Desert Cat Search
قطه الصحراء: تامين موكب المورصى دائما لا يخلو من الدم

Saturday, October 27, 2012

تامين موكب المورصى دائما لا يخلو من الدم

حد يقول للمورصى يصلى فى القصر الجمهورى مش لازم كل لما ينزل من بيته يقتل حد فى طريقة الاول طفل كفر صقر وفى صلاة العيد اللواء اسامة عطوة ولا انتوا مش تعرفوا غير لغة الدم ... المورصى عرف ان الراجل اللى واقف يامن موكبة مات تحت عربية وكانه سمع خبر خروف تم التضحية بيه فى يوم العيد ... لزومه ايه كل قوات الامن وعربيات الامن المركزى اللى بتقف بيها الشوارع امال فين فتحة الصدر اللى كانت فى التحرير ولا اهلك وعشيرتك ناويين يغدروا بيك ؟! اتقى الله يا مورصى وسيب مصر فى حالها  الراجل اتقتل وهو بيامنه وبدل ما يحضر جنازته راح يحضر الغدا مع اهله وعشيرته فعلا اللى عنده دم احسن من اللى عنده مال 

13 comments:

Kontiki said...

ازيك
كل سنة وانتى طيبة
الحمد لله ان موقفنا ثابت من اول يوم فى نكسة 25
الحمد لله اننا فلول ومجريناش ورا الاوباش الخونة
انتى مقضياها حرب هنا وانا بحارب على جبهتى
العمر واحد والرب واحد ربنا معانا يا قطة

Desert cat said...

ازيك يا كونتا
كل سنة وانتى طيبة
اثبتت الايام اننا كنا نقرا التاريخ صح
للاسف مش ضيعنا غير الاوباش
كل سنة وانتى جميلة وجريئة

abdallah said...

حسبى الله ونعم الوكيل فيك يا مرسى عشان اشترى امبوبة ب 40 جنيه وادفع كهربا 180 جنيه وادفع ميه 60 جنيه
منلك الله وانا مش مسامحك دنيا ولا اخره

المصرى said...

حسنى مبارك كان بيصلى فى شرم الشيخ و يريحنا وكان عندة حق اصل احنا مش هنكسب حاجة من صلاتة يعنى و لا يعمل زحمة ولا تكاليف ولا يموت حد فالعيد ولا اية شو من اللى بيعملة مرسى.
مرسى انا مش منتخبك علشان تصلى ولا علشان تخطب, لو صليت فى بيتكوا وكنت رئيس كويس هيبقى ثوابك اكبر

s_sayed26 said...

سياسة ونهج الاخوان هو الكراهية والانتقام ليس للشرطة فقط بل للشعب عامة
ومرسى ابو الاخوان
اين الدين الذى تتكلم به فى التعاملات والحياه
والدليل من تاريخ تعينه لم يحضر ايه جنازة
تحيا مبارك الاصيل

hala said...

لم يحضر الجنازة حتى لا يقال بأنه قتل القتيل ومشى فى جنازته!
للأسف الشديد ابتلانا الله بأسوأ من مبارك!
لعلها لعنة من الله عليك يا شعب مصر!
ابتلاك الله برجل يتحدث باسم الدين وعلى ما يبدو بأنه لا يعرف من الإسلام إلا إسمه!

helwan said...



مرسي من انتخبه هم اهل غزه وسوريا انا كرهت هذا الرجل كانه رئيس غزه صدعنا بيهم

saeid akar said...



لماذا كل هذا الهجوم على مرسى لانه لم يحضر جنازة رجل استشهد فى العيد وهو يؤنم موكبه لان برنامج مرسى يتضمن زيارة للشرقية والمبيت فى منزله والحفل كان جاهز لاستقباله والفته بالكوارع كانت جاهزة يعنى ما ينفعش يحضر الجنازة ويسيب الفتة هو مش عيد برضو يا جماعة والا اييييه

عصام أحمد said...



يعني وإذا الفته بردت اللي معموله مخصوص ده حتى لحق يروح بالطائره علشان يلحق الفته والهوبر سخنه حسبي الله ونعم الوكيل في سائقي التوكتوك الذين إنتخبوه

ساره said...



ولسه ياما حتشوفو من مضاهر التخلف الإنساني ،، مصر الحضاره بتمر في اسوأ مراحل تاريخها ، ده حتى الفراعنه كانو اكتر حضاره وشياكه ورقي من ايام بديع ورعيته إلي بيحكمو الايام السوده دي

محمد سعيد المصري said...

طبعا الشهيد لو كان من اهل وعشيرة واخوان الرئيس كان اتعملو مقام لكن مستشارين الرئيس اقنعو انه مش اخواني علشان كدة الرئيس مهتمش لانة بيتعامل مع باقي افراد الشعب بسياسة خلي الزحمة تخف ... عموما الشعب المصري يتقدم بخالص العزاء لاسرة اللواء اسامة شهيد الواجب ... تحيا مصر

محمد علي عبدالعليم said...



فعلا الرئيس شاطر جدا في الخطب الرنانه فقط ولكن علي ارض الواقع لانري سوي ارتفاع في اسعار كافة السلع واحب ان اقول الحمد لله انها مرتفعه ولكن مازالت موجوده وربنا يستر علي بكره انا الي الان لا اري اي سياسة تطبق اين خطط الرئيس للمستقبل اين كوادر الاخوان التي صدعنا بها من قبل لا اقول سوي حسبنا الله ونعم الوكيل وعلي فكره انا لست من الحزب الوطني ولا من الفلول ولا التهم سابقة التجهيز التي كلما انتقد احدهم سياستهم كانوا جاهزين بها وعلي فكره انا لم انتخب مرسي ولكن عندما اتي به الصندوق قلنا هذا قدر الله ولربما يصلح الله به الحال ولكن الي الان لانري سوي عتمه فقط ولايرد احد ويقول هو بقي له 100يوم فقط انا اتحدث عن خططه للمستقبل فقط ولكي الله يامصر

حنين said...



هو مش فاضى ياجماعه بيقضى العيد مع اهله وعشيرته وبعدين يبقى يروح يعمل الواجب اصله هو ابو الواجب