تحذير هام للمصريين

تحذير هام للمصريين...........!! لما يكون مجلس الشعب اخوان ومجلس الشورى اخوان والجمعية التأسيسية للدستور اخوان وكمان عايزين الرئيس اخوان......!! يبقى فيه سؤال مهم جدا........؟؟ مين هيعارض مين.......؟؟ ومين هيراقب مين........؟؟ ومن سيحكم مصر.........؟؟ المرشد العام لجماعة الاخوان ولا رئيس حركة جماعة الاخوان ولا رئيس حزب الحرية والعدالة ولا رئيس البرلمان ولا مين بالضبط.............؟؟ اكلم مين لما احب... اخاطب مصر يا سيادة المرشد........!! نكتة ولكنها نكتة مخيفة جدا كده هنتحول لايران جديدة واللى هيكلم او يعارض يبقى بيعارض الشرع والدين ويكفروه وبعدين يقام عليه الحد يعنى يقتلوه لسه برضه عايزين الجماعة تحكم مصر دول غير جديرين بثقة الشعب اللى وصلتهم للبرلمان شعب مصر مش هينضحك عليه تانى بشنطة (زيت وسكر )............ كله يعمل شير عايزنها توصل للمرشد شخصيا
ودى حادثة صغيرة كدا على الهامش حصلت من زمان بس عايزة افكركو بيها
هى حكاية مش جديدة يعنى مش امبارح او اول هى كانت من شهر .. ولكنى استعيدها هنا الان لنضع امام اعيننا سلوك من يمثلون رموز الجماعة ويتعشمون ان يكونوا اولاد الريس .. اذا كان ده تصرفهم ساعتها امال لو لا قدر الله ابوهم نجح وبقوا ولاد الريس بجد حيعملوا فينا ايه.. اذا كانوا عملوا كده فى ظابط شرطة امال لو مصلحتهم تعارضت مع مواطن عادى حيعملوا فيه ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟ خسئتم وخسرت اعمالكم يا من تتاجرون بالدين وتتدارون خلف عبائته وهو منكم ومن افعالكم براااااااااااء
___________________________________________________

محمد مرسي في قسم أول الزقازيق أثناء التحقيق مع إبنه بالتعدي بالضرب علي ضابط الشرطة والذي انتهي بالصلح والتنازل من الضابط
........................................
ضابط الشرطة محمد عبد الله بالقطع أثناء تأدية عمله فى احد الأكمن الليلية بفحص السيارات والبحث عن السيارات المسروقة والأسلحة المهربة، لم يكن يعرف أنه سيصطدم بأشخاص لا يعرفهم على وجه اليقين، ولكنهم أصحاب السلطة الجديدة فى البلاد، فلم يكن مقبولاً وقوفهم فى دورهم فى الكمين لفحص السيارات ، ولم يكن مسموحاً سؤالهم عن سيارة يركبونها بدون أرقام. أبناء مرسى ويشاع أنهم يحملان الجنسية الأمريكية حيث ولدا أثناء دراسة والدهم لدراسة الدكتوراة فى أمريكا، ورغم كونهم طبيب و مهندس ويشاع أنهما يحملان الجنسية الأمريكية- إلا ان التعليم العالى والثقافة الأمريكية لم تتشرب داخلهما وتلزمهما بالإلتزام، لأن وهج السلطة الجديد سيطر عليهما.

الأسرة – أسرة مرسى- كانت تستقل سيارة بي إم 318 من غير أرقام وبصحبتهم السيدة والدتهم في مدينه الزقازيق شارع القوميه الساعه 11 ليلاً و معاهم جيب ليبيرتي سوداء فيها 3 حراسة ماشيين خلفهم.

و تصادف وجود حملة أمنية و مرورية ورفض أبناء مرسى انتظار دورهم على الطريق وخرجوا من الصف وراحو قدام الظابط و قالوا له افتح الطريق يا ابني

الضابط صاح فيهم طالباً منهم الوقوف وإظهار رخص السيارة، و سأل فين أرقام العربية

لكن هذا لم يعجب الحراسة التى نزلت من السيارة وأشبعوا الضابط ضرباً وشتموه بألفاظ قذرة ، الضابط بعد انتهاء عمله حرر محضراً بالواقعة وتم استدعائهم للنيابة
وقامت النيابة العامة بتوجيه اتهام الاعتداء على موظف عام أثناء تأدية عمله وتم حبسهم 48 ساعة تمهيداً لمحاكمتهم .

خلال هذه المدة تعرض الضابط الشاب لضغوط شديدة الشديد من المحافظ و مدير الأمن لكى يتنازل عن بلاغه ضد أولاد الرئيس!

وقد تعرض محمد عبد الله – الضابط المعتدى عليه- لتهديدات لكى يتنازل عن المحضر لدرجه تهديده بالنقل إلي العريش و عدم تثبيت زوجته المدرسة التى تعمل بعقد مؤقت في المدرسة الثانوية بنات بالزقازيق!!

بل وصل الأمر إلي تكسير كافيه اسمه أليكس يمتلكه أخو الضابط علي يد بلطجية من رجال الإخوان
http://www.alarabynews.com/?p=29381
 ونرجع تانى لابو الفتوح 
وده كلام استاذ طارق حجى

"مع كل الإحترام للسيد عبدالنعم أبو الفتوح ، فهو "إخوانجي" بنسبة 100% وكل ما فى الأمر أن طموحه الشخصي تجاوز إلتزامه الحزبي ... ولكن تكوينه الفكري والسياسي والثقافي كله "تكوين إخواني" . ومنذ أن أطلق على إبنه إسم حذيفة وللآن ، فهو إخوانجي صرف .... وليس فى هذا عيب. ولكن العيب أن يأتي أشخاص ناقصوا الخبرة السياسية ويصفون السيد أبو الفتوح بأنه يقف فى وسط المسافة بين الليبراليين واليساريين... و...بين الإخوان ! ف...هو قلبا وقالبا "إخوانجي". وفى إعتقادي أن الهوية المصرية ذات الرقائق المتعددة (المصرية القديمة + المسيحية + الإسلامية + العربية + وأخيرا مصر الحديثة التى أسسها محمد علي) ستتحطم إذا وصل السيد أبوالفتوح لحكم مصر ، كما أن مصر ستكون فى قبضة الإخوان من كل جانب وسينعكس ذلك (سلبيا) على كل أحوال مصر وأولها الأحوال الإقتصادية.
 =========
فكر واختار بلدك 
مش تبيع نفسك ب 100 جنيه ولا كيلو زيت وسكر 
فكر فى ولادك ومستقبلهم  اختار الصح 
نعم لفريق احمد شفيق

تعليقات

‏قال naser naser
نعم للفريق شفيق
ربنا يوفقه ويكون من حظنا
‏قال مواطن مصرى
أحمد شفيق الرئيس القادم بإذن الله...........
‏قال محمد
ان شاء الله شفيق
‏قال مصري
من كل قلبى بادعى ربى ينجحك يا سليل الاشراف

نعم للرجل الطاهر احمد شفيق
على الاقل ولادة لا امريكان ولا بلطجية
‏قال أحمد سويلم
احد شفيق هو احسن الوحشين وقد يكون فى انتخاب البعض لة عقابا للجماعات التى تطلق على نفسها اسلامية فى حين ان الاسلام برىء منهم فلم يامر الاسلام بالرشاوى مثلا من زيت و سكر و اخيرا اقراص ترامادول يا للعار ارى انة لو صعد الاخوان البعدة سيندم الشعب على هذا الاختيار اللعين السنوات المقبلة
ولا عزاء للمرسى
‏قال queen
اللهم إجعل هذا البلد آمنا يا رب الفريق أحمد شفيق يفوز
هذا الرجل ذادت شعبيته بالامس لدرجه كبيره فوق الوصف لدرجه ان اصدقاء لى من من كانوا ذاهبين لترشيح صباحى و ابو الفتوح غيروا رائيهم و انتخبوه .. تغمه الفلول هى من اختراع الاخوان و لا يعتقد فيها الا شباب الجامعات اللى بيضحكوا عليهم لاستغلال صوتهم الانتخابى .. شفيق مش اقوى من مبارك و جمال و علاء و احمد عز و صفوت و سرور و حسن عبد الرحمن و العادلى اللى مترميين فى السجن فوقوا يا شعب مصر .. هذا الرجا شريف يالرغم من محاولات اله الاخوان التى تغمل على تشويهه ليل نهار لتشتيت اصواتكم من خلال واحد نلوش لازمه و انتم نفسكم مش مقتنعين بيه زى صباحى .. و المقلب الاخوانى ابو الفتوح ..
شبه اجماع بمدينة منوف لاحمد شفيق ليس حبا فيه ...و لكن للأسف نكاية في الاخوان و البلكيمي .
‏قال سيد مصطفى
انشاء الله يكون احمد شفيق الرئيس القادم انشاء الله
‏قال للأذكياء فقط…
بل الذكاء يقول العكس تماما اتركوهم يكشفون افلاسهم
وعندما يفشلون سيعرف الشعب كم هم مفلسون وهنا فقط سيتخلى عن وهم انهم يملكون اى حل لمشاكل مصر
كما يروجون
ودليلى حتى لا يكون كلامى مجرد كلام
هو تغير راى الناس فيهم لنسبة كبيره تصل الى النصف كما اظهرت انتخابات الرئاسه بعد مماراساتهم الهزيله فى البرلمان
وثانيا
قول مرشدهم انه لا يمكن لفصيل واحد ان يتحمل المسؤوليه الثقيله حاليا اى انه يريد توريط آخرين ليتفرق الدم بين القبائل كما يقال
اتركوهم حتى ينكشفوا عندما يحكمون

المشاركات الشائعة