يوم المرأة العالمى فى ظل الوضع الراهن



فى الثامن من مارس كل عام يحتفل من يعى ما هى المرأة وما قيمتها بيوم المرأة العالمى اما فى مصرنا الحبيبة بل فى عالمنا العربى كله يمر هذا اليوم مرور الكرام اذا كان يعلم عنه احد ولا اريد التعميم فهناك بالفعل من يعلمن من النساء ولكن ماذا يفعلن ؟ وهناك من يعلم من الرجال ولكنهم يتجاهلون فاى إمرأة هذه التى تستحق ان يتذكرها رجل وأى إمرأة هذه التى يخصص لها يوم عالمى ؟ فالمرأة فى العالم العربى ماهى إلا فرج لإفراغ شهوات الرجل فبأى حق يخصص لها يوم وهى الخادمة فى المنزل والمنتجة للأطفال من أجل التكاثر والتفاخر والعز والعزوة فلابد أن تعمل لهم ايضاً خادمة بدون أجر وإن كانت جميع ما أنجبت فتيات فالويل كل الويل لها أما إذا كان بينهم الذكور فلا بأس من المعاملة الحسنة ولكن لا تصل لدرجة تخصيص يوم عالمى أحمق الذكر العربى لهذا الحد ؟
فى الدول المتقدمة المرأة هى نصف المجتمع .. هى الأم والأخت والصديقة والحبيبة .. هى نصف الطاقة البشرية لتنمية مجتمع فى كافة المجالات ومهما كان عملها فلا يوجد ما يسمى هذا عمل رجل او عمل إمرأة فالمرأة والرجل متساويان فى الحقوق والواجبات فى شتى المناحى وليس أمام القانون فقط .
فى الثامن من مارس2011ظنت المرأة المصرية ان الحياة تغيرت وتطورت فى ظل الوضع الراهن وذهبت إلى ميدان التحرير للتظاهر من أجل اللامطالب .. فخيب أملها وعادت بخفى حنين فقد تم التحرش بها والإعتداء عليها من قبل زملائها الثورجية والمعتصمين بقاعدة ميدان التحرير .. فرحوا قليلاً يوم 25يناير المنقضى لانهم على حد قولهم كانوا كتفاً إلى كتف بجوار الذكور فى المظاهرات وكانوا ينامون فى الميدان ويحميهم الذكور ظنوا ان الوضع سيتسمر ولكنها كانت وقت الحاجه التى يجسدها المثل القائل لو كان لك عند الكلب حاجه قوله يا سيدى .. فازاى هيتحرشوا بيهم وهما عايزين عدد وبالتالى لو كان لك عند المرأة حاجه اوعى تتحرش بيها بس بعد ما نخلص اللى احنا عايزينه ابقى اغتصبها براحتك يا حبيبى هو مين هيقولك انت بتعمل ايه ؟ امبارح اتحرشوا بيها والنهاردة برضه تاجروا بيها ففى اثناء فض قوات الجيش لميدان التحرير تم التحفظ على صحفية من جريدة البديل فتعالت الاصوات وارتفعت الابواق الحقوها ده احنا بنتصل بيها لاقينها بتصوت وده دليل انها بتتعرض لايذاء جسدى .. هو فى حد بيتعرض للسعة صوباعه من ولاعه وبيرد على موبايله برضه ؟ فما بالك لو واحدة فعلا تحت التعذيب ؟ فى كل الاحوال المرأة تمثل لهم مكسب ولكن زى ما اتفقنا اعلاه فى وقت الحاجة فقط غير كدا ولا ليها اى لزوم فى الحياة دى يتكسر لها ضلع علشان يطلع لها فيما بعد 24ضلع ولكن حتى فى اسوء الأحوال كل يوم وكل عام وجميع الرائدات فى جميع المجالات بافضل حال

تعليقات

‏قال خونة الوطن…
اسرائيل تعلن صراحة انها ضد ثورة 25 يناير
لأنها تعنى يقظة مصر وعودتها الى مكانها الطبيعى
وكل من يسىء اليها من فلول امن الدوله وجيش البلطجه التابع لها وفلول الحزب الوطنى
ولصوص الوطن
هو خائن
حقير
‏قال صحى النوم…
انت تتحدثين عن تحرش بلطجية النظام السابق الفاسد
ولا تتحدثين عن دفع الوطن للحرق باثارة فتنه طائفيه
تاكل الأخضر واليابس
فى جريمة شنيعه
والغريب ان البسطاء يعرفون من وراء كل هذا الأنحطاط
وانت لا تعرفين
‏قال mag
حتى فى الوضع المهبب ده مش ناسية المراة
انت مراة جميلة جدا يا حنان
‏قال غير معرف…
مرأة ايه وزفت ايه فى ايامكو السودة دى
البلد بتضيع وانتى قاعدة تعيطى على المرأة فقعتى مرارتنا
‏قال مصرية
هى مين صحفية البديل دى يا قطة
‏قال nor
سمعت عن التحرش اللى حصل واستغربت مش دول اللى كانوا بيقولوا من كام يوم محدش اتحرش بينا النهاردة جايين يعطيو
‏قال Desert cat
خونة الوطن

بصراحة خونة الوطن اللى دمروه وضعيوه
لكن امن الدولة رباط جذمة المخبر فيهم احسن من الف كلب من عينة اللى بيسقفوا ويهللوا لبلطجيةوعاهرات التحرير
‏قال Desert cat
صحى النوم

واضح ان النظام السابق عامل عندك فوبيا كل حاجه النظام السابق
امال لو مش كان اخلاء الميدان امبارح على الهواء والدنيا كلها شافت الثورجية البلطجية والخيام فيها بنادق وذخيرة وفوديكا وبيرة كنت عملت ايه ؟
اه سورى نسيت انك مش بتتعامل غير مع البسطاء بتوع اصلنا سمعنا
‏قال Desert cat
mag

انساها ازاى وهى انا واختى وجارتى وصديقتى
ميرسى لزوقك يا مجدى
‏قال Desert cat
Anonymous

طيب ما تحافظ على اللى باقى من اعضاءك وتروح التحرير
‏قال Desert cat
مصرية

انا عارفه مين نور الدين دى
ماهو كل الناس دلوقتى بقت صحفية وناشطة والحاجات دى
‏قال Desert cat
nor

ايوا ماهما دول جيل الثورة
النهاردة بكلام وبكره عكسه

المشاركات الشائعة