Desert Cat Search
قطه الصحراء: طلب من اخوانا فى غزة

Tuesday, July 31, 2012

طلب من اخوانا فى غزة

يا اهالى غزة الكرام يا اهل وعشيرة  المووورسى رئيس جماعة الاخوان المنتفعين وليس رئيسا لجمهورية مصر العربية الجمهورية المحترمة التى هى اكبر واعمق من ان يحكمها استبن ننشادكم ارسال الشمع اللى كنتوا بتستخدموه لما الكهرباء كانت بتتقطع عندكو .. بما ان المووورسى رئيس جماعة الاخوان حالف مليون يمين انه يخلى مصر تعيش فى الظلام ليل ونهار .. وبما اننا كنا بنهرب لكو السولار عبر الانفاق والنهاردة بتاخدوه جهاراً نهاراً فى وضح النهار وبتروح لكو العربيات محملة بالاطنان فى حين ان لتر السولار فى السوق السوداء فى مصر وصلت قيمتة لاربعة جنيهات واللى مش معاه فلوس للسوق السوداء بيروح يقف فى الطابور من اذان الفجر ويفطر ويتسحر وهو برضه واقف فى نفس مكانه فى نفس الطابور فالجيران لبعضيشها وردوا لنا الجميل انتوا بتاخدوا السولار 
 بتاعنا بنفس راضية وفاتحين لكو مصر على مصراعيها بدون تاشيرات ولا كوبونات ولا جوزات ولا اى اجراءات من رئيس الاخوان وعلى استعداد انه يبعت لكو اكل وشرب ولبس الشعب المصرى ويموت الشعب من الجوع والعطش ويعيش عريان فانتوا ممكن تعتبروا الشعب المصرى اخواتكو فى الانسانية وتبعتوا لهم الشموع وشوية سولار مش عايزين اكتر من كدا .. قلتوها من قريب اللى عمل النكسة المصرية الاخوان بمساعدة حماس ولازم اهل غزة يستفيدوا من الثورة فالراجل مش مكسر لكو كلمة بس معلشى يعنى انتوا طلبتوا تستفيدو من الثورة مش تاخدوا قوت المصريين الرحمة حلوة يا حمساوييين

13 comments:

الباطش said...

مرسى استلم مصر علشان ينور غزة ويضلمها علينا منك لله يا مرسى

ايمان said...

يا اهل غزة كنتوا بتخزنوا الاكل ازاى اصل الاكل بيبوظ مننا فى التلجات وفى ناس اصحاب اكشاك اكل وده اكل عيشها الناس دى بيوتها بتتخرب

غزاوى اصيل said...

والله يا اخت قطة انتى ما عندك دم فيها ايه لما الكهرباء تتقطع عندكو شوية احنا ياما عيشنا فى ظلام مستكتره علينا شوية نور الله يبارك للرئيس مرسى فهو رئيس لمصر وفلسطين ويوم تنصيب مرسى رئيس عمت الافراح والحفلات والسهرات كل حى ومنزل بارض غزة احنا اخوات واهل ولازم نتشارك كل شيئ عمرنا ما حقدنا عليكو واحنا عايشين فى الظلام وانواركو واصله لنا من عبر الحدود ما فيها شيئ تجربوا شوية والناس لبعضها

احمد خيرى said...

احنا النور بينقطع بالسبع ساعات متوصلة من الساعة 7 ليلا الى 1 و 2 الصبح يوميا

ابو امين said...

خلال العام وتصف الماضى لم يكن هناك اى انقطاع للكهرباء او للمياه وفجأه من بعد انتخابات الرئاسه لافيه ميه ولا نور هو الشعب دائما هو ضحيه الصراعات حسبنا الله ونعم الوكيل

mohamed said...

ارفتونا فانقطاع الكهرباء اصبح الان بشكل يومى بل واكثر من مره فى اليوم الواحد ولساعات طويله وهذا الكلام صحيح ماذنب الاطفال

حسام said...

يبتاع غزة يا غير محترم تصدق انت اللى معندكش دم انت عايز تاخد الكهربا والسولار واكلنا وشربنا وتقولنا جربوا ما تروح يا عين امك تاخد من اسراءيل ولا اسراءيل اخواتكو واحنا حرام علينا حاجتنا وحلال عليكو

amirgren said...

عيب قوى الكهرباء تنقطع الموضوع ده خرب بيتنا اثر على الاجهزه الكهربائيه اللى حيلتنا واحنا ناقصين ماكفايه اللى احنا فيه نحاسب مين عوضنا على الله وكأننا لسه نفس النهج القديم ياجماعه اسكندريه نتيجة البناء العشوائى سوف تصبح بركة مجارى

احمد شوقى said...

لنا اسبوعين فى الاسكندريه النور بيقطع بشكل يومى لمدة ساعتين و امبارح و اول امبارح انقطع بعد الضهر ساعتين و بيقطع بعدها ايضا الساعه 7 مساء لمدة ساعه و نص و انا من باكوس فى الاسكندريه و اللى بيحصل ده خلى الناس وصلت لمرحله مش تمام و فاضل شويتين كده و هنطلع كلنا كمواطنين على شركة الكهربا نكسرها لو فضل الوضع كما هو عليه لان فى عز الحر ده بيموتونا و احنا اصلا مشغلين المراوح بتجيب هوا سخن فما بالك بقى بيخلوها ضلمه مع حر يعنى قسما بالله فاضل شوتين و هنطلع نخليها ضلمه على الكل فقير و غنى .. اه ما هو مش بتوع التكيف فى المناطق المرتاحه يعملو ضغط على الكهرباء و احنا نموت من الضلمه مع الحر لاء مش هيحصل.. فين العداله الاجتماعيه يا دكتور مرسى ..؟؟؟؟؟

لو المشكله بسبب التكيفات تقطعو الكهرباء على المناطق الراقيه مش على الفقراء لانهم ملهمش ذنب بخلاف ان قطع الكهربا ده بيسبب ان الاكل فى التلاجه بيبوظ يعنى هتبقى ليله ابوكو سوده قريب شكلها

مصرية مطحونة said...

ازعم انى اسكن فى منطقةيعنى ليست فقيرةوهذاارث وليس ثراءمنالكن الكهرباءتنقطع كثيرا والاسواانهاتنقطع احيانااكثرمن مرةوتعودخلال اقل من ساعةوهذااكثرضرراللاجهزةلكننانشعر بنفس متاعب الناس كلهااكوام القمامةتحاصرناوالرائحةالكريهةوالاسعاروووووووالتحرش القذر على محطةترام الجامعةفى عز النهاروالله بخاف جدا واتمنى ان يتقى الناس الله ويخافون يوما يقفون فيه بين يديه سبحانه

محمود said...

المناطق المتوسطة والفقيرة هما المظاليم علشان الاغنياء يتكيفو على مزاجهم لو الكهرباء مبطلتش تقطعها كل شعب مصر هيعمل اضراب عن دفع حقها لانها ليست بلخدمة المطلوبة كما انها خدمة مدفوعة الاجر ولذالك يجب ان تكون 24 ساعة

مواطن شقيان said...

حد يبلغ الاخوان يبلغوا مرسي يعملنا اي حاجه حرام الي بيحصل ده الشعب ملوش اي زنب في الصراعات السياسيه اغيثونا لا ماء ولا كهرباء

nohaa said...

ربنا يدبر الامور بالخير