Desert Cat Search
قطه الصحراء: بلطجية التحرير والمجلس العسكرى

Tuesday, July 12, 2011

بلطجية التحرير والمجلس العسكرى

اولاً تحية احترام واعزاز وتقدير للواء محسن الفنجرى على البيان التحذيرى ولو انه اتاخر شوية وياريت كل حرف فيه يتحقق وياريت برضه فى اقصى سرعه يتم الضرب بيد من حديد على كل الجرابيع والبلطجية اللى قافلين مجمع التحرير وبيوقفوا المراكب السايرة باى منطق يتكلم 500 جربوع باسم الشعب المصرى كله ؟ وباى حق يحدد مستقبل وطن وباى حق يقفلوا المصالح الحكومية ويقطعوا الطرق ويقولوا على نفسهم ثوار ؟ هو بيقطع الطرق غير البلطجية والخارجين عن القانون ؟ كل شرفاء مصر يؤيدون بيان المجلس العسكرى رجال مصر الحقيقيين وشرفاء الوطن .
ونشوف بقى بلطجية ميدان التحرض علشان نتأكد ان همهم هو القضاء على الشرطة لممارسة إجرامهم وبلطجتهم وعلشان نتأكد ان اللى ماتوا قدام السجون وبيسموهم شهداء ماهم إلا شوية بلطجية ومسجلين خطر وياريت المجلس العسكرى وكل شرفاء الوطن يستخرجوا صحيفة سوابقهم ويعلنوها للناس علشان اللى يتكلم ويقول دم الشهيد وهو فى الاساس بلطجى ومسجل خطر ينضرب بالجذمة على بؤه




فين المنظمات المشبوهة اللى بيقولوا عليهم حقوق إنسان ؟ ولا اللى بيقلعوهم هدومهم ويصلبوهم على نخل فى الميدان دول مش بنى ادمين ؟ الموضوع انه كانت خناقة عادية جدا فى طلعت حرب ولأن جرابيع التحرير مجرد شوية مرتزقة عواطلية الناس عرفت حقيقتهم وانصرفت عنهم ومبقاش حد يعبرهم حبوا يعملوا لنفسهم شو راحوا مسكو اتنين من الخناقة وجابوهم قلعوهم هدومهم وقالوا عليهم بلطجية طبعا لو الشرطة كانت قبضت على حد كانوا قالوا عليه اتعذب واتبهدل ويقعدوا يهوهو فى الشوارع لكن لان جرابيع التحرير بلطجية فالصورة تعبر عن نفسها الناس عرفت حقيقتهم المقرفة وقرفت منهم ومن اللى خلفوهم كمان واهم بلطجية فى بعض الهى يولعوا فى بعض ونخلص منهم ومن انحطاطهم

11 comments:

محمد جمال said...

كلام زى الفل بس عايزين شويه حزم بقا وللعلم الشعب المصرى من النوع اللى يخاف ميختشيش كل ما بنديله حريه بيبلطج واللى مش مصدق يروح التحرير

مصريه said...

نحن الشعب نريد الضرب من حديد على هؤلاء البلطجيه الى قاعدين فى التحرير نريد القبض عليهم واحكام عسكريه عليهم لكى الباقى منهم يعتبر ويخاف لانهم يدمرون البلد ويتشرون الفوضى وهذا هو مخطط البرادعى واعوانه والامريكان ييدونها مثل ليبيا

وائل said...

بصفتي واحد من الشعب المصري افوض الجيش المصري بضرب جميع من يتأمر علي مصر ويقطع الطرق والمصالح العامة والكباري ومحاولة فرض الرأي بالقوة
افوضه بالضرب وبحزم و بقوة و بدعم كامل من الشعب المصري واجدد تأيدي للدكنور عصام شرف
موش شوية غوغاء هيمشونا علي مزاجهم

gomaa said...

كلهم بلطجيه في بعض بس دول بلطجيه صياعه أرحم من بلطجيه التحرير الخونه عبدة الدولار
وهوة فعل المعتصمين مش بلطجة دة قمه البلطجة

ناصر المصري said...

الله اعلم والله الواحد مش عارف اي حاجه دالوقتي انا والله بتجيلي اوقات بكون نفسي اروح التحرير واضرب في الهناك بس برجع واقول ان الناس كلها معاهم وهيقولو عليا في الاخر بلطجي وانا الغلطان

احمد محمد said...

عايزين المجلس العسكرى يستخدم يد من حديد مع كل من يضر بالصالح العام و يعطل مصالح الناس ... كفاية طبطبة بقى

كمال said...

أليس هذا انتهاكاً لحقوق الإنسان .... بلطجي القانون يعاقبه أما عن تعذيبه فهذا لا يرضاه أحد ....
حسبي الله ونعم الوكيل في كل من يتواجد الآن في ميدان التحرير ويحاول تعطيل البلد ووقف حالها

Nour said...

خالص إحترامى للمجلس العسكرى المصرى جدا.
أكثر من 70 مليون مصرى معاكم بس مالوش فى التظاهر اصلة صبور جدا

احمد اسلام said...

الاحكام العرفيه اولا . استعادة هيبة الدوله . لا مظاهرات . لا احتجاجات . ثم الحوار البناء لخدمة المصلحه العامه لمصر ولكل المصريين

احمد الطوخى said...

لابد من الشده مع هؤلاء الذي يعبثون ويدمرون ويخربون الوطن وتحيه للمجلس العسكري
بجد المعتصمين والثوار زودوها اوي اوي وطالباتهم فاقت كل الحدود وهم بالفعل بتصرفاتهم اكبر اعداء للوطن ولمصر
لابد ان تضربوا بيد من حديد على هؤلاء ارجوكم
نحن مع المجلس العسكري قلبا وقالبا

ايهاب غمرى said...

ثوار التحرير اصبحوا القوه العظمى فى البلد...اصبحوا هم قضاه البلد وهم امان البلد...وهم اللى اصبح ليهم الحق فى استخدام العنف والبلطجه فى اى وقت مع اى شخص دون اى مسائلات من اى جهه..ما هو اصبحوا حكام مصر اللى فرضوا نفسهم على 85 مليون شخص...الله يرحمك يا بلد بقى بيحكمك شويه صيع مسمين نفسهم ثوار التحرير