عيد بلا تحرش .. لا يصح

طبعا العادى وكالعادة مينفش العيد يمر من غير تحرش .. يوم الوقفة الناس صايمة والتقوى والورع مالى الشوارع وبعد المغرب كل شيئ راح وانقضى اللى راح يشرب حشيش واللى بيدور على مزة  واول ما يطلع نهار جديد ساحات الصلاة مليانة بالبشر وبعد الصلاة يبتدى الفرج يا للهول نساء كثيرات وعلى كل شكل ولون يلا يا شباب يا متحرشين هجووووووو م ورغم تكرر الظاهره وتفاقمها لكن  لاحياة لمن تنادى ... طبعا الظاهره الوسخة دى موجودة طول السنة وعرض مستمر لكن  برضه مش ننسى العيد فرحة وكل واحد نازل من بيته ومبيت النية واللى بيستعد من قبل العيد باسبوع وبيظبط لنفسه موقع استراتيجى بيمشى منه اكبر عدد من البنات والستات ومش مهم بقى محجبة ولا منقبة ولا حتى ماشية جوة صندوق المهم انها تاء تأنيث ... هو ده الدين يا مؤمنين ياللى بتصوموا وبتملوا المساجد .. هى دى الشهامة والرجولة ياللى بتقولوا المصريين مفيش منهم والستات بره بيتهبلوا عليهم رغم انه بيروح بره بيمشى جنب الحيط زى الكلب الجربان وان فكر مجرد التفكير انه يبص لاى واحدة بيترمى فى السجن ... فين الرئيس الاخوانى من مشكلة التحرش .. فين القضاء من تفعيل  قانون التحرش ... ولا ده عيد وموسم للمتحرشين واصبح التحرش عادة وربنا ما يقطع لكو عادة ؟! 







تعليقات

‏قال سيد صابر
هو المسائلة مش مسائلة امن المسائلة مسائلة تربية الواحد دلوقتى بيشوف الشباب حاجة صعبة جدا فى طريقة اللبس والاشكال حاجة صعبة جدا كل واحد فاكر فيهم انه سبع راجل فى بعض لو فى رقابة من البيت كان عمرنا مهنشوف الى بيحصل ده لكن الاباء والامهات فى دنيا اخرى
‏قال محمد
فى زمان كنت سمعت عن حاجه بخصوص قفل المواقع الاباحيه فين الموضوع ده دلوقتى ده سبب الكتير من المواضيع دى
ثالث حاجه كل الى بيتحرشو دول عمرهم اكبر واحد فيهم هتلاقوه 20 سنه
وده بيكون صدفه او خريج دبلوم صنايع او زراعه او اعدادى كل ده علشان لسه عقلهم مش نضج ولا اهليهم عرفو يربوهم
الحل قانون للتحرررررش الى يتمسك يتشد 3 سنين سجن بعد كده ابقى قابلنى لو حد قالهم حتى سلام عليكم
‏قال أحمد
بصراحة فيه تساهل فى أحكام القضاء فى كثير من القضايا اللى بتمس المجتمع وكمان كثير من المحامين اللى بيضللوا العدالة من ناحية تانية - البلد فى امتحان صعب وفى مهب الريح ومحتاجة تكاتف ومحاجة رجالة تشتغل من غير خوف - الشرطة تلم الصيع وتتعب وبعدين المحامين اللى معندهمش ضمير و القضاء يفرج عنهم وتعود ريمة لعادته القديمة - لازم يكون فيه ضرب بيد من حديد على أيدى السفلة والمجرمين والبلطجية - البلد مش مستحملة والوضع الاقتصادى بتاع البلد متنيل وكمان الناس فى حالة غضب من اللى شايفاه - ارحمونا يرحكم الله - وأعيدو النظر فى القوانين المتضاربة والكثيرة واللى فى كثير من الأحيان لا تكون رادعة أو طبقوا القانون لو كانت الأحكام رادعة.
‏قال ahmed
هذا هو زمن الاخوان كما يقولون فوضى وقلة ادب وعدم احترام ولسة ياما هنشوف


الرئيس تاه يا ولاد الحلال توبة يا اخوان يا فاشلين
‏قال عصام خليل


اين الاهل اين التربيه اين الامن اين الاخلاق اين المصرى كل هذا ذهب مع الثوره ولم يعد
‏قال أبو حمزة
عرض الفتيات الذين يلبسون ما يسمونه الحجاب للتحرش مما يعني أن الملابس الفاضحة سبب لتحرش
‏قال masry
واخد بالك من الحجاب و اللبس الحشم يالى دايما تقول البنات لو اتحجبت مش هيتعاكسة و البنات هية العاملة فتنة و يستاهلة و اتحجبى يالى بتتعكسى عرفتة مين المريض الى محتاج يتعالج؟؟!
‏قال ابو عمر
عفوا هذا هو شعب مصر حالياً واليكم الاسباب من وجهة نظرى
1- عدم التربية فى المدرسة والبيت .
2- الافلام والمسلسلات المصرية القذرة .
3- رجال الامن والامان ومصر بلد الامن والامان !!!!
والله المستعان على مايصفون .
‏قال غير معرف…
اول دول اطفال صغار ودول كارثه تحدث انفجارا بالمستقبل
الحل هو التربيه لا اكتر سوا منزل او مدرسه وده اشك فيه
المهم ان كتير بنسمع عن التحرش ومروف اماكنه طيب فين الشرطه و التامين وكمان اغلب البنات رغم لبسهم المحترم بس عارفين انهم نازلين مكان اغلبه عيال صغيره و يتم معاكستهم طب ليه تنزل ومحدش يقلي عشان تتفسح وعيد لانها حقها فعلا بس هي عارفه ال هيحدث
يعني عشان اتمتعواتفسح اروح اتبهدل واتعاكس وووووووووو
ربنا يسترها
‏قال عطية محمد
ده شوية عيال صغيرين يعنى الأمن مش قادر يربيهم طالما اهاليهم معرفوش يربوهم ولا خايفين للعيال دول كمان يعملوا وقفة واضراب .... لكى الله يامصر العزيزة
‏قال sonia mostafa
لافيه قدوة فى البيت ولا المدرسة ودى اللى بيقولو عليها التحرر ولو كان فيه شرطة اداب زى الاول كانو حايعرفوا ان القانون يحمى الفتيات من هؤلاء الغوغاء
‏قال بهاء هاشم
دول شوية عيال مصغرة والواد اللى لابس ابيض ده مكنش يتجاب ويقلعوه ملط ويظبطوه قدام كل الموجودين عشان يعرف ان الله حق وبعدين لو الامن ضعيف ما يتغير البلد مليانه عاطلين والاماكن العامة دى بتدخل فلوس كويسة جدا لا كل حاجه فى مصر محتاجه اعادة نظظظر مش بس التحرش
‏قال wwe
انتقلت الى رحمه الله الشهامه والرجوله المعروفه عن الشعب المصرى
لا اراكم الله مكروها فى عاده عزيزه عليكم
‏قال sameh
اذن الصور موضحة اشكال العيال دول يبقي لازم الشرطة تجبهم ولا كل سنة وانتم طييبن بقي !!!!!
‏قال اسامة
الصور بتقول ان البنات لابسين لبس محترم وليس بخليع ولا يوم من ايامك يا مبارك
‏قال محمد حسن
حسبى الله ونعم الوكيل فين التربيه والله انا نفسى الى بيعمل كده ياخد امر اعدام مش اعتقال والله الناس دى جايبه العار لينا والله احنا مش كده خالص
‏قال مون
نفسي افهم مهو العيد الى فات حصل فيه كدة مش المفرود ينزلو الامن اكتر ويكثف الحماية ولا اهم حاجة الموكب بتاعه
‏قال darsh
لماذا أصبح شبابنا بلا أخلاق ؟؟؟؟؟؟؟
لماذا يفعل هؤلاء الشباب ما يفعلونه ؟؟؟؟؟
لماذا لم يلقى أمثال هؤلاء الشباب العقاب الرادع ؟؟؟؟
لماذا تبدلت أخلاقنا من سيئ إلى أسواء ؟؟؟؟؟
لماذا يكون هذا أثر الفوضى فى بلادنا ؟؟؟؟؟
ألم يعد أمان فى شارعنا المصرى حتى لا تأمن الفتيات أن يمشين بمفردهن ؟؟؟؟؟
هل كان يوجد مثل هذا من قبل ؟؟؟؟؟؟؟
وإن وجد من قبل فلماذا أصبح كثيراً ؟؟؟؟
وإن لم يكن موجود من قبل فلماذا أصبح موجود الآن ؟؟؟؟
‏قال عربي
بصراحة انا كنت في مصر من كم اسبوع انا استغرب جدا من رجال مصر , كيف تحدث هذه الامور لبنات مصر والشباب والرجال يكونوا في موقف المتفرج , لو المتحرش يعرف انه حيلاقي حدا من الشارع يدافع عن اخوتنا البنات مش راح يسترجي يعمل ه الشي ,, حرام عليكم يا رجال مصر اين النخوة اين خير اجناد الأرض ام انقرضوا ؟؟!!! الاعدام هو الحل الامثل للبلجطية والمتحرشين ,, نسأل الخير لمصر واهلها
‏قال محمد رياض
الاولاد التى تفعل ذلك ليس عليهم اى لوم لان اللوم يقع على الاب اللى رباة ويمكن اللوم يقع على جدة اللى لم يربى ابوة

المشاركات الشائعة