Desert Cat Search
قطه الصحراء: قتلى التحرير ليسوا شهداء

Thursday, June 2, 2011

قتلى التحرير ليسوا شهداء

قولنا الكلام ده مراراً وتكراراً يعنى ايه بلطجى رايح يرمى مولتوف على قسم شرطة ولا نازل يعتدى على رجال الشرطة ولا يحرق الممتلكات العامة يتقال عليه شهيد ؟
عارفين كام سيارة شرطة تم حرقها وكام قسم ؟
عارفين اوراق الناس ومصالحهم اللى اتولع فيها فى مجمع التحرير والجلاء ؟
عارفين بوظتوا ايه فى البلد ودمرتوها غير الاستثمار الاجنبى اللى بقى صفر والمصانع والشركات اللى قفلت وسرحت العمالة
ونسبة البطالة بقت كام فى البلد ؟ والسياحة اللى انضربت وتقولوا على نفسكو ثورجية يا عملاء يا جرابيع والبلطجية اللة راحوا يعتدوا على غيرهم بتسموهم شهداء ؟
وده فيديو لواحد من مئات العلماء اللى أجمعوا ان قتلى التحرير ليسوا شهداء كفاية بقى تجارة بدم البلطجية وتجار المخدرات مبقاش حد ياكل من الكلام الفاضى ده



الثورجية الحرامية مبروك لاسراء عبدالفتاح فصلها من حركة 6ابريل
اصل مش شافوهم بيسرقوا شافوهم بيتقاسموا اسراء عبدالفتاح الحرامية وشتلها الشراشيح الرادحين فى كل وسائل الاعلام ودى تفاصيل الخبر

عاجل : فصل عضوية الحرامية : اسراء عبدالفتاح من 6 ابريل ...
مشفهومش وهما بيسرقو شفوهم وهما بيتقاسمو
ذكر عضو سابق من 6 ابريل ان الحركة بقيادة احمد ماهر قررت فصل عضوية اسراء عبد الفتاح من الحركة وذلك بسبب خلاف نشب بين اسراء واحمد ماهر اثر تلقيها 90 الف جنية من بيت الحرية الامريكى ورفضت طلب الحركة لمشاركة الاموال او دفع جزء منها لتمويل مصاريف الحملة واكتفت اسراء بتوبيخ احمد ماهر قائلة لة انه...ا منذ بدائت سفرياتها للخارج تركت لهم التعامل مع مؤسسة فريدريش ناومان بقيادة د. رونالد ميناردوسل ولم تائتى يوما لمحاسبة الحركة على تمويلهم من المؤسسة وقررت تجميد عضويتها فى الحركة ولكن احمد ماهر اسرع بعمل اجتماع للاعضاء وبناءا علية اتخذ قرار بفصلها من حركة 6 ابريل

وده واحد متناقض كان فاكر نفسه ثورجى ومناضل وفى النهاية اكتشف الحقيقة بيقول فى خطابه لسيدة الرئيس اللى عايزه يغيثه بعد ما نزل خرب البلد وطالب برحيله حقيقى قمة التناقض من متخلفين ميدان التحريض

عنوان الخطاب ايه بقى

مصاب في ثورة 25 يناير: أغثني يا سيدي حسني مبارك!!

والخطاب يحتوى على وصلة نواح وفى نهايته بيقول على الثوريجة البلطجية اللى كانوا جنبه رغم انه مصاب لكن طلبوا منه ينزل يوم27لكنه نفض لهم وراح يبعت خطاب لسيده الرئيس يشكو فيه حاله ومن جرابيع التحرير

من لم يعمل بعد الأولى لم يعمل بعد الثانيه و

من لم يسأل عن من قتل وأصيب بجواره في الأولى لم يسأل عنه في الثانيه و

من لم يقدم لوطني شيئا في الأولى لم يقدم لها شيئا في الثانيـة و

من لم يمارس الديمقراطية في الأولى لم يمارسها في الثانيه و

من لم يحترم وجهه نظر الأخر لم يحترمها في الثانيه و

من لم يتغير بعد الأولي لم يتغير بعد الثانيه ووووووووووو

سيدي الرئيس المعارضة المزيفة ظهرت على حقيقتها وشباب المصالح والمكاسب قد ظهر أيضا

معلشى يا حلو يا اللى قاعد تنوح فى الخطاب الطويل العريض ده انت كنت نازل ليه ؟ وعايز تعويض من مين وعلشان ايه ؟
عايز ايه من الدولة اللى انت وغيرك نزلت خربتها الدولة مفيهاش فلوس هيعوضوكوا منين ؟ وبعدين انت مش نزلت علشان بلدك عايز تعويض ليه ؟ ما يا ما ضباط وجنود ماتوا علشان خاطر بلدهم ولا أنتوا أول شهداء ومصابين فى تاريخ مصر رغم انكم بلطجية شهداء ايه بس ؟ اول مرة اشوف بلطجى يبلطج على بلده وعايز منها تعويض لاء ومن واحد كان بيشتمه ويقل ادبه عليه ده انا لو من الرئيس مبارك افعصك وارميك فى بلاعه .. وبعدين انت مين يا جربوع انت علشان حد يعبرك ويحضر عيد ميلادك ما تروح للجرابيع صحابك بتوع التحرير يعملوا لك عيد ميلاد فى الميدان وبالمرة يعملوا وقفة احتجاجية على روح احمد شمة بتاع الكوكايين وزقلط بتاع الحشيش وبقلظ بتاع البانجو .. وبالنسبة لقتل المتظاهرين روح خد تعويض من قناصة الحرس الثورى وحماس وحزب الله اللى كانوا بيملوا الاخوان وكانوا سايقينكو زى الغنم فى الميدان وده طبعا كلام لجنة تقصى الحقائق ولو بتعرف تقرا روح اقرا التحقيقات مع حبيب العادلى اللى قال ان مبارك مداش اوامر بقتل المتظاهرين

28 comments:

masry said...

ومين اللى قال على البلطجية دول شهداء غير البلطجية والشراميط اللى كانوا بيناموا جنبهم فى التحرير ؟

mag said...

حلوة البالونة اللى فرقعتيها فى وشنا على حقيقة الدكر اللى اسمها اسراء عبفتاح ما الناس كلها عارفه ان العيال دول ماجورين وعملاء وقبل كدا احمد ماهر ده اتقبض عليه وبحوزته مبالغ ماليه كبيرة

meral said said...

الشهبد يا قطة اللى بيموت فى سبيل وطنه وعرضه وليس اللى بيموت وهو بيحرق بلده دول مصيرهم جهنم وبئس المصير

zaid said...

وماذا تفعل خارج المعتقلات من تدعى اسراء بعد هذه الفضيحة الشنعاء

واحد معدى said...

لازم الكلام ده يوصل للمجلس العسكرى
ولازم يتنشر على اوسع نطاق لازم الناس تعرف حقيقة العيال ولاد الكلب دى

Anonymous said...

شهيد ايه يا قطة اللى كان رايح ينام مع البنات فى ميدان التحرير ده
شهيد المتعة ؟

magy said...

ولسه كل لما يقعوا فى بعض كل لما فضيحتهم تبان اكتر
صدقتى مشافوهمش بيسرقوا شافوهم بيتقاسموا
طيب اسراء كانت رمت لاحمد ماهر حتة من التورتة علشان يسكت وميخليش فضيحتها زى فضيحة المطاهر يوم خروجه على المعاش

naglaa morad said...

هو الواد اللى باعت الخطاب للرئيس مبارك ده معندوش دم ؟ كان نازل يهتف ضده وشتمه وعايزة يعالجه
سفلة ما اتربوش

ahmed alaa said...

خربوا البلد وبيتخانقوا على فلوس العمالة يا خسارتك يا مصر ضيعوكى ولاد الجذم

متابع said...

وحتستكتى بعد كل الفضايح اللى بتنشريها دى
صوتك محبوس جوا المدونة ليه
مبتتكتبيش فى المجلات والجرايد اللى كنتى قارفانا بيها ليه
انشرى فى كل مكان تقدرى توصلى له
لازم العالم كله يعرف حقيقة الكلاب دى

fatma soliman said...

ضحكنى اللى عايز مبارك يعالجه ده
ودلوقتى بيقوله سيدى الرئيس بعد ما كان بيشتمه بكل سفالة وقلة ادب
حقيقى اللى اختشوا ماتوا
يروح للعيال الى ضربته بالجذمة ودلوقتى بيقسموا على بعضهم فلوس النهيبة يعالجوه

Anonymous said...

بيندم دلوقتى على اللى جنته ايده
اكتشف حقيقة المعارضة المزيفة بعد ما جرحه رصاص حماس والاخوان
فاق بعد ما رموه رمية الكلاب
هو مش مفهمينة انه نازل علشان مصر
مكانش بيضحى علشان مصر
خلاص اللى نازل من اجل مصر عايز فلوس بتاعة ايه
بيطالب بتعويض من مصر ليه
هو اللى بيجيب هدية لواحد بيطلب منه تمنها

marwa said...

اسراء عبدالفتاح تعالجه من الالوفات اللى سرقتها

emy said...

http://youtu.be/-vbgRf3vvxg

شوفي ياقطة الكليب ده من بعد الدقيقة 55

Desert cat said...

masry

عندك حق والله محدش غير الزبالين دول بيقول كدا

Desert cat said...

mag

معلشى يا مجدى اى حد عنده معلومات عن الاوساخ ولاد الكلاب دول ينشرها

Desert cat said...

meral

ماهو جرابيع التحرير يا ميرال قاعدين يوزعوا الشهادة على مزاج اللى خلفوهم

Desert cat said...

zaid

تفعل كل ما لذ وطاب من اجرام وسفالة وانحطاط

Desert cat said...

واحد معدى

اللى عاي ينشره فى اى مكان يتفضل لازم العيال دى تتفضح اكتر ماهما مفضوحين

Desert cat said...

Anonymous

ههههههههه اه شهيد الخيمة

Desert cat said...

magy

الطمع يا ماجى وبعدين احمد قاعد يهبر من اماكن تانية وهى استكترت عليه الفلوس فقالت تطلع هى بنصيب الاسد حرامية ووقعوا فى بعض عادى

Desert cat said...

naglaa morad

اه كان فاكر نفسه ثورجى ولما اترمى زى الكلب الجربان البلطجية بعدوا عنه ودلوقتى رايح يستنجد بسيده

Desert cat said...

ahmed alaa

والله عندك حق يا احمد جذم ولاد جذم

Desert cat said...

متابع

انا بعمل اللى بقدر عليه صوتى لوحده مش كفاية

Desert cat said...

fatma soliman

العيال دى تبيع اللى خلفوهم علشان الفلوس يبقى هيعالجوه
ينسى هو وغيره مش فاضيين له فاضيين للتحرش والسرقة

Desert cat said...

Anonymous

هما كانوا مفهمينه انه هيقاسم معاهم فى التورتة ولما جت التورتة كل واحدج عايز ياخدها ليه لوحده والغريب انه باعت للراجل اللى شتمه وقل ادبه عليه مفيش احساس والله العيال دى مش بنى ادمين

Desert cat said...

marwa

نونو نو اسراء عبدالفتاح بقت متعودة دايما

Desert cat said...

emy

شكرا يا ايمى