Desert Cat Search
قطه الصحراء: هو دة الامن الوطنى اللى عايزين يلغوة

Sunday, June 12, 2011

هو دة الامن الوطنى اللى عايزين يلغوة


القبض على 4شبكات تجسس فى خلال شهر واحد وكل ده بمساعدة جرابيع التحرير باعة الوطن المهمومين بتنفيذ المخططات والتعليمات اللى عايزين يلغوا الشرطة والامن الوطنى والدور جه كمان على طنطاوى من اجل حفنة من الدولارات وطز فى البلد بلد ايه دى كمان اللى نهتم بيها المهم هو احداث الفوضى المنظمة لتسليم البلد على طبق مزخرف باشيك ورقة سيلوفان .. اللى هيشتم الشرطة والامن الوطنى تانى هتف فى بؤه

أجهزة الأمن المصرية تلقي القبض على ضابط موساد إسرائيلي بتهمة التجسس
جاسوس الموساد الاسرائيلى كان بيتظاهر مع الجرابيع فى ميدان التحريض



اما بقى نتائج الاعلام المنافق
فرصدها لنا الكابتن / أحمد محمد

اقروها على موقعنا الالكترونى

ومن أهم أهداف هذه الثورة هو خلع النقاب من علي وجه كل المنافقين .
وأنجازات هذه الثوره المباركة كما يقول المنافقين هو :-

1- أهدار المال العام .
2- حرق المصالح الحكومية والمنشأت والاقسام وفتح السجون لخلق الفوضي في البلاد .
3- ايقاف عجلة الإنتاج وتشريد العاملين في قطاع السياحة وشركات الاستسمار بالمدن الجديدة التي بنيت ونجحت في عصر مبارك .
4- ظهور البلاتجه وترويع المواطنين في منازلهم والتعدي عليهم في الشوارع وزيادة نسبة الجريمة .
5- الاعتداء علي الامن المركزي الذي يقوم بحماية المنشأت وحما يتكم أيام المظاهرات في يوم 25،26،27 .
6- اما ماحدث يوم 28 فكان مرتب ومدروس بتوجيهات خارجية .
7- زيادة القمامة في الشوارع .

اضغط لقراءة باقى المقال


16 comments:

remas said...

حلوة تتفى فى بؤه دى ده انتى قطة متوحشة

mag said...

عايزين يلغوا الامن الوطنى تنفيذ مخططات يا قطة علشان البلد تبقى مرتع لكل جاسوس دون عقاب او رادع

Anonymous said...

لما هو فى مصر من وقت الثورة ليه ما اتقبضش عليه الا دلوقتى

zaki said...

التسيب والاستهتار يعمل اكتر من كدا

د : مصطفى said...

المفروض الرب بيد من حديد على ايدى كل من احدث فوضى بالبلاد سمحت بدخول العناصر الاجنبية والجواسيس للاضرار بامن وامان مصر

واحد معدى said...

ومان اسرائيل رقبتها بحجم السمسمة عارفه يعنى ايه ظابط موساد
الف سلام وتحية لمخابرات مصر الاحرار

marwa said...

طبعا هما دول المصريين اللى فى اشد الازمات واخدين بالهم من بلدهم كويس عاش الجيش المصرى اللى واقف وقفة اسد بره وجوه وعاشت الشرطة اللى رغم جميع ما حدث من اشباه البشر شايفه واجبها كويس

صبر ايوب said...

قطة الصحراء: الجاهل والجاهلة بس هما اللى عايزين تشويه كل حاجة في مصر علشان كدا نازلين طريقة في موضوع الجاسوس دا .. وبيتهيالي انهم اجهل الناس بتاريخ مصر ويعنى ايه مصر .. بس هما صوتهم عالى دلوقت .. لكن مسير كل واحد بيان على اصله .. والثورة كل يوم تبين كل واحد على اصله

Desert cat said...

remas

متوحشة مع الناس الزبالة بس يا ريماس

Desert cat said...

mag

علشان البلد من بكره الصبح متبقاش بتاعتنا

Desert cat said...

Anonymous

مش كان لازم يجمعوا الادلة الكافية ؟

Desert cat said...

zaki

فعلا عندك حق

Desert cat said...

د : مصطفى

المفروض بس احنا عندنا الجواسيس مننا فينا واللى يفكر يقولهم عيب عليكو اللى بتعملوه فى مصر يصرخوا ويقولوا لك احنا الثورجية واحنا بس اللى وطنيين

Desert cat said...

واحد معدى
انا عارفه بس الاغبياء اللى عايزينها خراب ودمار المفروض هما كمان يعرفوا

Desert cat said...

marwa

ماهو المفروض عملية تطهير داخليه من عاسماء محفوظ واسراء قطران واعوانهم

Desert cat said...

صبر ايوب

هو طبعا كل واحد بدأ يبان على اصله وعلى حقيقته واللى مش عندهم اصل كمان بدأوا يبانوا
بس اتمنى ان كل حاجه تنتهى لحد هنا وكفاية اوى كوارث على مصر