هنيئاً بالفرحة العارمة

صحيات عاليه وصرخات وسجدات وفرحة عارمة على رحيل سلام دام 30عاماً افرحوا وهنوا بعض النهاردة لكن بكره اوعوا تبكوا او تعلو اصواتكم وانتم تعضون أصابع الندم لما جنته أيديكم وهنيئاً لكم بالأحكام العرفية والمحاكمات العسكرية والسجون الحربية ... هنيئاً لكم ما جنته أيديكم من خراب ودمار لمصر التى كرمها الله عزوجل بذكرها فى القرآن الكريم " أدخلوا مصر آمنين " ولكنكم لا تريدون هذا التكربم ولا هذا الآمان فسعيتم بايديكم وكل أطلق كلابه لنعود من حيث أتينا من عام 52ولا كأننا عبرنا ألفيه ولا كاننا وصلنا للعام2011ولاكأن العالم من حولنا تطور وتقدم هنيئاً لكم ايها الشعب الحانق الحاقد الجاحد على التخلف والرجعية هنيئاً لكم بأحكام الحديد والنار .. هنيئاً لمرتزقة التحرير نومهم فى الشوارع3اسابيع اهو منه تعارف ومنه حفلات ورقص ومنه كأن لم يكن فبكلمة التنحى لا تعديل للدستور كنتوا زعلانين بحالة الطوارئ ؟ طيب ايه رأيكو فى الأحكام العرفية ؟ الف الف مبروك اشربوا بقى بس استحملوا .. سعيتوا لخرابها تحت اسم تعديل الدستور وانهاء الطوارئ وتوفير حياة كريمة ؟ نمتوا فى الشوارع ورجعتوا بنفس المطالب لكن زيادة كمان حكم العسكر ؟ الف الف مبروك عليكو الخيبة التقيلة

تعليقات

‏قال يارب…
والله انا بحسدك على عقلك وسرعة قرائتك للتاريخ

يارب أحفظ بلدنا من الفتن
يارب ولى علينا من يخافك ويتقى الله فينا
يارب من أراد بنا وبمصرنا سؤ أجعل كيده فى نحره
‏قال غير معرف…
يا ريت بقا نشتغل ونعمر في مصر
ولا لسه في طلبات جديدة
‏قال اسامه
ايها الشعب المصرى الغبى قطعتم رأس نظامكم فاستعدوا للبلاء والفوضى واراقة الدماء وللفتن تنشر بذورها فى ربوع مصر واستعدوا للشقاق والخلاف والشحناء والعداوة والبغضاء ولانتقام السماءواستعد ى ايتها الارض للخراب
‎06:26 م ‎11/‎02/‎2011
‏قال راجل…
هتعيش بطل وهتموت بطل
‏قال مصرى
ماذا لو استمر التظاهر بالميدان لاى مطالب اخرى؟؟؟؟؟؟؟؟؟؟؟؟؟؟؟؟
ارجو الايجابة
حد يجاوبنى لله
‏قال nor
انا ببكى والله يا حنان ببكى على خسارة رمز وضياع امان ومستقبل ضباب
حسبى الله ونعم الوكيل
‏قال اسامه
وداعا أيها البطل
لقد فقدناك ياقائد
فلتفرحوا قليلا ولتبكوا كثيرا
وداعا يامبارك ياأبي
‏قال غير معرف…
ماذا سوف نفعل ؟
ايه هو مستقبلك يا مصر
دلوقتى الحياة حتمشى ازاى الحياة حتوقف
حد يقولى ايه اللى حيحصل مصر حتكون تحت الحكم العسكرى كدة ياجماعة طيب الدراسة حتكون ازاى انا عارف ان حيتم حل مجلس الشعب والشورى وحتعمل انتخابات بعد كدة ليهم وبعدين انتخابات الرئاسة طيب وبعدين حتكون الحياة ازاى اليومين دول
‏قال اسامه
وداعا أيها البطل
لن ننساك يامبارك
لن ننساك يازعيم
وستبقي دائما ( مصر مبارك )
‏قال Unknown
بصى ياحنان

أنا عارف وكلنا عارفين ان البلد كان فيها ظلم وفساد...لكن بجد ايجابيات الراجل كانت حاضرة وصعبان عليا جدا تكون دى نهايته معانا.. الطريقة مضايقانى جدا.. وخايف جدا من الفترة الجاية وحاسس انها حاتكون خراب

مش قادر أتخيل ان الفترة الجاية ممكن يحكمنى أيمن نور ولا البرادعى ولا عصام العريان
ومش قادر أتخيل ان رموزنا الجاية حاتبقى أسماء محفوظ واسراء عبدالفتاح ووائل غنيم

ربنا يستر
‏قال محارب
اظاهر النبأ جالهم غلط ان نتنياهو اتنحى مش بطل اكتوبر 73 علشان كدا فرحانين
‏قال افرحو قوى…
فرحانين ومش عارفين ان انتوا بقيتوا فى حكم الجيش بكره تتعلموا الادب ما كانت السلطة تنتقل سلميا احسن ولا هو تقليد اعمى لتونس منكم لله يا متخلفين بكره تتعلموا الادب يا جهلة
‏قال غير معرف…
( اصبروا فإنه لا يأتي عليكم زمان إلا والذي بعده شر منه حتى تلقوا ربكم ) ربنا يستر من ال جاى
ياااااه انا عمري ما كنت متخيل اننا في قلوبنا الغل والحقد والقسوة دي كلها انا مش عارف مين اللي قال عالشعب المصري اطيب شعب بصراحة انا مش عارف ايه كمية الفرحة اللي مالية الناس دي معقولة مفيش اي حد فيكو حتي فاكر ولا موقف لرئيس بلاده موقف واحد حتي حلو يحزن عليه بيه عامة انا مش هركب الموجة وهفضل طول عمري رافض اللي حصل ده واخيرا مبروك عليكم تنحي الرئيس يا شعب المبادئ
‏قال Boneta
لك الله يا مصــــــر
‏قال mohamed
لقد لبى الرئيس مبارك مطالب المتظاهرين بالكامل ولكن الاهم الآن هو محاولة لم شمل الشعب المصرى من جديد حتى لانعطى فرصة لأى دولة بالتدخل فى شئوننا الداخلية ويارب الأزمة دى تعدى على مصر والمصريين بخير "قومى يامصر شدى حيلك "
‏قال غير معرف…
الشعب كده اتبسط هي حاجه كويسه بس انا باقول لشعب اعتبروا مبارك ده ابو حد من المتظاهرين كان يرضيه ان ابوه يتنازل عن منصبه بعد 30 سنه
‏قال مصرية
كلمة بس للناس الفرحانة
هتندموا والله ميعرفش قيمة امه الا اللي يشوف مرات ابوه
‏قال amr
ان شاء الله مصر كلها هتشرب من نفس الكاس ف يوم من الايام وهيندمو ع ال عملوه ف واحد منهم مهما كان غلط قال انا غلطت وهبدأ الاصلاح وابقو استلمو البلد وهيا مستقره
بجد يا خساره علي شعب مصر
‏قال غير معرف…
سيادة الرئيس لقد حاولت كل جهدك لمنع الانقسام وابعاد الخطر عن الوطن لكن هناك من لم يعمل العقل وصم الاذن
‏قال بكره تندموا يا مصريين…
والله ماهيرجع زمن مبارك تانى
وقابلونى ياللى فى الميدان
انبسطوا ؟روحو ا يامجانين
يارب التوفيق لحياتك يا مبارك
‏قال غير معرف…
خلاص تم تنفيذ كل شىء الناس بقى تروح بيوتها وترجع اشغالها ونحاول بقى نصلح البلد ونرجع جزء من الاقتصاد الى بقى فى الارض والى هيقعد بعد كده يبقى مش مصرى وبيخرب مصر وله اجندات اخرى ويارب بقى يرجع الاستقرار ومنتقسمش فصايل ومجموعات كل فريق بيدور على مصلحه او سلطه او ميزه وبلاش بقى نزايد على الوطن ونفوق ونشوف هنعمل ايه والايام الجايه هتقول الشعب ده شعب كويس بيحب بلده والا شعب غبى كل واحد فيه بيحب نفسه وبس اشهد يا تاريخ على شعب مصر وسجل وربنا يستر
‏قال صفا سارة
هو سؤال بس انتى كنتى نازلة فى الثورة مع الناس فى يوم كانت ايه اسبابك للنزول
‏قال إيمان قنديل
ربنا يستر ياقطه ويبقى اللي جاي احسن ،،انا عندي نفس المخاوف،،،وياما اتشتمت على الفيس بوك وعملت لناس كتير بلوك،،خايفه لحسن يتكرر سيناريو العراق،،بس خلينا نفرح ونتمنى ان يكون الجاي احسن واحسن

اللهم احمي مصر وشعبها

اللهم رد كيد كل من يتربص بنا
‏قال rony
بكره يحسوا بنتيجة اللى عملوه
بكره يندموا
لما ييجى واحد غريب ويخبط لالالالالالالالا ده هيكسر باب بيتهم ويدخل
مش هيقدروا يتكلموا معاه
لانهم فرطوا فى اللى كان مانع الحروب
كل انسان بيغلط وربنا بيسامح
واحنا مش قادرين لا نفكر ولا نسامح

ربنا مع مصر ومعانا
ويطلعنا من الازمه دى على خير
‏قال الكلاب بدأت تعوى…
ياريت تشوفى أصالة الكلاب

http://shorouknews.com/ContentData.aspx?id=388688
‏قال حرام عليكم بلاش افترا بالأرقام الحقيقيه…
نقلت شبكة "أي بي سي" الإخبارية الأمريكية عن مصادر في المخابرات الأمريكية قولها إن ثروة الرئيس المصري السابق حسني مبارك وعائلته تتراوح بين مليار و5 مليارات دولار، وليس كما أشيع في الآونة الأخيرة في تقارير لوسائل الإعلام قالت إن أموال عائلة مبارك في البنوك الأجنبية تترواح بين 40 و70 مليار دولار.

ونقلت الشبكة عن مسؤولة أمريكية بارزة قولها إنها لا تعرف من أين جاءت وسائل الإعلام بمثل هذه الأرقام.

وذكرت الشبكة أن الحكومة الأمريكية خصصت 335 مليون دولار لمساعدة مصر في شراء 9 طائرات فاخرة انضمت إلى أسطول الطائرات الرئاسية.
‏قال Desert cat
يارب

الموضوع مش محتاج حسد الموضوع عبارة عن دايرة بنلف فيها ونرجه من تانى لنقطة البداية وادينا رجعنا
ربنا يتقبل دعاءك
‏قال Desert cat
Anonymous

السؤال ده موجه ليا أنا ؟
انا طلباتى كانت فى طريقها للتحقيق والريس موجود لكن الاغبياء رجعوا لنا بالتنحى وكأنك يا ابو زيد ما غزيت
‏قال Desert cat
اسامه

اذا كان من دلوقتى وجد غنيم قاعد يرجع على العقول الخربانة ويقول الديموقراطية زى لحم الخنزير
‏قال Desert cat
راجل

بجد شعب حقير مش يستاهله
‏قال Desert cat
مصرى

يبقى وقتها الجيش يبيدهم ويتم العمل بقانون الأحكام العرفية علشان الشعب د يتربى لانه شعب اظهر الحقد والغل اللى جواه
‏قال Desert cat
nor

كل الناس المحترمة حاسة نفس شعورك يا نور لكن شوية الزبالين والجرابيع اللى فاكرينها هتبقى هيصة وكل واحد فاشل فاكر نفسه هيبقى له قيمة او معنى عامل فرح خليهم يفرحوا لهم شوية وبكره يشوفوا ايام اسود من السواد نفسه
‏قال Desert cat
اسامه

سيبهم يفرحوا بغبائهم وقلة حيلتهم هو ايه اتحقق علشان الفيلم الهندى اللى بيداروا بيه خيبتهم ده
‏قال Desert cat
مايهمش

نزلنا كلنا فى البداية نطالب بحقوق مشروعة ركب الموجة اصحاب المصالح والمنافع الشخصية لا حققنا ولا مطلب واحد من مطالبنا ولا نجينا بوطنا من الخراب والدمار مبروك لكل الاسماء التى ذكرتها خراب البلد ودمارها
‏قال Desert cat
محارب

حتى لو نتنياهو مش هيفرحوا بالشكل لكن اللى بيعمل كدا ده الناس الجاحدة اللى مش متربية
‏قال Desert cat
افرحو قوى

سيب الاشكال الوسخة دى تتربى بكره هيندمو على اللى عملوه
‏قال Desert cat
Anonymous

اللى جاى ضباب وخراب بايد شوية سفلة
‏قال Desert cat
خسارة يا مصريين

مبادئ مين ؟ دول اثبتوا بالدليل القاطع انهم شوية همج وغوغاء وخسارة فيهم كلمة حرية وامان الشعب ده مش يستاهل فعلا غير حكم عبدالناصر والناس تشتغل جواسيس على بعضها والمعتقلات فاتحة بطنها لكل اللى يفكر ينطق بحرف غير اللى هو عايزه
‏قال Desert cat
Boneta

ربنا يستر
‏قال Desert cat
mohamed

لبااها فين ؟ هو حد اداله فرصة يلبى حاجة ؟ كل اللى نزلوا علشانه رجعوا بيه تانى بالاضافة لحكم العسكر الف الف مبروك عليهم
‏قال Desert cat
Anonymous

ماهى كل الناس الفرحانة دى اصلا مش متربية علشان كدا لو ابو واحد فيهم حصله مرض ولا اى حاجه هيرميه فى الشارع لأن ده قانون الغوغائية
‏قال Desert cat
مصرية

هما دلوقتى فرحانين ومبسوطين بخيبتهم لأن ولا هدف اتحقق ولا حاجه هتتحقق
‏قال Desert cat
amr

مش تندم على الناس دى يا عمرو لأنهم فى الاساس همج والهمج لا علاقة لهم بالبشر الحقيقيين
‏قال Desert cat
Anonymous

وهيفضلوا صم بكم عمى لحد ما المركب تغرق بالبلد باللى فيها
‏قال Desert cat
بكره تندموا يا مصريين

يروحخوا ازاى هى لازم تخرب خالص لكن كدا ممكن تتصلح هما بقى مش عايزينها تنفع لاى حاجه فيما بعد فلازم يكملوا على خرابها
‏قال Desert cat
Anonymous

هى فين كل حاجه اللى اتحققت دى ؟ هو رحيل مبارك ده كان كل حاجه ؟
‏قال Desert cat
صفا سارة

اولا انا مش نزلت يوم 28 بس انا نزلت كمان قبلها بس نزولى قبلها علشان كنت عايزة اعرف ردود افعال الناس لكن يوم28 سافرت ونزلت وهتفت لأنى من الناس اللى كان يهمها تحقيق المطالب المشروعة وهى تغيير الدستور والغاء الطوارئ والعدالة الاجتماعية والقضاء على البطالة .. والراجل خرج والقى خطاب ووعد وفعلا الوعود كانت فى طريقها للتنفيذ وبالتالى اللى انا عايزاه كان هيتحقق لكن لأن الغباء ليه ناسه ولأن الجهل مسيطر على قطاع عريض من الشعب المصرى فكانت خسارة كل شيئ .. عرفتى بقى انا نزلت ليه ؟
‏قال Desert cat
MAKSOFA

ماهو اى حد مش يقول للجرابيع أمين لازم يتشتم وكمان يتم اتهامك بالعمالة وحاجات كتير هما ادرى بيها بصراحة لان غالبا اللى فيه حاجه بيفتكر كل الناس زيه .. انا كمان عملت بلوك لناس كتير كنت فاكراهم بنى ادمين بجد
عموما اللى جاى مش يبشر باى خير لكنى مش ينفع اقتل فرحتك
يارب دايما سعيدة ومبسوطة ومتفائلة
‏قال Desert cat
rony

ماهو الشعب ده مش يستاهل غير للى يكسرهم ويذلهم يا رونى اللى يعيشهم فى سلام وامان يكنوا له كل حقد اتمنى الحكم العسكرى اللى بجد علشان يتعلموا الادب
‏قال Desert cat
الكلاب بدأت تعوى

عمرو اديب ده اللى كان من اسبوع بالظبط قاعد فى الحياة بيقول العيال اللى فى التحرير دول سفلة علشان الشعارات السافلة اللى بيرددوها النهاردة بيركب الموجة
هههههههههه
شعب منافق غوغائى
‏قال Desert cat
حرام عليكم بلاش افترا بالأرقام الحقيقيه

ولسه كل الاشاعات والسفالة والحقارة اللى كانت بتتألف على مبارك حتظهر اذا كان الكذب والنفاق من اخلاق الثوار يبقى هما فى الحقيقة ثيران وليسوا ثوار
‏قال Kontiki
ياريتها ع الاخوان الثوار المزعومين قاعدين هناك و ناويين على خرابها عاوزين مظاهرات مليونية الجمعه الجاية !! كفاية بقى تعبنا وقلقنا و محلاتنا اتسرقت و سمعنا ضرب النار فى الشارع و شفنا اقسام الشرطة محروقة مش عاجيهم الجيش و بداءوا يحتكوا بالجيش عاوزين يفضلوا فى الخيم مش عاوزين المشير طنطاوى باختصار عاوزين يخربوها رسمى يمكن المدعو وائل غنيم يبقى هو قائد القوات المسلحة ولا اى فيسبوكى من اللى كانوا فى التحرير خريج تجارة يبقى هو وزير اقتصاد !! حتتخرب رسمى بسببهم حتخرب تماما لان الشعرة بين الديموقراطية و الفوضى قربت تتقطع و فهم طبيعة شعبنا اللى هو اصلا قطيع واى دوشة بالنسبة له مولد ربنا يستر انا غير متفائلة اطلاقا
‏قال غير معرف…
we just wait and see
‏قال غير معرف…
I was just telling my husband that what is happening now is a re-run of what our parents said about the 1952 revolution, we insisted that it was the best thing that ever happened to Egypt, and they said that it was a complete disaster. After 40 years we started to realize that they were right. May be this generation will say the same after 40 years.

Marika
‏قال Desert cat
Kontiki

اصل القعدة احلوت فى عنيهم مش شوفتى اللقاءات معاهم وكل واحد يقولك يا خسارة كنا بنقضى احلى الاوقات فى الميدان خصوصا وقت حفلات السمر يمشوا ليه وهما واكلين شاربين نايمين راقصين ومبسوطين وفى النهاية يطلق عليهم ثوار وهما فى الحقيقة ثيران ضيعوا البلد ربنا ينتقم من اهاليهم لانهم مش عرفوا يربوهم
‏قال Desert cat
Anonymous

مش قدامنا حل تانى غير اننا نستنى
‏قال Desert cat
Anonymous

ماريكا يا حبيبة قلبى احنا شعب غوغائى ما بيصدق يسمع شوية زيطة ويجرى لكن المرة دى الزيطة لابسه رداء الثورجية والغوغائية وللأسف كل سافل بقى بيطلع سفالته ويبررها انها تغيير انقلاب ناصر وصلنا للحال اللى احنا فيه النهاردة وغوغائية العشوائيين هنشوف نتيجيتها بعد 6 شهور مش 30 سنة كمان
‏قال إيمان قنديل
قطه حاولي تضيفيني عندك على الفيس بوك
حتلاقيه عندي في المدونه

المشاركات الشائعة