من قلب ميدان التحرير

طبعا مش كان الهدف الميدان لكن للأسف هو كان طريقى لانى كنت رايحة طلعت حرب قوم ايه بقى وانا طالعة من المترو لاقيت الشرطة العسكرية بيقولوا لى بطاقتك .. قولت لالالالا مش فينا من كدا بطاقة ايه وبتنجان ايه .. قالى معلشى ده اجراء قانونى .. طالما قانونى اطلع يا دفعه هو انا اصلا اقدر اخالف القانون .. الا نظام بقى ستكنا له لاقيته بيقولى افتحى شنطتك .. لالالا كله الا كدا ضحك وقالى تانى ده اجراء قانونى .. يعنى هو لما تطبقوا القوانين تيجى فيا انا ؟ ما علينا المهم طلعت الميدان وانا فى الطريق كنت سمعت ان ميدان التحرير فيه 4مليون قولت يا للهول هما هدوا العمارات المحيطة علشان ياخد العدد ده ولا ايه ؟ واول ما اطلع الميدان حسيت انى فى الهايد بارك وليس ميدان التحرير بس هايد بارك اون ليبيا وليس مصر كل واحد عاجبه صوته واقف يهتف لليبيا وحواليه 20واحد بيرددوا وراه .. قولت لا فعلا العدد 90مليون اصل شكلهم استوردوا شعب زيادة .. ده ايه العدد المهول ده .. يا خراشى ده انا حتى شايفه الناس بتتمشى واخر انشكاح والمنقبات فارشين الارض وقاعدين ياكلوا كشرى وكل رب وربة اسرة جايبين العيال وجايين يصوروهم على الدبابات ... وبما ان هايد بارك التحرير ويوم عائلى لجميع الاسر اللى عايزة تخرج فكان لازم بقى نسليهم والمسليات كانت عبارة عن طبل ودى جى وليبيا وتونس وغزة يا اخى احه قافلين البلد ومستمرين فى خرابها علشان غزة وليبيا وتونس ؟ وادى هتافات المناضلين من الميدان




واضح ان القذافى لما طلع بيانه افرحوا وارقصوا كان بيتكلم من التحرير




خرجنا من طلعت حرب فى طريقنا للمهندسين اختلفت الاشكال وكانت وجوه بصراحة تستحق الضرب بالشوز كانت فى استنتاجات ان هيحصل مشاكل لأن فعلا الاشكال اللى كان
ت موجودة كان شكلها مخيف وقد كان راحوا استفزوا الجيش علشان تحصل اشتباكات .. هو مين اللى من مصلحته الفراغ الامنى فى البلد لإحداث الفوضى ؟ قالوا الامن بيعذب وولاد ستين فى سبعين وجابوا عصابات وهجموا عليهم فى الاقسام وهربوا المساجين وقتل منهم من قتل واصيب منهم من اصيب ودلوقتى الدور على الجيش ؟ طيب استعدوا يا حلوين للإعدام جلوساً على الخازوق


يناشد الجيش المصرى جميع المصريين اللى لسه مش اتصوروا جنب الدبابات يروحوا والنبى باقصى سرعه علشان يتصوروا بقى اصل خلاص زهقوا وقرفوا من الرخامة وعايزين يرجعوا تانى الثكنات
كانوا بيعملوا ايه فى الميدان ؟ هما بتوع الدين دورهم بقى اشعال الفتنة ؟

تعليقات

‏قال Kontiki
:) انا احترم جدا فكرة انك رحتى الميدان
بقى مزار سياحى اهو تشوفى بنفسك بدل حكاوى القهاوى اللى بنسمعها بيتهيالى فى كل الاشكال و الالوان هناك
المهم الوصفة سهلة علم و الميدان و نوم واكل وشرب و طبل و مزيكا و عايشيين هايصيين اخر حاجة و البلد تخرب زيادة عادى
اعرف صديقة دكتورة هناك عمرها ما فلحت فى شغلانة و شخصية مليانة عبر و لقت فى الميدان المراد اهو منها تلبس البالطو و منها تطلع شحنة الاحقاد اللى جواها ومنها تاخد كام صورة تحطها فى مدونتها و الفيسبوك و تعيش دور الشهيدة وكدا المهم يعنى سيبك انتى اهو بقى ماتش كورة هناك وكلها اسباب شخصية اللى منزلاهم و مسير الشرطة العسكرية تلمهم المحترمين فى اشغالهم الصحفيين بقى و اللى مزاجهم فى اللمة و الهيصة و اللى عاوزين كام صورة للفيسبوك هناك بكرة لما تخرب بسببهم حيتلموا او ياريت ينتحروا جماعه
‏قال Mina Haroun
مش أنا اللي كاتب الكلام اللي جيي ده, بس اللي كاتبه واحد مش هاغطس في الدراما السائده و أقول عنده ضمير او وطنيه او احساس بالمسؤليه الخ الخ...بس واضح ان ما يميزه ان عنده مخ قادر علي استيعاب الموقف و تحليله و من ثم ترتيب الأولويات..و علي قد فهمي المتواضع, هي دي النوعيه اللي مصر محتاجاها, مش أعضاء نادي هواة الثورات الدراميه

" سلمية سلمية . إحنا بس ها نحرق ونسرق ونضرب العساكر ونكسر البلد .
سلمية سلمية . إحنا بس ها نشتم ونهزأ ونطول لساننا على أى حد شريف يقولنا نمشى .
سلمية سلمية . إحنا بس ها نعطل مصالح العباد ونضيق على الناس ونزهقهم .
سلمية إيه يا بلطجية يا حوش يا خونة ؟
لأنكم تخونون الشرفاء فأنتم الخونة . خنتم مصر وشعبها وتسعون لمصالح شخصية . ولقد أسقطكم معظم الشعب من ذاكرته بسبب أفعالكم الحقيرة .
أنتم ناس صيع وعواطلية وتريدون أن تهدموا مصر . ربنا ياخدكم أخذ عزيز مقتدر !"

بارك الله فيك
‏قال mag
لما كلمتك علشان اشوفك فين وقولتى لى الميدان كنت هموت من الرعب عليكى اصل انتى مطلوب رقبتك يا نونا
حمد الله على سلامتك يا قمر
‏قال hosam
هما بقوا بيعملوا المظاهرات علشان يضيعوا وقت ويطلعو الكبت اللى عندهم فى الرقص والغنى والبلد تولع هما مالهم المهم يرقصوا
‏قال تحالف غبى مريب…
عندما يرفع السلفيون المسلمون فى محافظات متعددة شعارات مثل «لا مدنية ولا علمانية.. إسلامية إسلامية» وعندما يوزع السلفيون فى أسيوط منشورات تدعو لقيام دولة إسلامية، فإن أنصار مبارك. يشعرون بالسعادة، ليس حبا فى الإسلام أو المسيحية، بل لأن كل ما يفرق الأمة الآن قد يؤخر تطهير البلاد وبدء عهد جديد.
‏قال fatema
وانا بقول انتى مختفية من المدونة من كام يوم ليه دى مش عوايدك اتاريكى عندنا بس انا زعلانه منك جدا لانى مرارا وتكرارا قولت لك نفسى اتعرف عليكى
‏قال غير معرف…
انا حاولت كتير اكتب لك تعليق معرفتش اعمل ايه عايز اقولك اتشرفت بمقابلتك ومعرفتك يا احلى قطة
ومش حا اعرفك انا مين
بص علشان متفكريش كتير انا حد طلع لك من غير مناسبة وقالك صورينى جنب الدبابة
‏قال marwa
نونا يا جميلة يا ما قولت الكلام ده بس كنا بنتشتم يا روحى ولا زلنا
معرفشى برضه عايزين ايه من الجيش وبيستفزوه ليه
‏قال ramez
عسولة يا حنان والله وحشتينا الكام يوم اللى غبتى عننا فيهم
‏قال غير معرف…
انتى كنتى فى التحرير بتعملى ايه ؟ يعنى نازلة مخصوص علشان تيجى تعرفينا ان اللى هناك طبل وزمر ؟
ربنا يهديكى
‏قال Desert cat
Kontiki

انا اصلا كنت ماشية من هناك صدفة بحتة
ده مش طلع طبل ورقص وبس يا كونتا ده طلع فيه سرقة كمان وها احكى لك الاحداث على استفراد
اى حاجه بطيخة فى اى مجال يا كوكى ولا ليه اى دور فى الحياة بيروح الميدان علشان يجى يصوت ويصرخ على الفيسبوك ويقولك انا من الثواااار
وتروحى هناك تشوفى الثوار تلاقيهم ناس واقفه تهيس وناس واقفه تسخن الناس الهبلة علشان يولعوا فى البلد وحاجات عبيطة من هذا القبيل يعنى واحدة فاشلة فى اى مكان خليها تلبس البالطو الابيض من نفسها فكرتينى باخرى بتقول على نفسها اعلامية وعمرنا ما شوفنها ولا سمعناها الا فى الردح
‏قال Desert cat
Menes

وازيدك من الابيات شعرا
عواطلى انا هنزل التحرير اضيع وقت وابحث على دور فى المجتمع علشان لما حد يتكلم اشتمه واخونه واقوله انا جبت لك الحرية
اى حرية فى الخراب والدمار والبلد حالها كل يوم اسوأ من اللى قبله مش فاهمه
‏قال Desert cat
mag

يا بنى انا قطة بسبع ارواح يعنى وبعدين هما اخرهم ينضربوا على قفاهم زى الكلاب
ميرسى بجد لمشاعرك الجميلة
‏قال Desert cat
hosam

لا وكمان يا حسام المهم ليبيا وغزة وبرضه تولع مصر
لما واحد بقوله انت بتعتف لغزة ليه يعنى انت نازل من بيتك النهاردة علشان غزة ؟
قالى اه ومش همشى من الميدان غير لما غزة تتحرر احنا لازم نرفع راسنا فى وسط العرب كلهم
‏قال Desert cat
تحالف غبى مريب

يعنى كل المشكلة فى انصار مبارك ؟
طيب وانصار الوطن واللى عايزينها مدنية من اجل قبوا الآخر والحرية ؟
ظروفهم ايه
‏قال Desert cat
fatema

ده انتى اللى مختفية يا بنتى من الفيسبوك ليكى كتير ما تعملى بلوج علشان اعرف اسيب لك تعليقات واقولك مش للنشر
هههههههههههههه
‏قال Desert cat
Anonymous

ههههههههههههههه
ماشى كتر خيرك انك وفرت عليا التعب فى التفكير
انا اللى اتشرفت بيك بجد هو اينعم اخرتنى عن صحابى شوية بس انت بجد من الفنانين اللى اى حد يعتز بيهم
‏قال Desert cat
marwa

علشان يحصل فراغ امنى يا روحى ويولعوا فى البلد ويقرفوا البشرية بقرفهم وغبائهم
‏قال Desert cat
ramez

ميرسى اوى يا رامز

انا بس افضى شوية وهتلاقينى عاملة ازعاج من تانى
‏قال Desert cat
Anonymous

لا مكنتش نازلة مخصوص علشان كدا
انا قولت فى البوست انه كان طريقى
تحرير ايه ده اللى هنزله مخصوص ان شاء الله

المشاركات الشائعة