وهكذا أمر قاضى ميدان التحرير

وهكذا كان أمر قاضى ميدان الجرابيع بان اى واحد مش تابع ليهم ومن من اى حزب او اجندة او استئلاف او منظمات ولا حتى منظفات يتم تقليعه هدومه وصلبه على اطول نخلة وكل جربوع لازم يديله بالقفا وبعد القفا شلوت اصل لو القفا بس يبقى الواد ده مش ثورجى لكن قفا وشلوت يبقى ثورجى مجاهد جدا لان اى وجه غريب لازما وحتما ولابد يبقى امن حتى لو لاجئ من تحت اى كوبرى وجاى يتونس معاهم داخل الخيمة زى باقى الناس اللى بتتونس ببعضيشها
لكن لما الداخلية والشرطة العسكرية تقبض على تجار سلاح ومخدرات يبقى ياااااااى ناس متوحشة بتعذب اونجل البلطجى اصل المفروض البلطجية اللى تركزت مهمتهم ترويع الآمنين بعد القبض عليهم بينهاروا ويعترفوا والمفروض الظبابيط يقدموا لهم شاى بلبن ونسكافيه وان الواد البلطجى طلب جاتوه يجيبوله دى حتى اكرام للضيف علشان الجرابيع اللى قاعدين يقولوا ياااى فين حقوق الانسان ؟



الواد ده كانوا ماسكينه فى التحرير واللى رايح واللى جاى شغال فيه طحن لمجرد انهم اشتبهوا فيه انه بلطجى ؟ اشتبهوا فيييييييه .. اشتبهوا فيييييه




لكن العيال دى تجار سلاح ومخدرات واثناء القبض عليهم كان بحوزتهم 4 طبنجة و2 بندقية خرطوش وخزينة إلى و5 طلقات 9 مللى و62 طلقة آلى و4 طلقات خرطوش ومبلغ مالى 8 آلاف، واعترفا بحيازتهما للمضبوطات بقصد الاتجار بها
المفروض القاضى يكرمهم ويديلهم جايزة اصلهم بيتاجروا فى الحاجات دى من اجل السرقة والبلطجة والاغتصاب وقلة الادب

انا فى المقابل بقى ومن اجل حقوق الانسان عايزة جرابيع التحريض يتحقق معاهم علشان تعذيب مواطنين

Comments

على said…
الف تحية الى رجال الشرطة ورجال القوات المسلحة ، نحن كشعب نفسنا نقضي على هؤلاء البلطجية من مصر كلها من اقصاها الى اقصاها ، هؤلاء من المفروض ان كل فرد من الشعب المصري المحترم ان يأخذ حقه من هؤلاء الذين ارهبونا وهو تجار السلاح والمخدرات ، الف تحية للشرطة والجيش ونحن معكم للقضاء على هؤلاء القلة المجرمة .
nader fouad said…
قبل 25 يناير كان أكيد المقطع سيؤثر فى ولكن بعد اللى إحنا شوفناه من البلطجية .... أشك فى ذلك
وبعدين المفروض إن الضباط اللى زملائهم إتقتلوا على يد هؤلاء البلطجية أو غيرهم هل تظنون أنهم يقدمو لهم كابيتشينو وفيروز توت وسيجارتين حشيش وموزة لأ طبعاً
لازم يأفإفولهم على قفاهم علشان يقولوا السلاح ده جيه منين ؟؟؟؟
هنلاقى طبعاً حد يقول حقوق الإنسان أولاً دول مش إنسان أصلاً لأنهم بيسبتوا الناس على الدائرى ويقتلوا سعادتك ويأخذوا العربية منك وياريتهم بيسيببوك فى حالك لأ بينهوا حياتك
وده رايى الشخصى ولكن "" يجب على الشرطة إحترام المحترم فقط """
ashraf said…
ماهو لو حد من اللي بيدافع عن المجرمين دول تعرض لأي موقف يشعره بالخوف وعدم الأمان على نفسه او اهل بيته ، اكيد حايطالب بأعدامهم مش تعذيبهم
ام خالد said…
ما هما باينين بلطجية هي عايزة فكاكة بص لكل واحد فيهم تعرف أنه بلطجي ابن بلطجي يعني ايه يعني عايزين الشرطة والأمن يدى نيشان للبلطجية والحرمية وتجار السلاح عشان تتبسطوا أنا مش عارفة الدنيا تشقلب حالها كده ليه.
حسبى الله ونعم الوكيل فى كل اللى يطالب ببراءة هؤلاء البلطجية
عاطف said…
فى اى لحظة ممكن الضابط دة يموت ودة حصل فى كمين خليك مكان الضابط. فية نوعية من المجرمين بتكون مبرشمة .بيحصل تدافع اثناء القبض مش حيقلة تعالى يامجرم حيجى على طول لازم نكون واقعيين
احمد سيد said…
لم ولن تقلل من مهام رجالنا المسلحة ورجال الشرطة الاكفاء كفاية ارف منكم با يا اصحاب التعليقات سيبوا الجيش والشرطة يشتغلوا انتو مش حاسيين بحاجة وكمية السلاح اللى برا وفى ايدى مرتعشة يعنى فى ايدى بلطجية ارحموا الشعب ويا سيادة المشير ويا سيادة وزير الداخلية يجب مكافاة هولاء الرجال على مجهودهم وسيرو على بركة اللة ياراخلص الرجال ويا اشرف الرجال يا رجال القوات المسلحة ويا رجال الشرطة الشرطة الاوفياء واوعو تكرروا الماساة اللى وئعكو فيها حبيب الزفت فى اصدار الاوامر بالانسحاب عشان الشعب مش ئادر ينسا تخليكم عن دوركم وممكن الشعب ينسا بزيادة مجهودكم فى قبض على المجرمين امثال هولاء اللى فى الفيديو فا كل التقدير والاحترام لهوء الابطال / وريحوا شوية يا اصحاب المصالح الخاصة خلى الجيش والشرطة يشوفو شغلهم وربنا معاهم وانا واحد من الناس لو حدث مجازة هولاء الاشراف من الضباط سوف اعتصم لحقهم واظن عيب بلدنا فى وكسة عملها اللى ما يتسما حبيب العادلى اللى المفروض يكون الاعدام هو الحكم الرادع لة ولمن تسول لة نفسة العب بامن المصريين الغلابة وامواطنيين اللى على باب اللة كل التقدير والتحية
عبير said…
اللي بيقولوا حقوق انسان
اي انسان يا أخونا
البلطجية وتجار السلاح ايه عملهام الا نشر الخراب والدمار
سرقة وقتل واغتصاب وترويع الامنين
و حد منكم اخوه او اخته او جاره حتى مات او اتصاب على ايد بلطجي او تجار سلاح
ممكن يقولي حيعمل ايه فيه لو وقع في ايده

حيقوله يعني ربنا يسمحك
دول شر لازم باي طريقة البلد تطهر منهم
البياضى said…
الى من ينتقدون الشرطة و الجيش , للعلم فى كل دول العالم تستعمل الشرطة هذه الأساليب مع عتاة الاجرام. يعنى لو واحد من دول طلعلك على الطريق و انت فى عربيتك و هددك بالرشاش و اخدها منك و انت مع اسرتك ما كنتش تقول كدة . كنت حا تتمنى تضربة بالنار!!!
ali said…
انا عاوزاعرف اللي بيدافع عن المجرمين دول اللي بقتلوا في اهالينا دول كده مساكين علشان مربوطين لكن شوفوا اجرامهم لو كانوا مفكوكين اللي عملوه فيهم هؤلاء الضباط شيء بسيط دول يستحقوا السلخ...دول بيساعدوا في قتلي وقتلك وقتل امي وامك وعائلتي وعائلتك...الناس دي بتربح من مصائب البلد. الناس دي لا تستحق اي شفقه او رحمه.
khaled said…
المفروض يجيبوا لهم 2 لمون وشيشة تفاح ويقولوا لهموالنبي تعترفوا
shaher said…
فقط تخيل أنك تهاجم من قبل هؤلاء الشخاص أو بالسلاح المضبوط.
دول بلطيجة وينفعش معاهم الاكدة واكتر من كدة المهم الامن ونتعامل مع تجار السلاح الذى الدول المتقدمة الا وجعين دماغنة بيهم بيعملو اكتر من كدة1000 مرة وبتوصل للقتل كفاية بقى فلسفة فارغة لان اى بلطجى غير ادمى لو انتم شوفتم البلطجية بتعما اية فى الناس كنتم قلتو للشرطة عوزين اكتر من كدة.
نريد الامن والامان باى وسيلة
رحمة بالشعب ورحمة بنا اعرفوا ان الشعب ماعاد يسمح لاى كائن كان ان يقوم بتعذيب اى مصرى حتى ولو كان من اهل السوابق ماهذا التعذيب الذين تقومون بة واللهى انتو مانتوا بشر شوية حيوانات واللة الحيوانات انظف منكم وجاى عليكم الدور ماهذا التعذيب اتقوا اللة يحاكمون امام المحكمة فلاداعى للتعذيب واظهار الاستظراف ناس مربوطة وتضربوهم وتعذبوهم لية يعنى فية محاكم يحاكموهم ميش عذاب واهانة لمصرى اتقوا اللة فى شعبكم وممكن تقوم عليكم ثورة تانية ثورتنا قامت عشان العدالة والكرامة لكل المصريين
انا مش عارف الناس يعنى لاكدا عاجبها ولا كدا عاجبها ... الامن يشوف شغلة يقولك بيعزبوا الناس يسيب الدنيا تخرب يقولك الامن بيتلكك ... مش عارف الناس دى عاوزة اية بالظبط شوية بلطجية عاوزينهم يعملوا فيهم اية ياكلوهم بنبون وكروسو.... يعنى فترة شهر يناير كانت احسن لما كنتوا خايفين تطلعوا من بيوتكم ارحمونااا بقى !
ياجماعة فى البلد دى لازم يكون فى رادع علشان الناس تلتزم لو إتعاملوا برفق أو بتحقيق عادى لو كانوا تجار سلاح حيخرجوايتاجروا فى الدبابات والطائرات الحربية لو ركزتوا
ياجماعة إحنا شوفنا الفترة إلى فاتت أسلحة عمرى ماكنت أتخيل إنها تكون إلا مع الجيش وليست الشرطة
بجد يستاهلو مكافأة كبيرة مش علشان عذبوهم لأ علشان مسكوهم
خقوق إنسان إيه ونشطاء إيه اللي بيدوروا علي تجار سلاح يروحوا يتنيلوا بدل ما يشكروهوم علي تادية واجبهم ..
هي ناس دي إيه إعتراض وخلاص ومقاوحة وخلاص من غير تفكير
yahia said…
هو السلاح الى الناس دى كانت بتاجر فيه جاى لاايه على شان يحطوه فى التورة ولا على شان الناس تقتل بعضهايعنى لو السلاح ده جيه لحد وقتل بيه ابنك او اختك او امك كنت حتعمل ايه شوية عقل بقه دولت لازم يتعدم لسبق الاصرار على على المساعده فى القتل
رغم اني رجل قانون الا انني مع استخدام الشرطة اساليب التعذيب مع هذه الاصناف التي لاتستحق الحياة
wael said…
لما تكون ماشى على طريق ويضرب عليك نار الالى واتت معاك عيالك ومراتك والمحرم دة يتمسك المفروض نطبطب علية ونقولة يا كتكوت مين هما اعوانك وحياة حمادة قلى علشان خاطرى بسوا بقة لما مصر ترجع امان زى الاول نبقى نتكلم فى حقوق الانسان كل التوفيق للشرطة والجيش
شريف said…
الشرطه عندها حق
طبعا الشرطه لازم تعمل كده علشان الامن لازم يرجع تانى
اللة واكبر ويحيا جيش مصر كان لازم يعدموهم تعلوا شوفوا البلطجية عاملين لجان بلطجية ويسرفوا الناس ...... أنا شفت دكتور جامعة موقفينة وبيفتشوة وفين الرخصة والبطاقة......؟
مصرى said…
الى بيقول شويا بشر لما تتخطف منه العربية او فلوسه او مراته تحت تهديد السلاح يبقى كدا الشرطة تعبانة يناس فوقوا البلد بتغرق والله احنا بنضيع
الذى يحدث هذا هو قمة العدل فى الدنيا لأن هؤلاء البلطجية يتاجرون فى الموت يبيعون السلاح لناس بتقوم بخطف أمك بنتك أختك زوجتك أو قتل أحد أبنائك أو أقاربك ، أو يشيع البلطجة ويفرض الأتاوات على المسالمين من الشعب ، فلا تأخذكم بهم شفاعه أبداً بل يجب أن نتعاون على القضاء على مثل هذه الفئات فئة تلو الأخرى حتى تنضف البلد.
adm said…
انا واصحابى ضرب علينا نار بطريق بورسعيد الدولى ومنظر الناس اليعملت كده لهما مسلمين او مسحيين او يهود وبرده مش مصريين المصري ميضربش نار على اخوه مهما كانت اختلافتنا الناس ده لما بتسستفرد بحد بيعملو اكتر من كده منظزرهم لوحد مع الالى يموت العايز يدافع عنهم يمش على الطريق الدولى بس علشان احنا ناس محترمين بنفتكر ان تعزيب الاشكال ده ظلم والله الذى لااله الا هو قتلهم حلال ارجع وافتكر من الوقف مع مبارك هم البلطجيه سيبو الجيش والشرطه تشوف شغلها الدكتور لما بيفصل حد من الجامعه ظلم او يصقتهبس احنا بنسكت ونقول ده عارف شغله بالرغم انه لنا يسافر بره بيشتغل فى ناسه ده لاننا طول عمرنا بنفهم فى كل حاجه ومبنقبلش الجديد او الاحسن الا من نظلم يا ولاد مصر الاحرار صونوها
ياجماعة اعتقد ان ال وخداهم شفقة بدول هاتروح بسرعة لما يشوفو المجرمين دول وهما بيسرقو طفل من اهلة او بيغتصبو فتاة امام اخوتها او بينتهكو حرمة منزل لابد من يد من حديد علشان نعيش فى امان واللة السجن مش كافى
احتراما لكل الأراء هذا هو التصرف الأمثل لمعاملة المجرمين حتى يكونوا عبرة لغيرهم وكل الأراء التى تلتمس لهم الرحمة يفكروا ان الأسلحة الى يتاجروا بها قد تستخدم فى القتل - فى الترويع المواطنين - فى الأغتصاب - فى السرقة - لا بد ان نكافىء هؤلاء الظباط لا نعاقبهم
ابو مهند said…
ليكونو عبرة ولا تاخذكم بهم شفقه ولا رحمة انتو عايزين يعملو ايه يسمعوهم موسيقي وياكلهم ايس كريم ويبوسو اديهم وقولو ليهم والنبي اعترفو علي اساس انهم بيحققو مع الشرفاء الصادقين ارحمونا واعدمو اتنين الكل هيخاف احنا شعب يخاف ما يختشيش
المفروض صرف مكفاءه للساده الضباط
محمد said…
والله ده قليل عليهم ده اسموا دلع . دول عاوزين اعدام والضباط دول ياخذوا مكافئة كبيرة
واكتر said…
يا جماعة الاصناف دى يجب بترها والضباط يجب ان تكافىء
الحونينين بتوع حقوق الإنسان .. أسألكم لو المجرم ده أو من باع له الأسلحة أوقفك على الطريق وقام بإفراغ السلاح في رأسك مثلا ثم سرق ونهب واغتصب بهذا السلاح ماذا كنت تصنع معه ؟؟؟
ولماذا قبلتم من الثوار الأبرار الأطهار أن يعلقوا رجلين على جذوع النخل لمجرد السرقة وليس السلاح !! في منهى الغرابة والتناقد
ahmed said…
لو صعبانين عليكم سيبوا ولادكم معاهم نص ساعه
اللى زعلان من أن البلطجيه ينضربوا ممكن نديلهم الأسلحه اللى اتمسكوا بيها ونسيبهم معاه هوه وعيلته وياسلام لو كان متجوز وعنده ولاد نص ساعه وبعدها نشوف رأيه ايه
والله ضباط رجالة وربنا يكرمهم لانهم بلطجية وتجار سلاح مسروق من الشرطة ومن الجيش وهما سبب كل البلاوى اللى احنا فيها وياريتهم يقتلوهم او يعدموهم فى ميدان عام وياريت البوم اللى بينعق ويحاول يكره الناس فى الشرطة والجيش يبطل نهيق لاننا قرفنا منهم اوى
دول بلطجية وتجار سلاح كمان ويستهلو اكتر من كدة ولكن ؟؟؟؟؟؟ نشوف الشرع الحنيف بيقول اية ؟؟؟؟ انا مع انهم يأخذو جزاء رادع ولكن بما يرضى الله ؟هم روعو الناس نشوف جزائهم ايه (تقطع ايديهم وارجلهم من خلاف أويصلبو حتى الموت أوينفو من الارض )
مطلوب شقة ووظيفة مع نشر صور هولاء الابطال فى الصفحة الاولى بالصحف القومية . مع محماكمة الضباط الخونة اللى قبضوا على هؤلاء الابطال الشرفاء الى سرقوا السلاح عشان يدافعوا عن مصرفى هذةالظروف العصيبة . والشعب يطالب السادة الضباط بمزيد من الجهد للقبض على الخارجين عن القانون مع عدم استخدام العنف اوالسلاح واذا قام اى مجرم باعتراضك او اطلق عليك النار قولة (اللة يسامحك) .وننتهز هذة الفرصة لكى نشكر البطل اللى طلع 22دور على مسورة عشان ينزل علم اسرائيل وقمت الدولة بتكريمة .
مصري said…
اللي بيحصل ده غلط دول بلطجية وليس لهم أي حقوق
المفروض ينضربوا بالنار على طول ومعاهم بلطجية حقوق الانسان اللي بيقبضوا من برة
ومش عاوزين استقرار في البلد
كل مجرم ليس له أي حقوق
كل مجرم ليس له أي حقوق
كل مجرم ليس له أي حقوق
كل مجرم ليس له أي حقوق
المعاملة بالمثل العين بالعين والسن بالسن هل تجار السلاح يحملوا السلاح لية ويتاجروا فية لية للانسانية ولحب الخير ولنشر السلام كفاية تهاون وتسيب

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز