يوم25يناير عيد الشرطة المصرية



يوم 25يناير هو عيد الشرطة المصرية ومش هيكون حاجه تانية غير عيد الشرطة المصرية
رجال الشرطة البواسل اللى ضحوا بنفسهم من اجل حماية شعبهم واهلهم فى الاسماعيلية رجال الشرطة اللى ضحوا بنفسهم من اجل شعبهم واهلهم ضد الارهابيين وضد البلطجية زى النهاردة يوم 25يناير 1952كانت مجزرة الإسماعيلية التى تحولت إلى عيد للشرطة ولمن لا يعرف ما الذى حدث يوم 25يناير 1952فاحب اهديه جزء من التاريخ
كانت معاهدة ٣٦ التى وقعها النحاس باشا تقضى بانسحاب قوات الاحتلال البريطانى لمصر إلى منطقة القناة مقابل التزام مصر بدعم بريطانيا فى مواجهتها مع الألمان فى الحرب العالمية الثانية، التى كانت العلمين تشهد إحدى جولاتها، فلما انتهت الحرب لصالح بريطانيا لم تف بوعودها لمصر ومنها الجلاء، ورفض الإنجليز الانسحاب، فأعلن النحاس باشا فى ٨ أكتوبر ١٩٥١ إلغاء المعاهدة قائلاً (من أجل مصر وقعتها ومن أجل مصر ألغيها)، وأعلن أنه غير مسؤول عن حماية الإنجليز فى خط القناة بل ودعم الفدائيين، فكان رد الإنجليز عنيفاً ففى صباح مثل هذا اليوم 25 يناير ١٩٥٢ قام القائد البريطانى بمنطقة القناة «أكسهام» باستدعاء ضابط الاتصال المصرى وطلب منه أن يسلم البوليس المصرى أسلحته للقوات البريطانية، ووصل الإنذار للواء أحمد رائف، وعلى حلمى، واتصلا بوزير الداخلية فؤاد سراج الدين، فأيد رفضهما وشجع موقفهما وطالبهما بالصمود ووقع الاشتباك وقاوم رجال البوليس ببسالة أمام سبعة آلاف جندى بريطانى حتى نفدت آخر طلقة معهم وسقط خمسون شهيدًا، وفى اليوم التالى انتشرت أخبار المجزرة وبلغت القاهرة، واستقبلها المصريون بالغضب وخرجت المظاهرات من الطلاب ورجال الشرطة، غير أن هذه الاحتجاجات لعبت فيها يد خفية أرادت بمصر سوءاً فكان حريق القاهرة مما حدا بالنحاس إلى إعلان الأحكام العرفية، وأعلن نفسه حاكماً عسكريًا ثم أقاله الملك فاروق وظل يوم 25 يناير عيداً للشرطة، غير أن هذا اليوم فى العام الماضى 2011م كان موعداً لاندلاع نكسة قضت على الاخضر واليابس واصبحت مصر مرتع لكل بلطجى وقاطع طريق واصبح المحترم فى بلده غريب .. بس اللى انا متاكدة منه انها محنة وهتعدى يا مصر قريب

كلمة السيد الرئيس محمد حسنى مبارك فى عيد الشرطة المصرية

تعليقات

انتى ليه مش راضية تصدقى وتأمنى انه خلاص مفيش مبارك
‏قال ام ضابط شرطة
كل سنة ورجال الشرطة بخير
اصيلة والله يا قطة
‏قال Hamada Shenawy
ثورة ايه وقرف ايه 25 يناير هو عيد الشرطة اللى كلنا لازم نفتخر بيهم وباداءهم من اجل حمايتنا فى 52 اما كل اللى بيتكلم عن التعذيب فى السجون فانت ليه رحت السجن الا اذا كنت مجرم
‏قال غير معرف…
السفاحين اللى بتدافعى عنهم ميستاهلوش اعياد النهاردة عيد الثورة غصب عنك وعنهم
‏قال ثائر
انتى لو كان حد مات لك ولا اتفقعت له عين بايد البلطجية اللى لبسناهم طرح ولغينا عيدهم مكنتيش قعدتى تنوحى على مبارك ولا على جلادينه بالشكل ده ربنا يوعدك وتجربى حرقة القلب
‏قال Desert cat
ربنا ما يوعدنى يا استاذ ثائر ويجعل الشهادة وفقع العين وحرقة القلب من اجلك وكل من يتمناهم
وشكرا لادبك وزوقك انت فعلا ثائر جدا بس فى قلة الادب
‏قال Kasiem Adam ·
هما كل الثوار لسانهم بينقط قلة ادب كدا
قطة الصحراء غلطت فى ايه يا ثائر على روحك انت دى بتتكلم عن تاريخ الشرطة انت دمك محروق علشان موش ليك تاريخ
يشفى البهايم ويضرك
‏قال Desert cat
الثائر عامل ثورتة على النت ما تنزل الميدان مش النهاردة الثوار فى الميدان ؟ ولا انت ثورتك من الكيبورد
‏قال ثائر
يا اخت كلبة الصحراء لسه بدرى عليكى انتى وةاللى لما تفهموا يعنى ايه ثورة
‏قال Desert cat
على فكرة انا من سنة تقريبا واخدة على نفسى عهد مش انشر اى تعليقات مختلفة معايا فى الرأى لكن انا بنشر تعليقاتك علشان افرج الناس عليك وعلى قلة ادبك ياريت تكرر الزيارة علشان تبقى عبرة لمن يعتبر
‏قال ahmed said
معقول لسه فى ناس محترمة وتذكر فضل الشرطة
لا تتخيلى وقع كلماتك على اناس يتعرضون منذ عام لاشد انواع الاتهامات وابشعها

لك كل الشكر والعرفان
‏قال خالد عباده
يناير من عيد الشرطة لعيد الانقلاب على الشرطة كلا ساهم بدورة الشرطة باسرافها فى العنجهية على الشعب والشعب اللى فاض بيه ولما اخد نسبة من الحرية قلبت بفوضى ولكى الله يا مصر
‏قال Unknown
عندك حق انهاردة عيد الشرطة علشان ببساطة الثورة لسة مستمرة..ولما تحقق كل اهدافها نبقى نحتفل بعيدها..المجد للشهداء على الارض وفي السماء..ولا نامت اعين الجبناء
‏قال محمد عيسى…
واضح جدا من المقالة و من الردود أن مصر بلد متطرفين

أقصى اليمين أو أقصى اليسار

حسنى والشرطة وأمن الدولة وشبكة المنتفعين بكل ما
يحملوه أيجابى وسلبى هم اسياد البلد ومفيش حاجة أسمها ثورة سواء رضيتم أم لا

أو

الثورة والثوار والمطالب والمحاكمات ومفيش حاجة أسمها شرطة ولا عيد شرطة وكل رجال الشرطة ورجال النظام خائنون وسفاحون

وبصراحة ده شئ لا يبشر بالخير لأن الغالبية العظمى من الناس فى مصر غير قادرين على تكوين رأي شخصى غير الكلام الموروث
وطبعا كل واحد حسب ميراثه
في النهاية كل كلامنا
copy
paste
ومفيش أي حوار بين من لا رأي لهم
‏قال Desert cat
وسيظل عيد الشرطة الى الابد مهما ادعى اصحاب الصوت العالى من بطولات وهمية

المشاركات الشائعة