القطة فى السى ان ان

بداية أنا كنت داخله أكتب عن الأستاذ جمال عيد مدير الشبكة العربية لحقوق الإنسان اللى شاف برنامج حرب النجوم امبارح على قناة الفراعين أكيد شاف الأستاذ جمال عيد ومدى وعيه الثقافى والفكرى واللى بتمنى يبقى 10 %بس من الشعب المصرى فى مستوى عقله وأسلوبه العقلانى ورد الحجة بالحجة والدليل بالدليل البرنامج كان بيتكلم يا حضرات عن وقف تنفيذ عقوبة الإعدام وبدلاً منها السجن مدى الحياة طبعا كل المداخلات مش هقولكوا بقى انتوا عارفين اللى بيحصل فى مصر والعقول اللى اترمت فى المراحيض وطبعا المستغرب انى الاقى قاضى إسمه رأفت ومش هكمل اسمه اصل أهلى عايزنى بيتكلم بطريقة اللى متربيين فى الشوارع يعفو عن الكلام بيها ويزعق ومش مدى لا المذيعة ولا أستاذ جمال ولا نزار غراب فاكرينه ؟ ده المحامى اللى كل لما واحدة كانت بتلبس إسترفش طول السنة وفى الامتحنات تلبس النوقااب يقوم تتمنع من دخول اللجنة تروح له يرفع لها قضية على هانى هلال ؟ ده بقى كان المفروض انه الرأى الآخر المخالف لأستاذ جمال بس بصراحة والحق يقال الراجل طول الوقت كان قاعد ساكت خالص ومش فتح بؤه بكلمه مش عارفه كان جاى يعمل ايه .. بعد شوية اتصل واحد إسمه خالد اعتذر عن اللى قاله القاضى الاولانى .. قوم ايه بقى انا داخله افتح المدونة علشان أشوف رأيكو ايه فى الموضوع دهون لاقيت صديقتى الجميلة ماريكا ناشرة اللنك وبتقول حنان على السى ان ان يا رجااااله دخلت اشوف الخبر لاقيته بحق وحقيقى وصحيح برضه نفس الفجعة دى من قريب عملها لى وليد وجه قالى انا وانتى فى السى ان ان يا قطة ولما نشرت الموضوع دخل احسان بيه قالى ده انتى قديمة اوى يا بنتى هناك دول حاطينك فى دماغهم منذ فجر التاريخ وراح جايب لى لنك تالت هو كمان طيب انا ينفع اشكركو ازاى كلكوا كدا قولوا لى ؟ اه طبعاً أنا لازم اشكركو انتوا لأن أى نجاح للمدونة وأى بوست يتذاع فى برنامج او ينزل فى مجلة سواء كانت الكترونية او ورقية او أى موقع إخبارى بيبقى بسببكو إنتوا ما هو أنتوا اللى بتشاركونى برأيكو حتى اللى بيتابع من غير ما يكتب رأيه ده كمان ليه منى كل شكر لأن مجرد زيارته لمدونة قطة الصحراء ده مجهود يشكر عليه كمان الناس اللى بتدخل تشتم برضه بشكركم كلكم عارفين ليه ؟ لأن أى موضوع تشتموا فيه تلاقونى بغيظكو وبتكلم فيه تانى وتالت وعاشر معلشى عندية شوية اعمل فى نفسى أيه بقى ؟

لنك البوست على السى ان ان

http://www.ahewar.org/news/s.news.asp?nid=646849

تعليقات

‏قال Ramy
(:

مبروك

يا رب دايماً ع CNN

و أخواتها

(:
‏قال Desert cat
Ramy

ميرسى اوى ليك يا رامى
‏قال هذا هو التنظيم الأجرامى…
قال د سمير غطاس الباحث في شئون القاعدة "أن تورط جيش الإسلام " الفلسطيني في عملية كنيسة " القديسين يعني أنه منفذ هذه العملية لصالح قوى إقليمية فهو يعمل من الباطن لصالح اختراقات حمساوية وإيرانية وربما إسرائيلية أيضا فهو مجرد أداة للتنفيذ وهو تنظيم نشأ في كنف حركة "حماس "ونفذ عمليات لصالحها في وقت من الأوقات ولكن دب الخلاف بينهما فحاصرت حماس مواقعه في غزة وقتلت منهم 14 شخصا بينهم أطفال رضع ولكن التنظيم عاود نشاطه مرة أخرى وفي حماية حماس أيضا وهو يعلن دائما تماثله مع تنظيم القاعدة" .
‏قال Desert cat
هذا هو التنظيم الأجرامى

ياريت بقى المتخلفين يكونوا عرفوا مين هو العدو الحقيقى ونظرية المؤامرة دى مش ليها اساس فى عقولهم الخاوية
‏قال عمايل بنات الخليج لمن تحب التقليد من البلهاء حدانا…
نشبت مشاجرة بين ثلاث نساء فى مقهى بالكويت، بسبب شاب أرادت كل واحدة منهم أن تتقرب إليه، حتى أصيبت إحداهن بكسر فى الأنف، وسجلت قضية تبادل ضرب.
وقالت
صحيفة "الرأى" الكويتية، إن الاشتباك بين النسوة الثلاث فى أحد مقاهى السالمية، أبلغ عنها رواد المقهى، وعند وصول رجال الأمن وجدوا أدوات "الشيشة" قد تحطمت، وتدخلوا لفض الاشتباكات واقتادوا المتشاجرات إلى مركز الشرطة.

وبعد التحقيق معهن ادعين النساء أن المشاجرة حصلت بسبب خلاف شخصى بينهن، إلا أن أحد شهود العيان الذى أدلى بشهادته كشف عن أن المشاجرة اندلعت بعد اختلافهن على التقرب لشاب كان يبادلهن الإشارات فى المقهى، وما أن اندلعت الاشتباكات بينهن حتى دفع الحساب وغادر، وأحيلت القضية للتحقيق.
‏قال Boneta
لولي لولي لولي ليييييي
الف مبروك يا قطتنا
السي ان ان نورت بيكي
انا دخلت وقريت الخبر وفرحت جدا وخصوصا ان اسم مدونتك اول اسم في المدونات اللي استشهدت بيها كاتبه الموضوع :))
ربنا يوفقك يا حبيبه قلبي
تحياتي
‏قال غير معرف…
You deserve all the best ya Hanan. When you are true to yourself (first), then to everyone else. You name things by their right names without any make-up. An honest person, that is who you are.

Marika
‏قال Elmasryeffendi
مبروك و على فكرة ده لتميز موضوعاتك و تميز مدونتك
‏قال Humman being
مبروووووووووووووووووووووك
‏قال ELVIRA
مبروك يا حنان عقبال ما يبقالك برنامج خاص بيكى على فضائية فى بلد متحضر
‏قال غير معرف…
الصلاح والفساد في كل البشر ايا كان زيهم ولاداعي للتعميم
حواري مع جمال عيد التزم بالهدوء واحترام ادب الحوار وحديثي كان مرتبطا بسماح المذيعة لي بالحديث وعدم مقاطعة احد
وخير الكلام ما قل ودل
نزار غراب
‏قال Boneta
هو اللي بيتكتب اسمهم علي السي ان ان مش بيردوا علي التعليقات بتاعه الناس الغلابه امثالي ولا ايه يا نونو هانم ؟
:((
فينك يابنتي انتي وحشاني كتيييييير ومش تسأليني ازاي هو كده وخلاص
:))
‏قال strategicalone
ناذا حدث لمدونة ارض الرمال
‏قال Desert cat
عمايل بنات الخليج لمن تحب التقليد من البلهاء حدانا

كلها يومين ونسمع بالخناقة دى حدانا ووقتها محدش هيدقر يتكلم هيطلع شيوخ البترول يطلعوا فتوى بان الفتيات دول المفروض يتجوزوا وهما عندهم 6 سنوات من أجل العفة
‏قال Desert cat
Boneta

بونيتا يا صديقتى الجميلة
تعرفى لما ماريكا نشرت اللنك وشوفته اول واحدة خطرت فى بالى انتى علشان عارفه انتى بتحبينى اد ايه

ربنا يوفقنا جميعاً يا حبيبتى وصوتنا يوصل لآخر مدى يمكن يحصل تغيير فى أى حاجه
‏قال Desert cat
Marika

بجد ميرسى اوى على كلامك الجميل ده يا جميلة انتى اللى إنسانة رائعة بجد
‏قال Desert cat
elmasryeffendi

على فكرة بقى ده لأن عندى اصدقاء كويسين وعندهم عقل ووعى زيك وزى كل المدونين الرائعيين
‏قال Desert cat
Shaimaa

ميرسى يا مشمش
‏قال Desert cat
ELVIRA

يا أوليفا بلدنا المتحضر بتكفر كل اللى بيفكر ويشغل عقله ده لو اتعمل برنامج وقولت فيه اللى بكتبه فى المدونة ده مش بعيد مبنى التلفيزون ومدينة الانتاج يبقوا رماد
‏قال Desert cat
نزار غراب

استاذ نزار انا معترفة إن أسلوب كلامى عن حضرتك مش كان كويس علشان كدا بعتذر لك جداً وأتمنى تقبل إعتذارى
اما الكلام عن الزى أنا لما بتكلم عن النقاب بتكلم عن تجارب شخصية مريت بيها وصلت لقسم الشرطة ولو هتكلم فيها هفرد مساحات غير مساحة المدونة بتاعتى بسبب جارى الإخوانى وصديقاته المنقبات والإجتماعات اللى كان بيجمع فيها الإخوة وبيفكروا يأذونى إزاى أصلى عاملة نت كافيه وده عندهم فسق وفجور لكن هما حياتهم الشخصية والبلاوى اللى كنا بنشوفها حلال شرعاً ولما رحت عملت فيهم محضر علشان يبعدوا عنى وبكتب فى خانة الديانة مسلسمة ظابط المباحث قالهم مش انتوا بس اللى مسلمين تحب اقولك رد الأخ الإخوانى ونظرة الأخت المنقبة كانت أيه ؟ ولا أسيبك تستنج لوحدك ؟
حضرتك شرفت المدونة جداً وسعدت بزيارتك جداً
‏قال Desert cat
Boneta

حبيبة قلبى والله كنت مشغولة
واول ما قدرت اتنفس شوية جيت لكو على طول هو انا اصلا اقدر استغنى عنكو يابنتى انتوا اصلا عيلتى واخواتى
‏قال Desert cat
strategicalone

مدونة ارض الرمال دى تستحق قناة مخصصة ليها ارسالها شغال 24 ساعه
‏قال Boneta
بضحك معاكي يا قطقوطه
مانتي عارفه اني بحب اشوفك دايما منوره المدونه سواء هنا او عندي او في اي مكان تاني
ربنا معاكي
وبالتوفيق دايما

المشاركات الشائعة