Desert Cat Search
قطه الصحراء: 3/1/11 - 4/1/11

Tuesday, March 29, 2011

حى على التكفير

اقامة حدود وتكفير واحنا لسه فى اول الطريق
ومين اللى عمل من مهرى غنيم شيخ تكفير وليه كل واحد عايز يهيج الدنيا يقول يا شباب الثورة ؟ هما مين شباب الثورة ؟ اللى رافعين لافتات ومتلقحين فى الشوارع رايحين يطالبوا بالافراج عن كاميليا ؟ ولا اللى كل يوم عايزين ينزلوا يترموا فى التحرير باى مسمى ؟
مهرى غنيم بيكفر يحيى الجمل علشان قال لو عملنا استفتاء على الله مش هيبقى النتيجة100%ومش عارفه ليه مش كفروا القرداوى لما قالها وفى كل يوم ناس كتير بتقولها ؟ اشمعنا يحيى الجمل ؟ ثم مين قطران ده واذنابه المجانين اللى دايرين يكفروا فى الناس ويقيموا حدود ؟



وده كلام القرداوى .. ولا هو حلال على القرداوى حرام على غيره ؟ يا مغيبين يا عبيد القرداوى




اما حازم شومان والجهل بتاعه بقى بيقول مجتمع مدنى يعنى امك تمشى من غير حجاب وانا بقولك يا شوشو مجتمع اسلامى يعنى امك تمشى من غير آندر وير

Saturday, March 26, 2011

الراجل الشرقى هو !؟



لما سألت السؤال ده فى ناس قالت لى الرجالة ماتت فى 73و ناس قالت لى هو اللى بيقف فى الباص للمرأة ليس من باب الإتيكيت ولكن من اسس الاخلاق وناس تالته قالت شوفى مسلسل بين القصرين هو ده بقى الراجل الشرقى فى كل معانية من غير ما تسألى كتير ولا تدورى .. بس انا ماليش دعوة ب73والباص مش فيه حد بيقف لا الشاب الصغير بيقف للراجل الكبير ولا الراجل بيقف للست لا من باب الاتيكيت ولا من باب الاخلاق ولا حتى من باب زويلة .. واحنا دلوقتى ملناش علاقة بسى السيد لان من زمان اوى اختفت من الشاشه صورة امينة الست الضعيفة المغلوبة على أمرها .. حتى ولو كان فى منها بقايا لازالت موجودة لازم يتم محوها .. انا ليا دعوة بواقع بنعيشه ونتعايشه .. والواقع ده بيقول ان
الراجل الشرقى هو اللى كل نظرته وتقييمه للمرأة من جسمها وشكلها وطولها ولون شعرها وليس من عقلها وثقافتها وطريقة تفكيرها .. الراجل الشرقى اتربى على ان التعبير عن مشاعره ضعف ودموعه يااااى كدا بقى زى الستات والرجالة منه مستعرين وبالتالى باتت نظرته للمرأة انها الضعيفة اللى اتخلقت لخدمته وتنفيذ كل رغباته ومتطلباته مهما كانت وأياً كانت ..
الراجل الشرقى تم تلخيصه فى عضو ذكرى وبالتالى باتت معاملتة مع المرأة على أنها مجرد عضو تناسلى خلق له ومن اجله
الرجل الشرقى هو اللى لو شريكته اشتكت منه يكون دايما هو الى على حق مش كفاية يعنى عبر لها عن شعورة وقالها بحبك يوم لما قابلها هى اسطوانة كل يوم هيقولها بحبك دى حاجه تقرف
الراجل الشرقى هو الى يفضل يلف حوالين تفسه السبع لفات لمجرد انه يسمع كلمة بحبك ومجرد ما يسمعها خلاص دى بقت حاجه سهله يروح يدور على الاصعب
الراجل الشرقى اللى لو مسك ايد الانسانة اللى ارتبط بيها فى اى مرحلة قبل الجواز يكون الناتج إنه يسيبها اصل ايه ضمنه انها مش عملت كدا مع حد قبله ؟ ويمكن تبقى فى بيته وتعمل كدا مع حد بعده
الراجل الشرقى اللى بيروح يدفع فلوس لفتاة ليل وبعد ما تمشى يقول على نفسه سبع الرجال ويقول عليها عاهره الراجل الشرقى اول ما يعرف واحدة بدل ما يتكلم عن عقله وثقافته وطموحه بيعرفها انه يعرف قبلها 20واحدة
الراجل الشرقى هو اللى فاهم فى السياسة وفى الدين وفى الثقافة وفى الهندسة وفى العلوم وفى كل حاجه ولما تتكلم معاه تلاقيه ولا اى حاجه
الراجل الشرقى هو اللى لما يتحرش تقوله بتعمل كدا ليه ؟ يقولك هى اللى عايزة كدا ولما تقوله لوعايزة مش كانت هزأتك ومسحت بيك الارض يقولك ما تشوف طريقة لبسها او يبرر بانه عنده كبت ومش عارف يعمل ايه ؟
الراجل الشرقى هو اللى قام بثورة قبلها كان بيخاف من ظله ولو شاف عسكرى مش امين شرطة تلاقيه بيعمل بيبيى على نفسه ولمجرد انه نزل الشارع ولقى جنبه اتنين او تلاتة تلاقيه بيقول انا اللى ضربت الظابط اللى قبض عليا يوم ما كنت بسرق او ببلطج او ايا كان نوع الجريمة اللى عملها
الراجل الشرقى هو اللى بيمشى يتلفت حواليه ولما يشوف عمه وجلابيه تلاقيه قلب راجل دين ولما تكلمه عن 25يناير يقولك انا اللى عملت لمبارك المشنقة فى ميدان التحرير وانا اللى عملت له بانر عبارة عن صورته وعليها جذمة وانا اللى كتبت له ارحل بقى يا ابن المتناكة وبعدها رحل
الراجل الشرقى هو اللى صوته عالى ويتشاجر لاتفه الاسباب وفى اى وقت واى مكان ولو رديتى عليه تبقى مش متربية اصل البهايم اللى ربوه قالوا له ان صوت المرأة عورة وانه راجل من حقه يقل ادبه فى اى وقت وكل وقت ومفيش مانع طول الوقت
الراجل الشرقى اللى فاكر الرجولة تتلخص فى غرف النوم وعليه اصبحت كل اعلانات التلفزيون عن الحبة الزرقا والخضرا وحامد اللى بقى جامد
الراجل الشرقى اللى عايز يعيش دور الواعى الفاهم والروش والكوووول وفى نفس الوقت متربى ومؤدب ومحافظ لحد ما اصبح كالماء لا لون ولا طعم ولا ريحة
الراجل الشرقى هو الشيئ ونقيضه حتى اصبح كالأجسام الغريبة التى دائماً ما تكون مصحوبة بالصديد والتقيحات

Wednesday, March 23, 2011

فى كتاب الانجليزى وامتحان الرسم



فاكرين كتاب الانجليزى بتاع اولى اعدادى ! فى الوحدة الاولى منه كان فى محادثة محتواها صديقك الامريكى بيل فى زيارة لمصر عرفه على الحضارة المصرية وأهم الاماكن السياحية ، مش عارفه ليه افتكرتها وافتكرت معاها صديقى الامريكى ريلين يوم موقعة الجمل لما كلمنى وسألنى ايه الى بيحصل فى مصر ؟ يور فريند اللى مش زار مصر وهما بيشوفوا السى ان ان بيقوله باشمئزاز شوفت الهمج ! قولت له انت زرت مصر وعارف ان اللى فى ميدان التحرير ده مش المصريين انت اللى عرفتهم وشوفت حضارتهم واتعرفت بنفسك على تاريخهم .. كان رده انه مش كفاية وان لازم الاعلاميين فى مصر يروحوا بنفسهم دول اوربا ويغيروا الصورة اللى الاعلام العربى قبل الغربى نقلها عن مصر والمصريين بتوع الجمال والحمير الهمج ؛ وسؤالى بعد اللى حصل فى ميدان التحرير ومكالمة صديقى الامريكى ريلين ، هتفضل المحادثة فى كتاب الانجليزى بتاع اولى اعدادى عرف صديقك الامريكى بيل على الحضارة المصرية ؟
طيب هو لسه سؤال الرسم اللى كان مكرر دايما فى المرحلتين الابتدائى والاعدادى عبر بالرسم عن مصر ؟ ولا مع التطور الطبيعى اتلغى السؤال ؟ معلشى اصل انا سايبة الاعدادية من 95ومعرفش بعدها ايه اللى حصل فى مناهج التعليم لكن اللى اعرفه انى لاقيتنى باللاشعور جبت ورقة وقلم وقسمت الورقة نصين قولت تحت النيل وفوق السما .. النيل لما كنت بمشى عليه من 10سنين كنت بشوف لونه ازرق وعلى الشط شجر ومشاتل ومراكبى .. كنت لما ابص فى السما احس ان الشمس بتغازله بشعاعها اللى كان بيرسم نجوم على سطح المية الشفاف .. النيل اللى بيجمع المتناقضات الزمالك وقصادها الكتكات .. النيل هبه مصر اللى حاضن فى قلبه كنيسة ومأذنة ودير .. النيل فى صباح مصر على يمينه الهيلتون وجراند حياة وعلى شماله عربية وسندوتشات فول وطعمية وجرنان مطبق اهرام او اخبار او جمهورية .. اسفه نسيت اننا بعد 25يعنى بلاش الجرايد القومية .. نرجع لسؤال الرسم ونكمل الوصف النيل اللى كان رمز للحب والوفاء وولاد البلد الجدعان واطفال رايحين مدارسهم من غير خوف وإديهم فى إيدين بعض حاسين بكل أمان .. لو هعبر بالرسم هرسم بيتنا القديم وجيرانا العواجيز اللى كانوا عايشين لوحدهم وكنا كل يوم نصحى الفجر على صوتهم وهما قايمين يصلوا وكل واحد يدعى باعلى صوته ربنا يجعل يومى قبل يومك ولأن كل واحد خايف يجى يومه هو الاول كانوا دايما يتخانقوا وبعدين يقوموا يصلوا واحنا نعيط عايزين نعزل علشان صحيان الفجر اللى مش لينا اى ذنب فيه الصورة ألوانها بتتغير .. لون النيل بقى إسود قاتم والمشاتل ملهاش اى وجود والشط بقى مرمى زبالة والكبارى عبارة عن اماكن تجمعات الوعود .. السما لونها رمادى واتحولت اشعة الشمس الذهبية لسحابة سودة ترسل اشعه لابسه لون الحداد على نيلها اللى شفافيته اختفت بكل الوعود والعهود .. الكنيسة والمأذنة والدير أعمدة واقفه صامتة اليأس كاسيها بتستقبل كل يوم خبر بلون الدم ممزوج بريحة الكراهيه والمؤمرات اليومية .. الصورة بتتغير معالمها مع الإعتصامات والمظاهرات وكل اللى ماشى على يمين النيل إما حرامى او مرتشى امال غنى إزاى ؟ واللى على شمال النيل بيموت من الجوع والعرى حقيقى بلد المعجزات .. إتغيرت المعالم كلها والست والراجل اللى كانوا بيدعوا لبعض النهاردة من اول سنة جواز بيتغير محل الاقامة لاى محكمة اسرة فى الجمهورية... الصورة بقت غامقة قوى إعتصامات وإضرابات وثورة خراب دخلتنا فى مستقبل غامض وحياة عبارة عن ضباب .. الصورة بتغمق اكتر وبلد بتتحرق حتى الاطفال يخايفن يروحوا المدرسة والشباب الجدعان بقوا نجوم التحرش الجماعى فى كل المناسبات .. الصورة اختفت ومش باين منها غير اطفال فى مدارس وشباب فى جامعات وموظفين ومواطنين فى كل مكان الجميع بيتابع بقلق وخوف وترقب بلد بتتدمر وطلبات مش ليها نهاية واصوات عاليه مغطية على بعضها واتهامات لكل مخالف ورئيس لكل مواطن . ودقن وجلابية مكشرين عن انيابهم الصورة ضاعت الوانها بعد ما كانت ملونة وجميلة وسؤال الرسم مش هيتكرر تانى لان الرسم حرام بعد نعم لاستفتاء الدستور و الاسود هيبقى لون الحياة لانه رمز العفة اختفت الصورة وخلص القلم وخلصت الورقة ومعاهم خلص الكلام ولم يبقى الا إنتظار نهاية اللانهاية

Monday, March 21, 2011

كلاب الاخوان وتزوير الاستفتاء

دول اللى كانوا من يومين بيعيطوا وبيقولوا انطردنا من مجلس الشعب طردة الكلاب علشان الوطنى زور الانتخابات ؟ طيب وانتوا بتعملوا ايه كدا يا حلوين فى مسجد رابعة العدوية مش بتزوروا برضه الاستفتاء ؟ الكلب هيفضل طول عمره كلب
ودى فضايح الاخوانجية وهما بيزوروا الاستفتاءات و بالفديو علشان المهوهواتية بتعوهم اللى منتشرين على النت مش يقلوا ادبهم تانى


Saturday, March 19, 2011

لو فى مخالفات داخل لجان الاستفتاء

تحدييييييييث

فى حد كلمنى وقالى الجيش استجاب بسرعه وطرد الاخوان اللى كانوا واقفين يعملوا دعايه للتصويت بنعم اما الدايرة الانتخابية فى الغربية .. من فضلك اوعى تسكت عن حقك .. فى حالة حدوث اى تجاوز او اى تزوير اوعى تشارك بسلبيتك فى التزوير اتصل بالارقام دى وانا مبسوطة اوى بالمكالمة اللى جتلى عن سرعة استجابة الجيش .. قولوا لالالالاء علشان حياة افضل ودستور جديد

**********
اولا انا سعيدة اوى بالايجابية اللى شوفتها من الشباب والشابات وكبار السن كمان الناس كلها رايحة تدلى بصوتها وحقها فى الاستفتاء فى لجان مسيطر عليها الاخوان والكلام ده من التوتير وحد كلمنى قالى ان فى لجنة فى المنيا قاعدة فيها موظفة تسود البطاقات بكلمة نعم وفى الفيوم فى صناديق غير شفافه ومسيطر على اللجنة الاخوان مع الشرطة اوعى تسكت عن حقك اوعى تكون سلبى اوعى تساعد فى اى تزوير
فى حالة شوفت اى وضع مش عجبك اتصل بالارقام دى

0127665452 0113908447 ب0198290820 و0122132017 252821176 - 0102155364 - 0101365025

Thursday, March 17, 2011

لا للترقيعات الدستورية



ما الفرق بين دستور71وما تم ترقيعه من مواد فى2011كنا بنصرخ باعلى اصواتنا من المادة 167سيئة السمعه ومن ترزية النظام اللى كل يوم والتانى يأيفوا لنا قوانين تتماشى مع الأغراض والمصلحة الخاصة علشان لما نقول الاخون والحزب الوطنى وجهان لعملة واحدة مش يطلع علينا كلاب الاخوان يقلوا ادبهم ماهما كمان بيقتصوا من القرآن ما يناسب هواهم وعندهم استعداد يألفوا احاديث المهم مصلحتهم الشخصية لأن دينهم هو دين المصالح .. ونرجع للدستور الذى اشرف على ترقيعه المستشار طارق البشرى بالاضافه ل3 اخوان اللى كانوا داخل لجنة ترقيع الدستور فى مصلحة مين المادة 175والتى تحظر ترشيح اى شخص مزدوج الجنسية لمنصب رئيس الجمهورية حتى وإن تنازل عن الجنسية الأخرى غير المصرية .. افرضوا انا عايزة زويل مثلاً يبقى رئيس جمهورية ؟ تمنعوه لأنه يحمل جنسية امريكية + المصرية ؟ انتوا مجانين ولا ايه ؟
ثم احنا مش قولنا ان بعد كدا اى حد يمثل الشعب او يتكلم باسم الشعب لازم يكون باختيار الشعب ؟ امال المادة 189مكرر دى مناسبتها ايه فى الحوار يعنى ايه يكون الحق لأول مجلسى شعب وشورى منتخبين إختيار لجنة من داخلهم وخارجهم تضم 100 عضو مهمتهم صياغة دستور جديد ؟ هو إحنا حنسلق بيض علشان باقصى سرعة نروح ننتخب اعضاء مجلس شعب وشورى يكون الناتج عنهم مجلس معاق ذهنياً ؟ عملنا ايه فى المواطن اللى بياخد 50جنيه ويروح يبيع صوته قولنا له انت كدا عندك وعى وروح انتخب ؟ علمنا ايه فى الاعضاء اللى بيدخلوا المجلس ينسوا اهالى دوائرهم الانتخابيه اللى ادوهم اصواتهم امانة علشان يتكلموا باصواتهم لكن بمجرد دخوله المجلس طز فى كل ده المهم انه يقلب فى البلد ازاى ؟ عملنا ايه فى العصبية القبلية ؟ ثم مين رئيس اتجنن مهما كانت الثقة فيه هيقوم بتغيير مواد دستور تديله الحق فى التحكم فى الشعب ؟ وليه اصلا المجلس الاعلى للقوات المسلحة جاب لنا الاخوان المقرفين فى لجنة تعديل الدستور بالاضافة لطارق البشرى اللى العالم عنده اجماع على عنصريته ؟ الناس اللى بتقول هنقول نعم للتعديلات الدستورية لانتهاء حالة الفوضى فى البلد تعديل الدستور مش سبب الفوضى اللى فى البلد سببها الكلاب اللى عايزة تعتلى عرش السلطة وفاكرين بترقيعهم المزرى ده لدستور مهترئ هيحكموا ويعقدوا على نفسنا مدى الحياة . ثم لو قولت لا للتعديلات الدستورية مهمة المجلس العسكرى هو العمل على ترتيب انتقالى صحيح للسلطة بالاضافة لدستور مطلق الصلاحيات لازم يكون فى جمعية تأسيسيى لتشكيل انتخاب حر مباشر لإعداد دستور جديد لمصر بدل من الاخوان المسلمين اللى جايبهم المجلس لترقيع الدستور بما يناسب الاهواء اللى رايح يقول نعم ده اعرف انك رايح تبيع نفسك وبلدك وباقى الشعب يبقى من الاخر انت واحد جبان

Tuesday, March 15, 2011

صاحبى وخريطة الأمن العام

المفروض كنا نتكلم فى موضوع مختلف خالص لاقيته بعد ما سلم بيقولى ممكن ورقة وقلم ؟ قولت له نعم ؟ هو انا ها اخد درس الاملاء دلوقتى ؟ قالى مش بهزر ورقة وقلم وركزى معايا .. قولت له حاضر ياريس .. قالى فعلاً إحنا حنبدأ بالريس ... اترسمت على وشى 20 علامة تعجب ومحدش يسألنى عرفتى عددهم إزاى هو كدا وخلاص .. واسترسلت فى الكلام انت ناسى يا حبيبى اننا عايشين اصلا من غير ريس ؟ قالى طيب ما تيجى نرسم خريطة علشان لما يجى لنا ريس نكون عارفين هو بيعلم ايه وموجود هنا ليه ؟ قولت له خلينى وراك لما نشوف .. قالى طيب احنا دلوقتى لو هنبص على قمة الهرم هنلاقيه مقلوب .. قولت له بمعنى ؟ قالى عندك نموذج مثلاً كوزارة الداخلية ... المخبر فيها بقى اعلى من الظابط ... والناس بتقوله يا بيه وياباشا سيبك من اللى حصل فى الفترة الاخيرة لأن لو فضلنا على كدا تأكدى ان كلها ايام وهنرجع كما كنا ... قولت له ياريت نرجع كما كنا .. قالى انتى باصه لنفسك فى مراية وبتتكلمى فى ناس اغلب من الغلب الناس دى لازم تتساوى بغيرها ... اوك كمل انا معاك .. قالى لو عايزين فعلاً نظبط الهرم ونخلى قاعدته تحت وقمته فوق ... يبقى نبتدى بالرئيس وده منصب شرفى هو رمز للدولة ووجهة للتعامل مع العلاقات الخارجية ... بالنسبة لرئيس الوزراء ده بيكون من اختيار الرئيس .. ليه مش يكون بالإنتخاب ؟ قولت له كل لما نيجى نغير حكومة هنعمل انتخابات كدا مش هنخلص .. قالى ماشى خليه بالاختيار بس لازم يبقى عندى وكيل اول وزارة للصادر ووكيل اول وزارة للوارد الصادر يبقى انتخاب والوارد يبقى اختيار او العكس ... فى الحالة دى اللى جاى بالانتخاب هيراقب اللى جاى بالاختيار والاتنين مش هيقدروا يسرقوا .. بنفس التسلسل الهرمى فى عندك وكيل تانى لكل منطقة واحد اختيار والتانى انتخاب وبكدا الوزارة بتحكمى نفسها وبتحافظ على الصادر والوارد بنفسها ... نروح لوزارة الداحلية ونبتدى بامن الدولة .. قولت له مالهم دول ناس محترمين قالى مقدرش اغلط فيهم علشان فعلا محترمين لكن ليه يروح يجيب المختلف فكرياً ويحجزه عنده ؟ قولت له مش يمكن افكاره دى تكون مخربه وتاثر فى غيرة والبلد تولع فى بعضها ؟ قالى وليه بدل ما يحجزة لحد ما يغير فكره مش تكون مناقشة افكارة دى علنيه بمعنى ان كل 3 شهور او 6 شهور يكون فى برنامج تلفزيونى يتعرض فى مواعيد مختلفة واوقات مختلفة تتيح للجميع انه يشوفها ونناقش الفكر اللى ظهر جديد ده لو فكر مخرب الناس بنفسها اللى هتبعد وهتطلب بمحاكمة الشخص ده ولو فكره كويس ليه مش يكون فيه خير للغير ؟ قولت له ده لو فى شعب مثقف وواعى مش شعب اهبل كلمه توديه وكلمة تجيبه .. قالى انا مش معارضك لكن لازم يبقى فى برامج توعيه وتثقيف للناس قولت له ووعيناهم وثقفناهم بس ده امن قومى ازاى كل قضية امنية اعرضها للناس والدنيا كلها تتفرج علينا ؟ قالى الامن القومى يتمثل فى التجسس ودى مش شغلة امن الدولة دى شغلة المخابرات .. قولت له معلشى لو احنا الاتنين بنشتغل دكاترة وجه فى المستشفى حالتين فى وقت واحد وانا جيت اساعدك وقتها انت هتقولى لاء دى مش شغلتك ؟ قالى لو انت نفس تخصصى هشكرك لمساعدتى ونخلص الضغط ده سوا لكن مش تتسلى عليا كل شوية تيجى انتى تعالجى لى الناس .. قولت له وافرض انت اللى حبيت تريح دماغك وقولت هتفرغ انا للأمن الحارجى وخليكى انتى فى الداخلى وبدل ما كنت باساعدك بقيت بتفرضها عليا ؟ قالى فى الحالة دى تروحى قايلة لى انا مهمتى تتلخص فى مهام معينة ... نروح للنبتشطية .. لو واحد داخل القسم يعمل محضر لو دفع لامين الشرطة 20 جنيه بيظبطه لكن لو خلينا استمارات عبارة عن اسطامبا واحدة ومكتوب فى الترويسة الاسم والعنوان والمشكو فى حقه برضه اسمه وعنوانه .. وقصاد نوع الجريمة مربعات فراغ ويتعلم صح قصاد الجناية اللى انا جاي اشتكى بسببها يعنى مثلا خطف او اغتصاب اعلم فى المربع اللى قصادها بعد كتابة البيانات اعلاه وبكدا اتساوى المواطن العادى مع المواطن اللى بيدفع .... نروح لوحدة تنفيذ الاحكام .. هو مين اللى بيصدر الاحكام دى ؟ قولت له المحكمة قالى حلو طيب ليه مش تكون المختصة بيها المحكمة ؟ ليه بتنزل المباحث مع تنفيذ الاحكام ؟ قولت له علشان المباحث بتكون عارفه المنطقة لكن اغلب حملات تنفيذ الاحكام بتكون من اماكن مختلفة ... قالى وكمان لزيادة عدد القوة المرافقة يبقى انا مش محتاج عدد كتير وهنزل تبع المحكمة يبقى مش محتاج للمباحث فى حاجه .. يبقى كل واحد كدا هيلتزم باختصاصه .. قولت له ياريييييت اصل ظباط المباحث دول اكتر ناس مظلومين ممكن ينام فى الشغل 4 ايا متواصل قالى ماهو الغرض تخفيف الضغط علشان تعامله مع المجرم يكون افضل ... نيجى لحوارات التحرى اللى بتبتقى فى الشارع دى .. بقى جنب علامات التعجب اللى على وشى استفهام .. قالى هوضح لك انا مثلا نازل اشترى كيلو لبن قابلنى بوكس فى الشارع بطاقتك طيب تعالى بتاخد ابيت عندهم 24 ساعه واتسجل عندهم تحرى . قولت له وايه اللى منزلك من غير اثبات شخصية ؟ قالى ما انا تحت البيت .. قولت له خلاص اطلع جيبها من البيت .. قالى مش مدينى فرصه اعمل ايه ؟ قولت له تبقى غلطان وتستاهل تتسجن ... الحوار كدا خلص بينا انا عجبنى التسلسل الهرمى فعلاً لحد تساوى المواطنين فى اقسام الشرطة لما يحصل تعدى او اى جريمة لاحدهم فيما حلاف ذلك حسيت انه استهلاك محلى ... ياترى مين رأيه ايه ؟

Friday, March 11, 2011

عيب يا اسلاميين عيييييب

مش دول اللى كانوا بيقولوا يوم 25يناير المشؤم عايزين عدالة اجتماعية ؟ امال يوم المرأة بيتحرشوا بيهم ليه ؟ ولا حققوا الهدف من احداث فوضى فى البلد وسفالة وانحطاط ؟ اتفو على كدا بجد

Wednesday, March 9, 2011

يوم المرأة العالمى فى ظل الوضع الراهن



فى الثامن من مارس كل عام يحتفل من يعى ما هى المرأة وما قيمتها بيوم المرأة العالمى اما فى مصرنا الحبيبة بل فى عالمنا العربى كله يمر هذا اليوم مرور الكرام اذا كان يعلم عنه احد ولا اريد التعميم فهناك بالفعل من يعلمن من النساء ولكن ماذا يفعلن ؟ وهناك من يعلم من الرجال ولكنهم يتجاهلون فاى إمرأة هذه التى تستحق ان يتذكرها رجل وأى إمرأة هذه التى يخصص لها يوم عالمى ؟ فالمرأة فى العالم العربى ماهى إلا فرج لإفراغ شهوات الرجل فبأى حق يخصص لها يوم وهى الخادمة فى المنزل والمنتجة للأطفال من أجل التكاثر والتفاخر والعز والعزوة فلابد أن تعمل لهم ايضاً خادمة بدون أجر وإن كانت جميع ما أنجبت فتيات فالويل كل الويل لها أما إذا كان بينهم الذكور فلا بأس من المعاملة الحسنة ولكن لا تصل لدرجة تخصيص يوم عالمى أحمق الذكر العربى لهذا الحد ؟
فى الدول المتقدمة المرأة هى نصف المجتمع .. هى الأم والأخت والصديقة والحبيبة .. هى نصف الطاقة البشرية لتنمية مجتمع فى كافة المجالات ومهما كان عملها فلا يوجد ما يسمى هذا عمل رجل او عمل إمرأة فالمرأة والرجل متساويان فى الحقوق والواجبات فى شتى المناحى وليس أمام القانون فقط .
فى الثامن من مارس2011ظنت المرأة المصرية ان الحياة تغيرت وتطورت فى ظل الوضع الراهن وذهبت إلى ميدان التحرير للتظاهر من أجل اللامطالب .. فخيب أملها وعادت بخفى حنين فقد تم التحرش بها والإعتداء عليها من قبل زملائها الثورجية والمعتصمين بقاعدة ميدان التحرير .. فرحوا قليلاً يوم 25يناير المنقضى لانهم على حد قولهم كانوا كتفاً إلى كتف بجوار الذكور فى المظاهرات وكانوا ينامون فى الميدان ويحميهم الذكور ظنوا ان الوضع سيتسمر ولكنها كانت وقت الحاجه التى يجسدها المثل القائل لو كان لك عند الكلب حاجه قوله يا سيدى .. فازاى هيتحرشوا بيهم وهما عايزين عدد وبالتالى لو كان لك عند المرأة حاجه اوعى تتحرش بيها بس بعد ما نخلص اللى احنا عايزينه ابقى اغتصبها براحتك يا حبيبى هو مين هيقولك انت بتعمل ايه ؟ امبارح اتحرشوا بيها والنهاردة برضه تاجروا بيها ففى اثناء فض قوات الجيش لميدان التحرير تم التحفظ على صحفية من جريدة البديل فتعالت الاصوات وارتفعت الابواق الحقوها ده احنا بنتصل بيها لاقينها بتصوت وده دليل انها بتتعرض لايذاء جسدى .. هو فى حد بيتعرض للسعة صوباعه من ولاعه وبيرد على موبايله برضه ؟ فما بالك لو واحدة فعلا تحت التعذيب ؟ فى كل الاحوال المرأة تمثل لهم مكسب ولكن زى ما اتفقنا اعلاه فى وقت الحاجة فقط غير كدا ولا ليها اى لزوم فى الحياة دى يتكسر لها ضلع علشان يطلع لها فيما بعد 24ضلع ولكن حتى فى اسوء الأحوال كل يوم وكل عام وجميع الرائدات فى جميع المجالات بافضل حال

Tuesday, March 8, 2011

جهاد الإخوان باللواط

ضبط احد قيادات الاخوان وهو يمارس الشذوذ الجنسي وجدي غنيم الاخواني التكفيري الارهابي جاله في المنام أن هناك حزب سيقوم يسمى بحزب اللوطيون , اذا ما هو رد وجدي غنيم الان بعد ان يكتشف ان هذا الحزب كوادره ستكون من داخل جماعته التحري عن الإخواني " حمدي. مصطفى....خليل. شاهين.، مدرس بكلية دار العلوم - تاريخ إسلامي" عدد الملفات المفتوحة: رصد إطلاعه على المواقع الإباحية عبر شبكة المعلومات الدولية، وإبداء رغبته في ممارسة الشذوذ مع رواد الشبكة الدولية. تاريخ فتح الملف: 2 - 7 - 2006 الإدارة العامة للنشاط المتطرف مجموعة الإخوان قيادي في جماعة الاخوان المسلمين يضبط في المواقع الخاصة بالشواذ جنسيا ويقوم بمراسلتهم ولم يقيموا عليه الحد هل مرشد الاخوان المسلمين شاذ جنسيا مثله؟؟؟ ام ان الشواذ جنسيا التابعين للاخوان المسلمين ليس عليهم حرج بممارسة الشذوذ كما يمارسون الرضاعة انتخبوا حمدي مصطفى خليل شاهين مرشد لجماعة الاخوان المسلمين

كل اللى لامؤاخذه بيشجعوا الاخوان والمرشد بيشجع معاهم

Saturday, March 5, 2011

لما الهمج يتحكموا

حد فاكر حادث كترمايا الولد المصرى اللى اغتصب3بنات فى لبنان واهل لبنان دبحوه وهما بيهتفوا الله اكبر ومثلوا بجثته ؟ كلنا ادنا الفعل وشجبنا واستنكرنا .. وده مصرى فى بلد مش بلده لكن لما الحادث ابشع منه يحصل بين مصريين ومصريين يبقى منتهى الوساخة والقذارة والانحطاط .. ده فديو بشع لعملية قتل معاون مباحث الشرابية الشعب الهمجى الشعب الوسخ المتخلف ابن ستين كلب بيقتل معاون المباحث بمنتهى الوحشية وبيهتفوا حلال الله اكبر وهما بيدبحوه وشوية زبالين رعاع بيهتفوا الله اكبر ولله الحمد .. معقول كم الحقد ده ؟
معقول كم الوساخة اللى فى القلوب دى ؟
معقول ده شعب عارف يعنى ايه ديموقراطية ؟
مهما الفعل اللى ارتكبه يستحق كم الوحشية والقذارة دى ؟
وكل لما حد يتكلم يقولوا هو ده شباب الثورة الواعى ؟ فى حد واعى بالهمجية والبشاعة والانحطاط ده ؟
ثورة ايه يا جرابيع وخرة ايه اللى تخليكو تقتلوا الناس زى الخرفان وانتوا بتهفوا الله اكبر انتوا عارفين يعنى ايه الله اكبر اصلاً ؟ دايرين توزعوا الشهادة على كل اللى مات بعد كارثة يناير اللى خربت البلد واللى كانت بتتخانق مع مامتها وانتحرت بقت شهيدة واللى كان بيقل ادبه على الناس واخد خبطة من زميله بقى شهيد والجرابيع اللى رايحين يحرقوا امن الدولة فى اسكندرية الجهلاء والاميين اللى استخدمهم الاخوان خير استخدام هو مين اللى له ملفات فى امن الدولة يا جهله ويهمه يحرقها ؟ تاريخ الاخوان الدموى كله للى عارفه وقراه هيعرف ان ده شغل اخوانى بحت .. اى حد فى البلد يهمه امنها وامانها لازم يقال بحجة اصله من النظام البائد الجمعة اللى جاية هيعملوا مظاهره للمطالبة برحيل شعب النظام البائد شوية همج ورعاع قاعدين يتحكموا فى مستقل بلد باى حق ؟ مين اللى ادى الجرابيع دول الحق انهم يتكلموا باسم الشعب المصرى كله ؟ مين اللى ادى الجرابيع دول الحق فى انهم يقتلوا الناس فى الشوارع باسم الديموقراطية والثورة اللى خربت البلد ؟
ليه كم الحقد والغل على كل ظابط شرطه فى نفس الوقت اللى بتلفوا فيه على مكاتب المسؤلين وعندكو استعداد تبيعوا اعضائكو علشان واحد من ولادكو يدخل كلية الشرطة لكن لان كلية الشرطة مش بتذبل بيترفضوا حتى لو دفعتوا هرم من الفلوس رشاوى .. لأن الفلوس مش بتشترى عيلة واصل ولان الحقد عمى القلوب بقى استهداف رجال الشرطة امنية لكل عاطل ومسجل خطر وحاقد وناقم عليهم
عايزين منهم ايه يا همج يا رعاع ؟ عايزين تخربوا فيها اكتر ما خربتوها ودمرتوها ؟
مستحيل كم البشاعة اللى فى الفديو ده والحقد اللى فى القلوب ده
ده الحيوانات مش بيعملوا كدا فى بعضهم مع الاعتذار للحيوانات


Thursday, March 3, 2011

زيارة للملازم أول صلاح السجيني

علشان لما نقول ان الشعب ده محتاج تربية من اول وجديد محدش يتكلم
علشان لما نقول كل هم البلطجية ومسجلين الخطر وتجار المخدرات والزبالة اللى فى المجتمع هو انعدام الشرطة واى حد يحاسبهم او يعاقبهم يبقى محدش يتكلم
علشان كل العشوائيين والكلاب اللى كل همهم هو التسيب فى البلد لما يتكلموا يقولوا اصل الشرطة بتقتل وتقطع وتشفى ومشغلين لهم كلاب يهوهو على النت ويروجوا اشاعات على رجال الشرطة ويحولوا المجنى عليه لجانى علشان البلد تبقى سايبة يبقى المفروض الجيش يتدخل لوقف الكلاب دى عند حدها وكفاية بقى انهيار وتسيب وقلة ادب لانقاذ ما يمكن انقاذه ده اذا كان فى حاجه ممكن يتم انقاذها
ده حوار رانيا غيث وتفاصيل زيارتها للملازم اول صلاح السجينى

رغم إن زيارتي للملازم أول صلاح السجيني لم تدم أكثر من ثلاثين ثانية إلا أن وقعها علي كان أكثر من ذلك بكثير..و كأني بقيت هناك بالمستشفى لمدة ساعات

منذ أعلن المذيع تامر أمين عن إعتذاره و إقراره وفقا لأقوال ثلاث شهود بحقيقة ما حدث و هو المتوقع و المنطقي، و هو أن سائق الميكروباص هو اللذي بدأ بالتعدي علي الملازم أول صلاح ماسكا مطواه بيده، و منذ علمت بأن وزير الداخلية قد أوقف الملازم أول صلاح عن العمل حتى يهدأ الشعب و إحنا مش ناقصين مشاكل، سألت نفسي كيف يمكن أن يكون إحساس صلاح و هو تعرض لضرب يؤدي إلى وفاه لولا أن أنقذه الله من أيديهم، و في النهاية يحكم عليه الوزير و يترك الجناه حتى يلقي بصلاح كبش فداء عشان يسكت بقى زن الشعب (الشرطة فاسدة الشرطة فاسدة)، شعرت أنني أنا اللتي ظلمت، و أنه لا ينبغي أن أصمت على الظلم

فقررت زيارته، و توجهت للمستشفى و أنا شبه متأكدة أنهم لن يسمحوا لي بزيارته لأن حالته حرجه و لكن كان عندي يقين إني حقدر أزوره، دخلت من البوابة، و كلما مشيت في المستشفى و سألت أحد أين غرفته يقولوا لي من هنا و لكن الزيارة ممنوعة و ظللت أتقدم حتى وجدت نفسي أمام باب غرفته، لم أدري ماذا أفعل حتى سألني أحد العمال بالمستشفى أنتي عايزة إيه، قلت له عايزة أزور الملازم صلاح السجيني، لقيت الباب بيتفتح و رأيته و هو على سريره و معه والدته، فدخلت، و قلت له ما جئت لقوله قلت له "أننا علمنا الحقيقة و أننا ندعو له"، فبكت والدته و حضنتني، كنت حاسه أن ده واجبي اللي المفروض أعمله، زي ما كان واجبي أني أنزل التحرير أدافع عن حق بلدي، كان لازم أدافع عن حق صلاح حتى بأقل حاجة بأني أخليه يعرف بس أن فيه ناس عرفت الحقيقة، كنت حاسة أن بصمتي كأني موافقة على اللي عملوه سواقين الميكروباص أو اللي عمله الوزير، حتى لو ماكانوش سمحولي بزيارته، كنت حاسيبله كارت أو اي حاجة توصل له و لأهله نفس الرسالة اللي روحت عشان أوصلها

و مشيت و لكن لم تنتهي الزيارة هنا فقد جعلتني زيارة صلاح السجيني أرتب أفكاري و أقرر أن أكتب عن كل ما أرى من ظلم فأول ما دار في عقلي، كيف يأخذ وزير الداخلية قرار بوقف ظابط شرطة دون أن يتحقق من حقيقة ما حدث، و كيف يعلم المجتمع المصري كله بما فيهم سواقين الميكروباص بالعقوبة اللتي أخذها صلاح و لا يعلم أحد بما أتخذ من إجراءات تجاه الجناه اللذين كادوا قتله، هذه كارثة، نحن نعلم جيدا أن هناك عدد كبير من سواقين الميكروباص يتعاطون المخدرات و يحملون سنج و أسلحه بيضاء بيبلطجوا بيها على الناس، و لن أقول أن كل سواقين الميكروباص هكذا حتى لا يكون ظلما بين، دلوقتي لما يضربوا ظابط بهدف قتله مستخدمين قانون الغابة أقوم أعاقب الظابط و معلنش أصلا عن عقوبة سواقين الميكروباص اللي ضربوه

طيب أنا عايزة أحلل معاكوا نتيجة القرار ده، النتيجة الأولى أن بكره كل سواق ميكروباص حيبلطج على ضابط بسنجه و بعدين يلم أصحابه السواقين يضربوه، و طبعا الظابط مستحيل يطلع طبنجته لحسن يتوقف عن العمل

النتيجة التانية أن صلاح إستقال، و مش صلاح لوحده، كل ضابط شريف حاسس أن حقه راح و هيبته راحت حيستقيل، لقد دمر حبيب العادلي كل ما يمكن تدميره في جهاز الشرطة، و كان الأمل في الوزير محمود وجدي حتى يصلح ما حدث و لكنه الآن يلقي بواحد منهم كبش فداء دون أن يتحقق مما حدث

هذه ليست أول وقعة يتعدى فيها عدد من سواقين الميكروباص على ضابط شرطة، و يقوم ضابط الشرطة بضرب طلقه في الهواء دفاعا عن روحه، و هذه وقعه حدث فيها نفس الشئ و تم تكريم الضابط، مع العلم أن صلاح لم يقصد قتل السواق ولكن خرجت الطلقة بالخطأ و هو في حالة دفاع عن النفس

http://www.youtube.com/watch?v=JwmsfF_s5NU

فلماذا يتم إصدار عقاب فوري لصلاح الآن

يا معالي الوزير تامر أمين أعتذر أمام المصريين جميعا لأنه قال خبر خطأ عن الحادث أدان به صلاح، أما أنت فحكمت عليه، فماذا أنت فاعل

ثاني ما دار في عقلي هو ما يتعرض له ضباط الشرطة الآن من إهانة في الشارع، فنحن نمشي في الشوارع كل يوم هذه الأيام و نسمع أناس يشتمون ضباط الشرطة بالشارع و الضابط لا يرد صبر منه لا أكثر، حتى لا يزيد ما يحدث سوءا

فما ردك يا معالي الوزير عما يحدث من إهانة ضباط الشرطة، أنا لست خبيرة بالقانون أو السياسة و لكن ما أعرفه أنه يجب أن يكون هناك قرار فوري لردع من يتعدون على الضباط بالإهانة في الشارع مثلا أنه من حق الضابط إصطحاب المواطن فورا إلى القسم إذا تعدى عليه لفظيا في الشارع، أو أن تطلب من الشرطة العسكرية أن تعطي الظباط هذا الحق، لا أدري قل لي معاليك ما الحل

لأنه مرة أخرى من خلال تحليلي للموقف، النتيجة الأولى هي أنه لن يرجع الأمن كما كان طالما لا يوجد من يرد لضابط الشرطة كرامته في الشارع، إذا أستمر الوضع هكذا سوف تزيد إستقالات الضباط و سيخشى العساكر النزول إلى الشارع..إذا كان الضباط بتتشتم و تضرب و مش بياخدوا حقهم

النتيجة الثانية كيف يمكن للعسكري أن يحترم الضابط و هو يراه يشتم كل يوم من مواطنين بالشارع

يا سيادة الوزير لابد أن تفعل شيئا فوريا لحفظ كرامة الضباط اللذي سيؤدي حتما لحفظ الأمن في مصر..حتى لو كان ذلك خطاب مباشر منك للمصريين جميعا

ثالث ما دار في عقلي هو موقف الناس من الشرطة الآن

أود أن أتحدث للمصريين جميعا و يتسع صدورهم لكلامي، أعي جيدا ما كان يحدث من فساد في الجزء الأكبر من الشرطة المصرية، و إن كان هذا الفساد ينقسم إلى فساد بمعنى القتل و التعذيب و السرقة و الرشوة و الواسطة، و فساد بمعنى فساد سلوكي في طريقة التعامل و ثقافة الظباط و هذا العدد الأكبر، بالنسبة للقاتلون، السارقون الآخذون للرشاوي فهؤلاء يتم التحقيق معهم و عقابهم الآن و إن كنتم تعلمون منهم أحد فلتتقدموا بالإبلاغ عنه فورا، و لا تخشوا إلا الله، أما عن هؤلاء الفاسدين سلوكيا، المتعالين على الناس بسبب ثقافة خاطئة نشرها الوزير الأسبق فهؤلاء مات منهم الكثيرون و قدموا روحهم فداءا للوطن، لحمايتي و حمايتك، أليس هذا سببا كافيا يجعلنا نساندهم حتى يتم إصلاح سلوكهم و معاقبة المصر منهم على موقفه

أناشد من لا يستطيع أن يتسامح و يتصالح مع الشرفاء من ضباط الشرطة و أن يفرق بينهم و بين الفاسدين المستحقين للعقاب و يصبر على تغيير سلوكهم ألا يقوم بإحباطهم و إهانتهم لأن هذا خطر يهددنا جميعا فهم بشر و لن يصبروا طويلا و لقد جربنا ماذا تكون الحياة بدون تواجدهم، و ما يحدث الآن هو إستقالة فعلية لعدد كبير من ضباط الشرطة، فهل هذا ما نحن فاعلون بأنفسنا...إذا فهنيئا للمجرمون

هذه فقط بعض الأفكار اللتي دارت بذهني بعد زيارة الملازم أول صلاح السجيني، أدعوا له أن يشفيه الله، و أن يعود لأهله سالما إن شاء الله

ودى شهادة احد شهود العيان

فى قصة الضابط صلاح السـجينى . . يا إخوانى الموضوع ليس كما هو مطروح ، و هذا ما حدث تماما بحسب شهود عيان من نفس المنطقة وشاهدوا الواقعة ، ، كان ذلك الضابط وهو ابن الضابط أشرف السجيني سائرا بسيارته ومعه والدته فإذا بالميكروباص تسير عكس السير في الشارع الرئيسي فإعترض طريقه و سد عليه الطريق ، ونزل الضابط وقال له لم تسير معاكسا فرد عليه السائق قائلا ملكش دعوة الله يسهلك وعديني ، فرد عليه الضابط وقال له لا لن أدعك تمر لأنني ضابط وأنت تخالف النظام - ألا تريدون أن نضبط النظام في البلد ، فانهال السائق عليه بالشتائم واخرج قضيب حديد من الميكروباص وهاجمه وانهال على سيارته بالتحطيم مما روع والدة الضابط بالسيارة فلم يتمالك نفسه فأخرج طبنجته وأطلق عليه طلقة واحدة أصابت كتفه ، وعليه تجمع عليه ياقي سائقي
الميكروباصات الآخرين وأوسعوه ضربا وبإستخدام الآلات
الحادة وهو يلفظ أنفاسه الأخيرة في مستشفى النخيل .


وده ظابط شهم
انقذ فتاة من الاغتصاب كان خاطفها 5بلطجية من اللى قاعدين يقلوا ادبهم ويهمهم انقراض الشرطة المصرية رايحين يغتصبوها لكن لانه انسان شريف ولم يقابل السيئة بالسيئة بل قابلها بالحسنة وكان ممكن يسيبها تغتصب او تتقتل طالما الشعب ده بقى سافل بالشكل ده لكنه رغم الحقارة والسفالة اللى بتحصل لهم الايام دى اتدخل وانقذها النقيب عمرو سعيد بيقول المفروض كل الناس تبقى انا مش انقذتها لانى ظابط .. واضح ان عمرو عايش فى كوكب تانى خالص ومش بيشوف الكلاب السعرانة فى الشوارع مجرد ما واحدة بتتعاكس بيتلم على بعض كل الكلاب الى فى الشارع علشان يساعدوا فى قلة الادب والانحطاط


Wednesday, March 2, 2011

حشيش فى ميدان التحرير

عايز تعمل دماغ انزل الميدان
يا حلولى على الثورجة المناضلين الحلوين
بيقلوا بيطلعوا علينا اشاعات اننا بنحشش وبنشرب وبنعمل قلة ادب
هما فضلوا يومين فى الميدان يشيلوا بلاويهم والجيش قعد ينضف اسبوع وراهم ليه بالظبط ؟
طيب ما تيجو نسمع الكابتشن ده كدا ونشوف ايه سر الدماغ العاليه دى



وبجملة الفضايح

المتحدث باسم ما يسمى بالتنظيم العالمي للاخوان المسلمين في لقائه بمرشد الثورة الايرانية علي خامنئي وهو يمتدحه ويثني عليه وعلى الامام الخميني وابو الاعلى المودودي وسيد قطب يقول ان ما يحدث من تغييرات ه...و في صالح الاسلام والمسلمين مستغلين مجهود الشباب وثورتهم الشريفة ساعين لتدويلها والتدخل الايراني بها لمصالحهم التخريبية والارهابية يقول ايضا نحن افضل الناس في قيادة البشرية الى مستقبل افضل ومستقبل اعظم , واتمنى ان تكون الجمهورية الاسلامية في ايران نموذج يحتذى به في كل شئ وان شاء الله نشهد هذا بالتعاون مع بقية الانظمة الاسلامية التي ستقوم في عالمنا العربي والاسلامي بعد انهيار الانظمة الديكتاتورية البالية لا اعتقد اني بحاجة الى التعليق على هذا الكلام بعد ان اسقطنا اكبر الاقنعة من اقنعة التقية التي يرتدونها افضحوا الكلاب والخونة وكل واحد يشوف كلب ابن كلب فيهم يديله بالجزمة ويسحله ...



وبما ان الكدب مالوش رجلين
الثورجية والمنضالين الكدابين اللى فى ميدان التحرير قالوا ان سالى زهران كانت فى الميدان واثناء نضالها فى الهتاف بسقوط الطاغية جت الشرطة ضربتها على راسها بالعصيان لحد لما ماتت فى قلب الميدان على اساس ان مفيش حد خالص كان بيهتف غير سالى زهران ..
ونشوف ونسمع والدتها بتحكى بنتها ماتت ازاى فى برنامج بلدنا .. اولا سالى زهران من سوهاج نزلت يوم 25الصبح فى المظاهرات فى سوهاج وليس فى ميدان التحرير سالى رجعت بيتها علشان تغير هدومها وتنزل تانى لكن مامتها رفضت انها تنزل وقفلت عليها الباب بالمفتاح فكان من سالى الا انها راحت رمت نفسها من البلكونة .. ونشوف الواد اللى كان بيرمى مولتوف على قسم الشرطة .. هو انت تيجى تضربنى وتحرق بيتى وانا اخدك بالحضن واقولك شرفت ونورت يا حبيبى ؟ هو كل منتحر او بلطجى او مسجل خطر يموت بعد 25اصبح شهيد ؟ هى الشهادة بقت بتتوزع على كل من هب ودب ؟ بالاضافة لترويج الاشاعات وزيادة حبة من البهارات على اى حد بكرهه علشان اقول هو اللى قتله ؟

Tuesday, March 1, 2011

المجموعة السلفية



مجموعة أفراد لابسين الجلابية المينى وعاملين فى وشهم مقشات تقريبا تتلاقى فى الطول مع طول الجلابية ومنتشرين عندى فى ارجاء المنطقة فى ايديهم اليمين ورقه وفى الشمال كارنية .. يبتدوا يقدموا نفسهم بكلمة انت عارف الشيخ محمد حسان ؟ طبعا يكون الرد ايوا عارفه يروح مطلع لك الكارنيه اللى هو عبارة عن ظهر الكارنية صورة للشيخ محمد حسان ووش الكارنية صورة الاخ اللى واقف يكلمك وبياناته وفوق على الكارنية جملة المجموعة السلفية .. وليست الجماعة السلفية عبارة عن ايه المجموعة دى وهدفها ايه بقى يا حضرات ؟ اثناء 25يناير كان الشيخ محمد قطران منزل اعوانه منتشرين فى الميدان لانهم كانوا فاكرينها سايبة وبمجرد ان الرئيس مبارك تنحى يبقى محمد حسان يتزف على الحصان الابيض فى ميدان التحرير ويعينوه خليفة المسلمين فات شهر وفى خلاله اتغيرت حاجات كتير العيال بتوع التحرير مش بيتجمعوا غير يوم الجمعة وغالبا مش بيكون عددهم كتير وده اللى انا شوفته بنفسى يوم الجمعة الشباب اللى كانوا موجودين هناك ماشيين على طريقة خليك فريش احنا فى رحلة ودى جى ورقص وغنا وعالم رايقه اما اغلب اللافتات اللى كانت موجودة وهى شعارات وصور اخوانية فاصبح اللى شال الموجه كلها مش بس ركبها هما الاخوان كل لما حد يتكلم يقولك الاخوان اللى قاموا ب25يناير والاخوان اللى شالو مبارك والاخوان الراجل اللى ورا عمر سليمان .. فى الحالة دى السلفيين حسوا انهم خدوا الخازوق الاعظم فى التاريخ .. راح الشيخ محمد قطران مجمع جرابيعه ومعاهم كل المنشقين والمطرودين من الجماعات الدينية بما فيهم المنشقين عن الاخوان .. وراحوا عاملين خيمة كبيييييرة قافلين بيها الشارع كله ودى لتجمع الدقون ووراها خيمة صغيرة ودى لتجمع المنقبات هو قفل الشوارع ده مش تعطيل لمصالح الناس وهل وقف حال مصالح الناس عند السلفيين الجهابذة بقى من الإيمان ؟ هل تشويه الحيطان اللى كاتبين عليها شعارتهم فى الشارع ده من الايمان ؟ هل الاطفال الصغيرة اللى جايبينهم ملبسينهم الجلابية البيضا والبنات الصغيرين اللى عمرهم لا يتعدى ال5سنوات وملبسينهم نقاب وكاتبين على صدورهم عايزنيها اسلامية ومستعد اموت من اجل الاسلام ده من الايمان ؟ يعنى ايه طفل صغير بدل ما اعلمه كلمة محبة وتسامح وقبول الآخر اعلمه القتل وسفك الدماء ؟ هل من شهر كان كلاب الاخوانجية والسلفية يقدروا يعلنوا عن نفسهم ويعملوا مؤتمرات يقفلوا بيها الشوارع بكل تبجح بالشكل المريع ده ؟ لكن رغم كدا مبسوطة انهم فعلا بدأوا شغلهم وجهادهم العلنى والاخوان يركبوا الموجة والسلفيين يواجههوهم بالثورة المضادة وياريت تبقى بحور دم ويبقى شوية اوساخ خلصوا على بعض وخلصنا