الثورة على وفاء عامر


جميعنا نحيا حالة من الفزع والخوف التى خلفها الفراغ الأمنى والسياسى حتى أصبحت الفوضى والعبث هى الثمة المميزة فىالشارعالمصرى .. ولكن هل تصل الفوضى والعبث بنا لحروب الإشاعات ونهش الأعراض ؟ هل وصلت بنا الدرجة إلى أن تتحول الصحف المصرية بمحرريها اللذين لا يتوارون عن الخوض فى أعراض الآخرين دون النظر إلا ما تسببه الإشاعات التى يطلقون لها العنان حتى يقتاتون ويتسلقون على اكتاف اصحابها ؟ فأى لقمة عيش هذه يبغونها من التجارة بدمار البلد والخوض فى الأعراض ؟ حتى يصل هذا المستوى الرخيص المتدنى بكاتب مجهول الهوية بأن يتقول على الفنانة الرائعة التى طالما اذهلتنا بفنها ورقيها فى اداء ادوارها الفنانة وفاء عامر بانها تتهم سوزان مبارك بانها من لفقت لها قضية آداب ؟ هل كان يتجرأ هذا الأمين بكتابة مثل هذه الكلمات عندما كانت السيدة سوزان مبارك زوجة للرئيس مبارك والنظام فى أتم صحته وعافيته ؟ وأين هى أساساً قضية الآداب التى تتهم بها الفنانة المصرية الرائعة وفاء عامر ؟

فجميعنا نعلم مدى الظلم الذى وقع عليها فى بداية حياتها الفنية وما هو الاسلوب الرخيص الذى حاربها به أحد الغيورين الحقودين عليها ومن نجوميتها فحتى القضية التى يتحدث عنها هذا الأمين لم تكن قضية من الأساس فلا وفاء كان لها تسجيلات صوتية ولا تم القبض عليها فى أحد الأوكار التى يعلمها هو دون غيره والتى تضم المتسلقين والعابثين والباحثين عن ادوار فى الحياة .. ولا فاء خرجت من منزلها لتحقيقات ولا نيابات فالقضية قتلت فى مهدها وتم حفظ التحقيق بها لأنها من الأساس لم تكن قضية بل كانت دائرة من الغل والحقد والسواد تحيط بالفنانة وفاء عامر .. ألا يعلم هذا الأمين وغيره أن الإشاعات من الآفات الكبرى وأنها بضاعة شيطانية ؟ فإذا كنت تتحدث فى مقالك هذا بثقة فأتى ببرهانك إن كنت صادق ولكن ان تكذب الكذبة وتصدقها فهذا اعظم واشد انواع الظلم وانت من ينطبق عليك حديث النبى محمد صلى الله عليه وسلم "

( الربا اثنان وسبعون بابا أدناها مثل إتيان الرجل أمه ، وإن أربى الربا استطالة الرجل في

عرض أخيه )

ألا تعلم ان ما قمت به من حمق فى ترويج إشاعات وإختراع حكايات تتهم بها وفاء عامر فى حديث مفبرك بانها قالت عن السيدة سوزان مبارك تغير منها وتلفق لها القضايا ؟ أحب افند كذبك بخصوص هذه الكلمات التى تسيل منها رائحة العفن من شدة الكذب والنفاق .. وفاء عامر التى تتهمها ظلماً وعدواناً من تحمل على قلبها أعباء وهم وطن تتاجر انت به الآن .. فعذراً يا امين عن من تتحدث ؟

وفاء عامر لم تكن يوماً من راكبى الموجة ولم تكن تيسير فهمى التى ذهبت الى ميدان مصطفى محمود فى بادئ الأمر وعندما علمت أن اعداد من فى التحرير تفوق اعداد من فى مصطفى محمود ذهبت للردح فى التحرير لتشترى شهرة ونجومية وفاء عامر صنعتها وتملكها بفنها ورقيها وحضارتها وروعة الأداء

وفاء الرقيقة الصادقة فن وإحساس لم تكن يوماً من راكبى الموجة ولا من المراءين ولا من طبالين النظام فى عز أوجه وبعد سقوطه أول من زم فى النظام فآية المنافق ثلاث أولهم إذا حدث كذب وأنت كذبت بالكلام الذى يقطر سماً بمقالك هذا إن صح أن يطلق عليه اسم مقال .. وكذبت عندما انكرت مكالمة انت ادرى بها وأدرى ايضاً بما دار فيها ..

وبعد ان ظهرت حقيقة الكذب والنفاق اتقدم باعتذار للفنانة الرقيقة وفاء عامر عما اقترفته وعما جنته يد صحفى للأسف مصرى يملك قلم لا يكتب إلا إشاعات وخوض فى الأعراض .. هكذا الأدوار تم توزيعها على الساحة المصرية حتى يتم القضاء على مصر ففريق متفرغ للقضاء على الشرطة وأمن الدولة وفريق للقضاء على الجيش المصرى وفريق ثالث للقضاء على الفن المصرى حقيقى كدا نجحت الثورة ألف مبروك على إنهيار البلد وعلى تدنى الأخلاق على شتى المستويات والأصعدة .

ألا تعلم أنك إذا جرحت إنسان بغير أن تثبت ولا تحرز أقدمت على الطعن في عرضه ؟ هل انتم فعلاً مصريون ؟ المصرى الذى تحدثنا كتب التاريخ عن عراقته وعن علمه وعن فنه وعن معرفته ؟ فهل اصحاب هذه الصفات يخترعون الإشاعات التى تدمر حياة الآخرين ؟ من يخترع اشاعه او يؤلف حوارات لا اساس لها من الصحة هل يملك الإحساس والمشاعر ؟ كيف لا يكلف خاطره بوضع نفسه مكان من يصب عليه الكلمات العفنة هذه ليعلم مدى وقع هذا الكلام عليه ؟ وعلى اسرته وعائلته جميعاً ألا يعلم ان الاشعات هى اشد انواع الغيبة واضرها على اصحابها ؟ فكيف يسمح له عقله وضميره بان يخوض ويتناول اعراض الغير ويشنع عليهم ويتلفظ عن لسانهم بما لا يقولون ولا يفعلون ؟

هل تدهورت مصرنا لهذه الدرجة حتى توقف الجميع بجانب الطريق يأخذون ولا يعطون إلا الإشاعات هل اصبحوا لا يعرفون لغة سوى لغة الحقد والكره فى القلوب والتسلق والإقتيات على سمعة العباد ؟

ما هذه الصحافة الصفراء التى تطل علينا من يوم 11 فبراير حتى اليوم ؟ من هؤلاء الذين يتاجرون بخراب مصر ويساعدون فى انتشار الفوضى وسلاحهم هو الاشاعات وتأليف الحكايات ايشى مليارات مبارك على غيرة سوزان من وفاء ؟

وفاء أدرك مدى ألمك وأتفهم مدى الجرح الذى تسبب فيه هذا الكلام ولكنى أثق فى عقلك الواعى وإدراكك لتلون الجميع كما الحرباء ومن بينهم هذا الكاتب الذى لا يقطر قلمه سوى الاشاعات

فى نهاية كلامى الذى اتمنى ان يراه محمد أمين .. ياريت تتعلم فن الكتابة وعشق تراب مصر من العظيمة د / لميس جابر

وياريت تتعلم الوطنية وحب مصر من الرائعة / الفنانة وفاء عامر

Comments

engy samir said…
انا متابعة لمدونة قطة الصحراء من بدايات 25لكن لم يستفزنى خبر على التعليق سوى الشائعات وما ذكرتى عن الفنانة وفاء عامر
نفنكرى يا قطة دى كلها اشياء مدبره
القضاء على مصر
تفتكرى يا قطة بيحققوا مخطط الجزيرة معا لسقوط مصر
طيب حنسيبهم يا قطة يلعبوا كدا فى البلد يحرقوها ويحرقوا كل حاجه جميلة فيها
mohammed said…
انا قريت المقال اللى بتتكلمى عنه ده امبارح فى المصرى اليوم
حسيت ان اللى كاتباه خالتى فرنسا
المقال كله ايحاءات من اول العنوان حتى انا كتبت التعليق ده على المقال امبارح فى الموقع ده كله شغل نسوان
اتمنى من الفنانة وفاء عامر عدم الانزلاق لمثل هذا المستوى وتلتزم الصمت
فلو كل كلب عوى القمته حجرا لصار مثقال الحجر دينار
Anonymous said…
وهى وفاء عامر مردتش بنفسها ليه
انتى كنتى المحامى بتاعها دايما حاشرة نفسك فى كل حاجه كدا
صحفى ولست من راكبى الموجه said…
ياترى الدور على مين ؟
عايزين يزهقوا المصريين ويطفشوهم من بلدهم علشان يرحبوا بالاحتلال ولا عايزين ايه وبعدين يا قطة ازاى تسمحى لنفسك تقولى على محمد امين ده صحفى انتى بتقرى له ؟
طيب حاولى تجمعى مقالاته بس لو حسيتى انك عايزة ترجعى تيجى تكتبى اعتذار رسمى هنا لكل الصحفيين المحترمين


توقيع
واحد صحفى زعلان منك
علشان حطيتنا كلنا فى سلة واحدة
marwa said…
يابنتى موش انتى اللى كنتى بتقولى طالما المشكلة مع انثى يبقى التهمة جاهزة وهى الخوض فى شرفها
طيب عاملين مشاكل ليه وزعلانين ليه دلوقتى
ماهو ده العادى فى اى بلد عربية النهاردة
مصرية بالخارج said…
خوفتنى جدا التقسيمة بتاعتك يا حنان
مجموعة متقسمة للقضاء على الشرطة وقضوا عليهم ومجموعة للقضاء على الجيش ومجموعة للقضاء على الفنانين
بعد التقسيمة دى لسه فى مصر ؟
mag said…
هو تلاقيه يعرفها يا قطة او فى بينهم مشاكل
اصل ليه جاى يفتح لها الدفاتر القديمة ويتكلم على قضية انتهت من سنين مش دى اللى كانت فيها الشيخة حنان ترك هى كمان مجبش سيرة حنان ترك ليه ولا علشان غطت شعرها وبقت الحاجه
maram said…
قريتى بيان الجيش ؟
من اول ما شوفته مش قادر ابطل ضحك
صاحب القرار ده عبقرى
اللهم اضرب الظالمين بالظالمين واخرجنا منها سالمين
Anonymous said…
ما تعملى قسم للفن عندك وتجيبى لنا اخبار الفنانين بدل السياسة اللى صدعتينا بيها
مصراوى said…
هو ايه دخل الثورة بوفاء عامر
مسمعناش انها نزلت ميدان التحرير يهاجموها ليه
Anonymous said…
مين ده اللى عايزاه يكتب زى لميس جابر
انتى اتجننتى
saif gmal said…
مجبتيش لنك المقال بتاعه ليه علشان نحكم ولا انتى تقرى المقال وتكتبى اللى على مزاجك انا مختلف معاكى من اول الثورة علشان كدا خايف اصدقك فى الموضوع ده
كلام سوزان said…
عادى يعنى يا قطة دى فنانة ودايما الفنانين الكلام عليهم كتير
اصل مين المجنون اللى ممكن يصدق ان سوزان تلفق لوفاء القضية دى حتى لو كانت وفاء قالت الكلام ده اطمنى لسه الناس بعقلها
nor said…
انتى بتقارنى لميس جابر بالصحفى ده
وهانت عليكى ؟
Desert cat said…
engy samir
h
أولاً أهلا بيكى فى اى وقت سواء كتبتى تعليق او متابعة
ثانيا الخبر فعلا مستفز جدا
البلد حالها بقى بيتغرب له الاعداء وبالرغم من كدا السفلة معندهمش دم وعندهم اصرار قوى انهم يحرقوها ويدمروها
Desert cat said…
mohammed

انا قريته الصبح يا محمد فعلا الكلام يقلب المعدة
ما اظنش ان الفنانة وفاء عامر ممكن ترد على الخرافات دى
Desert cat said…
Anonymous

والله انا يشرفنى اكون المحامى بتاعها مال اهل حضرتك يعنى
Desert cat said…
صحفى ولست من راكبى الموجه

اهلا بحضرتك بس ما اعتقدش انى جمعت كل الصحفيين فى سلة واحدة والا هكون ظالمة لناس لسه بتحترم نفسها ومهنة الصحافة

تحياتى
Desert cat said…
marwa

معلشى احساسها بيبقى صعب يا مروة وبعدين مش علشان فى بلد عربى هنسكت ما احنا لازم نتكلم ونطالب بحقنا فى مجتمع نضيف محترم بيعرف يحترم الانثى قبل اى حاجه مش يبقى شرفها هو اللبنانة سهلة البلع فى اى مناسبة ولتصفية الحسابات
Desert cat said…
مصرية بالخارج

ما اعتقدش ان هيبقى لسه فى مصر
ربنا يستر من اللى جاى
Desert cat said…
mag

يامجدى هى مش كانت قضية من الاساس دى كلها كانت تلفيقه من ناس بتحقد عليها
يعنى وفاء لا ليها اى تسجيلات صوتية ولا اى صور ولا دخلت نيابات ولا اتحقق معاها اصلا
كانت مجرد فرقعة وخلاص
Desert cat said…
maram

صدقينى وانا زيك الجيش المصرى ده عبقرى بجد
Desert cat said…
Anonymous

نصيحة هحطها فى الاعتبار
شكرا
Desert cat said…
مصراوى
ماهو علشان مش نزلت التحرير تقريبا بيهاجموها هما يا اما الناس تطبل لهم يا اما يقلوا ادبهم عليها وبعدين النفاق بقى ماهو ده التغيير اللى حصل فى البلد
Desert cat said…
Anonymous

والله اان قولت له يقرا المقالات بتاعتها يمكن يقدر يتعلم منها
Desert cat said…
saif gmal

والله تصدق ولا مش تصدق براحتك
المقال فى المصرى اليوم عدد امبارح تقدر تدور عليه وتقراه بنفسك
Desert cat said…
كلام سوزان

انا مطمنة بس فى ناس بتصطاد فى المية العكرة وام تصدق تسمع كلمة عن عائلة مبارك وتلف بيها الدنيا وتزود فى الكلام لاغراض ومصالح شخصية وده كله يمثل ضغط عصبى على الطرفين يعنى سوزان ووفاء كمان وفاء عندها عيلتها واسرتها اللى تخاف عليهم كمان ليه الخوض فى عرضها هى علشان فنانة يبقى خلاص عرضها مباح ؟
Desert cat said…
nor

والله ما قارنت يا نور انا بقوله اتعلم منها
الفرق شاسع يا بنتى
magy said…
هى وفاء عامر هتغلب يا حنون مكالمة واحدة من الملك فاروق تطير الصحفى ده وتقفل الجريدة كلها
فيييييييييين ايامه ياريته يرجع يقضى لنا على المهازل دى
zaid said…
ايه اخبار التحرير يا قطة
zaid said…
ايه اخبار التحرير يا قطة
Desert cat said…
magy

قولى للزمان ارجع يا زمان
Desert cat said…
تحرير ايه وارف ايه يا زياد
انا متابعه شرفاء الحسين
عاشق الفنانة وفاء عامر said…
حقيقي في البدايه الواحد يصدق ان سوزان مبارك وغير سوزان مبارك يغارون من وفاء عامر ولكن يعطيكي العافيةايتها الكاتبة الرائعة فعلا هذه اصول الادب والكتابة ان لا تقذف الناس ولاتتقول وتكذب عليهم الف تحيه لكي وللفنانة الرائعة وفاء عامر
Desert cat said…
عاشق الفنانة وفاء عامر

اشكر حضرتك جدا
طبعا الفنانة وفاء عامر انسانة جميلة
تستحق الحب والتقدير من العالم كله
تحياتى لحضرتك واشكرك جدا على رقيك وعشقك للفنانة الجميلة وفاء عامر

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز