منه أن يسلم البوليس المصرى أسلحته للقوات البريطانية، ووصل الإنذار للواء أحمد رائف، وعلى حلمى، واتصلا بوزير الداخلية فؤاد سراج الدين، فأيد رفضهما وشجع موقفهما وطالبهما بالصمود ووقع الاشتباك وقاوم رجال البوليس ببسالة أمام سبعة آلاف جندى بريطانى حتى نفدت آخر طلقة معهم وسقط خمسون شهيدًا، وفى اليوم التالى انتشرت أخبار المجزرة وبلغت القاهرة، واستقبلها المصريون بالغضب وخرجت المظاهرات من الطلاب ورجال الشرطة، غير أن هذه الاحتجاجات لعبت فيها يد خفية أرادت بمصر سوءاً فكان حريق القاهرة مما حدا بالنحاس إلى إعلان الأحكام العرفية، وأعلن نفسه حاكماً عسكريًا ثم أقاله الملك فاروق وظل يوم 25 يناير عيداً للشرطة، غير أن هذا اليوم فى العام الماضى 2011م كان موعداً لاندلاع نكسة قضت على الاخضر واليابس واصبحت مصر مرتع لكل بلطجى وقاطع طريق واصبح المحترم فى بلده غريب .. بس اللى انا متاكدة منه انها محنة وهتعدى يا مصر قريب

كلمة السيد الرئيس محمد حسنى مبارك فى عيد الشرطة المصرية

Saturday, January 21, 2012

يعنى إيه ثورة 25 يناير



يعنى إيه ثورة 25 يناير،،،
يعنى تطالب بالديمقراطية وأنت أول واحد يرفض نتائجها
يعنى تطالب بالكرامة وتهين الشعب اللى أختار (نعم)
يعنى تطالب بتحسين المرتبات وتحرق ممتلكات الدولة والمنشأت العامة
يعنى تختار رئيس وزراء ولا يحقق شئ
... يعنى ترفض رئيس وزراء وهو اللى هيحقق كل شئ
يعنى تنزل مظاهرة مندد بقتل 6 جنود على الحدود وتنزل أنت تقتلهم فى وسط البلد
يعنى تعمل دعوة للحفاظ على الجيش وتنزل تقاتل فيه فى وسط البلد
يعنى ترفض تشوية الثوار وتنزل تشوه فى الجيش
يعنى ترفض وجود حد فوق القانون وتقول الثورة خط أحمر
يعنى تطالب بنهضة مصر وبإيدك أنت تهدمها
يعنى تطالب بحق الشهداء وتأخد فلوس أكتر من شهداء أكتوبر
يعنى تقول أن فى بلطجية مندسيين وأما يموتوا تقول عليهم شهداء
يعنى تطالب بحرية التعبير وأى حد ينتقدك يبقى فلول
يعنى تجرى وراء رأى النخبة السياسية وهم فى الحقيقة النكبة السياسية
يعنى تقول الثوار أطهر ناس فى مصر ونوارة نجم واحدة منهم
يعنى تنتقد الجيش عشان أعلن عن التمويل بدون عمل أى فعل
وأما يقتحم مؤسسات المجتمع المدنى تنتقده
يعنى تأخد تمويل أجنبى وتقول إشمعنى الحكومة كمان بتأخد معونة
يعنى تعادى أمريكا وإسرائيل وبإيدك تنفذ مخططاتهم فى إسقاط الجيش
يعنى محطة الضبعة تفجر بديناميت وتنقد تصريح الجيش بوجود طرف تالت
يعنى تحرق المجمع العلمى بأسلوب منظم وتنقد تصريح الجيش بوجود طرف تالت
يعنى تمسك بعد أحداث ماسبيرو شخص فى شرم الشيخ ببندقية قنص
وتنقد تصريح الجيش بوجود طرف تالت
يعنى يتمسك 3 اشخاص بيرموا مولتوف على الداخلية فى أحداث محمد محمود
وتنقد تصريح الجيش بوجود طرف تالت
يعنى أتنين يتمسكوا ببنادق قنص بعد أحداث محمد محمود
وتنقد تصريح الجيش بوجود طرف تالت
يعنى إسرائيلى وأوكرانى يدخلوا بنادق ألى زى المستخدمة فى الجيش والشرطة
وتنقد تصريح الجيش بوجود طرف تالت
يعنى عدوك يعترف فى 2003 و 2005 بمخططاته ضدك وأنت تنتقد نظرية المؤامرة
يعنى عدوك يرسم خرائط تقسيم الوطن العربى وانت ترد وتقول تقسيم إيه ياراجل
يعنى العراق تنضرب وتتقسم بحجة الديمقراطية وأنت تصدق وترفض نظرية المؤامرة
يعنى السودان تتقسم وترفض نظرية المؤامرة
يعنى ليبيا تنضرب وتحتل وترفض نظرية المؤامرة

Thursday, January 19, 2012

إعتذار

إعتذار لكل من كتب عندى تعليق على اخر بوست وحتى اللى زار المدونة من غير ما يكتب تعليق انا مش حذفت البوست ولا التعليقات لكن نظرا لوعد التزمت بيه حفظته فى الدرفت تحسباً لأى ظروف يمكن ان تجد على الموضوع

وتحياتى للجميع

حنان الشريف