حقيقة النقاب

مش مهم نشتغل مش مهم ننتج المهم الركن السادس من أركان الإسلام ألا وهو النقاب
المرأة المنقبة تبقى شريفة وعفيفة حتى لو هى صديقة الطلبة مش مهم ماهى مغطية وشها تبقى شريفة غصب عن بوزك منك له وهتدخل الجنة
الراجل عمل اللحية ولبس الجلابية المينى مش مهم بقى يشتغل .. ماهو بيبع السواك علشان ياخد فلوس وياخد ثواب لكن يشتغل فى المصانع ويطور لالالا حرام يا كافر يا فاسق منه له العمل الشريف الحقيقى هو بيع السواك او يقعد على اى محطة قطر يقرأ قرآن بصوت عالى واللى رايح واللى جاى يديله اللى فيه النصيب ماهو ده برضه شغل .. والموضة بقى لما كنت فى إسماعيلية إمبارح البلد دى انا بحبها جدا بس شكلى هبتدى أغير رأى وألاقى شوية عيال رايحين جايين ورانا والنبى تشترى المصحف ده .. انا واشترى مصحف يلا ياض من هنا بدل ما اديك باللى فى رجلى .. دخلنا كافية شيك أنيق واثناء واحنا قاعدين الاخت المنقبة رفعت النوقاب واديها شيشة تفاااااح احسن من اجدعها معلم فى سوق الخضار .. يا خى احه فين بتوع الشريفات العفيفات اصلهم متأسيين بأمهات المؤمنين ألا هما امهات المؤمنين كانوا بيشربوا شيشة تفاح ؟



الراجل ده بيقول كلام كله صح اسمعوه ومش هتندمو

تعليقات

‏قال Ramy
دى ناس حافظة مش فاهمه

على فكره الفيديو مش شغال
‏قال Desert cat
Ramy

عندك حق والهل يا رامى

ها احاول اظبط الفديو دلوقتى
معلشى اصلى كاتبه البوست وفى نفس الوقت بعمل شغل
‏قال حرام ان تشاهد النساء الكوره…
قرارات الشيوخ فى ايران منع النساء من مشاهدة مبارات كرة القدم فى الأماكن العامه بعد تحريم حضور المباريات فى الأستاد على النساء من قبل
ويقولون ان هذا اى حضورهن او مشاهدتهن المبارايات لا يتفق مع الأسلام
‏قال حرام ان تشاهد النساء الكوره -اصل الخبر على البى بى سى…
Iranian authorities have ordered a ban on women from watching live broadcasts of soccer matches at public movie theaters, the semi-official ILNA news agency reported.
Women already are banned from attending men's soccer matches at stadiums.
clerics say the presence of women at men's sporting events is not compatible with Islam.
‏قال Boneta
ناس بيختزلوا المرأه في حته قماش بتحطها علي دماغها اللي لابسه النقاب تبقي شريفه و اللي لابسه الحجاب نص نص واللي مش لابسه حجاب او نقاب حتي ولو مسلمه تبقي لامؤاخذه
اما الغير مسلمه فا هي كده كده حلال حلال لأي سافل يتحرش بيها
هي مصر خربت واتخلفت عن الشعوب من قليل يا أمي
ربنا يلطف بينا
‏قال Elmasryeffendi
بكرة يلغوا الاركان كلها و يبداو من السادس و اهو كله تاليف، فكرتينى بواحدة مضايقانى قوى بتقعد زى الشحاتة قدام الجامع قصدى المسجد لا جوزها بياع السواك و الجوانتيات يزعل ، المهم اتفرجى عليها ساعة الصلاة بتبقى قاعدة فى الشارع و بتصلى و هى قاعدة و كل اللى ماشى يتفرج و فى الطريق العام ،الظاهر ان ما احدش قالها انه ما ينفعش الناس تتفرج عليها كده و هى بتصلى، لحد ما جت الصدمة و كنت باشترى جرنال من الكشك اللى جنب الجامع و عيل سرق منها سواك من الفرشة راحت سايبة الصلاة و باعلى صوت سيب يا ابن الكلب و كلام متنقى، احنا لو دولة محترمة بجد نمنع ارتداء الاجولة فى الاماكن العامة على الاقل
‏قال من مقال احمد كمال ابو المجد فى موقع الشروق مهم جدا…
الأصل فى الأشياء والأفعال هو الإباحة، وأن المنع والتحريم يظلان استثناء لا يجوز القياس عليه والتوسع فى شأنه: «قل من حرم زينة الله التى أخرج لعباده والطيبات من الرزق».. و«قد فصل لكم ما حرم عليكم».. و«أحل لكم ما وراء ذلك».. وليذكر المتشددون الذين لا ترضى نفوسهم إلا بالتوسع فى التحرير والتشديد على الناس فى دينهم ودنياهم،
‏قال احمد كمال ابو المجد يقول فى مقاله المهم جدا…
والناس إذا لم تفتح أمامهم أبواب التيسير انحرفوا عن دينهم، وصار أمرهم إلى ما يصفه الفقيه الحنبلى الشهير شمس الدين بن القيم بأنه يفضى بالناس إلى أن يحدثوا شرا طويلا وفسادا عريضا، وإلى أن يعرض بعضهم عن «جملة الشريعة».
‏قال غير معرف…
http://www.ahewar.org/news/s.news.asp?nid=646849

You were mentioned on the CNN ya Hanan (ya regallaaaaaaaa!!!)

Marika
‏قال Desert cat
حرام ان تشاهد النساء الكوره

اه طبعا حرام تشاهد كرة القدم لكن هما يبحلقوا فيها ويجلدوا اللى لابسه براه علشان بتغش البضاعة ده حلال اوى
‏قال Desert cat
Boneta

هما مبقتش بتفرق معاهم مسلمة من بوذية اى تاء تأنيث اتخلقت لمتعتهم
وان اتكلمت تبقى سافله وقليلة الادب اصلها مش شايفه هى لابسه ايه ؟
‏قال Desert cat
elmasryeffendi

نفس الشيئ يا مصرى افندى واحدة كانت تلف على المرشحين تقولهم هجيب لكو منتخبين بس ادفعوا لى 3000 جنيه اقساط على جوزى هيتسجن وفى مرة واحدة طلبت منها ترفع النقاب وكانت فى واحدة تانية عارفاها قالت للناس دى حرامية كانت اتمسكت بتسرق ومن بعدها لبست النقاب علشان محدش يعرفها
شوفت بقى النقاب بيخبى بلاوى ازاى ؟
‏قال Desert cat
احمد كمال ابو المجد يقول فى مقاله المهم جدا

بصراحة مقال ممتاز جدا قريته كله ميرسى عليه
بس الكلام ده لأولى الألباب
‏قال Desert cat
ماريكا

يا جملة ميرسى جدا على اللنك وتعبك والخبر الجميل ده
احلة بوسه لأحلى صديقة فى الدنيا
‏قال غير معرف…
تحية يا قطة
تصورى زوجتى متنقبة وعندما نذهب للفسحة على شاطى البح ر اطلب منهات ان تخلع النقاب كى تتنفس هواء نقيا بعيدا عن co2 الذى يرتد لها بسبب النقاب وبعد عناء اقنعتها لاول مرة ,اشعر بالالم والمرارة والحزن فى كل مرة ارى متنقبة وشعرت بصدمة وتقزز عندما رايته فى مصر لان حسب علمى الشعب المصرى اكثر تعلما وتحضرا من شعبى ولكن اتضح ان التظور فى اللعالم العربى يسير الى الوراء
النقاب والعباءة ثقافة البدو - انابدوى - تسبب هشاشة العظام وهو مرض منتشر فى الجزيرة والخليج واليمن وربماحاليا فى مصر , نحن نحتاج الى ضوء الشمس ونعالج الكساح بضوء الشمس وهولاء الجهلة يمنعونه
لى طفلة واشعر بالالم انها فى مجتمع منغلق سترتدى هذا النقاب اجلا او عاجلا وللاسف من الصعب ان لا تلبس ولكن وعدتنفسى ان اقف فى صفها اذا قررت عدم ارتدائه
متايع من الصحراء
‏قال mostafa mahmoud
اعتقد أنكم توافقوني أنه ليس كل ذات نقاب ملتزمة ولا كل ذي لحية صالح، وبالمثل ليس كل من تكشف شعرها أو ترتدي الملابس الضيقة أو القصيرة أو غير المحترمة بشكل عام شريفة وعفيفة. ومش معنى إني شفت واحدة لابسة نقاب بتشيش يبقى كل المنتقبات زيها ، أو راجل ملتحي بيعمل أي سلوك مش عاجبنا يبقى نعمم الحكم، وكذلك لو شفنا بنت كاشفة شعرها مش شرط تكون مصاحبة أو مش متربية. ما نبقاش زي اللي نزل مطار القاهرة واتسرق فقال كل المصريين حرامية. وكمان لما نتكلم عن أمهات المؤمنين (زوجات النبي صلى الله عليه وسلم) ما يصحش أتكلم عنهم بالأسلوب ده.. هو في حد يرضى إن حد يقول على أمه (ليه هي أمك كانت بتشيش؟)، وما الداعي لذكر أمهات الم}منين في الموضوع. ياما منتقبات علموا النساء الخير وكانوا من أنجح الناس في مجالاتهم ..وياما ملتحين كانوا أسباب في هداية الكثيرين مع كونهم مهندسين وأطباء وأساتذة جامعيين، وحتى لو بيبيع مصاحف مش أحسن من اللي بيسرق ولا بينصب. وأرجو إن كنتم مسلمين أن تقرأوا أكثر لتفهموا دينكم ولا تجعلوا عقلكم وحده هو مصدر الحكم على الأشياء.. كما يقولون الرجال تعرف بالدين ولا يعرف الدين بالرجال.. يعني لا أحكم على الدين من سوء سلوك رجل أو امرأة وإنما أقرأ في الدين لأعرف لماذا شرع الدين النقاب أو اللحية وأسأل أهل العلم اللي تثق وترتاح لرأيهم وتحسبهم على علم.
وأرجو من كل من يكتب أن يتقي الله في كتاباته/ كتاباتها ولا تجعلوا الشهرة تعمي أبصاركم فتعمموا الحكم وتظلموا الكثيرين.
‏قال أحمد
أنا شاهدت الفيديو، وكلامه بعضه صحيح، بس أشوف إنه ماكنش لازم إنه يكون أسلوبه بدي الطريقة، وليه ما يوجه انتقاداته لفئة أخرى من المجتمع بدل تسليط الضوء على كل ما هو ديني، ليه ما يملكوا الجرأة ويلقوا الضوء على الانحرافات الأخلاقية والانحطاط الفكري وفقدان الهوية الدينية والوطنية خاصة من فئة الشباب، اللي للأسف طلعوا هشين للغاية وكلمة توديهم وكلمة تجيبهم، فده هو اللي بيهدد مجتمعاتنا وأمتنا الإسلامية ككل.
وبالرغم من ايماني ان لبس النقاب ليس بواجب وأنه في الحقيقة لا يلبس إلا كنوع من العادات والتقاليد في مجتمعي دولة الوهابيين وأصبح بقدرة قادر جزء لا يتجزأ من الدين، لكني في نفس الوقت بحترم رأي اللي يشوفوا بوجوب لبس النقاب.
‏قال أحمد
كلامي السابق عن النقاب لم يكن لعدم حملي لفتاوى بعض العلماء أي اهتمام، فأنا وضحت بأني أحترم رأي أي شخص يرى بوجوب لبس النقاب، لكنه رأيي بعد اطلاعي لأغلب آراء أعلام الإسلام في ذلك قديماً وحديثاً، فمن اتفاق الأئمة الأربعة على جواز الكشف إلا قول لدى الحنابلة، مروراً بابن حزم وغيره من العلماء الأكابر، إلى الألباني مجدد العصر والشيخ يوسف القرضاوي حديثاً، فأنا لم آتي ببدع من القول.
أما لفظ الوهابية، فلماذا ينظر إلى هذا اللفظ إلى أنه سخرية، فالمفترض إذا كانوا بالفعل يعتزون بالشيخ محمد بن عبدالوهاب أنهم يفتخرون بهذا اللقب لا العكس، وإن كنت أنا لا أصنف لا من قائمة العلماء ولا طلبة العلم لكني أملك القدرة على التمييز والتقييم، فالشيخ محمد بن عبدالوهاب رحمه الله في رأيي لا يقارن علماً بفطاحلة العلماء ويمكن ملاحظة ذلك من خلال مؤلفاته، بل من الممكن أن الشيخ عبدالعزيز بن باز أكثر منه علماً، لا ننكر أن له جهوده في الدعوة الواضحه، لكن علماً فهو لم يقرأ إلا في المذهب الحنبلي وهو من المتأثرين بشيخ الإسلام ابن تيمية وتلميذه ابن القيم رحمهما الله، ويظهر السبب في عكفه على كتب ابن تيمية وابن القيم رحمهمها الله، نظراً للموقع الجغرافي، فبلاد الشام أقرب جغرافياً لنجد المنطقة التي كان يقطن فيها.
وأعتقد أن رسم هالة كبيرة للشيخ محمد بن عبدالوهاب رحمه الله له بعد سياسي أكثر من أن يكون دينياً.

رحم الله علماء المسلمين أجمع.

المشاركات الشائعة