عمال مصر رجال مصر

تحية وتقدير لعمال مصر - رجالة مصر الشرفاء بيان عمال مصر ضد غوغائية وجرابيع التحرير

بسم الله... الله أكبر
اتحاد عمال مصر يهدد بالتوقف التام عن العمل فى حال اجبار المجلس العسكرى على التنحى او عمل مجلس رئاسى
اخطر رد على دعوة المجلس الرئاسى عمال مصر بيهددوا بتوقف الحياة فى مصر لو وافق المجلس العسكرى على التنحى وتسليم البلد الى مجلس رئاسى اخيرا لقينا حد بيوقف فى وش ديكتاتورية التحرير برافوا والله عمال مصر تحذير الى من تسول له نفسه المساس بمصر وامن شعبها رد اتحاد عمال مصر الحر على م...ا يدور من احداث حالية فى مصر نظراً لما تمر به البلاد من أزمات وفوضى بشكل يظهر للعيان انه مدبر ومنظم – من اعتداء على الاضرحة والكنائس , انعدام الامن للمواطن – وصل الامر للاعتداء حتى على المستشفيات العامة والمحاكم المختلفة - ما ترتب علية ضياع لهيبة الدولة مما يهدد السلم والامن الاجتماعى لنسيج هذا الوطن . ومن دعاوى البعض نظراً لمناخ الحرية الذى هو احدى مكتسبات الثورة - ان تسلم السلطة الى مجلس رئاسى ليس منتخب من قبل الشعب – وكذا جمعية تأسيسية لوضع دستور جديد ( ليست منتخبة ايضاً من قبل الشعب ). مما يأتى ببعض اصحاب الهوى والاجندات التى يراد تنفيذها داخل مصر . كل ذلك له تأثير مباشر على العمال والحركة العمالية فى كل انحاء مصر . ولــــــــــــ ـــذا فقد قررنا نحن اتحاد عمال مصر الحر بجميع أعضاؤه ونقاباته الآتى :- - تفويض القوات المسلحة ويمثلها المجلس الاعلى العسكري فى حكم البلاد وليس فى ادارة شئون البلاد – وذلك لحين تسليم السلطة الى رئيس جمهورية منتخب . - تطبيق الاحكام العرفية او قانون الطوارئ طبقاً لما يراه المجلس العسكرى فى مصلحة البلاد بمنتهى الحزم والقوة – وكل ذلك لمصلحة عجلة الانتاج التى كادت ان تتوقف . وايضا تفعيل قانون تجريم المظاهرات والاعتصامات بشكل كامل لحين الانتهاء من انتخابات الرئاسية القادمة – حتى لا يساء استخدام حرية التعبير فى الاضرار بالمصلحة العليا للبلاد . إلا اننـــــــا ...... قــد وجدنا رغبة عارمة من العمال و مختلف العاملين فى قطاعات الانتاج الحيوية والخدمات المختلفة – انها تطالب بالاعتصام ووصولاً الى العصيان المدنى وذلك لحث القوات المسلحة ممثلة فى مجلسها الاعلى فى ممارسة حكم البلاد ضـــــد ديكتاتورية من يطلقون على انفسهم النخبة وثوار التحرير. ونوجه عيون الجميع ان اتحاد عمال مصر الحر يعلن تضامنه الكامل مع القوات المسلحة المصرية ومجلسها الاعلى فى حكم البلاد ويحذر اى جهه من ان تطالب بمجلس رئاسى او مجلس استشارى او غيره من المسميات المستوردة ويهيب الاتحاد من المجلس الاعلى بعدم الالتفات الى هذه المهاترات على الاطلاق او مرويجيها او مريديها لاننا لا نثق الا فى قوتنا المسلحة وقادتنا العظماء . وفى حالة موافقة المجلس الاعلى على مجلس رئاسى و جمعية تاسيسة لعمل دستور جديد غير منتخبة من الشعب كما جاء فى الاستفتاء الى صوتنا عليه جميعا بنعم لقثتنا الكاملة فى جيشنا العظيم . نعلنها بكل وضوح للجميع اننا سنوقف كل اشكال الحركة العمالية فى مصر بداية من الكهرباء والموصلات وجميع مواقع الانتاج الحيوية والاستراتيجية والخدمية فى مصر رفضا منا لكل من تسول له نفسه المساس بجيشنا وقوتنا المسلحة ومجلسها الاعلى . قادتنا . نثق فيكم فقط. ندعمكم بكل قوة , نحترمكم ونقدركم. انتم حصن الامان لمصر , والله الموفق والمستعان

عايزين نشوف الجرابيع اللى بيعشموا الناس بفلوس مبارك رأيهم ايه ؟
رئيس جهاز الكسب غير المشروع يعلن رسميا: ثروة مبارك واسرته متواضعة ولا وجود لمليارات

ودى فايزة ابو النجا تنفي استيلاء «سوزان ثابت» على معونات أجنبية مقدمة لمصر

هو كل حرامى وخاين بيكون فاكر كل الناس زيه ؟

تعليقات

‏قال eman maher…
انها حقا دعوة للتفاؤل
عشتى يا قطة يا مصرية يا ابية وعاشت اخبارك الحلوة
‏قال mag
خبر هايل يا قطة
يارب مصر ملهاش غيرك دلوقتى
انقذنا فى الوقت الحرج ده
‏قال مصرية بالخارج…
معقول ده بيان العمال اول من اخترعوا الاعتصامات والاضرابات
هى مصر وقعت للدرجة دى
‏قال ziad
هايل يا قطة رجال مصر لا خوف عليهم وعلى مصرهم ربنا يحميكو ويساعدكو بعبور الازمة
‏قال mohammed
يا قطة يا اجدع قطة خلقها ربنا
انا سعيد بالبيان ده موووت
‏قال marwa
الناس بدأت تفوق
الناس خلاص زهقت وشبعت وتعبت وتم استنزافها بالاعتصامات والاضرابات
يارب خليك مع مصر
‏قال maram
خبر تستاهلى عليه احلى بوسة
‏قال غير معرف…
اهى دى المدونات اللى تفتح النفس والبيانات التى تدعو للتفاؤل
‏قال h . h . z…
ياقط يا مقطقط يا رافع علينا مسدس فى الفيسبوك والنبى ما تجيبى لنا اخبار كئيبة تانى خلينا كدا متافئلين وسعداء بالبيانات والاخبارات الحلوة دى
‏قال Desert cat
mag

ان شاء الله يا مجدى
انا متفائلة بجد لانى شيفاك عامل شغل هايل فى الجروب
ربنا مع الجميع
‏قال Desert cat
مصرية بالخارج

مصر مش هتقع ابدا اطمنى
مصر لسه فيها رجالة بجد وهيقوموها تانى وتبقى اقوى مما كانت
‏قال Desert cat
ziad

ميرسى بجد يا زياد على مشاعرك الجميلة والله ما عارفه اشكرك ازاى
عكس مصريين للاسف كتير اتصدمنا فيهم
‏قال Desert cat
mohammed

ماشى يا محمد حاول علشان خاطرى تكلم محمود علشان تظبط معاه فى اسكندرية
والنبى مش عايزين نضيع من بعض
‏قال Desert cat
marwa

كلامك كله صح بجد يا مروة والله لو تسمعى تعليقات الناس الى بتكلم معاها تقولى العالم الزبالة اللى عايزين يخربوا البلد بالثوارت الهبلة بتاعتهم دى معندهاش دم ولا ايه
‏قال Desert cat
maram

خلاص انا كل يوم هنزلك خبر حلو بقى علشان الهدية القيمة دى
‏قال Desert cat
Anonymous

ربنا يستر من اللى جاى ومش تغير رأيك
‏قال Desert cat
h . h . z

ماهو مش بمزاجى يا زوما حسب اللى بيتنشر بقى والمسدس بتاع الفيسفوك ده مش تخاف منه مش ممكن التلميذ يغدر باستاذه
‏قال emy
أنا مبدئيا مش مع محاكمة مبارك, لأني شايفه إن فيها إهانة لرمز مصري.. لكن في نفس الوقت أنا ضد المجلس العسكري إللي بيفصل كل القوانين على مقاس الإخوان... إنتي عارفه ياقطه يعني إيه الإخوان والسلفيين يسيطروا على البرلمان القادم, وده طبعا إللي هيحصل؟؟ يعني هما إللي هيحطوا الدستور إللي هيرسم مستقبل مصر, وإللي عمره ماهيتغير إلا بثورة ولا بعد ميت سنه, دي لو حصلت أصلا..وعشان كده الإخوان مش هتشارك, ومش بس كده.دول بيكفروا أي حد هيشارك.. أنا عن نفسي بدعم مظاهرة الجمعة إللي جايه لوضع دستور جديد قبل أي إنتخابات,, ولازم نشوف المستقبل, إللي حصل حصل, ومش هينفع نرجع الزمن تاني
‏قال Desert cat
emy

معلشى يا ايمى اللى نازلين التحرير يوم الجمعهخ ليهم اهداف مختلفة تماما عن اللى بتقوليه
مظاهرة الجمعة فعلا لو نجحت اعرفى ان الاخوان هما اللى هيحكموا
مظاهرة الجمعه ضد المجلس العسكرى
ومعنى انه يتعمل دستور جديد اعرفى ان الاخوان اللى هيعملوه زى ما جابو لنا صبحى صالح فى التعديل واللى من يومين بيقول مصر دلوة اسلامية وهتتحكم بالشريعه واللى مش عاجبه يسيب البلد يعنى فاكرين نفسهم خلاص ركبوا
مين اللى قالك انه مش هيشاركو
لسه طالع بيان حالا من مكتب الارشاد انهم هيشاركو دى فرصتهم وانتى اكتر واحدة عارفه انهم مش بيضيعوا فرص

المشاركات الشائعة