صديقى العزيز .. صديقكم الوفى

امل فين خيبر خيبر يا يهود جيش محمد سوف يعود
وفين مظاهرات طرد السفير الاسرائيلى و فين كل الدوشة اللى كنتوا قارفينا بيها عن اسرائيل والصهاينة اليهود .. فين حق اخواتكو فى غزة  ودم اطفالها اللى كل يوم يسيل على ايد اليهود ؟! ده مبارك العميل الخاين اللى باع ارضنا وبحرنا وجونا وغازنا وكهربتنا وميتنا وكل الكلام اللى كنتوا بتقولوه عليه ده عمره ما بعت جواب وقال صديقى العزيز وصديقك الوفى يا وولف  





وإليكم نص الخطاب

بسم الله الرحمن الرحيم
محمد مرسي رئيس الجمهورية
صاحب الفخامة السيد شيمون بيريز رئيس دولة إسرائيل
عزيزي وصديقي العظيم..

لما لي من شديد الرغبة في أن أطور علاقات المحبة التي تربط لحسن الحظ بلدينا، قد اخترت السيد السفير عاطف محمد سالم سيد الأهل، ليكون سفيرا فوق العادة، ومفوضا من قبلي لدي فخامتكم، وإن ما خبرته من إخلاصه وهمته، وما رأيته من مقدرته في المناصب العليا التي تقلدها، مما يجعل لي وطيد الرجاء في أن يكون النجاح نصيبه في تأدية المهمة التي عهدت إليه فيها.

ولاعتمادي على غيرته، وعلى ما سيبذل من صادق الجهد، ليكون أهل لعطف فخامتكم وحسن تقديرها، أرجو من فخامتكم أن تتفضلوا فتحوطوه بتأييدكم، وتولوه رعايتكم، وتتلقوا منه بالقبول وتمام الثقة، ما يبلغه إليكم من جانبي، ولا سيما إن كان لي الشرف بأن أعرب لفخامتكم عما أتمناه لشخصكم من السعادة، ولبلادكم من الرغد.

صديقكم الوفي
محمد مرسي

تحريرا بقصر الجمهورية بالقاهرة
في 29 شعبان 1433
19 يوليو 2012

رئيس ديوان رئيس الجمهورية

وزير الخارجية
كامل عمرو




تعليقات

‏قال ali magdy
حسبى الله ونعم الوكيل فيك يا مرسى
‏قال saleem
أتى زمن الحقيقة , متى تستيقظوا من نومكم , أنه لا فرق بين مرسي ومبارك إلا في الكلام , وأن الدين لعبة رخيصة للوصول إلى السلطة , والإسلام ممن يعطي شرعية لإحتلال فلسطين والقدس براء
يا سلام لو مع الرسالة قفصين مانجو تبقي رسالة عندليب ، هي هيلاري كلينتون لما أتت مصر سافرت إسرائيل ليه ، ووفود الأخوان إللي حفيوا لأمريكا قبل الإنتخابات رايح جاي ليه ، فما خفي كان أعظم .
‏قال عبد الستار

مأزق حقيقي للمخلصين والمدافعين عن مرسي وجماعتة
معقول في كدا شيزوفرينيا......نريد تكذيبا لهذا الخطاب وعلني في جميع وسائل الاعلام ... والا فما رأى اللجان الالكترونية لخيرت بك الشاطر مهندس العملية
‏قال Amr Idrees
آه يا ولاد الكلب يا كذابين.. مش قلت لك قبل كده إنك قذرة مش محترمة.. للدرجة دى وصل بيك الإجرام والتلفيق يا شيوعية .. الله أكبر عليكم يا أنجاس
‏قال Hamdy Mostafa
البلد بلدهم ويعملو اللى همه عاوزينه واللى موش عاجبه يشوف له بلد تانيه
‏قال Paul Ramzy
الغريب العجيب ان كل المواقع نشرت الخبر وعليها جميعا خرج علينا مؤيدوا الاخوان بالشتائم القذرة لجميع المواقع والقائمين عليها دون ذكر اى دلائل على كذب الخطاب بالاضافة الى ان اسرائيل هى التى اذاعت الخبر
‏قال Salah Marz
الشتائم القذرة أصبحت سمة غالبة فى كلام وردود الإخوان اللى والله حرام حرام يتسموا مسلمين وينسبوا أنفسهم للإسلام..والحيوان اللى بيشتم .. عليه أن يوجه قاذوراته لرئيسه
‏قال John Macenley
ياريت بقي تجيبى رسايل مبارك بالمرة نشوف كان بيكتب فيها إيه ؟؟ ولا مبارك مكانش بيبعت رسايل كان فاتح الفيديو كول علي طول ؟؟
‏قال Mahmoud Wajdi
مبارك كان واضح وبيشتغل على ميه بيضه مش تسقط اسرائسل الظهر وبعد العشا صديقكم الوفى!!!!!!
‏قال Mahmoud Wajdi
اراهن ان كان رسايل مبارك فيها صديقكم الوفى ومبالغات خطباء الاخوان الحنجوريين الدجالين
‏قال Sherif El-Bergisy
لو الخبر ده صحيح"
يبقى الله عليك يا ريس .. شفتوا الدهاء السياسي يا جدعان .. الراجل ده داهية >>
.
.
.
.
.
وهيودينا معاه في ستين داهيه :S
‏قال خالد مرعى
الأشعل: صورة رسالة الرئيس لـ "بيريز" كاذبة
‏قال سامح عسكر
الصحافة الإسرائيلية تقول بأن الرسالة حقيقة وأن الإخوان كاذبون
‏قال Fady Karam
عرفتوا ليه امريكا عايزة الاخوان
‏قال Jawdat JT
يعنى اللى بيعلق يقول " ياريت تجيبولنا رسايل مبارك " .. يعنى انا أروح اسرق وارتشى وأقول أصل فلان كان بيسرق ويرتشى !!!!!! اى منطق ده اى منطق !!!! ولا هو التبرير واجب مقدس وخلاص !
‏قال فيصل محمد
هو احنا لية نقول مبارك كل شوية مش لازم نبص للماضى احنا عايزيين ننظر للمستقبل ولا لازم نبقى عبيد وملناش اى راى ونتحجج بان مبارك كان بيعمل كدا او كدا لازم نتخلى عن التبعية والعبودية ونتحرر وبعدين دايما مرسى يقول محصلش ويكون عمل يعنى متعودين منة على كدا
‏قال يامن شاهين
للي بيشكك في الرسالة... الرسالة نشرها موقع اولا الصحفي الاسرائلي... واتنشرت بموافقة من السفير المصري والحكومة الاسرائيلية
فيما نشر على الحساب الرسمي للرئيس الإسرائيلي «بيريز» على «تويتر» نص الرسالة التي قال إنها «مرسلة من الرئيس مرسي وذلك باللغة العبرية»، بالإضافة إلى
صورة الرسالة التي تسلمها باللغة الإنجليزية

المشاركات الشائعة