عاش الملك .. مات الملك

وبعد توالى سقوط الأقنعة واللى كان بيبوس القدم لآل مبارك النهاردة ناصب ليهم محاكم تفتيش على اساس انه هو الطاهر الشريف العفيف . .. يعنى براهيم عيسى اللى أخد عفو رئاسى وكان ناقص يروح يمسح السلم فى القصر الجمهورى عرفاناً وإعترافاً بالجميل وفى نفس الوقت عامل نفسه مناضل ومنحاز للشعب الغلبان يا حرام غلبان خالص وهو مرتبه خمسة وسبعين الف جنيه فى الشهر شوفتوا الغلب وصل لحد فين
والقرداوى اللى عامل زى الحاوى وقاعد يتنطط كما البهلوان ايشى حاخامات وايشى ملوك وامراء ولما انهارت مصر كان اول الكلاب فى ميدان التحرير ولامم حواليه شوية معيز كل وظيفتهم يقولوا ماااء بيتكلم عن ثروة آل مبارك وهو ولاده متعلمين فى بلاد الفرنجة الكفرة وارصدته متورمة فى بنوك سويسرا الزنادقة وبرضه جاى يتمسكن وعامل نفسه فى صف الغلابة والفقراء
اما محمود نحس اللى فضحه انس الفقى وكان امنية حياته يروح يعمل لقاء مع الرئيس مبارك لكن واضح ان محمود نحس فاكر انه شخصية وهيقابله فعلا مبارك ولا يعبره وبعد رحيل مبارك عامل محاكم تفتيش ويبحث عن ثروة آل مبارك وهو بتاع الغلابة يا حرام يتقاضى 9مليون جنيه ده اغلب من الغلب بشوية .. وسبحانه مغير الاحوال قبل 25يناير كان عامل زى الصعلوق ويقدم فروض الولاء والطاعه والنهاردة عامل نفسه فرعون وقاضى القضاه وحامى الحمى
ونشوف اللاختلاف قبل وبعد والفرق فى طريقه الكلام والتعامل بث حى يا حرعان



ياريت بقى السادة المسؤلين ياخدوا حذرهم بعد كدا من المتسلقين والمتسولين والمتملقين والضرب بيد من حديد على رؤس كل المنافقين

تعليقات

‏قال khaled
انها فرصة الاقزام يا عزيزتى
‏قال غير معرف…
شوفتى الطريقة اللى بيتكلم بيها كلها سهتنة
اتمنى اللى جاى ياخد باله من بتوع عاش الملك مات الملك وينضف الاعلام منهم
‏قال mag
انا بقيت محتار يا حنان وزهقت وقرفت من اللى بيحصل ده والناس اللى بنتخدع فيها
‏قال غير معرف…
ايه القرف ده يا قطة انا معرفشى ازاى اللى زى محمود سعد ده مستمر لحد دلوقتى رغم نفاقه الواضح ده
‏قال مصرية
يا بنتى حرام عليكى اللى بتعمليه فينا ده احنا زعلانكى فى حاجه
كل يوم ناشرة لنا فديوهات وصور لناس تسد النفس
‏قال ELVIRA
شوفتى يا حنان اللى حصل مع وائل غنيم فى التحرير لما القرد خلى الحرس بتوعه يبعدوه عن المنصة
قوليلى كدة الثورة دى راحت فين ؟!!!
‏قال remas…
ردى بعيد عن الموضوع خالص
نو نو يا نونو وحشانى بجد يا نونو
حاولى تفضى شوية يا مشغولة هانم وحشتينى وعايزة اشوفك يا تيجى لى يا اجيلك فكرى بسرعه
‏قال غير معرف…
يخربيتك ده انتى مدونتك مشهورة جدا لسه بعمل عليها سيرش فى جوجل لاقيت مواقع كتير ناقله منها واغلبهم مواقع مشهورة

السى ان ان والعربية واليوم السابع ومواقع اجنبيه كتير
انتى مين يا قطة ؟
‏قال واحد معدى…
فوضى يا دنيا فوضى
فوضى وراح النظام
فوضى عايزينها فوضى
الاخوان ودلاديلهم من الصبيان
‏قال marwa
معلشى يا حنان انتى عارفه مدى حيك ومعزتك فى قلبى لكن اللى انا شيفاه ان خلاص المركب غرقت ومهما فضلنا نطلع من اخطاء مش هنخلص علشان كدا يا ريت تركزى ازاى نصلح ونرجع بلدنا على الاقل زى ما كانت اصل احسن مما كانت دى حلم فخلينا واقعيين احسن انتى اسلوبك فى الكتابة سلس وبيتفهم بسرعة وفى نفس الوقت فيه وعى علشان كدا لازم كلنا نستغل عقول بعض فى الوصول للأمان
‏قال غير معرف…
nefsy atmen ya nana 2l2an
‏قال Ms Venus
كل بوست بتكتبيه يا قطة بدخل اقراه لكن بسكت ومش بعلق

لنفس السبب اللى قالت عليه مروة


خلاص اللى حصل حصل


واللى حصل مش كله وحش

فى ناس مشيت تستحق فعلا اللى حصل فيها

الاهم دلوقتى نعمل ايه فى بكرة

نلحق بلدنا ازاى ومنخليش الارهابيين والمنافقين يستولوا عليها


لو دخلتى عندى وكنت بتشوفى انا ازاى كنت خايفة وبقول كفاية

لكن محدش سمع

مش هتكلم فى اللى فات لان مالوش فايدة

المهم بكرة

وربنا يستر
‏قال Desert cat
khaled

واطوال مش بيتكلموا ليه ؟
ساكتين ليه ؟
سايبين الفرصة للأقزام ليه ؟
‏قال Desert cat
Anonymous

ده انا سمعت ان وزارة الاعلام اتلغت ويبقى اتحاد الاذاعة والتلزيون المسئول يعنى محاميحو والمتسلقين اللى زيه يقدروا يظبطوا نفسهم اكتر واكتر
‏قال Desert cat
mag

لقد انطفأت عيوم الاندهاش يا عزيزى من الاكتشافات المذهلة اللى بنشوفها كل يوم
‏قال Desert cat
Anonymous

مستمر علشان الـ9 مليون جنيه اللى بياخدهم من ضرايب الشعب الغلبان اللى بيدعى الدفاع عنه
‏قال Desert cat
مصرية

ههههههههه
معلشى اشمعنا انا نفسى تتسد لوحدى يعنى
‏قال Desert cat
ELVIRA

كدا راحت مارينا يا اوليفا
ثورة ايه بس وبتنجان ايه
دى بقت مهلبية خالص والبركة فى الاخوانجية
‏قال Desert cat
remas

انا خلاص فكرت وبقولك انتى تشرفينى يلا تعالى حلا

و اظن بقى انتى بقيتى عارفه الطريق لوحدك اصل موضوع اقابلك فى نص الطريق علشان تقدرى توصلى ده مبقاش ينفع اتعلمى توصلى لوحدك انتى خلاص كبرتى
هههههههههههههه
انا المفروض انزل خلال ايام لو حصلت اى ظروف هكلمك تيجى لى انتى
‏قال Desert cat
Anonymous

انا اللهو الخفى
عووووووووو
‏قال Desert cat
واحد معدى

هههههههههه

ده مين مؤلف الاغنية العظيمة دى ؟
‏قال Desert cat
marwa

انا عارفه يا جميل
بس لازم نوضح اخطأنا ونعترف بيها الاول علشان نقدر نصلحها ولما نصلحها اكيد كل حاجه هتتصلح بالتبعية
‏قال Desert cat
Anonymous

لا مش ينفع تطمن
تطمن ايه فى المستقبل الضبابى ده
‏قال Desert cat
Ms Venus

لا اللى حصل كله وحش واوحش مما اى د يتخيل لما البلد تبقى فوضى من جميع الجهات وكل الفئات الزبالة تستوحش وتفتكر نفسها بقت مركز قوة يبقى اللى فات وحش لانه ساعد على الاوحش اللى بيحصل واللى هيحصل
‏قال غير معرف…
محمود سعد منافق وكلب ابن كلب لكن انتى كمان بنت ستين متناكه لانك عايزه تبوظى ثوره شان واحد وسخ زى امك
‏قال hend anwar
بجد ربنا يهديكى

المشاركات الشائعة