Desert Cat Search
قطه الصحراء: اوعى تغمض عينيك

Wednesday, April 6, 2011

اوعى تغمض عينيك

لما حصل وهجم الجرابيع والبلطجية واللى ملفاتهم مستخبية فى مباحث أمن الدولة طلعوا ورق مش مهم هو منين ولا مصدره ايه ولا مزورين فيه ايه وقالوا من اجل مصر انشر شير .. بس الحلوين نسيوا ان مش هما لوحدهم اللى بيعرفوا ينشروا ويشيروا واذا كان كل الوثائق والورق اللى نشروه عن مبارك وحبيب العادلى والظباط وكان هى بس اللى كانت قدامهم قالوا عليها من داخل مبنى مباحث امن الدولة على اساس انه أمن من ورق فأحنا فعلاً عندنا برضه نفس الوثائق والمستندات لوائل غنيم الشهير بوائل ابو دمعه
ودى مش صور لاء دى فديو وباين فيها تورطة صوت وصورة ونقول جملة الثورجية البلطجية الشهيرة من اجل مصر انشر شير



أما بالنسبة للى كان عقيد عمر عفيفى فثابت ايضا بالمحضر الآتى
محضر
اصابة المدعو عقيد عمر عفيفي
اثر الحادث المفتعل منه للإصطدام بسيارة الفنان المشهور احمد رمزي والذي
استغله عمر عفيفي في ابتزازه والحصول منه على مبلغ مالي ضخم واستغلال
علاقات الفنان المحترم لنقله من المرور إلى مباحث القاه...رة حيث نقل إلى
...مباحث قسم قصر النيل في نفس العام المحرر فيه
المحضر-
كما هو مبين بالمحضر المحرر عام 93 ان رتبة عمر عفيفي هي نقيب ... فلو افترضنا انه تمت ترقيته لرتبة الرائد في العام التالي أي عام 94 وحيث أن هذه الرتبة يستمر الضابط بيها لمدة تتراوح من 5 إلى 6 سنوات وحيث أن سيادته قد فصل من الخدمة عام 99-2000 ...بعد مجلس تأديب تتوقف فيه ترقية الضابط للرتبة التالية لحين صدور قرار المجلس إذًا فبأي حال من الاحوال فصل عمر عفيفي من الخدمة وهو برتبة رائد لكن لماذا يدعي بانه العقيد عمر عفيفي ؟؟بمنتهى البساطه لانه يدعي بخروجه من الخدمة بناء على رغبته وهو مايستلزم الوصول إلى رتبة عقيد والاستمرار بيها لمدة سنتين على الاقل
اضغط للتكبير

ودى قسيمة زواج اللى كان عقيد عمر عفيفى من رقاصة فى شارع الهرم مش مهم الرقص مش حرام ولا عيب دى رقاصة شريفة من البيت للكبارية ومن الكبارية للبيت بس ياريت بلاش يعيش دور الثورجى وهو فى الحقيقة قواد ماهو اللى يقود شوية جرابيع وبلطجية لخراب البلد يبقى قواد
وعلى غرار بلطجية التحرير اللى لو واحد فيهم دخل التواليت ولاقى المية مقطوعة يقول اصل ده بسبب فلول النظام والثورة المضادة فا اللى حصل فى استاد القاهره يا حلوين ماهو الا نتاج بلطجية التحرير واحب اذكركو لما الجيش اخلا الميدان على الهواء مباشرة وكانت البنات والولاد فى خيام واحدة ده غير المشروبات الكحولية والسلاح الابيض اللى الجميع شافه بعينه على قنوات التلفزيون ونشوف المفاجأة دى علشان اكيد كلنا عارفين مين معتادى البلطجة والاسلحة البيضة

مفاجأة: رئيس هيئة الإستاد حرر محضرًا بوجود 1000 شخص مسلح وسط الجماهير

16 comments:

mag said...

رقاصة وبترقص
وعامل لنا فيها وطنى وشجاع
وبيرسم ازاى يدمر البلد اكتر
يروح يشتغل صبى عالمة وينقطنا بسكاته

marwa said...

حلوة وائل ابو دمعه دى يا قطة يا عسل انتى
لايقه عليه جدا

mohammed said...

الواد ده ازاى متساب كدا لحد دلوقتى
ده لازم يتقبض عليه فورا المجلس العسكرى لازم يحاكمه محاكمة علنية

eman maher said...

ينصر دينك يا اجدع واجمل قطة
افضحيهم كمان وكمان
تسلم ايدك ويسلم لنا عقلك

Anonymous said...

الثورة دى كانت فرصه لكل واحد خارج عن القانون او متعلم عليه من ظابط شرطة او حد ليه تار عايز يصفيه

حما الله مصر من الثعابين داخليا وخارجيا said...

قال طنطاوي نعم كانت هناك أكثر من محاولة انقلاب منذ تخلي الرئيس السابق عن السلطة ولكننا واجهناها بكل قوة وحسم .

ولأول مرة اعترف طنطاوي لصحيفة دير شبيجل أن المجلس العسكري هو من ضغط على مبارك للتنازل عن السلطة لأننا شعرنا وقتها أن البلد ستنقسم وستذهب الأمور إلى حيث لا يحمد عقباه.

وأضاف طنطاوي مبارك تحت الإقامة الجبرية ولكن هذا لا يمنع من وجود مؤيدين له يريدون أن يوصلوا رسالة مفادها أن الأمور بعد مبارك تدهورت بشكل كبير ونحن نسعى للتصدي لأي ثورة مضادة في الشارع المصري.

مملكة التخلف تشوه الثوره said...

دعا أبو العزايم إلي وقفة احتجاجية من الطرق الصوفية السبت القادم أمام سفارة السعودية لأنها المسئولة عن تمويل السلفيين في مصر، وأضاف أبوالعزايم أن تلك الأحداث المؤسفة تأتي بعد غياب دور الشرطة واعتبرها إحدي طرق «الثورة المضادة» حتي يطالب البعض بعودة الرئيس المخلوع مبارك.

حما الله مصر من الثعابين داخليا وخارجيا said...

طلع حديث طنطاوى من فبركة صحيفة الأنباء الكويتيه
فرصه كل من هب ودب بيفبرك على كيفه

Desert cat said...

mag

علينا جميعا ان نبحث عن من هو الراجل اللى ورا عمر عفيفى

Desert cat said...

marwa

ماهو كل لما يطلع فى برنامج يقعد يعيط لنا

Desert cat said...

mohammed

المجلس العسكرى مشغول عنده مواعيد فى ميدان التحرير

Desert cat said...

eman maher

ميرسى يا ايمو

Desert cat said...

Anonymous

صح انا دايما بقول الكلام ده

Desert cat said...

حما الله مصر من الثعابين داخليا وخارجيا

اضاف فين طنطاوى اذا كان الخبر تم تكذيبه

Desert cat said...

مملكة التخلف تشوه الثوره

محدش طالب بعودة الرئيس المخلوع احنا بنطالب باستقرار البلد وبعد السلفيين عنها

Desert cat said...

حما الله مصر من الثعابين داخليا وخارجيا

ولو فضلنا فى الفوضى دى هنقول ياريتها تيجى بس على اد الفبركة الصصحفية