حصاد رمضان 2012 وعيد سعيد


انتهى رمضان وترك لنا العديد من الآلام والآمال 
ففى أول ايام رمضان فقدنا البطل الذى اذهل العالم بدهائه واخلاصه وإمانه بوطنة وتفانية فى حب الوطن  الجنرال عمر سليمان 
وفى النصف من ذات الشهر استشهد خيرة شباب الوطن من يسهرون على امننا وحمايتنا  16 من ضباط وجنود مصر البواسل استشهدوا بايد الغدر والخيانة والخسة والانحطاط بمباركة اهل وعشيرة من سرق  كرسى لا يقدره الا الاوفياء والانقياء والاطهار والقادرون على حمل لواء الوطن والعبور به الى بر الامان 

انتهى رمضان وانتهت معه الدراما بشتى انواعها والبرامج  والسهرات الرمضانية التى  تطالعنا من العام للعام
فمن المسلسلات  التى تستحق جائزة افضل مسلسل فى رمضان 
مسلسل كاريوكا بل هذا المسلسل يستحق الاوسكار عن المجهود الرائع المبذول من فريق العمل وخاصة الفنانة وفاء عامر فى اصعب مشاهد  من الحلقات الاخيرة التى ابكتنا جميعا بوفاة الفنانة الراحلة تحية كاريوكا 
يليه طرف ثالث   المسلسل الذى يحكى عن ثلاث من الشباب   كان بيستخدمهم الكبار فى اعمال  منافية لكل الاعراف والقوانين لكن كانوا اخوات مش بيتفارقوا جدعان ورجالة مع بعض عايشين فى حارة واحدة مفيش فرق بين اهل واحد والتانى ولما حبوا يعيشوا نضاف اتفرقوا واحد اتقتل والتانى فى السجن الخطأ لا يتجزأ لكن الشهامة برضه مش موجودة فى الايام  اللى كلها سفالة وخيانة من اقرب الناس والله اعلم مصر هتوصل لايه 
الخواجة عبدالقادر  من خلال الحلقات اللى شوفتها اقدر اقول ان المسلسل ده رائع بكل  جوانب الحب والانسانية اللى فيه درس لكل معانى الحب الجميلة شابو للفنان يحيى الفخرانى والمبدع شادى الفخرانى 
الاخت تريز تابعت بعض الحلقات ادت المسلسل بكل براعة الفنانة حنان ترك ابرزت الصورة المتعصبة للمتطرفين من الجانب المسيحى والمسلم مين يهمه يولع البلد ومن يهمه ملف الفتنة الطائفية مش يتقفل ومين اللى عايز يخرب مصر 
من البرامج الجميلة فى رمضان 
الحكم بعد المزاولة - فيلم هندى يا ساندى - مراتى فى ورطة 
بالنسبة للاعلانات
فاعلانات موبينيل تستحق جايزة احسن اعلان ويكفى انها اول اعلان يستخدم اللغة النوبية علشان الناس تعرف ان النوبيين مصريين لا هما جالية ولا مستعمرين 


تحية لكل فنانينا العظماء اللى امتعونا على مدار الشهر وكل صاحب فكرة وصلت للناس من القلب ووصلت لهم رسالة حب وامل للقلب وكل سنة وكل كائن حى فى شتى بقاع الارض بالف خير وعيد سعيد على الجميع


تعليقات

‏قال محب مصر
كب سنة وانتى طيبة يا قطتنا ويارب عيد سعيد عليكى وعلى الناس كلها
مسلسل باب الخلق والزوجة الرابعة كانوا ممتازين
بصراحة رمضان السنة دى كان فيه كمية دراما اكتر من ممتازة
‏قال ali
ناجى عطا الله يا قطة هو كمان كان بيوصل رسالة واعلان بيبسى
‏قال محمود علاء
اخر مشاهد من كاريوكا كانت السهل الممتنع تحياتى لوفاء عامر
‏قال متابع
عمر الشيخ وشادى الفخرانى نماذج لمخرجين شباب قمة فى الابداع فعلا مصر ولادة
‏قال سمير سرور
سمعت ان اسرائيل رافعة قضية علشان فرقة ناجى عطا الله ده معناه ان المسلسل فعلا نجح وبشدة
‏قال بابا
كل سنة وانتى قطة جميلة بتنونوى فى الحق وللحق
كل سنة وانتى طيبة وربنا يعيد عليك الايام باليمن والخير والبركات
‏قال حسام
مسلسل ناجى عطا الله عامل قلق لنتيناهو شكلهم زعلوا ان الفلوس راحت الصومات ههههههههه
‏قال mido
مسبسب سر علنى والزوجة الرابعة واعلان بيريل حلوين
‏قال ahmed rady
عيد سعيد يا قطتنا وربنا يرجع لنا مصر بالسلامة
‏قال غير معرف…
ناجى عطالله جايزة احسن مسلسل
اعلان بريل
‏قال مهاب
كل سنة والفن المصرى بخير
‏قال رامز
عيد سعيد يا حنان

المشاركات الشائعة