ما تزعليش يا مصر


حرقناكى ولبسناكى ثوب الحداد بإيدينا ؟ حقك علينا يا غالية
الشيخة موزة بفلوسها سلطت كلابها وقناة الجزيرة علينا ؟
زمان قالوا فى الأمثال اللى بيته من إزاز مش يحدف أسيادة بالحجارة
خلاص مبقاش إلا الأقزام فاكرين الفلوس هتعمل منهم قيمة
دفعتى رشوة كام يا شيخة موزة علشان تستضيفى كأس العالم ؟
وفى يكليكس إتفاقات رئيس وزراءك صاحب أضخم قصر فى إسرائيل بأن قناة الخنزيرة اللى تبث سمومها من دولة الأقزام قطر هتعمل فتنة بين ولادنا لإحتلال أراضينا .. وايه اخبار القواعد الأمريكية يا شيخة موزة .. جهزتى البنزين علشان تمولى الطيارات الامريكية زى ما عملتوا مع العراق ؟
واضح انكو فى المخططات أطفال ومش تعرفوا مين هما المصريين اللى على ايديهم العالم كله اتعلم يعنى ايه كلمة علم وحضارة .. مش تعرفى إن أصغر طفل مصرى عقله بدولة قطر وكل عميل وخاين يفكر يعادينا


والبرادعى اللى زى القضى المستعجل هل علينا .. ومكالماته مع رئيسة خارجية أمريكا بقت مستندات تحت إيدينا .. فى البداية خدعنا باجندة مدبرة وكل من قاله احنا بنأيدك لعب على وتر النغمة المفضلة لكن سقطت الاقنعة وبقت نغمة نشاز استنى حركة الشباب وهبط علينا يعتلى الموجة لفترة انتقالية .. وخلاص عملوا لها اسم فترة ما بعد مبارك .. قوموا من أحلامكم فوقوا من أوهامكم مبارك رمزلمصر مش هيسيب الحكم إلا بكرامته ..
الفلسطينين دول ناس عجيبة سايبين المحتل يغتصب ارضهم وفى بعض الأحيان عرضهم وجايين يدمروا فى بلدنا .. النهاردة بس مقبوض على4حمساوية باسلحة نارية فى ميدان التحرير ويوم الأربعاء الدامى مقبوض على30من ايرانى لفلسطينى ما هى خلاص لمت وزبلت .. لكن وغلاوة ترابك يا مصر فترة وهتعدى .. وهنعبر بيكى وتعبرى بينا من الأزمة وده مش تحدى دى ثقة فى المصريين اللى عبريتى بيتهم قبل كدا من أزمة 67وفى 73كانوا جايين لك بالنصر المبين .. يبقى ولادك مش هنقدر نحتويهم ؟ مش هنقدر نعدى بيهم ؟ بس الحقيقة مش هما اللى فى أول يوم نزلوا من الأسر يحرروكى لأنهم من يوم28لحد النهاردة واقفين فى اللجان الشعية علشان يحموكى .. وحياة كل دمعة بكتها أم ثكلى على ابن جريح او شهيد .. وحياة كل صرخة طفل من الرعب على ايد بلطجى ارهابى جالنا من الأنفاق او من اتباعهم اللى بينا .. وحياة كل يوم مر بخراب وخسارة .. هتفضلى رغم أنف الحاقدين أم الدنيا بلد الحضارة
ماهو اللى موجودين فى التحرير دلوقتى دول شوية أوباش لا فى دم ولا إحساس ولا كرامة .. وده مش كلامى ده كلام الناس اللى كانت مغيبة بينهم وخرجوا على الفضائيات يفضحوهم انهم مجرد مأجورين ولا يهمهم أرض ولا وطن ده حتى تامر على الفضائيات اعترف وقال الأجانب اللى عايشين معاهم فى الخيام وجايبين لهم كلهم موبيلات يتابعوا منها الجزيرة 24ساعه ومفهمينهم ان اللى بيخرج اما يقتل او يعتقل علشان يرعبوهم ويخوفوهم لكنه مع اصحابه هرب كانت دموعه زى البحر على منظر البلد اللى خربت على ايده ولسه فى إصرار من الأوغاد اللى هناك يكملوا .. طيب أهلهم فين ؟ مش جربوا يبقى لهم أخوات متغربين بره مصر ويتصلوا بيهم فى الفجر يصرخوا هما وولادهم عايزين ننزل نموت معاكو بس مش عارفين ؟ مش ليهم صحاب يتصلوا بيهم زى هانوف اللى بكلامها جرحتنى وهى بتقولى انتوا ليه بتحرقوا فى أمنا ؟ إخص عليكو يا مصريين فاكرين مصر دى بتاعتكو لوحدكو .. مصر دى بتاعتنا كلنا ؟ مش دخلوا الفيسبوك ولا اى موقع وشافوا أشعار الكويتين واللى منها حرام عليكو قهرتونا ده انتوا اللى فى المدارس علمتونا وانتوا اللى فى المساجد ربتونا وانتوا اللى فى المستشفيات عالجتونا والنهاردة بتحرقوا ام الدنيا وبتقهرونا ؟ بجد حرام عليكو بقى .. فوقوا يا إخوان يا متنيلين عمركوا ما هتحققوا أهدافكو .. اللجان الشعبية اللى بتتعمل دلوقتى لمواجهة البلطجية والهاربين من السجون بكره هتتعمل لمواجهتكو اصل واضح انكو بالخارج مستقويين لكن الظاهر انكو لسه مش عارفين مين هما المصريين .. الغريب ان كل لما نقول مصر أولاً نلاقى جميع اللى خارج مصر بالإجماع قاعدين يشعللوا غير الشتيمة دايما بيكون وراها إماإتنين كانوا بيناضلوا من أجل الفوز بذكر وإما ذكر يناضل من أجل النساء والفتيات وكل من تحمل تاء تأنيث .. وهنا يؤسفنى إنى أقول لكو يا حلوين نضال الأماكن المغلقة يختلف عن نضال الوطن
بتعرفوا تقرا إنجليزى يا اللى قاعدين تشعللوا فى الخارج او تقلوا ادبكو فى الداخل ؟

Hizballah team breaks 22 members out of Egyptian jai
http://www.debka.com/article/20631/
بجد لسه مش قادرين تتكسفوا على دمكو يا اللى لسه متلقحين فى التحرير ؟

الجزيرة تضع شعار معا لإسقاط مصر على صدر موقعها الإخبارى

http://www.youm7.com/News.asp?NewsID=346124&SecID=97

تعليقات

‏قال مصر بالثوره تتطهر-من مفال صحفى اجنبى…
المقاله بتحكي عن موقف اتعرض له صحفي اجنبي اثناء تواجده لتغطية الاحداث في ميدان التحرير

بيقول انه كان بيشتري نعناع من احد الباعه الجائلين في شارع طلعت حرب
وبعد ان اعطاه النقود وبمجرد ان اعطاه الرجل النعناع اذ فوجئ بصراخ الناس "اجري اجري"طبعا... هو مش فاهم في ايه
فوجئ بمطر من الحجارة تهطل من كل مكان وجانب من حوله
المهم بعد شرح اللاحداث بطريقة هزليه قال
الجميل هنا انه بعد ان وصلت لمكان آمن وجدت البائع يجري نحوي ويقول ان المبلغ الذي اعطيته له يكفي لشراء علبتين نعناع وليس واحده
وتستكمل الصحفية وتقول
لقد اندهشت من الموقف ورغم كل الاحداث ابتسم الرجل لي وقال مرحبا بك في مصر

هذا هو حال الشعب المصري
‏قال Ms Venus
خايفة لا مرعوبة يا قطة على مصر

مش عارفة اعمل ايه


ولما بلف المدونات بمووت من الحسرة على العقول


مش ممكن


الناس مغييبة او اغبياء مش عارفة

ارحمنا يارب
‏قال Elmasryeffendi
انا شفت كل اللى بتقولى عليه و كل المندسين بين الناس اللى متجمعين على هدف واحد بس هما المندسين دول دخلوا ازاى ؟ مش احنا بلد الامن و الامان و لا ده تقصير امنى كمان و هما كانوا بيقهرونا احنا و سايبيها على البحرى ؟ على العموم رغم انى من انصار التهدئة و اننا نديهم فرصة مع ضمانات بس برضه انا مع المعتصمين و حقهم فى الاعتصام لانه مش بيضر حد و المفروض يسيبوهم بشكل متحضر و يامنوهم كمان و ده اللى بيحصل فى الدول المتحضرة مش يسيبوهم نهبا لكل المندسين و البلطجية
‏قال Desert cat
مصر بالثوره تتطهر-من مفال صحفى اجنبى

هما دول المصريين رجال فى كل المواقف
لكن الإخوان واعوانهم القابعين فى ميدان التحرير لا ينتموا لاى مصرى ولا ليهم اى مواقف
‏قال Desert cat
Ms Venus

فينوسة اوعى تقلقى بجد هترجع تانى رغم كيد المنافقين والخونة اجمل مما كانت
العقول اللى بتتكلمى عليها دى اصلا مش عندها عقل لانهم مجرد ناس بتاخد اوامر من اسيادهم عايزينها فوضى علشان يحموا ويتحكموا لكن هيهات
‏قال Desert cat
elmasryeffendi

مش لوحدك اللى شوفته انا كمان نزلت مظاهرات وشوفت كل ده .. وهو ايه اللى بيحصل دلوقتى فى ميدان التحرير هما مش متلقحين هناك وموقفين حال بلد بكاملها ورغم سفالتهم وعدائهم البين للبلد برضه الجيش بيحميهم ويأمنهم ؟
عيب اللى بيحصل لحد دلوقتى فى مصر الناس المحترمة كلها مشيت وسابتهم اللى موجود هناك دلوقتى اصحاب الأجندات الخاصة والمخربين
‏قال غير معرف…
ياريت ياحنان تردى عند نوارة بنت أحمد فؤاد نجم اللى عمالة تشتم مصر وتقود حملات مسعورة ضد البلد
‏قال Desert cat
Anonymous

وارد عندها ليه ؟ وأعمل ليه قيمة ولا إعتبار ليه ؟
ماهى هدفها مش إتحقق من إحتلال اسيادها الشيعة لمصر سواء إيران لو نصر الله اللى طول الوقت بتبوس جذمته
مش تشتم مصر ليه والمصريين .. خليها تشتم يمكن الغل اللى فى قلبها من ناحية مصر يهدأ شوية
‏قال strategicalone
زمان لما كنت باعلق عندك واقول جاية عليكم ايام سودة كنتى بتقولى فال الله ولا فالك اهى جت البداية
كلة بيبيع فى مصر و فلوس البترول الايرانية والقطرية جاهزة - قال عنها نصرالله ايام احنلال بيروت انها اموال طاهرة - دلوقت نصرالله بيشكل الحكومة اللبنانية يا ترى امتى الاخوان ها يشكلوا الحكومة المصرية
‏قال شاهد عيان…
اقسم بالله ان 90 % تقريبا من المتواجدين الان فى ميدان التحرير اخوااااان مسلمين وناس شكلهم من الشام لدرجة ان انا حاولت اتكلم مع ناس هناك وكانوا هيضربونى بس الحمد لله ان فيه واحد كان معايه وهدانى قبل ما يموتونى
الناس دى عاوزين يدمروا البلد يا مصريين,
ياللى بيوتكم اتخربت,
ياللى عايشين فى رعب
ياللى الارامل المصريين اللى بياخدوا معونه من المساجد هيبيعوا عرضهم وشرفهم لان محدش معاه فلوس يساعدهم
ياللى عمالكم اللى بياخدوا اجره باليوم هيتحولو بلطجية فى خلال اقل من اسبوع علشان مش لقيين تمن رغيف العيش

انا والله لسه راجع من هناك وشوفتهم وصليت معاهم العصر وللاسف اعرف منهم ناس عايشين فى منطقتى

لو مفوقناش بلدنا هتوصل لحال العراق وشوارع المكسيك اللى الكلمه العليا فيها هى كلمة البلطجه
‏قال Kontiki
ربنا يستر بس اعتقد موضوع شعار الجزيرة دة كذب ! جرافيك مثلا او غيرة هم كدة كدة سفلة وربنا اعلم بنيتهم
‏قال Desert cat
Kontiki

ده كان مكتوب على الموقع الرسمى ليهم يا كونتا ولما امريكا انتقدتهم حذفوه وقالوا ده كان هاكر

المشاركات الشائعة