مين اللى قال مشروع النهضة لم يبدأ ؟ ! ليه ننكر الجميل ؟



ليه كل الناس  لما تتكلم على النهضة والـ 100 يوم يقولوا الاخوان نصبوا علينا ومفيش مشروع نهضة  ؟ عندكو حق ما انتوا عايشين فى فساد وسرقة من 30 سنة ..اقول لكو  انا نهضة يعنى ايه يا متعلمين يا بتوع المدارس 
نهضة يعنى طبق سلطه كيلو طماطم بـ 10 جنيه وكيلو خيار بـ 7 جنيه
- نهضة يعنى بنزين 90 بـ 3.00 جنيه و بنزين 92 بـ 3.25 جنيه
- نهضة يعنى خدوا قرض وشالوا الدعم
- نهضة يعنى رغيف عيش بـ 10 قروش
- نهضة يعنى أنبوبه بـيوصل ثمنها لـ 80 جنيه
...- نهضة يعنى كهرباء بتقطع وتجيلك الفاتورة الضعف
- نهضة يعنى فاتورة مياه زادت الضعف
- نهضة يعنى الزباله ماليه الشارع
- نهضة يعنى تتسرق فى عز الظهر
- نهضة يعنى حبس صحفيين قفل قنوات
- نهضة يعنى الآفراج عن الآرهابيين والجهاديين
- نهضة يعنى عمليات إرهابية وتدهور الآمن وأستباحة الحدود بسيناء
- نهضة يعنى إذاعة صلاة مرسى كل جمعة
- نهضة يعنى مشروع زواج البنت وعندها 9 سنين
- نهضة يعنى سرقة مشروعات الرئيس مبارك وينسبوها لمرسى
- نهضة يعنى إستكمال مشروع الالف قرية لـ جمال مبارك / ومشروع السيدة سوزان مبارك لحدائق الآسرة
- نهضة يعنى إنهيار الآقتصاد والسياحة والتجارة
- نهضة يعنى ترك المعابر والانفاق لحماس والقاعدة
- نهضة يعنى أتهموا مبارك بالخيانه لتصدير الغاز وهما لسه بيصدروه
- نهضة يعنى أتهم الرئيس مبارك بالربا وهما حللوا القرض
- نهضة يعنى الاخوان متنزلش لنصرة رسول الله بعد الفيلم المسئ وينزلوا لحماية السفارة الآسرائليه
- نهضة يعنى صرف بدلات لآعضاء مجلس الشعب رغم حله
- نهضة يعنى لم أهلك وأقعدوا فى أوضه واحده وألبسوا قطونيل
- نهضة يعنى دستور بلدك بتكتبة أم أيمن
- نهضة يعنى حبس مواطنين بتهمة إهانة مرسى
- نهضة يعنى وزير الدفاع يحلف ع المصحف بالولاء الكامل لمرسى
- نهضة يعنى الوصول لآقرب نقطة من معدل النمو الطبيعى 7% بعد أربع سنين اللى عمله مبارك من سنين
- نهضة يعنى اللى يعارض مرسى كانه بيناطح إرادة السماء لانه مؤيد من الله
- نهضة يعنى لازم يكون عندنا " برنامج " ينافس جوجل !! اللى هو الموقع يعنى !!
- نهضة يعنى مش لابس قميص واقى بس بصلى وحوليه الحرس بتوعى
- نهضة يعنى يسيبوا مشاكل مصر ويمسحوا الجرافتى !!
- نهضة يعنى زيادرة أسعار الرز يرفع تكلفة الدولة 800 مليون جنيه
- نهضة يعنى مرسى يصدر قانون التأمين الصحى للآطفال قبل سن المدارس وتكتشف إن الرئيس مبارك طبق القانون من 2010
- نهضة يعنى خروج الفتيات للدراسه حرام
- نهضة يعنى متمشيش مع خطيبتك علشان جماعة الآمر بالمعروف لو شافوك هيقتلوك
- نهضة يعنى مرسى ميروحش عزاء شهداء رفح ويكتبلهم " أبنائى الآعزاء
تمنياتى لكم بالتوفيق والنجاح "
- نهضة يعنى مذيع التلفزيون المصرى يوصف دموع مرسى على الشهداء وهو مجاش الجنازة أصلاً
- نهضة يعنى مرسى يصدر قرار بإلغاء الحبس فى قضايا النشر اللى مبارك
أصدره عام 2006
- النهضة يعنى تتفتش وتصلى بره الجامع علشان سيادته بيصلى جوه
- النهضة يعنى قفل قنوات المعارضه وترك قناة " التت "
- نهضة يعنى مرسى يمنح نفسه كافة النياشين والاوسمة على ايه متعرفش !!
- نهضة يعنى التليفزيون المصرى يستضيف محلل سياسى إسرائيلى
لآول مره فى التاريخ المصرى ليحدثنا عن أحداث رفح وكأن المحللون المصريون أنقرضوا
- نهضة يعنى زوجة مرسى تعزم قرايبها فى كبينة الملكة نازلى بالمنتزه
- نهضة يعنى المرشد والشاطر جوه القصر !!
- نهضة يعنى " ليس لديهم برنامج واضح ومحدد لمشروع النهضة "
وسلملى على النهضة

تعليقات

‏قال gody
النهضة فقر وديون
‏قال Talal
حسب اللة ونعم الكيل فى الاخوان
‏قال يحيي رسلان
واين نهضة مصر التي بداها العلمانيون من مائة عام
لم نجن من نهضة العلمانية التي بشر بها اسلافكم الهالكين الا الخراب والفقر والامية والانحلال الخلقي باسم الفنون.. تحالف العلمانية والعسكر بدعم الغرب وتجنيب الدين وخاصة الاسلامي من مناحي الحياة ادي في النهاية الي ثورة مكنت جزئيا الاسلاميين من صدارة المشهد وسنري قريبا خفوت صوت العلمانية بعد تاسيسية الدستور وتشكيل حكومة من الاغلبية المنتخبة وستكون حتما اسلامية رغم انف الحاقدين
‏قال غير معرف…
هو محمد على كان إخوان مسلمين ولا إيه يا عم رسلان
الحاج د بيقول وأين النهضة اللي عملها العلمانيون من مائة عام .. وده طبعا كلام لا ينم إلا عن جهل مستفحل فمحمد على مثلا باني نهضة مصر الحديثة اللي أستمر أثرها حتى العشرينيات علماني الفكر والتوجه وجمال عبد الناصر الاشتراكي رغم اختلافنا معاه كان يساري اشتراكي وحتى أردوغان اللي عمالين تتنططوا بيه قال أن الدولة لازم تبقى علمانية وأن نهضة تركيا نهضة علمانية
أنتوا بقى لا بتشوفوا ولا بتسمعوا ولا بتقروا وعايشين في الكهف بتاكوا بترددوا أكاذيبكو وبس ..
‏قال هبة
بجدحرام.البيتعمل.فينااحناواولدناتعبناخلاص.مفيش.سكن.مفيش.فلوس.مفيش.وظايف
‏قال mohamed elsodany
نفس الذي يحدث ولا زال يحدث في السودان من 23 سنة
ماهو معروف ان الاخوان منافقين وكدابين وعمرهم مافوا بوعد وكلامهم كله كدب ايه الجديد يعنى مبروك على مصر الحزب الوطنى الاخوانى
‏قال صادق
المفروض ....يغيروا شعار المشروع من النهضة إرادة شعب للنهضة ألبس يا شعب
‏قال غير معرف…
من أين سيأتي الاخوان بالتمويل لمشروع النهضه ؟
‏قال أبوصلاح
ده اسمه مشروع النصبة ومصر بعد 100 يوم بقت أنيل ....كحكة يتم تقسيمها على اللئام و مهما كانت المبررات أتضح وده شئ معلوم من البداية أنة لا يوجد مشروع ولانهضة ولا يحزنون بل مجموعة أرهابية من حملة المقطم الألكترونية ومحاميهم وترزية قوانينهم وجحافلهم الذين لايطبق عليهم القانون وحماسهم اللى قتلوا جنودنا هم والمفرج عنهم بعفو الرئيس المبجل وعايز يديهم جزء من سيناء
‏قال احمد
علي اساس مشروع النهضة ترشح محمد مرسي . و علي اساسه صوت له ملايين من غير الاخوان .. الرئيس لم يقل ان مشروع النهضة ليس نهائيا و انه سيكون مطروحا للحوار المجتمعي .. يا من انتخبتم الاخوان في البرلمان و الرئاسة ماذا انتم فاعلون ؟؟؟
‏قال غير معرف…
دول ميكيش من وراهم خير هي الحداية بترمي كتاكيت ؟
مبروك على الشعب المصرى مشروع النهضة وطائر النهضة ورئيس النهضة الشعب المصرى اللى عامل فتك اجدع شعب يتنصب علية مسكين هذا الشعب يطلع من نقرة مبارك ليقع فى بئر الاخوان والسلفيين مع العلم ان الخروج والثورة على مبارك كانت اسهل من الخروج من البئر سيكون مصير مصر والمصريين دم مثل سوريا وليبيا اذا حاولوا التخلص من الاخوان والسلفيين ولكن هذا اعظم درس لهذا الشعب ليتوقف عن السذاجة والانخداع بالشعارات الدينية
‏قال Mero
طلعى على تصريح ياسر على متحدث الرئاسة عندما قال مشروع النهضة مشروع فكرى مش مشروع اقتصادى ياريت ناخد بالنا فى الانتخابات القادمة للمجلس اذا كانت هناك انتخابات و ربنا يستر من أحمد مكى.
‏قال غير معرف…
فعل الكثير..وتجاوز الحدود..ولم يخش الله..ونسى بشريته.. وطمع فى الألوهية..(نستغفر الله من ذلك)..وحكم على شعبه بالفناء...فقطع الرقاب..وبتر الأطراف..وفجر الجماجم..وفقأ العيون..وأحرق الجلود..وشوه الوجوه..وحطم العظام..وعبث بالعباد..أدعو عليه.. ولتدعوا عليه معى..ذلكم هو.....(بشار الأسد)أو هو...(نذير الشؤم)أن يسلط الله عليه..أسود الأرض مجتمعة..ويجعلها تطحن عظامه..قبل أن تنهش لحمه...وتتبول فى فم.

ه... وتبصق فى أذنيه...وتعبث فى مؤخرته...وقبل هذا وذاك... تمزق له ثيابه..وتعرى جسده..وتجعله عريانا... بلبوصا..ونراه وهو يتألم...وهو يقول:..آه...آه...آه...ثم آه...ويلطم خديه...ويقول:ياليتنى.... ما فرطت فى شعبىولقد كنت اتقيت الله فيه.... وسهرت على خدمته...فأنا لست رئيساإلا به...أما الآن فالعدالة تقتضى..أن أترك مقعدىلغيرى...ليعدل.
بينهم...(الحاج محروس محروس محمد اسماعيل).....من علماء الأزهر.....على المعاش.
‏قال د.حازم عبد العظيم…
أي عضو في التاسيسية سبب وجوده هو انتخابه من اعضاء باطلين قانونا ! يعني شرعية وجوده في التاسيسية منعدمة ! ما بني على باطل فهو باطل!
‏قال خالد فرج
في قريتنا بمحافظة الفيوم لم نشهد تفاقم لأزمة البوتاجاز حتى في عصر الهكسوس ، أقصى ما كنا تعاني منه هو ارتفاع سعر الأنبوبة إلى 15 جنيه ، أما الآن فلأول مرة منذ أكثر من ثلاثين سنة يمر يوم الجمعة الذي كنا نطبخ فيه ــ يمر دون أن نطبخ أو نشرب أي مشروب ساخن بسبب عدم وجود البوتاجاز ، ما جعلنا نترحم على أيام الرئيبس حسني مبارك ، أما القمامة فزاد عليها أنهم أصبحوا يحرقونها بالقرب من منازلنا حتى نكاد نختنق ، قلنا من قبل عن وزارة هشام قنديل أنها بداية الفشل ، محافظ الفيوم لا يقوم بأي مجهود لحل مشكلة البوتاجاز أو القمامة ــ على الأقل في قريتي ؛ قرية طبهار ، شكرا
‏قال Abn Elheta
أغلبية اللجنة التأسيسية اخوان وسلفيين واتفقوا ان يضعوا بند فى الدستور كى يحق لمرسى ان يكون رئيس لمصر لمدة 4 سنوات قادمة مع ان الأعلان الدستورى بتاعهم اللى بيقول نعم يدخل الجنة هذا الاعلان الدستورى ينص انه بعد كتابة الدستور يعاد انتخاب رئيس الجمهورية وأعضاء مجلس الشعب ------ايه راح تعملوا زى مبارك وتعينوا مرسى رئيسا لمدة 4 سنوات غصب عن ابونا -----كلكوا زى بعض سواء زمن مبارك او زمن الأخوان ثورة الغلابة قادمة

ملحوظة : اللجنة التأسيسية غير دستورية والمحكمة ستحكم بهذا
‏قال غير معرف…
doudoune moncler
Blogger: قطه الصحراء - Post a Comment

المشاركات الشائعة