كيلو الكدب بقى بكام ؟

بما إنه موسم سقوط الأقنعة وكل واحد عايز يعمل لنفسه قيمة ودور فى المجتمع يقولك انا اهووو مع الثورة انا مش همشى من هنا غير لما مبارك يمشى .. مشى مبارك لازم عمر سليمان يمشى .. مشى عمر سليمان .. لازم شفيق يمشى .. وبعدين يا حلوين انتوا عايزين تمشو البلد كلها على مزاج الى خلفوكو وانتوا اصلا شوية رعاع ومرتزقة ونصابين وكدابين .. محموء سعد اللى بيقول انه ترك برنامج مصر النهارة علشان الفريق المحترم احمد شفيق فرض نفسه على البرنامج .. ده اسلوب كلام واحد زبال مش المفروض انه اعلامى لما يتكلم على ناس ليها وزنها ووضعها بالطريقة دى يبقى ما اختلفش حاجه عن العيال السافله اللى فى التحرير بتوع لازم يمشى دلؤقتشى .. وبما ان الكدب مالوش رجلين والسبب الرئيسى فى ترك محموء سعد للبرنامج هو تخفيض اجره من 9مليون إلى مليون ونصف المليون يبقى الفرصة والحجة والمبرر انه انضم للثوار وكنت فين من يوم25يا محموء ؟؟ مش سبت البرنامج من يومها ليه ؟ محمود سعد بتاع الطبقة الكادحة وانه مع الشعب فى العلن وفى السر يتفنن فى سرقة مال الشعب ولما الأوضاع تتصلح وكل واحد يقبض حسب حجمه الطبيعى يبقى يولع الشعب .. فى ستين داهيه يا محموء ومش تنسى تاخد الباب فى ايدك ..
اما بقى الفقاعة اللى فاكرة نفسها مناضلة ومجاهدة اسراء عبدالفتاح اللى خرجت بعفو رئاسى من الرئيس مبارك فى احداث 6ابريل بعد ما الست الوالدة بعتت تترجى الرئيس وتبوس الجدم لأجل بنتشها اليتمية تخرج من الحجز وبنتها بالفعل خرجت وكويس اوى ان فى يوتيوب علشان مش تنسى نفسها كانت واقفه تعيط وتقول والله انهم عاملونى احسن معاملة انا حتى بقول هما ماسكنى ليه لما بيعاملونى حلو كدا ده غير انها كانت بتعيط فى النيابة وتقولهم انا كنت بلعب على الكمبيوتر والله ولا ليا فى السياسة ولا اعرفها يا بيه.. وفى اعقاب 25يناير غيرت كلامها وقالت شباب زمايلنا بيتعذبوا ومنهم وائل غنيم .. لكن علشان كدبها يتفضح وائل غنيم فى حواره مع منى الشاذلى قال انه كان بيتعامل بكل احترام يبقى العيال دى مين وعايزة ايه ؟

وده فيدو للاستاة الدكتورة الباشمهنزة فى الكدب والافلامات من اجل البحث عن دور فى المجتمع فيه الكلام وعكسه


وتتوالى سقوط الاقنعة الكابتشن اللى فى الصورة ده تقريبا واحد من الإخوانجية رزعه بونيه فى عينه وقاله قول الجيش اللى عمل فيا كدا امال الفتنة تحصل ازاى ويحصل الفراغ الامنى فى البلد ازاى برضه ؟ الواد الكداب ده بيقول ان الجيش حبسه فى جراج مجلس الوزراء ومش كان بيضربوه غير فى وشه بجذمهم وكأن راسه دى كورة بيحدفوها على بعض .. تفتكروا حد بينضرب بالطريقة اللى بيوصفها دى ومش يحصله حاجة غير الكدمة اللى تحت عينه دى ؟ ده اقل واجب كان جاله ارتجاج فى المخ .. بس ده خير دليل على ان الاخوانجية لا يعرفوا يعنى ايه مخ وانما ما بدخل عقولهم نخاعات مسلوقة

تعليقات

‏قال fatema
حلو العنوان ده يا قطة
صدقتى الكدب فعلا بقى بالكيلو
‏قال غير معرف…
انا شوفت البت دى فى حوار تلفزيونى بتتكلم بكل قلة ادب
قولت الله يرحم ايام لما كنتى بتعيطى فى 6 ابريل وبتقولى انا كنت بلعب
‏قال jak
انتى بتجيبى الحاجات دى منين يا حنان ارحمينا شوية من العاهات اللى بتتحفينا بيها كل يومين دى
‏قال غير معرف…
برضه معرفشى ليه انتى مركزة على السلبيات مع ان حصل ايجابيات محدش كان يحلم بيها
‏قال mag
عيب والله يا قطة اللى بتعمليه ده
ان الله حليم ستار
استرى على الثورجية اسراء عبدالفتاح
اللى لو اتقبض عليها الصبح
حتروح النيابة تعيط وتقول برضه كنت بلعب على الكمبيوتر
‏قال لو كنت مكانها كنت عملت ايه مع احط نظام…
أولا: ا ب ثورة إقالة الحكومة ورئيسها.. هذا إذا لم يتحلوا بالمسئولية السياسية والوطنية التي تدفعهم إلى الاستقالة. ثانيا: إن كان شفيق موظفا كفئا، وهو ما لا يملك أي أحد دليلا عليه، فإن أبي كان موظفا كفئا، لكني لا أرشحه لرئاسة الحكومة المصرية.. رئيس الحكومة التي يفترض أن تنقل مصر من فساد واستبداد إلى شفافية وحرية وعدالةـ يجب أن يكون ديمقراطي… حتى النخاع، يحترم إرادة الناس ويعلم أنه خادم لهم لا للرئيس الذي عينه، ثوريا في فكره وتصرفاته..وهي أوصاف لا يتمتع شفيق بأي منها.. ثالثا: مقدمو التوك شو جميعا مليونيرات؛ لأنهم يقدمون سلعة استهلاكية تدر ربحا كبيرا، كالفنانين ولاعبي الكرة.. وليس للمال العام علاقة بذلك. رابعا: نحن لسنا شعبا حاقدا قام بثورة جياع ضد الأغنياء، بل نحن شعب مظلوم منهوب قام بثورة شريفة ضد الفساد والنهب والاستبداد. بس خلاص [^]
‏قال غير معرف…
وليه ناسية أسماء محفوظ ونوارة نجم وعزة مطر وشادى الغزالى حرب وخالد صلاح و...الخ؟
‏قال Desert cat
fatema

مصدقاكى لانه الكدابين بقوا على قفا من يشيل
‏قال Desert cat
Anonymous

تقريبا الحوار ده كل اللى شافه اترحم عليها يوم لما كانت بتعيط وهى بتقول كانوا بيعاملونى وكيس وكنت متصانة والنهاردة بتقول بيعذبوا ويعتقلوا وهبل فى الجبل من هذا القبيل
‏قال Desert cat
jak

لالالا ماهو لازم تشاركونى اللحظة
‏قال Desert cat
Anonymous

بليز يا ريت تعرفنا بالايجابيات
اللى حصلت
ولا قصدك الشباب اللى بيلموا الزبالة هى دى كل الايجابيات ظ
‏قال Desert cat
mag

انا بس حبيت اعرض قمة التناقض اللى الثورجية اللى عندهم استعداد يموتوا ومعرفشى ايه من الكلام العبيط اللى بيقولوه ده
فى حين انه لما بيتقبض عليهم بيقعدوا يعيطوا
‏قال Desert cat
لو كنت مكانها كنت عملت ايه مع احط نظام

لو كنت مكانها وكنت حتى فى جوانتنامو مش هغير مبادئى واطلع على التلفزيون اعمل فيها 7 رجالة ولما ادخل تحقيق اعيط واقول معلشى سامحونى عيله وبتلعب
‏قال Desert cat
Anonymous

الاشكال اللى بتقول عليها دى كانت اقنعة وسقطت فى الارض ومعاها سقطوا من نظر الجميع
بس خليهم يهوهو اصلهم بيقبضوا على الهوهوه دى
حرام يعنى تقطع مصدر رزقهم

المشاركات الشائعة