شرفاء الوطن الحقيقيين

اى مصيبة تحصل فى مصر وراها الشرطة مباشرة بس نسيتوا تقولوا لما دخلتوا الحمام ولاقيتو المية مقطوعة كان وراها برضه جهاز الشرطة اللعين .. فى حادث هروب المساجين كان اول كلمة ان الشرطة هى اللى هربتهم .. طيب الشرطة يا اذكياء مش قبل ما تهربهم كانوا خبوا الاسلحة ولا صادروها ولا حتى سرقوها علشان المساجين والبلطجية مش يطلعوا يقتلوهم بيها ؟ لكن نظرية المؤامرة بتخلى المنتفعين يروجوا والمغيبين يصدقوا .. واللى مش عارفين يحكو قصص ويألفوا .. طيب يا جماعة الناس اللى هربت من السجون وقتلوا الظباط وسرقوا ملابسهم وكانوا بيهربوا فى سيارات الشرطة علشان محدش يوقفهم عايزين نعرف لو الشرطة متعاونة معاهم ليه المساجين كانوا بينطوا على السور مش خرجوا ليه بالطريقة الشرعية ؟ والاعتداء على القسم جه من الخارج ليه ؟ وليه اللىب يهربهم قالهو روحوا مش قالهم روحوا اعتدوا على المواطنين الآمنين وبلطجوا ؟ واللغة اللى فى الفديو ده ياترى دى مصرية ؟ يعنى المصريين لما بيتكلموا بيقولوا سيبها تماشى .. طيب الجلابيب المينى والدقون اللى رايحة جاية والمساجين بيهربوا من السجن دول كان دورهم ايه ؟ وطريقة كلامهم إزاى ؟ ولما الشرطة كانت بتهرب المساجين امال مين اللى كان بيركب عربيات الاسعاف ويروح البيوت يطعم الاطفال وبعد3ساعات الطفل يموت الشرطة برضه ؟ واللى كان بيبيع ملابس الجيش علشان يشتريها كل من هب ودب وينزل الميدان يقتل ويبلطج ده كان هدفه ايه ؟ وقع الناس فى الشرطة وجاى يوقعهم فى الجيش ؟ ولسه بنردد الكلام .. طيب ده الفديو والهجوم على الاقسام تم من الخارج وليس من الداخل يا حرامية ويا بلطجية ويا كلاب يا اللى كل همكو هو الانفلات الامنى علشان تسرقوا وتقتلوا دون رقيب او حسيب



ودى الناس الشريفة اللى استشهدت وهى بتأدى واجبها وبتحمى شوية رعاع وجرابيع كل همهم الانفلات الامنى فى البلد الناس دى فعلاً لو واخدة اوامر بتهريب المساجين كانوا سابوها تولع ومش كانوا دفعوا حياتهم فى الحفاظ على الاقسام اللى مسؤلين عليها

تعليقات

‏قال غير معرف…
ربنا يحفظهم وينور لهم طريقهم ويبعد عنهم جميع الأخطار
والشهداء يصبر قلب اهاليهم ونفسى اصرخ كلهم واسمعهم صرختى واقولهم اوعوا تزعلوا دول ابطال ومكانهم فى الجنة باذن الله انا بكتب لك وببكى يا بنتى انا دخلت مدونتك عن طريق بنتى هى اللى تعرفك ربنا يبارك فيكى ويخليكى ويثبتك دايما على كلمة الحق

ام لضابط شرطة
‏قال nor
حنان شوفتى اللى بيحصل فى التحرير دى شكلها هتقلب على اوضة نوم وسفرة وحمام وانترية
اقرى الخبر يا نونا واضحكى

http://www.youm7.com/News.asp?NewsID=349098
‏قال nor
نونا العشوائيات اتنقلت فى التحرير
‏قال غير معرف…
عرفنا قيمة الشرطة بعد اللى شوفناه واللى لسة هنشوف اكثر من اللجنة الشعبية التى فرضة قيمة الحماية للمواطنين الان نكتب عن الشرفاء
‏قال واحد معدى…
انا شاهد عيان علي تدمير و اتلاف و سرقة نقطة شرطة الابراهيمية بالاسكندرية الساعة السادسة و عشر دقائق يوم جمعة الغضب...و ليست الداخلية من فعلت ذلك و انت عارف كويس مين اللي عملها و مين كان متسلح بشوم و يد شماسي بحر (سلاح الاسكندرانية في الخناقات علي الشواطيء)....يا قطة البلد خربت و مش ح تقوم لها قومة
‏قال مصرية بالخارج…
قطة اللى بيقولوا لك المصريين بالخارج رافعين راسهم ومبسوطين الناس باعته استغاثات علشان الناس الشرفاء يلحقوا البلد قبل ما تخرب
وده رد لمصرية بالخارج

يااسىدى الفاضل انا مصريه بالسعوديه اري واسمع كل مايحدث علي ارض وطنى الغالى مصر اكتب لك والدموع تنهمر على حدى ولااكاداصدق ان هناك مايكن كل الكم من الاحقادلنا القاعده تتدحل لاعلان الجهاد وامريكا متغيرة الراى وقطر تدعوا لخرابها و...و....و...ابناء مصرنفسهم بدا ىدب بينهم الخلاف والفتنه ولااعل م الى اين سينتهى بنا المطاف ارجووك لم شملنا احقن دماء اهلك واخوانك ولاتسالنى كيف فانا لااعلم
‏قال غير معرف…
مصر تبدا عهدا جديدا مثل اندونيسيا ولى اقارب هناك وكنت هناك فى فترة الاظطرابات ومات اكثر من 1000 طالب جامعى ولكن اليوم هى بلد ديمقراطى وباقتصاد قوى ومصر ستحقق نجاحات اكبر .
الشعب المصرى واعى ويعرف مصلحته وحتى النظام المصرى وطنى ويعمل من اجل مصلحة الوطن ولكن بطريقته كنظام سياسى يتعامل مع ملفات كبيرة ومرحلةتاريخية حاسمة واعتقد ان الحميع اليوم يتمنى الاسنقرارا والتقدم والامن للجميع فى مصر
فى الاخير ستحمى الشخصية الوطنية المصرية فى كل فرد هذا البلد
مصر اكبر من اى فرد او شخص او مجموعة شباب مصر بلد عظيم بتاريخ عظيم وشعب عظيم
‏قال Boneta
عزائي لكل شهداءنا من الشرطه او الجيش او المتظاهرين ممن قدموا حياتهم فداء لوطنهم الغالي مصر ربنا يرحمهم جميعا ويصبر اهلهم
‏قال منظمه حقوقيه…
عبرت ''أصدقاء الإنسان'' عن قلقها العميق، من شهادات تلقتها من سجناء تم إطلاق سراحهم حديثاً، بعد اعتقالهم لفترة وجيزة خلال الاحتجاجات، واحتجزوا مع المئات في بعض غرف وردهات المتحف المصري.

وأضافت المنظمة الحقوقية في بيان لها يوم الأربعاء، أن ''عناصر الأجهزة الأمنية المصرية، يقومون بالتنكيل بالسجناء هناك وإهانتهم، كأن يجبرون السجناء على الانبطاح على بطونهم ويمشون على ظهورهم بكل قسوة''.

كما دعت المجموعة الحقوقية الحكومة المصرية، إلى الكشف الفوري عن مصير المفقودين من المحتجين منذ 25 يناير الماضي، وبسرعة إطلاق سراحهم وجميع السجناء السياسيين والصحفيين المحتجزين لديها''.
‏قال بدم الشهداء نتتطهر من خطايانا…
كما أن لله على الناس حج البيت لمن استطاع إليه سبيلا، فإن لمصر على المصريين الحج إلى ميدان التحرير وميدان المنشية فى الإسكندرية، وميدان الأربعين فى السويس، وميادين المنصورة والمحلة والإسماعيلية وسائر المحافظات، خصوصا أن الوصول إلى هذه الأماكن التى صارت مقدسة بفضل دم الشهداء، وعرق الثوار الهاتفين من أجل الحرية، ليس صعبا.

وعليه فإن كل رب أسرة يمنع أولاده من الذهاب لأداء شعائر الثورة المصرية يخطئ فى حق نفسه وفى حق أبنائه وفى حق بلده، ذلك أن هذه الثورة فرصتنا للتطهر والعتق من نار الفساد والبلادة والهوان والانحطاط السلوكى.
‏قال غير معرف…
عزيزتي القطة

انا اعلم كم هي شعبية مدونتك بين الشباب المصري المثقف والليبرالي والرافض لقوى الجهل والظلام

اطلب منكي يا قطة نشر لينك صفحة (لا لحكم الاخوان المسلمين في مصر) .. وهذا هو رابط الصفحة :

http://www.facebook.com/pages/la-lhkm-alakhwan-almslmyn-fy-msr/152234148165507

الصفحة الآن فيها اكثر من 2300 عضو فقط في اقل من اسبوع .. وهي الآن تعتبر اكبر صفحة مناهضة للهمج دول

من فضلك تنشريها في بوست علشان نجمع اكبر عدد ممكن ونوصل صوتنا بإننا فعلا رافضين الإخوان .. وانا بدوري هنشر لينك المدونة بتاعتك علي الصفحة

اشكرك :)
‏قال Desert cat
Anonymous

اولا وقبل اى حاجه تشرفت جدا بزيارة حضرتك للبلوج ... وبجد ما قريت التعليق انا اللى بكيت صدقينى نفسى اخدك فى حضنى اوى واقولك اوعى تزعلى ولا تتضايقى انا مش هدعى للى بيظلمهم لكن هدعى عليه يحصل له زى ما بيحصل لهم علشان لما يجرب فعلا اللى بيشوفوه هيحس اد ايه هما بيتعبوا ويكفى انهم مش قدروا يكملوا اسبوعين فى الشوارع تحت بيوتهم
ربنا يحفظ لك ابنك ويحفظهم كلهم
‏قال Desert cat
nor

هيهيهييييي شوفت يا نور وبضحك من وقتها امال بس يتجوزوا ازاى من غير حمام
‏قال Desert cat
nor

ولسه على راى واحد صاحبى بيقولى مش هستغرب بعد كدا لما اسمع انهم بيربوا بط
‏قال Desert cat
Anonymous

والله اان بكتب عنهم من زمان لانى فعلا عارفه هما بيتعبوا ازاى لكن للأسف احنا شعب نمرود
‏قال Desert cat
واحد معدى

خاف على نفسك بقى للمجاهدين اللى قاعدين فى الشارع يقتلوك لانك تغرد خارج السرب
‏قال Desert cat
مصرية بالخارج

شرفاء الوطن يتم اتهامهم بالعمالة
معلشى فترة وهتعدى انا عندى ثقة كبيرة اوى فى القيادات المصرية
‏قال Desert cat
Anonymous

يعنى غير مكتفى بالدماء التى سالت ؟ عايزنا نستنى لما يوصل عدد الشهداء لـ 1000 طيب منا نستنى بالمرة لما الشعب كله يخلص علشان مبارك يحكم طول العمر بطل الكام شهر اللى باقيين واهو يبقى الناس ريحت واستريحت بلا صداع
‏قال Desert cat
Boneta

بجد انا كل يوم بحترمك اوى لانك مش من اللى بيغيروا رايهم كل 5 دقايق زى ناس كتيييير كنت فاكراهم عندهم عقل ومحترمين
‏قال Desert cat
منظمه حقوقيه
والنبى قول لبتوع اصدقاء الانسان دول يلعبوا بعيد اذا كان المتحف المصرى اللى عمل دروع بشرية لحمايته لحد وصول الجيش هما الشباب اللى كانوان موجودين تقولى احتجزوا داخل الردهات ؟ يعنى اللى عايز يسرق ويكسر ويتنيل على عينه كان هرب من بدرى
‏قال Desert cat
بدم الشهداء نتتطهر من خطايانا

انا شايفه فعلا اننا المفروض نعمل كعبة فى ميدان التحرير ونحج ليها بدل السعودية واهو بالمرة يجى يحج عندنا اللى عايز يتطهر من خطاياه بدم الشهداء واهو استثمار برضه للبلد بدل اللى خربوه مقاطيع التحرير
‏قال Desert cat
Anonymous

وبعد سقوط كل الاقنعة فى خلال اسبوع كمان نبقى فى الجروب 80 مليون مصرى

بالتوفيق للجميع

المشاركات الشائعة