ويسألونك عن التزوير

فى يوم 25نزل جموع من الشعب الغفير ومقدرش انكر الأعداد اللى نزلت بدءاً من يوم 25 وصولاً ليوم 28وشوفت بعينى محدش قالى .. لكن من يوم 28 بدأت كل الناس المحترمة فى الإنسحاب لأن المطالب بتاعتهم خلاص هتتنفذ ولم يستمر هناك حتى اليوم سوى محبى حفلات السمر – اللى فاضى رايح يعمل فيها قاضى .. اللى ممكن يكون مطرود من بيته شر طرده .. الاخوان المنتفعين وماشابه .. وبمناسبة الإخوان اللى كل تعليقاتهم سفالة وقلة ادب .. الهى يتشل ويتعمى وما يلاقى اللى يعبره قادر يا كريم اللى يدخل منهم يقل ادبه عندى وكالعادة هتف عليه وعلى اهله وارمى فى اوسخ زبالة ... نرجع بقى لمقاطيع التحرير اللى هناك لحد دلوقتى وبقول عليهم مقاطيع لأنهم لا يمثلون أبطال 25 الحقيقيين وده باعترافهم مش كلامى انا بصراحة ودى عينه منه فى حوار ليهم من قلب ميدان التحرير اصل فى ناس كل لما نقول كلمة يقولوا انت بتقبض او بتاع الاعلام المصرى .. لاء شوفوا كلامهم بنفسكو

أحب أن أشير إلى وأوجه عناية الناس الذين يحاولون حصرنا فى أننا حركة جديدة اسمها شباب 25 يناير، إن مفيش حاجة اسمها شباب 25 يناير ونحن لا نحاول إنشاء حزب بهذا الاسم، لأننا لن نفعل تلك الخطيئة، ولن نقوم بإنشاء حزب ملوث

ياريتكو كنتوا ربع شباب 25 ولا واحد على عشرة منه لأنهم شباب أبطال وأحرار عملوا كتير لكن انتم مين علشان تتكلموا باسم شعب بعراقة الشعب المصرى ؟ كل يوم زيادة فى ميدان التحرير تسوء صورتكوا قدام العالم كله حتى الجزيرة المنافقة جايبه صوركوا امبارح شوية ناس قاعدة ترقص وتغنى وتشرب سجاير وكل واحدة ساندة على كتف زميلها حتى بعدها جه اتصال تليفونى بيقولهم بلاش الصور دى اصل دى إساءة لسمعة مصر .. وصلتوا نفسكوا لأيه ؟ بصراحة تستاهلوا

نحترم ونقدر شباب 25 اما اللى فاكرين نفسهم مناضلين وبيطلعوا على الفضائيات يشرشحو ويتكلموا بمنتهى السفالة طريقتهم تدل فعلا على ان الباقيين لحد دلوقتى بتوع العشوائيات والعواطلية اللى مش وراهم اى شغل لكن باى حق يتكلموا باسم الشعب كله ؟ ومين فوضهم علشان لما يتكلموا بقلة ادب يقولوا احنا بنعبر عن الشعب اذا كان غالبية الشعب المصرى رافضين وجودهم اصلا فى ميدان التحرير لأنهم رغم تعاونهم مع قنوات مشبوهه لا تسمع سوى لكل ماهو يتكلم بوقاحة عن النظام المصرى اصبحوا ظاهره وصورة غير مشرفه وغير حضارية .. اللى فارش ونايم قدام المتحف المصرى واللى قاعد يعمل شاى على الرصيف واللى بيلف ببقصمات بجد مناظر تقرف .. ورغم ضآلتهم اخذتهم العزة بالكبر وفاكرين نفسهم حرروا القدس ومعاها باقى الدول العربية وهما يقدروا يقيموا بنفسهم بعد انسحاب الناس المحترمة وبقاء اصحاب الأجندات واللى رايحين يعملوا حفلات سمر وقعدات تعارف اللى ليه حق عند حسنى مبارك يبقى فى طرق مشروعة كتير جدا يقدر ياخده بيها اما الشهداء ليس لهم ثأر ولا حقوق لأنهم شهداء الوطن وشهداء أهله ومثواهم الجنة مش ميدان التحرير .. الى بدأوا الثورة الحقيقة بيبنوا فى البلد النهاردة وينضفوا فى الشوارع ويروحوا للناس الغلابة فى بيوتها يوزعوا عليهم اللى بيقدروا عليه لأنهم حاسين انهم كانوا سبب فى قطع عيشهم لكن الحقيقة هما دول الابطال الاحرار اللى بجد .. سمعت حوار عجيب لأحد القابعين فى قاعدة ميدان التحرير المحتلة .. بيقولوا بينا وبين الحكومة دم .. طيب والناس اللى ماتت فى بيوتها من الجوع برضه اهلهم بينهم وبينكو دم والناس اللى كان المفروض متحدد لها عمليات ومع الازمة ماتوا بسبب حظر التجول وعدم توفير الامكانيات برضه اهلهم بينهم وبينكو دم .. الشباب المحترم اللى عمل لجان شعبية وبينزل يحمى اهله وجيرانه واملاك بلده هو ده اللى وطنى وهو كمان بينه وبينكو دم .. لأن منهم مات وهو بيطارد البلطجية بتوع عصابات حرب الشوارع وحدف الحجارة وكل الناس عارفه مين هما استاذة رمى الحجارة منذ قديم الأزل .. فى سؤال لواحد من العيال اللى بتضيع وقت فى ميدان التحرير او بيتعرفوا او بيرقصوا فى حفلات السمر دول .. تفتكر ايه اللى هيحصل لو تنحى الرئيس ؟ كانت الإجابة مقنعة جداً وهى منعرفش ايه اللى ممكن يحصل بس المهم دلوقتى انه يتنحى هو مفيش دستور يا حلوين هو اللى يقرر مش انتوا ؟

دول بيكونوا 3 فى البرنامج وبيتخانقوا مع بعض لأن كل واحد فيهم برأى ده غير رفضهم لأى رأى مخالف ليهم مهما كان وكفاية اوى عدم إحترامهم وطريقة كلامهم وتلميحاتهم وايحائتهم اللى خلت الناس تشعر بالاشمئزاز منهم .. مش المفروض انهم منصبين نفسهم للحديث عن الشارع المصرى كله ؟ هو المسؤل مش المفروض انه يكون على قدر من المسؤلية لكن مسؤلية ايه وبعد ما كانت البطالة 8 مليون باللى خربوه فى البلد وانهيار اقتصادها مش بعيد تبقى 15 مليون لما السياح يهربوا من البلد يبقى قدامنا 20 سنة لما ترجع تانى .. لما جميع المتثمرين الاجانب يسحبوا استثماراتهم .. يبقى بسيطة اوى عايزين نشوف استثمارتكو انتوا بقى ده لو انتوا اصلا لاقيين تاكلو مش مجرد شوية جرابيع .. لو على قدر من المسؤلية فعلا خلو عندكو دم .. ولما تتكلم يا شاطر انت وهو اتكلم عن نفسك وعبر عن نفسك مش فالحين تتكلموا عن تزوير مجلس الشعب وانتوا قاعدين تزوروا إرادة شعب كامل وتتكلموا باسمه لكن واضح انكو عميان البصر والبصيرة مش بتدخلوا مواقع اخبارية وتشوفوا تعليقات الناس عليكو عاملة إزاى ؟ الناس خلاص قرفت منكو .. انا بقول مواقع مش بقول كمان برامج علشان اللى عندهم عته منغولى مش يقولوا ده تلفزيون الحكومة



تعليقات

‏قال mohamed
إني أرى هولاء الشباب الذين فجروا تلك الثورة العظيمة وغيروا المفاهيم وأعملوا العقول ، إني أراهم يسيرون على نفس الأسلوب الذي كان متبعاً للحكومات السابقة على مدار ستون عاماً ، وفي تصوري إن ظلوا على هذا الاستبداد في الفكر واعتقادهم أنهم على صواب ودونهم على خطأ فإن ذلك سيؤدي إلى كارثة أكبر وأعمق مما نحن عليه الآن ، فإصرارهم وتمسكهم برحيل الرئيس حالاً وفوراً إنما يدُل على استبداد نتجية عدم وجود المرونة العقلية في التفاوُض لأن التفاوض له أُسُس وقواعد ، وإن تولى هؤلاء الشباب أي مناصب مستقبلاً فسيكونوا أكثر استبداداً ، فالمفاوض لابد وأن تكون لديه من المرونة في التفاوض حتى لايضيع منه أرضاً إكتسبها بالقوة ويكتسب ماتبقى له بالتفاوض ، وهذا هو حال المفاوض الناجح إن كان يطمح إلى مستقبل أفضل
‏قال وائل غنيم ابن مصر النبيل…
أكدت الشبكة العربية أن وائل غنيم كان أشرف وأنبل من جلاديه، حيث تغاضى عن جريمة اختطافه، وأكد أن هناك بعض الضباط الشرفاء في هذا الجهاز، إلا أن الشبكة العربية تعتقد أن قوة هذا الجهاز وتوحشه قادرة على القضاء على أي قدر من النزاهة لدى أي ضابط ينتمي له، لذلك لا بد من حل هذا الجهاز الذي أذاق المصريين الهوان والقمع سنوات طويلة وتحول لدولة داخل الدولة.

وشددت الشبكة العربية على أنها لن تقبل بإصلاحات شكلية، فهي تؤكد أن أي إصلاحات لا تتضمن حل أمن الدولة سوف تكون إصلاحات صورية ومزيفة، حيث لا يستقيم أن تتعايش الديمقراطية والقمع في بلد واحد.
‏قال amr
احلف لك انا لسه جاى من التحرير وما قاعد هناك غير شوية بنات وولاد فى جنب وسكان عشوائيات فى جنب تانى انا معايا صور واشكالهم هناك هتشوفيها بنفسك ارفعها لك ازاى يا حنان
‏قال غير معرف…
المصرين يرفضون اسلوب المعتصمين بالتحرير فكل الشباب المحترم الذى خرج يوم 25 عاد لمنزله اما الموجودين فكل واحد له حكاية واذا تركنا المكان ده هكذا بلدنا حتخرب ويجب على الاعلام كله صحافة ومعارضة وتلفزيونات خاصة ودولة ان تقف بجانب مبارك والبلد ما ينفعش يا جماعة بلدنا على جميع الحدود مستهدفه لازم الجيش يرجع مكانه وكفاية ضغط لاننا كرهنا ميدان التحرير واللى فيه لانهم ديكتاتورين ولا يريدوا الا تنفيذ طلباتهم الشخصية كل واحد عنده مليون مشطلة يروح ميدان التحير مش معقول يتركو رجالات الساسة العقلاء يتكلمون بس بلاش عمرو موسى والنبى والاشكال دى لانه خلص مدته وعيز دور
‏قال كفاية…
كفاية يا شباب المظاهرات على ماحصل واستعيدوا الى اماكنكم وكفاية على ماحصل من خراب فى مصر
‏قال ELVIRA
عليكى نور شباب 25 حاجة و الإخوان و السلفيين و مقاطيع التحرير حاجة تانية خالص

كما أن التمسك برحيل الرئيس فوراً يعنى قلب البلد إلى العراق أو غزة و هم نفسهم فى كدة

هؤلاء الناس لا يعرفون معنى أن تعيش فى رعب
وقت كانت الخنادق تقام فى القاهرة وقت الغارات الإسرائيلية
بالمناسبة أنا رأيت أحدها فى منطقتى و مازال موجوداً كزكرى أيام بائسة عاشتها هذه البلد و يريدون لها بمنتى الحمق الغافل و الغل المتعمد أن تتكرر
‏قال ELVIRA
بعض الكوميديا السوداء فى ميدان التحرير
http://www.facebook.com/moled.ta7rer?ref=ts
‏قال سيحكم التاريخ…
المشكلة يا اخوانا ان المقيمين فى ميدان التحرير عبارة عن شيع و مجموعات فمنهم الاخوان و منهم الليبراليين و منهم المشتاقين لنصيب فى الارث و منهم الفقراء و منهم العاطلون و منهم حركة كفاية و 6 ابريل و 25 يناير و حشد و منهم المتفرجين ايضا
و من يضمن انه فى حال تنحى الرئيس ان لا يطلع فيلق منهم يطالب بمحاكمته و من يضمن بخروج فيلق اخر يطالب باسقاط النظام على نحو شامل و من يضمن اصلا رضاءهم او اتفاقهم عن اي حكومة او رئيس مقبل و من يضمن و من يضمن ..... الخ
خروج مبارك فى هذا الوقت سيؤدى الى تداعيات خطيرة لا يعلم مداه الا الله
من الممكن ان تتحرك القوات الاسرائيلية داخل سيناء بحجة تامين الحدود مع مصر بداعى الاضطرابات .. من الممكن ان تحدث عمليات تخريبية اتية من الخارج .. عواقب كثيرة و سيناريوهات مريرة
يا شعب مصر دعونا نغلب العقل و نفكر بعض الشيئ .. لقد صبرنا 30 عاما و لن يضيرنا ابدا ان نصبر بضعة اشهر و الحق ان مبارك بدا فعلا فى ثورة تصحيحية ستفيد الشعب فيما بعد
و بعد ان تنقضى هذه الامة فان صناديق الاقتراع ستكون الفيصل فى تحديد مستقبل هذه الامة
يا شعب مصر كفانا ما حدث .. لقد تحقق ما كنا نحلم به و يزيد .. الافتراء و رفع اسقف المطالب ليست من شيم و لا من عادات الشعب المصري الاصيل الجدع .. دعوا الرجل ينهى فترة ولايته بسلام و كرامة ثم سيحكم التاريخ له او عليه
‏قال Desert cat
mohamed

هو كل يوم بيخسروا اكتر الناس الى كانت مؤيدة ليهم .. ويكفى المناظر دلوقتى وهما بيشحتوا ناس يخرجوا معاهم ومحدش معبرهم البلد حالها وقف واقتصادها خرب اللى هناك لحد دلوقتى دول بتوع العشوائيات والعواطلية واللى اهلهم بيصرفوا عليهم يعنى فى كل الاحوال مش فارقه معاهم تخرب بقى البلد تولع ماهم قاعدين بيضيعوا وقت هى هتفرق معاهم فى ايه يعنى
‏قال Desert cat
وائل غنيم ابن مصر النبيل

هو كان المفروض انه يطلع يشتم فيهم لمجرد انه اتحقق معاه لمصلحة ميم بيعمل كدا ؟ هو أمن الوطن بقى حاجه مستباح دلوقتى علشان كل اللى يتحقق معاه يطلع يشتم رغم المعاملة الكريمة اللى اتعاملها ؟ لما دى بقى عقول ناس عاملة نفسها بتحب مصر امال اللى زيك لو حكم البلد هيعمل فى اى حد مختلف معاه ايه ؟
ارحموا نفسكو بقى من العبط
‏قال Desert cat
amr


انت عارف ان انا عاملة مودريشن كومنت .. ابعت لى ايملك ومش هنشره وهستقبلهم منك سند فايل
‏قال Desert cat
وبعدين من غير ما تحلف لى يا عمرو ما انا بشوف الاشكال فى البرامج اللى بيستضيفوهم فيها ده انا بحس انى شامة ريحتهم دول غلابة مش استحموا من اسبوعين
‏قال Desert cat
Anonymous

مش مهم مين يقف مع مين المهم دلوقتى هو مصر البلد اللى خربوها شوية العواطلية اللى قاعدين دلوقتى فى التحرير
الناس دى لازم تغور بقى باى طريقة مش عارفه عمر سليمان بيدلعهم ليه
‏قال Desert cat
كفاية
بيقولوا لك على الخراب اللى عملوه فى البلد انجازات
شوفت الاملة
‏قال Desert cat
ELVIRA

هيعرفوا ازاى وهما قاعدين هناك بياكلوا ويشربوا ويعملوا حفلات سمر وحفلات زواج وحفلات طهور واياكشى تولع البلد على اقتصادها
‏قال Desert cat
انا دخلت اللنك يا اولفا خدتى بالك من اللى بيقول هناك مزز انا نازل ؟
دى بقت مهزلة مش بس مسخرة
‏قال Desert cat
سيحكم التاريخ

ماهما بنفسهم بيقولوا كدا فى البرامج انهم متقسمين مجموعات وشلل قاعدين هناك وبيتجمعوا فى حفلات السمر وكل يغنى على ليلاه .. المفروض قرار فورى وقوى وحاسم من عمر سليمان لفض المولد ده والجيش يرجع ثكناته بلاش قلة ادب
‏قال سويسرا فى انتظارك…
اذا كان شعب مصر بتصرفاته ياى ياى ياى مش عاجبك
ماتهاجرى لسويسرا وتريحينا
من هذيانك
بس ماتنسيش تاخدى معاك فلول النظام البائد
الذى يحتضر ويحاول بمرض العناد اللعين منع انبثاق الفجر
‏قال غير معرف…
[url=http://www.picknewera.com/]snpaback hats[/url]
Now at 27 and 5 im during the hospital with the same trouble with contraction. only good thing is that the b baby is fine and strong. we now have to get a bpp test done each week to ensure he's doing everything he should be.
a Twenty-five year old fashioned designer in new york city
China's -- overtake the united states in becoming the number one -- market any day now I think the style industry is beginning to be aware and starting to you. Put individuals to represent that market. To their pages.


[url=http://pinterest.com/tidehats/]snapback hats[/url]
A leader is ultimately one that gets people going. They are able to move others out of their comfort zone and on toward the aim! They can raise the passion, enthusiasm and the ACTION of those who would follow. Are you currently known as a catalyst? If so, you'll become an exceptional leader!.
I understand some people will not agree with this, but a call to Nike is going to do wonders. I did previously work there and they know every quality large shoe store around, and they get plenty of requires non-sneaker, good shoes. Fastest way could possibly be to complete an online chat with them through thier web site, pacific hours.
banking logo design and its importance

[url=http://www.absorblearning.com/chemistry/article.php]sexy party dresses[/url]
[url=http://www.chaussuresjordannike.fr/]chaussures Jordan pas cher[/url]
[url=http://pinterest.com/tidehats/]snapback hats[/url]

المشاركات الشائعة