Desert Cat Search
قطه الصحراء: اسمك دايما فى القلوب مبروك لنسر مصر

Thursday, July 21, 2011

اسمك دايما فى القلوب مبروك لنسر مصر

قضت محكمة مستأنف الأمور المستعجلة برئاسة المستشار خالد عمر صباح اليوم الخميس، بإلغاء قرار محكمة أول درجة برفع اسم الرئيس السابق محمد حسنى مبارك وزوجته من الميادين والمكتبات والهيئات ومحطات مترو الأنفاق، وعدم اختصاص المحكمة بنظر تلك الدعوى، وإحالتها لمجلس الدولة
مبروك لنسر مصر هتفضل دايما اسمك فى القلوب رغماً عن أنف الحاقدين ربنا ينصرك دائما سيادة الرئيس ويوكس دايما الخونة والمنتفعين
يذكر انه بعد النطق بالحكم

اصابة محمد البرادعى بأزمة مباركية تم خلالها نقله الى مستشفى مبارك العام عن طريق محطة مبارك بالمترو بعد سماع فوز ابناء مبارك بالقضية واستمرار اسم الرئيس مرفرف فوق مصر الغالية
فرحة ابناء مبارك شرفاء الوطن بعد النطق بالحكم



يا عينى على الأخبار اللى هتجيب سكتة قلبية لكل الخونة والعملاء والمنتفعين
الوفد : بي الاسماء منظمات امريكيه تمول حركات احتجاجيه لنشر الفوضي في مصر + المجلس العسكري اوقف صرف اموال المعونه الامريكيه المشبوهه للجمعيات الاهليه التي اعلنتها هيلاري من شهر يناير واكددتها السفيره الامريكيه ...يا عيني عليكي يا اسراء انتي واسماء حا تاكلوا منين هترجعوا شحاتين تانى ؟ وحتسفروا ازاي اكيد في طرق اخري بكره حتبان

46 comments:

mostafa said...

مبروك يا رئيس مبارك يا بطل يارئيس مصر وربنا يشفيك ويعطيك طول العمر

حتفضل رمز وقيمة عالية فى نظر المصريين وليس المتجنسين واصحاب المصالح وكذلك اصحاب القلوب السوداء

حقــــــــــــك هيرجعلك يا ريـــــــــــــــــــــس انت فى قلوبنا يا ريس

Ahmad said...

احمد الله ان القضاء المصرى العظيم لم يتاثر بالراى العام
لن يستطيع التاريخ ان ينساك يا مبارك

Ahmad said...

احمد الله ان القضاء المصرى العظيم لم يتاثر بالراى العام
لن يستطيع التاريخ ان ينساك يا مبارك

مصرية بالخارج said...

كل الشكر والتقدير لابناء مبارك المحترمين ابناء الاصول

مصرى said...

لا تعليق علي قرار المحكمه هيه دي الديمقراطيه يا من يدعي الديمقراطيه/ ولو هنقول كلا م مستبه اتكلم معكم وقول مبارك هو افضل رئيس جمهوريه مسك مصر بادليل القاطع فلي من المعقول ان يكون الرجل هو الذي انشأ مترو الانفاق مثلا ثم ننسب هذا السم لشخص اخر .لقد ادعيتم يامن يدعي الديمقراطيه ان مبارك قاتل السادات وثبت بالدليل القاطع انه لم يقتل او شارك في قبله ادعيتم ان لديه 70مليار دولار ثم ثبت بالدليل القاطع انه لا يمتلك هذا المبلغ. ادعيتم انه باع مصر ولما اسئل حد اقول له طيب هو ايه التباع بالظبط يقولك معرفش بس هو باع البلد واعتبر حق الانتفاع والخصخصه بيع للبد وهذا النظام يعمل به اغلب دو ل اوربا مع ان مصر لم تستغنا عن هذا النظام حتي بعد تخلي مبارك عن السلطه. ادعيتم ان مبارك اعطا الاوامر بقتل المتظاهرين علي الرغم ان مبارك ليس من طبيعته القتل الرجل الذي يدعو للسلام دائما وابدا وهو بذلك علي خلاف من سبقه من حكام مصر .ادعيتم انه قمع الحرايات علي الرغم من وجود صحف يوميه بتشتم فيه وفي حكومته مثل الدستور وصوت الامه والكرامه والفجر وبرامج التوب شو . ولكنكم منافقون في ثورتكم التي طالبتم بالحريه وقمتم بعد ذلك بعدم قبول الراي اذا عارضكم احد طالبتم باعداله والعداله منكم بريئه عندما اعترضم علي احكام القضاء والادهي من ذلك بجاحه تطالبون بأدانه وليس محاكمه عادله كما تدعون ..تطلبون زياده في المرتبات ولا تعملون ولا تنتجون بالعكس تحثو الناس علي عدم العمل وتمنعوهم كما فعلتم مع موظفي التحرير. انك اردتم هذه المطالب في البدايه وليس من ضمنها سقوط النظام وقال هذا الكلام وائل غنيم بنفسه ولكمكم منساقون وراء اي هتافات رددتم الشعب يريد اسقاط النظام . مبارك رجل السلام الذي وان كان لديه اخطاء فهو الاقل خطأ وان كان لديه انجازات فهو الاكثر انجازا وهذا علي ارض الواقع وليس ثرثره في الهواء كما تفعلون وبدون اي دليل.عاشت مصر وسلم مبارك

narden said...

اسراء واسماء ونوارة ووائل وكل المرتزقة والشراشيح حيرجعوا تانى شحاتين معلشى ما بتدومش لاولاد الحشاشين
بس مش هيغلبوا هيدوروا على اى سبوبة تانية

مصري said...

لا تعليق علي قرار المحكمه هيه دي الديمقراطيه يا من يدعي الديمقراطيه/ ولو هنقول كلا م مستبه اتكلم معكم وقول مبارك هو افضل رئيس جمهوريه مسك مصر بادليل القاطع فلي من المعقول ان يكون الرجل هو الذي انشأ مترو الانفاق مثلا ثم ننسب هذا السم لشخص اخر .لقد ادعيتم يامن يدعي الديمقراطيه ان مبارك قاتل السادات وثبت بالدليل القاطع انه لم يقتل او شارك في قبله ادعيتم ان لديه 70مليار دولار ثم ثبت بالدليل القاطع انه لا يمتلك هذا المبلغ. ادعيتم انه باع مصر ولما اسئل حد اقول له طيب هو ايه التباع بالظبط يقولك معرفش بس هو باع البلد واعتبر حق الانتفاع والخصخصه بيع للبد وهذا النظام يعمل به اغلب دو ل اوربا مع ان مصر لم تستغنا عن هذا النظام حتي بعد تخلي مبارك عن السلطه. ادعيتم ان مبارك اعطا الاوامر بقتل المتظاهرين علي الرغم ان مبارك ليس من طبيعته القتل الرجل الذي يدعو للسلام دائما وابدا وهو بذلك علي خلاف من سبقه من حكام مصر .ادعيتم انه قمع الحرايات علي الرغم من وجود صحف يوميه بتشتم فيه وفي حكومته مثل الدستور وصوت الامه والكرامه والفجر وبرامج التوب شو . ولكنكم منافقون في ثورتكم التي طالبتم بالحريه وقمتم بعد ذلك بعدم قبول الراي اذا عارضكم احد طالبتم باعداله والعداله منكم بريئه عندما اعترضم علي احكام القضاء والادهي من ذلك بجاحه تطالبون بأدانه وليس محاكمه عادله كما تدعون ..تطلبون زياده في المرتبات ولا تعملون ولا تنتجون بالعكس تحثو الناس علي عدم العمل وتمنعوهم كما فعلتم مع موظفي التحرير. انك اردتم هذه المطالب في البدايه وليس من ضمنها سقوط النظام وقال هذا الكلام وائل غنيم بنفسه ولكمكم منساقون وراء اي هتافات رددتم الشعب يريد اسقاط النظام . مبارك رجل السلام الذي وان كان لديه اخطاء فهو الاقل خطأ وان كان لديه انجازات فهو الاكثر انجازا وهذا علي ارض الواقع وليس ثرثره في الهواء كما تفعلون وبدون اي دليل.عاشت مصر وسلم مبارك

الحكيم said...

هم انتو فاكرين ان اى حد راح يهاجم قسم شرطه او يهاجم سجن واتقتل يبقى شهيد.....ولا انتو فاكرين اللى اتقتل وهو هربان من السجن يبقى شهيد.......ولا انتو فاكرين البلطجيه اللى كانوا بيضربوا نار او مولوتوف على العساكر واتقتلوا يبقوا شهداء....اذا كنتوا فاكرين كده انتوا يا بتحلموا ..يا بتهرجوا....يا مستنين المعاش الحرام اللى حتخدوا من فلوس الشعب.....ان اكاد اجزم ان الشهداء فى الانتفاضه اللى حصلت ميزدوش عن عشرين او خمسه وعشرين والباقى قتلى عاديين وحسابهم عند ربهم...اما اللى بيحصل ده كله مزايدات لناس ليها مصالح واجندات وعشان كده قولولى هو البرادعى او عمرو موسى او وائل غنيم او حرب الصغير والكبير او ابراهيم عيسى او محمود سعد او غيرهم من ارجوزات الفضائيات ..حد من ولاده ولا قرايبه ولا معارفهم مات.....كل اللى بيحصل ده سبوبه والسلام.....وللرئيس اقول اصبر واحتسب فالرجال معادن وانت طول عمرك لم نراك او نسمعك تشتم احدا او تسبه سواء كان عدوا او منافسا او معارضا فلك كل الثواب...وانا يا ريس والله عمرى ما كنت مؤيدا لك....ولكن ما رايته فى الشهور الماضيه جعلنى من انصارك...نحن من بعدك لا امن...لا امان....لا عمل ...لا حدود....رحمتك يا رب

عزب السيد مخلوف المحامى said...

يعاقب بالحبس والعزل الممتنع عن تنفيذ حكم نهائى
إنذار نهائى لكافة الوزارات والهيئات بمصر
إعادة إسم الرئيس مبارك على كافة كافة المنشأت بالجمهورية
ظهر الحق وزهق الباطل إن الباطل كان زهوقا (صد ق الله العظيم ) أصدرت عدالة السماء حكمها النهائى بإعادة اسم الرئيس محمد حسنى مبارك على كافة المنشأت والوزارت الحكومية وعلى كافة مكتبات الاسرة وغيرها .وعلى كافة الوزارات تنفيذ الحكم فورا ......بدون إنذار .
يعاقب بالحبس والعزل الموظف العام الذى يمتنعم عن التنفيذ

سومة said...

الله اكبر الله اكبر انا فرحانة نصرك الله يا مبارك ولسة كمان ولسة كمان انا مش عارفة اوصف فرحتي ازاي دلقوتي غير اني اقول مصر عظيمة والقضاء المصري اعظم والله اكبر وربنا يشفيك يا حبيب الملايين وينصرك ربنا من فوق سبع سموات

sanaa said...

الشعب المصرى الاصيل هيفضل اصيل وكل بنى آدم خطآ وخير الخطائين التوابين ياناس اسرائيل عايزة مايكونش لينا ماضى ولا مستقبل حاسبوا انفسكم قبل ان تحاسبــــــــــــــــوا

فيفي said...

برافووووووووووووووووووووووووووووووووووو ويحيا القضاء العادل والي كانو عايزين يصفو حساباتهم مع الرئيس السابق اقولهم دورولكم على سكة تانية لان مثلما كان لمبارك اخطاء كان لو انجازات كبيرة واكيد انا فلول النظام القديم والجديد

سيد عبد الله الديب said...

مبارك شعب مصر ( يارب نفهم بقى ) مبارك هو مصر ومصر هي مبارك اعظم رئيس دولة في ولا العالم ولا يزال مبارك لن ينساه التاريخ مبارك هو من صنع التاريخ مبارك عايش في وجدان كل مصري شريف مبارك شريف شريف شريف والى بقى مش عاجبه الكلام ده ينظر حوله ويسأل نفسه بضمير ياترى حال البلد دلوقت يطمن ..... هل فيه انتاج ... هل فيه امن .... هل فيه استقرار ... هل وهل وهل ... فى النهاية ربنا موجود وقادر ينصر الظالم من المظلوم .. ربنا يشفيك يا ريس ربنا يحميك ياريس بنحبك يا ريس بنحبك يا ريس ياريت تعود يا ريت تعود

المصرى الاصيل said...

الف مبروك ولسه الحق حيظهر كمان وكمان

محمود النقلى said...

الاعلام المصرى هو الوحيد بين الاعلم فى العالم الذى يسمى ما حدث بانة ثورة وانا اعيش بالخارج ولم الحظ لمرة واحدة ان اطلق الاعلام العالمى المحترم على ذلك الا انة انتفاضة والان بدأ يميل اكثر الى تسميتها بانتفضة الفقراء فى مصر وقد استغلها الاخوان للقفز الى الحكم ليذيقوا شعب مصر كل صنوف العذاب والمزيد من الفقر والتطرف والدكتاتورية المستدامة لك اللة ياشعب مصر فقد خرجت من حفرة لتسير مغمض العينين الى الهاوية

مبروك يا رئيس مبارك يا بطل said...

مبروك يا رئيس مبارك يا بطل يارئيس مصر وربنا يشفيك ويعطيك طول العمر

علاء said...

للاسف الناس مش مستوعبه ان الناريخ ما بيكذبش وما ينفعش تتبدل الحقائق والحقيقه ان انجازاته اتر بمراحل من سلبياته واخ انجازاته تركه البلد حقنا للدماء واسالوا ليبيا واليمن وسوريا والبحرين واسالوا اللياحنا فيه دلوقتي والجدع اللي امه وابوه جابوه يقول بما يرضي الله ...ماهي كيفيه الخروج مما نحن فيه الان ....وشكراللقضاء

neven said...

والله الفرحة الى انا فيها لا توصف ربنا معاك يا مبارك وينصرك ويشفيك ويرد كيد الحاقدين فى نحورهم ان شاء الله امين

مجدي- فلول و افتخر said...

مبارك اخطأ عندما تنحى عن الحكم و بجهل و غطرسة التحرير قالو خلعناة و بظلم الناس لية شالو اسمة من اقوى مشاريع مصر مترو الانفاق و الحمد لله ان هناك ناس شرفاء سعو لبقاء اسمة على مشاريعيه- يا من تنادون بالديمقراطية - حسنى مبارك احد حكام مصر العظماء ممكن يكون اخطأ ببعض الامور و لكنة بنى و اصلح و لكن احنا الشعب الجاحد اللى مبيشتغلش و بيحب الاجازات و اقل انتاجية بين الشعوب و عايز يبات في التحرير لانه بيحب يلبس نظارة الضحية

Anonymous said...

يحيا العدل 000 تريدون ان ترفعوا اسم مبارك 00000 اسم مبارك باق 0000ومبارك فى قلوبنا نحن الشعب المصرى 00000 مبارك صاحب الانجازات والانتصارات 00000 مبارك الذى بنى وعمر وشيد 00000 مبارك الذى حافظ على امن مصر وسلامها واستقرارها 0000 مبارك نسر مصر والعرب 0000

ستبقى فى قلوبنا وعقولنا ولن ننساك ابدا يا سيادة الرئيس

سنحكى لأبنائنا وأحفادنا عنك وعن بطولاتك 00000 يا اعظم رئيس عربى فى التاريخ

الله عليكى يامصر said...

الله عليكى يامصر لما تصونى كرامة ابنائك كما قال الرئيس محمد حسنى مبارك
ان كرامة المصريين من كرامة مصر ومصر لا تتهاون ان يسيئو كرامة ابنائها
ورحمة امى واخويا بحب يامبااااااااااااااااااااااااااااااااااااااااارك

mera said...

مبروووووووووووووووووك لينا كلنا
يا جماعة ما هو كان شيئ يجنن بجد يعني المترو يتعمل في عهد رئيس مصر لمدةتلاتين سنة محمد حسني مبارك
وبعدين يتشال اسمه ؟
دا حتى يبقى شيئ مش منطقي بالمرة

mohamed said...

الحمد لله حقا، يوما بعد يوم ربنا بيظهر الحق، و مبارك أحسن من أي حاكم عربي، و بيحب بلده و عمره ما كان خاين لمصر و لا لينا زي بتوع التحرير اللى متغاظين قوي منه، براءته بتظهر يوم بعد يوم، كفايه أن تنحي عن الحكم بكرامته و ماعملش زى غيره اللى بيقتل في شعبه، خليكم يا بتوع التحرير أرقصوا و افرحوا و اتنططوا في ميدان التحرير و ناموا في الخيم مع بعض، و ربنا بينصر مبارك عليكم و الناس بدأت تفهم أكتر و أكتر أن بتوع التحرير منهم اللى بيقبض لغاية دلوقتى، و منهم اللى متأجرين و غيره و غيره، موتوا بغيظكم يا بتوع التحرير، و خليكم قاعدين في الميدان لحد ما الشمس تحركم، و ياريت تضربوا عن الحياة كلها، عشان مصر تنضف من أشكالكم

تعيش العدالة said...

تعيش العدالة

مترو الانفاق مين اللى عامله ؟

يبقى انجازه ياحاقدين وتشيلوا اسمه مت عليه ؟

انها حقاً ثورة الحاقدين

احنا المصريين said...

احنا المصريين عشنا 30 سنة 10استنشاق الانفس وحب و 10امان و10 امتلاك النفس وكول من هب ودب يقول نفسي نفسي واحنا بقلنا 5 اشهر في فوضة عارمة هل عندما يجي رئيس جديد وحكومة جديدة هل الامور تتصلح يارب يارب يارب

hakim amer said...

أصبح كل من يقول كلمه ثناء في حق الرئيس حسني مبارك ينعت بالصفات السيئة
وأصبحت الوطنية أن تشتم في حسني مبارك وتلعن أجداده
إن حسني مبارك حكم مصر لمده حوالي ثلاثون عام وليست كل مده حكمه سيئة وفاسدة
فالرجل اجتهد في حكمه وسواء أخطاء أم أصاب وانتهت فتره حكمه فان التاريخ سوف يقول كلمته
ويفند ما له وما عليه
ومن المؤسف إن يكون الحديث عن حسني مبارك بهذا التدني بالقول فهو سواء أباه أو أراده الجيل الحال
فقد حكم مصر والكلام بهذه الطريقة المؤسفة ينقص من قدرنا كمصريين في نظر العالم من حولنا
وإحنا قعدين نتخانق ناس مع حسني مبارك وناس ضد حسني مبارك
خلاص حسني مبارك ذهب بحسناته و سيئاته نقعد نلتفت لمصر والمرحلة القادمة
المفروض أن تكون الثورة علي كل شئ فاسد

بنت مبارك said...

مليووووووووووووووون مبروك ياريس وتحيه لابناء مبارك الشرفاء رجل عظيم لايستحقه شعب ناكر للجميل

أفنان said...

الانتصار الاول والحبل على الجرار ولا عزاء لقاطنى خيم التحرير للدعارة والتخريب

maged ali said...

لكن كدة القضاء بخير مش علشان انصف حد ضد حد لاء علشان حكم بما يراة دون تاثر بالشارع قاضى بطل

مادو غيطانى said...

مبروك ياريس وان شاء الله صحتك بالعافيه

ايمن محمود said...

ده عدل ربنا للظلم الى وقع على رئيس خدم شعبه وشعبه انكر الجميل بشكل لم يحدث فى تاريخ البشريه

خالد عبد الرحمن said...

هل يعرف الشعب المصرى انة ومنذ تخلى الرئيس مبارك عن منصبة حقنا لدماء المصريين ونحن نعيش وناكل من الاحتياطى الاستراتيجى الذى وفرة لنا الرئيس {36 مليار دولار } واننا منذ التاريخاوفقنا الاستثما والسياحة وغالبية موارد الدولة من العملة الصعبة متفرغين تماما للمظاهرات والاضرابات وبلا اى عمل منتج وانة بدون هذا الحتياطى كنا نعيش الان فى ثورة جياع فليوقف الشعب الان عن هذة الغوغائية ويواجة هذة الحقيقة قبل ان ينفد احتياطى مبارك البطل وعلى الشعب المصرى الاصيل ان يعى هذة الحقيقة ويتوقف على الاقل عن اهانة هذا الرمز العظيم الذى اعطى حياتة لهذا البلد وابى بشموخ الابطال الا يغادر ترابها مهما كانت التضحيات والان تمتلى شاشات الفضائيات بوجة مزدوجى الجنسية الذين سيهربون على اول طائر ة عندما يفيق الشعب من غيبوبتة اللهم احفظ امنا مصر من كل مكروة وشكرا سيادة الرئيس

نيفين said...

ألف مليون تحية لقضاء مصر النزية الذى لم يتأثر بحالة الصوت العالى الذى أنتشر فى مصر منذ 25 يناير ,,,,,,,,,,,,,,,,,,,كلنا نعيش فى مصر و كان هناك أنجازات لا يمكن نكرانها و كانت هناك أيضا عيوب كنا نعانى منها و لكن هذا لا يعنى أبدا أن نمحو 30 عاما فيها الصالح و الطالح و لم يكن مبارك سيئا لهذة الدرجة التى تمحو أسمة من الأعمال التى تمت فى عهدة

اشرف said...

وهل يكب الناس على وجوههم فى النار يوم القيمة الا حصائد السنتهم . صدقت يا رسول الله موتوا بغيظكم ايها المعاضين لزعيم مصر والف مليون مبروك وان شاء الله ستكبون على وجوهكم يوم القيامة بما اقترفته السنتكم من شتائم وسبب فى حق الرجل الغير قادر عن الدفاع عن نفسه ولكن نحن موجودين للدفاع عنه بارواحنا ودمائنا وكل شتائمكم بأذن الله فى ميزان حسناته اما انتم فلن نقول الى مزبلة التاريخ ولكن الى نار جهنم وبئس المصير بما حصدت السنتكم

حازم محمد said...

طبعا بكره البلطجيه حيطلعوا يعملوا مظاهرات علشان خدوا على قفاهم من القضاء العادل اللى هما مش عايزينه يبقى عادل

mazen said...

اعتقد ان فية حكام كتير جت ومسكت مصر وخربتها وغرقتها ولسة اسمهم موجود ف شوارع وميادين ومدارس ومهما عمل مبارك ف التاريخ هوة كان رئيسنا لمدة 30 سنة مهما كان فيهم ولا نستطيع ان نخفى ذلك برضة دول 30 سنة واكيد الراجل زى ما علية اخطاء كبيرة اعتقد برضة ان لة اشياء كتير عملها كويسة ولا خلاص الشعب بقى جاحد لهذة الدرجة انا شايف ا ن اللى حاصل دلوقتى ان اللى مش عايز مصر تستقر همة اصحاب اللمصالح واصحاب لقب ناشط سياسى والناس اللى كانت مخنوقة من مبارك يعنى الليلة كلها مصالح يا عبط

هاني محمد said...

لن تستطيعوا تزوير او محو تاريخ الرئيس محمد حسني مبارك.
الحمد لله ان القضاء المصري حق ولم يتأثر بالغوغاء والصوت العالي .
الحمد لله انه لازال هناك شرفاء في الشعب المصري الاصيل ....
تحيه للشعب المصري المحترم وتحيه للقضاء العادل وتحيه للقوات المسلحه المصريه الباسله ويسقط البرادعي وعفيفي وحمزه و 6 ابريل و الاخوان وائتلافات الوكسه

سما said...

كده تمام حتي لو وحش احنا مشلناش اسماء المماليك هنشيل اسم مبارك واللي مش عايز يشوف اسمه وبيقول انا حر مش عايز اشوف اسمه هو بالعافيه يبقي يغمض عنيه

د. هاله said...

الحمدلله
الحمدلله لسة فيه حق
مبارك مش بس كان رئيس مصر الغالية
مبارك اب رمز صادق عاشق لمصر
اصحوا ياشعب فوقوا
ماهى تهم مبارك
لية بنكدب على نفسنا
بجد احنا الى عايزين نتغير
الحمد لله ربنا ينصرك يامبارك وتفضل شريف فى عيون ولادك المصريين

nader galal said...

لماذا نطالب بحذف أسم مبارك من المصالح ومازلنا نحتفظ باسم رجل كذب علينا وأخرنا مئات السنوات وأضاع أرض سيناء كاملة وسخرة زبانية لقهر الوطن وخدع أستاذه وقتل أصدقائه أليس من الأولى أن نحتفظ لحسنى مبارك بجميل حرب أكتوبر وكذلك حفاظه على الوطن لمدة 30 عاما والثورة تلك خروجا على ولى الأمر الذى نهى عنه الإسلام خوفا من الفوضى وقد حدث ما نهى عنه الرسول كفاكم تخريبا للوطن

عبدالقوى said...

كلنا أصبحنا تايهين فى دوامة وموجات تاخد وتجيب...ترفع وتخفض...تعز وتذل...والله سبحانه وتعالى هو الرافع الخافض..المعز المذل..زمنكوا لله.....تعبتونا وحيرتونا

احمد سراج said...

سيبقى اسمك يا مبارك خالدا في التاريخ وفي قلوبنا ,,, لا تأسفن لغدر الزمان لطالما رقصت على جثث الأسود كلاب لا تحسبن برقصها تعلو على أسيادها ستبقى الأسود أسود والكلاب كلاب

merna said...

سيظل مبارك اسمه محفور في تاريخ مصر المجيد الي الابد


يحياااا القضاء العادل

Anonymous said...

ده معناه ايه يا قطه ان البلد اتسلمت لهم خلاص http://www.dostor.org/politics/egypt/11/july/23/49199

Anonymous said...

قطة بجد ده معناه ايه وزراء يتجاهلون أحداث العباسية ويشاركون فى احتفال "الحرية والعدالة"
http://www.youm7.com/News.asp?NewsID=460460


يعني البلد اتسلمت للإخوان وامبار محمد حسان متصور مع اعضاء المجلس العسكري انا اشتم رائحة دولة دينيه وكلنا ضد ده ولو كانت هتوصل لحرب اهليه

Anonymous said...

قطة بجد ده معناه ايه وزراء يتجاهلون أحداث العباسية ويشاركون فى احتفال "الحرية والعدالة"
http://www.youm7.com/News.asp?NewsID=460460


يعني البلد اتسلمت للإخوان وامبار محمد حسان متصور مع اعضاء المجلس العسكري انا اشتم رائحة دولة دينيه وكلنا ضد ده ولو كانت هتوصل لحرب اهليه