لو فى مخالفات داخل لجان الاستفتاء

تحدييييييييث

فى حد كلمنى وقالى الجيش استجاب بسرعه وطرد الاخوان اللى كانوا واقفين يعملوا دعايه للتصويت بنعم اما الدايرة الانتخابية فى الغربية .. من فضلك اوعى تسكت عن حقك .. فى حالة حدوث اى تجاوز او اى تزوير اوعى تشارك بسلبيتك فى التزوير اتصل بالارقام دى وانا مبسوطة اوى بالمكالمة اللى جتلى عن سرعة استجابة الجيش .. قولوا لالالالاء علشان حياة افضل ودستور جديد

**********
اولا انا سعيدة اوى بالايجابية اللى شوفتها من الشباب والشابات وكبار السن كمان الناس كلها رايحة تدلى بصوتها وحقها فى الاستفتاء فى لجان مسيطر عليها الاخوان والكلام ده من التوتير وحد كلمنى قالى ان فى لجنة فى المنيا قاعدة فيها موظفة تسود البطاقات بكلمة نعم وفى الفيوم فى صناديق غير شفافه ومسيطر على اللجنة الاخوان مع الشرطة اوعى تسكت عن حقك اوعى تكون سلبى اوعى تساعد فى اى تزوير
فى حالة شوفت اى وضع مش عجبك اتصل بالارقام دى

0127665452 0113908447 ب0198290820 و0122132017 252821176 - 0102155364 - 0101365025

تعليقات

‏قال غير معرف…
وانتى مين يا حنان علشان يكلموكى ويقولوا لك فى تزوير
انتى بتمثلى اى جهة يعنى
‏قال واحد مصرى…
شكرا يا قطة على الرقام انتى بنت زى العسل دايما تيجى لنا فى وقتك
‏قال mag
حنوووون انا هطبع الارقام دى بعد اذنك وانزل اوزعها قدام اللجان
‏قال Desert cat
Anonymous

انا حنان الشريف مواطنة مصرية فقط لا غير
امثل مصرى واى حاجه تفيد بلدى اعملها من غير تفكير
اى توضيح تانى اسال وانا اجاوبك
‏قال Desert cat
واحد مصرى

اى خدمة لدينا تجدوا ما يسركم
‏قال Desert cat
اطبع يا مجدى بدون اذن
هى دى الايجابية والا
‏قال غير معرف…
يا سلام على الوطنية ده انا قربت اعيط من التاثر خلاص صدقتك يا كتكوتة
‏قال Desert cat
Anonymous

انا مش عاملة استفتاء اطلب رايك انت او غيرك فى وطنيتى وبالتالى رايك مش يهمنى فى حاجه
‏قال غير معرف…
ما تهدى يا قطة مالك هايجة علينا كدا ليه بطلى غرور يا حلوة اصل تفرقعى من النفخة الكدابة اللى انتى عايشه فيها دى
‏قال مصرية
فعلا الجيش بيستجيب بسرعه وفى تعاون مذهل بين الجيش والشرطة والناس كمان بتتعامل برقى مشوفتوش قبل كدا انا سعيدة انى مصرية
‏قال Desert cat
Anonymous

عيب الطريقة اللى بتتكلم بيها دى يا حيوان
ولو انت راجل وحلو كدا ورينا نفسك بدل ما انت مستخبى فى اسم مجهول
وجاى تكلم واحدة مغرورة ليه يا اهبل مش خايف لافرقع فى وشك
‏قال Desert cat
مصرية

فعلا فى تعاون جميل اوى بين الجيش والشرطة وتنظيم اللجان واقبال الناس على الاستفتاءات انا حاسة فعلا ان البلد بتتغير
‏قال nor
ايه الواد اللى بيكتب تعليقات بالعبط ده وانتى كمان بتعبريه وتردى عليه يا نونو والله انتى كمان طيبة
‏قال nor
أزال أحد مشرفي المدونة هذا التعليق.
‏قال Desert cat
انا مش عارفاه مين بصراحة بس قولت اخده على اد عقله لاقيته فى الاخر بدأ يخرف فقولت اضيع وقت بدل ما انا قاعدة فاضية

المهم سيبك روحتى قولتى لاء ولا لسه ؟
‏قال nor
طبعا رحت وقابلت هناك عمتو وحمادة وميزو وكانوا عاملين مجهود فظيع كل واحد يقولوا له قول لاء
‏قال Desert cat
انا شوفت حمادة وميزو وبلال كمان واعتقد انهم هناك من الصبح علشان لجان التوعية اللى مكونينها مع صحابهم بجد انا سعيدة وفخورة بيهم اوى

المشاركات الشائعة