Posts

Showing posts from February, 2011

كيلو الكدب بقى بكام ؟

Image
بما إنه موسم سقوط الأقنعة وكل واحد عايز يعمل لنفسه قيمة ودور فى المجتمع يقولك انا اهووو مع الثورة انا مش همشى من هنا غير لما مبارك يمشى .. مشى مبارك لازم عمر سليمان يمشى .. مشى عمر سليمان .. لازم شفيق يمشى .. وبعدين يا حلوين انتوا عايزين تمشو البلد كلها على مزاج الى خلفوكو وانتوا اصلا شوية رعاع ومرتزقة ونصابين وكدابين .. محموء سعد اللى بيقول انه ترك برنامج مصر النهارة علشان الفريق المحترم احمد شفيق فرض نفسه على البرنامج .. ده اسلوب كلام واحد زبال مش المفروض انه اعلامى لما يتكلم على ناس ليها وزنها ووضعها بالطريقة دى يبقى ما اختلفش حاجه عن العيال السافله اللى فى التحرير بتوع لازم يمشى دلؤقتشى .. وبما ان الكدب مالوش رجلين والسبب الرئيسى فى ترك محموء سعد للبرنامج هو تخفيض اجره من 9مليون إلى مليون ونصف المليون يبقى الفرصة والحجة والمبرر انه انضم للثوار وكنت فين من يوم25يا محموء ؟؟ مش سبت البرنامج من يومها ليه ؟ محمود سعد بتاع الطبقة الكادحة وانه مع الشعب فى العلن وفى السر يتفنن فى سرقة مال الشعب ولما الأوضاع تتصلح وكل واحد يقبض حسب حجمه الطبيعى يبقى يولع الشعب .. فى ستين داهيه يا محموء و…

من قلب ميدان التحرير

Image
طبعا مش كان الهدف الميدان لكن للأسف هو كان طريقى لانى كنت رايحة طلعت حرب قوم ايه بقى وانا طالعة من المترو لاقيت الشرطة العسكرية بيقولوا لى بطاقتك .. قولت لالالالا مش فينا من كدا بطاقة ايه وبتنجان ايه .. قالى معلشى ده اجراء قانونى .. طالما قانونى اطلع يا دفعه هو انا اصلا اقدر اخالف القانون .. الا نظام بقى ستكنا له لاقيته بيقولى افتحى شنطتك .. لالالا كله الا كدا ضحك وقالى تانى ده اجراء قانونى .. يعنى هو لما تطبقوا القوانين تيجى فيا انا ؟ ما علينا المهم طلعت الميدان وانا فى الطريق كنت سمعت ان ميدان التحرير فيه 4مليون قولت يا للهول هما هدوا العمارات المحيطة علشان ياخد العدد ده ولا ايه ؟ واول ما اطلع الميدان حسيت انى فى الهايد بارك وليس ميدان التحرير بس هايد بارك اون ليبيا وليس مصر كل واحد عاجبه صوته واقف يهتف لليبيا وحواليه 20واحد بيرددوا وراه .. قولت لا فعلا العدد 90مليون اصل شكلهم استوردوا شعب زيادة .. ده ايه العدد المهول ده .. يا خراشى ده انا حتى شايفه الناس بتتمشى واخر انشكاح والمنقبات فارشين الارض وقاعدين ياكلوا كشرى وكل رب وربة اسرة جايبين العيال وجايين يصوروهم على الدبابات …

الشعب يريد الفوضى

Image
ترددت خلال الفترة الماضية شعارات كان اشهرها الشعب يريد تغيير النظام ولكن فى ماذا يفيد تغيير نظام حتى لو اتغير كل ساعه نظام واتينا بحكام اجانب ... فلم يفلح فى هذا الشعب الهمجى الفوضوى كلمة تقدم ولا رقى ولا تحضر ولا ديموقراطية ... لذلك لابد من الابادة الجماعية لشعب بالحقارة دى .. على اى اساس يقتل عمال غزل كفر الدوار رئيس مجلس الإدارة ؟ من غير ما يدوا له فرصة يتكلم او ينفذ طلباتهم .. افعال تنأى عنها الحيوانات اصبحت مكررة يومياً من الفئات المصرية القذرة التى لا تعرف معنى رحمة ولا عدل ولا ديموقراطية .. اى ديموقراطية لفئات قذرة لاتعرف من الحياة سوا الفلوس والاكل .. وكل جربوع عايز ينام ويشرب وياكل واخر الشهر يجى له مرتب من غير تعب ولا مجهود .. نفس الفئات الزبالة دى لو سافرت اى بلد بتشتغل فى الجبال وفى احلك الظروف الجوية وبيلتزموا بالمواعيد لكن فى مصر الغباء والسفالة فى ابشع صورها عايزينها تكية اكل ونوم من غير عمل وان راح يشتغل التاخير فى المواعيد والصلاة الجماعه اللى بتضيع نص اليوم لو اتحسب عدد ساعات العمل لاى عامل او موظف فى اليوم مش تطلع ساعتين على بعض ورغم كدا برضه منتهى السفالة والح…

عاش الملك .. مات الملك

Image
وبعد توالى سقوط الأقنعة واللى كان بيبوس القدم لآل مبارك النهاردة ناصب ليهم محاكم تفتيش على اساس انه هو الطاهر الشريف العفيف . .. يعنى براهيم عيسى اللى أخد عفو رئاسى وكان ناقص يروح يمسح السلم فى القصر الجمهورى عرفاناً وإعترافاً بالجميل وفى نفس الوقت عامل نفسه مناضل ومنحاز للشعب الغلبان يا حرام غلبان خالص وهو مرتبه خمسة وسبعين الف جنيه فى الشهر شوفتوا الغلب وصل لحد فين
والقرداوى اللى عامل زى الحاوى وقاعد يتنطط كما البهلوان ايشى حاخامات وايشى ملوك وامراء ولما انهارت مصر كان اول الكلاب فى ميدان التحرير ولامم حواليه شوية معيز كل وظيفتهم يقولوا ماااء بيتكلم عن ثروة آل مبارك وهو ولاده متعلمين فى بلاد الفرنجة الكفرة وارصدته متورمة فى بنوك سويسرا الزنادقة وبرضه جاى يتمسكن وعامل نفسه فى صف الغلابة والفقراء
اما محمود نحس اللى فضحه انس الفقى وكان امنية حياته يروح يعمل لقاء مع الرئيس مبارك لكن واضح ان محمود نحس فاكر انه شخصية وهيقابله فعلا مبارك ولا يعبره وبعد رحيل مبارك عامل محاكم تفتيش ويبحث عن ثروة آل مبارك وهو بتاع الغلابة يا حرام يتقاضى 9مليون جنيه ده اغلب من الغلب بشوية .. وسبحانه مغير ال…

الجهاد على الطريقة القرداوية

Image
لما القرداوى اللى متلقح فى قطر واخد الجنسية القطرية ما يصدق تحصل ازمة مصر ويجى علشان يبث سمومة التى لم يتوقف عنها منذ رحيلة من مصر لكن لما نزل مصر كانت بزيادة اوى والمغيبين والمتخلفين يسقفوا له ويسجدوا رغم اختلاف الديانات من غير ما يتسائلو اشمعنا مصر تحديداً اللى نصب اعين الاخوانجية وطبعا لا يخفى عن الجميع ان القرداوى زعيم الاخوانجية وتقوم بالمساعدة فى ده قناة الحقيرة رغم كدبها البين الا انها لازالت ملجأ لكل كذاب ومنافق .. لما تظهر قناة فجأة تسمى بقناة التحرير على النايل سات مجهولة التمويل ومجهولة الهوية ولكن يكفى ان اللى بيديرها ابراهيم عيسى علشان الجميع يتأكد انها المقابل للدعارة الفكرية اللى حصلت فى التحرير واللى على أساسها تم خراب البلد وحتى اليوم لا يزال الجميع يسعى للخراب حتى ان القوات المسلحة قامت بالتحذير لكل من يدعو للمظاهرات وكل من يقوم بطرد العمال من مصانعهم واماكن اعمالهم إماعنا فى خراب مصر ودمارها يبقى كدا معروف مين الجهات الإنتهازية والمستفيدة وبما ان الشيئ بالشيئ يذكر فجيفارا المصرى اللى نفخوه بتوع الدستور فى البداية كالبلونة وانه مناضل ومثقف وواعى اثبت للجميع لعبه عل…

أن تكذب أكثر

Image
أن تكذب أكثر تقدر تلم حواليك اكبر قدر من الغوغاء والمغيبين والمتخلفين والجرابيع واللى عايزينها فوضى
ان تكذب اكثر وتتفنن فى استخراج الاشاعات وبعد ما تحقق اللى انت عايزة تقول هيييييه ضحكت عليكو انا كان لازم اطلع اشاعات علشان الشباب يبيتوا فى الميدان ونجوزهم اخر اليوم امال ايه ده فى ازمة عنوسة فى مصر ولازماً وحتماً ولا بد تتحل وكانت الفكرة فى خيام ميدان التحرير واهو كله بثوابه عقبال البيبى كدا لما يجى هو كمان من ميدان التحرير .. ان تكذب اكثر يعنى تقدر تجذب بتوع العشوائيات واهم كدا كدا مبيتين فى الشوارع بس الفرق ان فى حد كان بيونسهم فى التحرير ومنه بيضيعوا وقت ومنه جهاد فى سبيل الله كما فعل الاخوانجية والسلفيين وساعدهم فى ذلك الجرابيع والمغيبين
ان تكذب أكثر على نهج قناة الحقيرة المسماة قديماً بالجزيرة وتختار الاوباش والجرابيع فى ظهورهم على شاشتها علشان الناس يقولوا يا حرااام شوفتوا المصريين معفنين إزاى ؟ والهدف الحقيقى تسأل عنه قطر
والسؤال التانى برضه لقطر دلوقتى الدول العربية معظمها عامل مظاهرات امال فين تغطية قناة الحقيرة ؟ ولا هى مصر كانت ولا زالت الهدف المنشود ؟
ان تكذب اكثر لما يطل…

مولد سيدى تحرير

Image
كل يوم نشوف شوية عيال عاملين اجتماعات ويقولوا احنا شباب 25يناير الغريب ان كلهم مختلفين عن بعض .. يعنى فين فعلا شباب 25يناير .. لقد ذهبوا مع الريح فعلاً ذهبوا دون عودة ودلوقتى اللى فى الكادر هما الإخوانجية حتى القرداوى رايح يلقى برسائل قال تحث على المحبة هيهيهيهيييي ما يحكمشى يا ابو قردان انت تعرف ايه عن المحبة والسماحة يا بتاع الجوزارات ليله وتعدى ونسيت تقولنا فى خطبة الجمعة يا قرداوى اخبار الموظفين فى اسلام اون لاين ايه ؟ ياترى رجعت لهم حقوقهم ؟ ونسيت وانت بتقول للصيع اللى كانوا معاك استمروا فى الخراب وبعدها هنبنى ياترى هتبنى معاهم ولا هترجع قطر وتبنى من هناك فى اكوام الفلوس على قلبك ؟ انت تعرف ايه عن الاديان غير القصر اللى ساكن فيه فى قطر ولما انهارت مصر جاى تلحق لك حتة من التورتة ؟ هو حد فعلا سمع خطبة الجمعة اللى قالها بس ياريت بلاش يرد عليا اخوانجية اصل اكيد هيطبلوا ويرقصوا لكبير العوالم بتاعهم القرداوى .. حد شاف الدقون واكياس الزبالة السودة اللى متلقحة النهاردة فى ميدان التحرير ؟ الإخوانجية فعلاً ركبوا الموجة ودلدلوا رجليهم .. واحد يجمع شوية صيع ويقولك نحتفل بجمعة النصر والبلتاج…

المنافقون قادمون

Image
وبدأ تنفيذ البرورجرام بوضوح تام السلفيين والاخوانجية دايرين يلفوا كعب داير يجمعوا توقعيات لتفعيل المادة التانية من الدستور الاسلام هو الدين الشرعى للدولة وبلا محاكم بلا كلام فاضى المهم هو تنفيذ الحدود .. ووصلت بيهم الدرجة لرفع السيوف على البنات والستات وكل من تحمل تاء تأنيث إما تتكفنى يا شاطرة وإما جز رقابتك وانتى الجانية على نفسك .. وبدأ لصق المنشورات بقفل الملاهى الليلة وكل اماكن تقديم الكحوليات ومحلات الفديو وكل اللى مش على مزاجهم تنفيذاً لأوامر الشريعة الاسلامية وان قريش من 1400سنة مش كان فيها فديو جيم بس كان فيها بى ام دبليو .. وتنفيذاً للأجندة التى تلقاها اليساريين والسلفيين من اولياء نعمتهم واسيادهم الايرانيين فإن القرداوى سوف يؤمهم غداً فى ميدان التحرير .. فين اللى بيقولوا ان ميدان التحرير مش فيه اخوان ولا سلفيين ولا يساريين ؟ اذا كان هى دى الفئة المتلقحة هناك من بعد يوم28واللى من يوم تنحية سيدهم وسيد اللى جابوهم رئيس الجمهورية وهما دايرين يقولوا هييييه عملنا الثورة هييه الحكم لنا وقاعدين يعملوا اجتماعات وجايبين منهم كام مرتزق ومسمين نفسهم مجلس قيادة الثورة .. ولما شعب سبعين ف…

سياسة الميكروباص وفقه التوكتوك

Image
بين يوم وليلة اصبح كل المصريين من الصغير إلى الكبير وناقص كمان الطفل الرضيع بيفهم فى السياسة لحد ما وصلت البلد لمرحلة الفوضى .. كل من هب ودب يروح يلم له شوية عواطلية ويقف فى اى مكان ويقولك عايز اغير المدير بتاعى ليه يا شاطر تغيره ؟ يقولك كدا اصله مش عاجبنى .. ناقص اللى صحى من النوم ولاقى مراته مش عامله له اكل يلم الجيران وينزل يعمل لها مظاهره تحت البيت .. بأمانة انتوا كلكوا شوية زبالين وخسارة فيكو كلمة ديموقراطية انتوا اخركو تتحطوا جوا ماسورة صرف صحى ويتولع فيكو باوسخ انواع البنزين .. شعب بالغباء والتخلف والهمجية دى مش يستاهل الا حكم العسكر وتطبيق الأحكام العرفية .. وكل واحد حاطط ايده فى بؤه ويقولك اللى هيحكمنا ومش يعمل لنا اللى احنا عايزينه هننزل نقعد له فى ميدان التحرير .. على اساس انها بقت سايبة اصل اللى جاى هيسيبه تحرير ده ان مش كان بعد كدا يبقى هو ميدان اقامة الحدود عليكو وعلى اللى خلفوكوا وبكره تشوفوا يا صيع يا سفلة .. لما كل واحدة مش متربية عايزة تمارس عهرها تنزل تبيت لها فى الشارع3اسابيع وفى النهار مقضاياها هتافات ووجبات وفى الليل مقضياها رقص وحفلات سمر والخيام يا ما دارت …

عقبال القاعدة كدا لما يشرفونا

وبدأت الأقنعة فى السقوط والفيران تخرج من جحورها
اولاً الاخوان المنتفعين تقدموا بطلب لتعديل المادة الثانية من الدستور لاء لاء محدش يفرح اوى كدا دول عايزين يعدلوها لأيه بقى يا حلوين يا اللى فرحانين ومبسوطين بالفوضى والجماعة الحلوين اللى بيقولوا لازم يمشى حالاً علشان هو السبب فى قتل اخواتنا فى كنيسة القديسين على اساس ان مبارك كان متنكر فى الكنيسة وفجرها وركب الموتوسكيل الصينى وطلع طيراان على القصر الجمهورى ولا من شاف ولا من درى .. عايزين الإسلام هو دين الدولة الرسمى وجميع التشريعات والقوانين تبقى اسلامية وطززززززز فى كل اصحاب العقائد المختلفة اللى عايشين فى مصر هما لازم ينصاعوا للمادة التانية من الدستور
وعلى ضوء ما تقدم فقد خرجت الجماعة الإسلامية من جحرها وعقدوا اجتماع منذ عشرون عاماً واخدوا بعض بالأحضان يا إرهابيين بلدنا بالأحضان واى حد يعترض هيتقتل هو واللى خلفوه وجيرانه وجيران جيرانه كمان هو حد يقدر يعترض على اوامر الجماعات الاسلامية ؟ اللى يعترض عليها بيعترض على الشرائع السماوية انتوا كفرة ولا ايه ؟ ألا حد يعرف امير الجماعة أخباره ايه ؟

افعص هون نص الخبر

الا هو صبحى صالح الاخوانجى …

Happy Valentine's Day

Image
HappyValentinemysweetLordand thedayswhich comealltheloveandaffectionandtolerance, and everyoneinthe caseandevacuate himlivehis lifelike whatlikesand does not interferein their affairsandleavethe otherlivesas he likes..OnHappy Valentine's DayEgyptscreamyou want torescuestupid

Mubarakism Without Mubarak

If youalreadyoperateyour mindto understand theeventsyou will notgettoanyviable optionora real solution, butreturnedEgypttothe pastsixtyyearstospinthe wheel oftimeandaftersixty yearsthe otheris likely togetto thedemocracywhichwasmost recentlyyesterdayReadthisarticlecarefullyto theevidenceon the health ofmy wordsthatYoureallyunderstand

Mubarakism Without Mubarak
Egyptian President Hosni Mubarak gave into the demands of the protesters today, leaving Cairo and stepping down from power. That came hours after a speech, broadcast live across the world yesterday, in which he refused to do so. Earlier that day, the Supreme Military Council released a statement -- labeled its "first" communiqué -- that stated that the military would ensure a peaceful transition of Mubarak out of office. In practice, it appears that power has passed into the hands of the armed forces. This act was the latest in the military's creep from applauded bystander to steering force in this month'…

هنيئاً بالفرحة العارمة

صحيات عاليه وصرخات وسجدات وفرحة عارمة على رحيل سلام دام 30عاماً افرحوا وهنوا بعض النهاردة لكن بكره اوعوا تبكوا او تعلو اصواتكم وانتم تعضون أصابع الندم لما جنته أيديكم وهنيئاً لكم بالأحكام العرفية والمحاكمات العسكرية والسجون الحربية ... هنيئاً لكم ما جنته أيديكم من خراب ودمار لمصر التى كرمها الله عزوجل بذكرها فى القرآن الكريم " أدخلوا مصر آمنين " ولكنكم لا تريدون هذا التكربم ولا هذا الآمان فسعيتم بايديكم وكل أطلق كلابه لنعود من حيث أتينا من عام 52ولا كأننا عبرنا ألفيه ولا كاننا وصلنا للعام2011ولاكأن العالم من حولنا تطور وتقدم هنيئاً لكم ايها الشعب الحانق الحاقد الجاحد على التخلف والرجعية هنيئاً لكم بأحكام الحديد والنار .. هنيئاً لمرتزقة التحرير نومهم فى الشوارع3اسابيع اهو منه تعارف ومنه حفلات ورقص ومنه كأن لم يكن فبكلمة التنحى لا تعديل للدستور كنتوا زعلانين بحالة الطوارئ ؟ طيب ايه رأيكو فى الأحكام العرفية ؟ الف الف مبروك اشربوا بقى بس استحملوا .. سعيتوا لخرابها تحت اسم تعديل الدستور وانهاء الطوارئ وتوفير حياة كريمة ؟ نمتوا فى الشوارع ورجعتوا بنفس المطالب لكن زيادة كمان حكم …

مرة ايران ومرة القاعدة مبروك عليكو البيان

Image
علشان لما نقول فى ايدى خفية فى الموضوع يبقى اللى جاهزين باتهامات العمالة يتكتموا ويخرسوا خالص وزى ما قولت لها لهم قبل كدا اللى فيه حاجه وسخة بيكون فاكر كل الناس زيه .. لما خامئنى يلقى خطبة بالعربية لاول مرة ويطلب ان مص تبقى الجمهورية الاسلامية الشيعية ويليه ارهابيين القاعدة اللى هى اصلا مش عارفه تقعد فين ويتبعم بيان السلفيين يبقى كدا بقينا ملطشة .. وأقولكو يا كلب منك له لو راجل بجد ده لو يعنى روح احدف لك حجر بس مش صاروخ فى اسرائيل ووروينا رجولتك .. مش بتاع ايران ده اللى رجع الشباب من المطار فى احداث2008لما كانوا رايحين يجاهدوا فى لسطين ؟ وصيع القاعدة مستخبيين فى جحور مع القيران واللى بيطلع ينطق منهم بيغطى وشه يبقى خليك فى جبنك وهبلك وعبطك منك له وسيبوا مصر فى حالها جتكو البلاوى مليتوا البلد .. قوم ايه بقى راحوا الجماعة السفليين ما صدقوا ومنزلين نسوانهم وعيالهم وهما قاعدين فى البيوت يكتبوا البيان ده ويعملوا مؤتمر قال .. جتها نيلة اللى عايزة خلف من العينة السفلية

البيان ده بقى تبلوه وتشربوا ميته 3مرات قبل الاكل ومرتين بعد الحمام .. اصل الجيش انتشر فى كل مكان فى البلد ده ان…

شرفاء الوطن الحقيقيين

Image
اى مصيبة تحصل فى مصر وراها الشرطة مباشرة بس نسيتوا تقولوا لما دخلتوا الحمام ولاقيتو المية مقطوعة كان وراها برضه جهاز الشرطة اللعين .. فى حادث هروب المساجين كان اول كلمة ان الشرطة هى اللى هربتهم .. طيب الشرطة يا اذكياء مش قبل ما تهربهم كانوا خبوا الاسلحة ولا صادروها ولا حتى سرقوها علشان المساجين والبلطجية مش يطلعوا يقتلوهم بيها ؟ لكن نظرية المؤامرة بتخلى المنتفعين يروجوا والمغيبين يصدقوا .. واللى مش عارفين يحكو قصص ويألفوا .. طيب يا جماعة الناس اللى هربت من السجون وقتلوا الظباط وسرقوا ملابسهم وكانوا بيهربوا فى سيارات الشرطة علشان محدش يوقفهم عايزين نعرف لو الشرطة متعاونة معاهم ليه المساجين كانوا بينطوا على السور مش خرجوا ليه بالطريقة الشرعية ؟ والاعتداء على القسم جه من الخارج ليه ؟ وليه اللىب يهربهم قالهو روحوا مش قالهم روحوا اعتدوا على المواطنين الآمنين وبلطجوا ؟ واللغة اللى فى الفديو ده ياترى دى مصرية ؟ يعنى المصريين لما بيتكلموا بيقولوا سيبها تماشى .. طيب الجلابيب المينى والدقون اللى رايحة جاية والمساجين بيهربوا من السجن دول كان دورهم ايه ؟ وطريقة كلامهم إزاى ؟ ولما الشرطة كانت ب…

حينما تعشق الأضواء

Image
هو مش كلمة إحترام بمفهومها الشامل معناها الإصغاء للأخرين و عدم التكبر و التعنت بالرأي و التعامل باللين و الرفق؟ طبعا ده مش موجود خالص من خلال اللقاءات اللى بتعملها وسائل الإعلام مع المقاطيع اللى اخدوا التحرير محل اقامة ليهم عاتشى بقى ماهو بقى مولد وكل اللى مش لاقى له مكان ولا اللى مطرود من بيته ولا اللى مقره اصلا الشارع و العواطلى او اللى ابوه بيصرف عليه يروح للتحرير اهو بيضيع وقت وبيلاقى ناس يونسوه وبالليل بيتبسط فى حفلات السمر .. الغريب والمضحك فى نفس الوقت ان لو حد من المشاهير مر من جنب ميدان التحرير يقولوا هييييه كان معانا فى المظاهره ويطلع تانى يوم اللى قالوا عليه كان موجود يا اما ينفى الكلام اصلا ويقول ده انا بره مصر اساسا يا اما يقول انا كنت رايح والله اقولهم روحوا بقى وسيبوا الميدان بس ده لو حد فكر يعملها تانى ياخد حذره لأنه مصيره هيبقى الكسر زى ما كسروا رجل خالد الجندى كدا لما راح يقولهم روحوا يا حلوين بيتك بيتك بقى .. واللى يقول انا كنت رايح اتفرج عليهم وبصراحة مش طلع اى فنان ولا اعلامى غير تيسير فهمى وشكلها كانت لسه صاحية من النوم وجاية تأدى دور بس دورها كان سخيف اوى ومش لا…

ويسألونك عن التزوير

Image
فى يوم 25نزل جموع من الشعب الغفير ومقدرش انكر الأعداد اللى نزلت بدءاً من يوم 25 وصولاً ليوم 28وشوفت بعينى محدش قالى .. لكن من يوم 28 بدأت كل الناس المحترمة فى الإنسحاب لأن المطالب بتاعتهم خلاص هتتنفذ ولم يستمر هناك حتى اليوم سوى محبى حفلات السمر – اللى فاضى رايح يعمل فيها قاضى .. اللى ممكن يكون مطرود من بيته شر طرده .. الاخوان المنتفعين وماشابه .. وبمناسبة الإخوان اللى كل تعليقاتهم سفالة وقلة ادب .. الهى يتشل ويتعمى وما يلاقى اللى يعبرهقادر يا كريم اللى يدخل منهم يقل ادبه عندى وكالعادة هتف عليه وعلى اهله وارمى فى اوسخ زبالة ... نرجع بقى لمقاطيع التحرير اللى هناك لحد دلوقتى وبقول عليهم مقاطيع لأنهم لا يمثلون أبطال 25 الحقيقيين وده باعترافهم مش كلامى انا بصراحة ودى عينه منه فى حوار ليهم من قلب ميدان التحرير اصل فى ناس كل لما نقول كلمة يقولوا انت بتقبض او بتاع الاعلام المصرى .. لاء شوفوا كلامهم بنفسكو أحب أن أشير إلى وأوجه عناية الناس الذين يحاولون حصرنا فى أننا حركة جديدة اسمها شباب 25 يناير، إن مفيش حاجة اسمها شباب 25 يناير ونحن لا نحاول إنشاء حزب بهذا الاسم، لأننا لن نفعل تلك الخطيئة،…

ميـــ6ـــدان التحرير

Image
احب اوجه الشكر لكل القابعين فى قاعدة التحرير العسكرية حيث أنهم الهمونا الأفكار لمشاريع إستثمارية ضخمة سوف تعود على البلد بالنفع العظيم .. فمنذ اليوم لم يقتصر ميدان التحرير على المظاهرات فقط .. كلا نوو البته بل كل من يريد الاحتفال باى مناسبة ( خطوية - زواج - سبوع - طهور )مش حتفرق فالميدان ميدانا هو حد ليه عندنا حاجه .. و بعد عقد القران الذى تم اليوم حيث كان اليوم مكرر للصلاة على روح الشهداء بس مش مشكلة هذه نقرة وهذه نقرة أخرى احنا نصلى وبرضه خلونا نفرح ونهيص وبعد ان اجرى العروسان اليوم عقد القران فى انتظار الخبر القادم وهو ليله الدخلة برضه بس بلاش ميدان التحرير يا جماعه خلوها عبدالمنعم رياض .علشان الدولة تساعدكو بتخصيص مكان صغنون كدا فى قلب الميدان لعمل الدخلة وزى ما كان شهود كتب الكتاب مائة من الألف مصرى وأجنبى عايزين يوم الدخلة بقى مظاهره مليونية علشان الشعب المصرى كله يبقى شاهد ... وزغروطة للعروسين ... وعلي ضوء ما تقدم انا اطالب وأهيب بالمسؤلين سرعة البدء والعمل الفورى فى إنشاء مكتب لتلقى طلبات الزواج وتوفيق راسين فى الحمام قصدى فى الحلال ؟ ألا بمناسبة ذكر الحمام صحيح بتوع قاعدة الت…

الشعب يريد إخلاء الميدان

كان فى لغز كبير أوى كان حله إمبارح من قلب ميدان التحرير .. كان كل لما حد يتكلم ويقول مبارك يكمل مدة الحكم وده الشرعى والدستورى يعنى دى منه ولا هبه من أى حد كانوا يقولوا يا عميل يا خاين .. ولما راح لهم شباب 25 يقولوا لهم يا جماعة كفاية امشو بقى البلد بتولع هتبوظوا اللى عملناه طلع عليه كلاب الإخوان وأعوانهم الإيرانيين والعراقيين والفلسطيين القابعين فى قاعدة التحرير العسكرية امشوا يا عملاء يا خونة .. لما الناس اتفاجأت ان مش دول شباب 25 اللى نزل أول يوم راحوا فضحوا لبعض على الفضائيات ان الناس الموجودة هناك لحد دلوقتى كل يوم بيمر يكون بأكبر قدر من الإستفادة تقريباً اليورو خلص دلوقتى فى موبيلات كلها شبه بعضها واجهزة لاب توز الحاجات دى مصدرها ايه ؟ لاء لاء لاء اوعوا حد يقولى مصدرها إيران اللى خامئنى لأول مرة يلقى خطبة الجمعة باللغة العربية ومن 7شهور كمان ؟ ده احنا طلعنا مهمين اوى خالص يا جرعان بس ده مش لوجه الله لا سمح الله .. اصل الحاج خامنئى طالع يمد ايده هو كمان فى حتة التورتة اللى افتكروها وقعت لكن ده بعدهم .. بيقول ايه بقى الكابتن خامنئى أن التحركات الشعبية فى تونس ومصر بوادر حركة إسلام…

ما تزعليش يا مصر

Image
حرقناكى ولبسناكى ثوب الحداد بإيدينا ؟ حقك علينا يا غالية
الشيخة موزة بفلوسها سلطت كلابها وقناة الجزيرة علينا ؟
زمان قالوا فى الأمثال اللى بيته من إزاز مش يحدف أسيادة بالحجارة
خلاص مبقاش إلا الأقزام فاكرين الفلوس هتعمل منهم قيمة دفعتى رشوة كام يا شيخة موزة علشان تستضيفى كأس العالم ؟
وفى يكليكس إتفاقات رئيس وزراءك صاحب أضخم قصر فى إسرائيل بأن قناة الخنزيرة اللى تبث سمومها من دولة الأقزام قطر هتعمل فتنة بين ولادنا لإحتلال أراضينا .. وايه اخبار القواعد الأمريكية يا شيخة موزة .. جهزتى البنزين علشان تمولى الطيارات الامريكية زى ما عملتوا مع العراق ؟
واضح انكو فى المخططات أطفال ومش تعرفوا مين هما المصريين اللى على ايديهم العالم كله اتعلم يعنى ايه كلمة علم وحضارة .. مش تعرفى إن أصغر طفل مصرى عقله بدولة قطر وكل عميل وخاين يفكر يعادينا

والبرادعى اللى زى القضى المستعجل هل علينا .. ومكالماته مع رئيسة خارجية أمريكا بقت مستندات تحت إيدينا .. فى البداية خدعنا باجندة مدبرة وكل من قاله احنا بنأيدك لعب على وتر النغمة المفضلة لكن سقطت الاقنعة وبقت نغمة نشاز استنى حركة الشباب وهبط علينا يعتلى الموجة لفتر…

نداء عاجل لقادة حرب أكتوبر

ضحيتوا بدمكو لتطهيرها من الأعداء
مش هامكو حياة من موت مش هامكو وراكو نساء واولاد
النهاردة محتاجينكو علشان شرذمة من العملاء والغوغاء قابعين فى ميدان التحرير لتضييع جهدكو ودمكو
رجاء من كل اولادكو الشرفاء
اللى يهمهم تراب الوطن ويهمهم أمن الوطن
اقروا المقال ده علشان خاطر أرضنا ووطنا علشان خاطر تاريخنا وماضينا وحاضرنا
القلة الموجودة فى ميدن التحرير لا تعبر عن المصريين الشرفاء ,,, المصريين اللى سهروا الليالى ولازالوا اسفل منازلهم لحماية بيوتهم وعرضهم .. ارجوكو بسرعه

Mohamed ಅಬ್ದ್

عشان دم الشهداء يكون له قيمة كفاية ارجوكم
مصر اهم
مشاكل المياة بين مصر و دول منابع النيل هنخسر حصتنا لو حصلت فوضى
احنا داخلين على وقت حصاد المحاصيل الزراعية ابوس جزمكم اعقلو
اسرائيل على الباب اعقلو
مشاكلنا الادارية و السياسية مجتاجة وقت عشان تتحل
الكل برة مصر عاوز فوضى
ما حدش عاوزلنا خير
يا نعقل يا الطوفان
يا جماعة يا بتوع التحرير دم الشهداء هيضيع بعندكم
الوقت ضدنا كلنا
عشان مصر ثرنا
و عشان مصر لازم نهدا
يا كبار يا عاقلين
دعوة لابطال حرب اكتوبر اللى لسة عايشين خليكم واسطة خير
كلنا واثقين فيكم و فى حكمتكم
ابوس رجليكم اللى يق…

من مظاهرة الإسماعيلية جبت لكو ؟! ممكن نتعرف على الاشكال دى سوا ؟

بما إن كلنا من يوم الجمعة 28يناير عايشين حياة ما قبل عصر المعادن فالطبيعى كان لازم أتأخر فى نزول البوست ده .. ورغم إنى من محافظة مختلفة خالص غير الإسماعيلية لكن أنا إنتمائى الأول والأخير للمحافظة دى علشان كدا كان لازم اكون متواجدة هناك يوم الجمعة .. الخميس بالليل نسقت مع مجموعة من أصدقائى اللى هناك والجمعة الصبح نزلت قابلنى وائل عند الموقف اول ما بص فى وشى قالى ايه ده هو ده لبس مظاهرات يا هانم ؟ لا بسه لى أحمر قولت له المرة الجاية ألبس لك بنفسج روحنا نقابل نشوى ونلاقى المفاجأة الغير متفق عليها تماما هى كمان لابسه أحمر مشينا احنا التلاته ومفيش حاجة اسمها شبكة موبايل علشان نجمع بعض احنا كنا بنتقابل حسب اتفاقنا فى حالة لو حصل اى ظروف هنكون فين والساعه كام ، شوية وقابلنا سامر وندى كملنا لحد شارع الإستاد وهنا كانت أعداد رهيبة من البشر لدرجة انى شكيت ان مصر كلها اتجمعت فى شارع الإستاد .. ولفت نظرنا اول لما وصلنا لاقينا ناس بتصلى فى الشارع مش عارفه ايه موضة صلاة الشوارع فى المظاهرات دى وقفنا بعيد شوية ناكل جلاكسى ونحكى قصص من الخيال العلمى مش وقتها خالص لسه الناس مش انتهت من الصلاة ولاقينا …