يوم 24 اغسطس و 25 كمان علشان الحبايب

نولت يوم 24 اغسطس زى كل مصرى محترم بيحب مصر ، زى كل مصرى محترم رافض لاخونة الدولة وقلة الادب  والبلطجة والارهاب وفرض السطوة 
الاعلام كالعادة لعب لعبة قذرة جدا  نفس اللعبة اللى عملها فى 25 يناير لما كان مسلط الكاميرا على كوبرى اكتوبر راح جايب شوية ناس واقفين فى جنب وقالك شوف  يا حرام مفيش حد نزل ... فى حين ان اماكن التجمعات كانت تقريبا 5 اماكن .. المنصة وضريح عبدالناصر وروكى وقسر الاتحادية وصلاح سالم .. الناس دى لو كانت اتجمعت على بعض كانت اصبحت مليونتين مش مليونية واحدة  .. وطبعا مش نسيت اجيب لكو صور العشرات من قلب الحدث نياهاهاهاها


اكتر صورة وجعت قلبى .. صورة لابو شهيد من شهداء رفح ولما طلبت اصورة طبعا وافق بكل ترحاب
وبما ان عصام العريان نسى يتغطى قبل ما ينام فتقريبا عملها على نفسه قام  شاف فى الحلم ايه بقى اللهم اجعله خير ان الاقباط بس هما اللى نزلوا المظاهرات ..  وكويس انى صورت الشيخ ابو العزايم شيخ الطريقة الصوفية وهو بيقول كلمته اللى اشعلت حماس المتظاهرين علشان احطها فى عينه واقوله يا عريان يا عريااااااااان المصريين من مختلف التيارات  كانوا موجودين
  



تعليقات

‏قال غير معرف…
Outstanding quest there. What occurred after? Thanks!
Review my website : my article site pro
‏قال غير معرف…
Greetings! Very useful advice in this particular post! It's the little changes that produce the biggest changes. Many thanks for sharing!
Also visit my web page my blog joomla
‏قال Gogo
مع الميليونيه وأهدافها بكل ما تحتوي
من مصالح لمصر والمصريين الفعليين
اللي بيحبوا مصر بجد اهداف المليونيه
لكل المصريين وكنا كثيرين اكثر من اثنين
مليون موش 200 زي مقالت الصحافه
الواليه . وسوف نتذايد كمان وكمان طالما
طلباتنا لن يستجيب لها حتي تشمل مصر
كلها
‏قال amir mohmmed
الشعب يريد اسقاط الاخوان
‏قال اميره
يسقط مرسي وحكم المرشد يسقط الاخوان من دائره الاوهام
لما كان الحكم فى بيكون فى طاعة المرشد العام طب ليه مارشحش نفسه.
(نحن فى زمن الفتنه ) ( اذا كان محمد مرسى كويس يبقى مصر فى خير وذلك من عند الله واذا كان سئ فذلك من اختيار المصريين 13000000 )
‏قال اشرف محمود
يسقط حكم المرشد
يسقط حكم المرشد
يسقط حكم المرشد
‏قال keng semo
لسة ياما هنشوف مشى واجد جة مليون واحد اشرب ياشعب مصر مش دة اختيارك فين حل مشاكلنا دول تجار دين عرفوا يضحكوا عليكو بالهنا والشفا
خللى السكينة سرقاكم ,لما تروح شغلك الصبح 1-تصحى من النوم على صوت منبه (إجبارى علشان متوصى عليه برنه واحدة) يقوللك قوم إنت نايم وفية عذاب وجنة ونار وعذاب قبر 2-لما تغسل وشك بصابونه إسمها صابونة الشاطر وتصرف إجباريا ب80 جنية 3-لما تلاقى الصور اللى ف شقتك متشالة ومحطوط مكانها صور مرسى والمرشد 4- لما تلاقى كل هدومك جلاليب قصيرة حسب تعليمات السلفيين وطبعا الاخوان وافقوا علشان أصوات السلفببن تبقى لمرسى فى انتخابات 2016, 5-لما تنزل الشارع تلاقى مخبر يجرجرك ع القسم علشان حالق ذقنك 6-وإذا كنت سايب ذقنك وركبت أتوبيس تلاقى الكمسرى يقولك طلعت برجلك الشمال ليه إنزل 7-ولوركبت تاكسى والسواق مشغل أم كلثوم مثلا تلاقى أمين الشرطه سحب الرخصة منه ويقول له لازم 24 ساعة أدعية دينية 8- ولو وصلت الشغل بسلامة الله تلاقى رؤسائك وطبعا كلهم إخوان وسلفيه يحاسبوك صليت العشاء إمبارح فى البيت ولا الجامع (مش مهم الشغل) ولوكذبت وقعتك سودة أمن المرشد هيبلغهم طبعا تحركاتك
‏قال gana
هل تعلمون انه لا احد افصح حتي الان عن قتلة الجنود في رفح و ان اهاليهم ينتظرون البشري اللتي تم التعتيم عليها الي الابد
هل تعلمون انكم انتخبتم من قتل اخوانكم من الثوار يوم 28
هل تعلمون ان سيناء تباع بلا ثمن لحماس
هل تعلمون ان المعابر فتحت للقتلة المجرمين للفرار بعد ان اتموا مهمتهم و قبضوا الثمن
‏قال william
الشعب واخد بنج وهيفوق بعد فوات الاوان. هيلاقى الأخوان سيطرو على البلد كلها وساعتها الخروج مش هيجيب نتيجة لأن خلع الأخوان أصعب بكتير من خلع حسنى مبارك
‏قال السروى
يا اخوان يا قلتو حنحكم بشرع الله اين شرع الله الذى طبق فى البلكيمى و الشيخ ونيس وقتله طالب الهندسه فى السويس ولكن اذا طالكم الشرع فقليل من الماء يطهره اين سرع الله وانتم تهاجمون وزاره الداخليه و الدفاع اين الوعود التى اخذها الرئيس على نفسه و الشرع يامر بوفائها
‏قال ريتاج محمد
من يطالبون بالثورة خائفون من استيلاء الاخوان على مقاليد البلد وتعاد الكرة مرة اخرى بمسمى جديد من حزب وطنى قديم لحزب حرية وعدالة حزب اسلامى جديد هم عايزين رئيس لكل مصر وليس رئيس لحزب بعينة او لفئة معينة
‏قال mahmoud .k1166
حسبى اللة ونعم الوكيل فى محمد مرسى والاخوان هم الطرف الثالث
اين المظاهرات والاحدث الدموية التى كانت تحدث فى القاهرة قبل وصول محمد مرسى الى الحكم
‏قال اسلام درويش
لا ادعم العنف فى اى مظاهرات ولا انكر حق اى فرد فى البلد فى التظاهر السلمى ولكن تجارة الدين اصبحت مزدهرة جدا فى بلاددنا وكما قال الامام محمد عبدة منذ اكثر من مائة عام وحتى الان : لم ارى دكانا يباع فية الدين مثل هذا البلد
‏قال احمد حسن
كل المساجد اللى تبع الاخوان راحوا يقولوا ديه مش مظاهره عاديه دول ناس جين يخربوا البلد ده فى كل المساجد الشيوخ بتكدب على الناس معقول الكلام ده انا سمعت شيخ مسجد يقول حرام المطاهرات ديه مافى ديمقراطيه فى مصر خلاص

المشاركات الشائعة