حاسة إنى عايزة أطير

أصل المطر ده كان بداية للحب ومن خلال المطر ده رويت أجمل شجرة علشان كدا بفرح أوى بيه لأنه كل لما بينزل أكيد بيرويها .. منه رسمت أجمل حلم وعشت أرق وأقسى وأجمل واصعب مشهد حتى لبعد ما أموت مستحيل أنساه .. كان بينا طاولة شهدت على كلمتين وفنجان قهوة ومج نسكافيه بلاك سمعوا أحلى قرار .. من النهاردة قررت أكون معك

بعشق الشتاء بغموضه بحسه رومانسى أوى ورغم هدوء لياليه إلا إن ضجيج قلبى دايماً عامل قلق ومش بيهدى إلا إذا سمع صوت المطر أحب أوى أستمتع بيه وقت الفجر واتفرج عليه وهو ينساب على نافذتى بكل رقة وهدوء مش عارفه ليه بيكون نفسى أحضنه لأنى دايماً بحس بهمسه ليا " تفائلى " لسه الحياة مستمرة ولسه الأمل موجود


الجو النهاردة هيجننى

مش لاقيه كلمة توصف سعادتى لسه بتأمل قطرات المطر

ولسه براقب جماله بس خدنى لشعور غريب أوى بالحنين لطفولتى ولسنين عدت من عمرى شريط من الذكريات لونه وردى وكأنى بتفرج على فيلم الأحلام

خلاص زهقت من ظلم البشر

نفسى أجرى نفسى أصرخ بأعلى صوتى من غير ما حد يسألنى أنتى بتعملى كدا ليه حاسة أنه يحتوينى بستمتع أوى بريحته




Where to begin by referring

تعليقات

‏قال غير معرف…
وانا كمان
‏قال غير معرف…
المطر بيخليني حزينة والأغنية دي بالذات بتقتلني. أجمل الاشياء حزينة. البحر والغروب وفيروز.

يا سنيني اللي راح ترجعيلي. ارجعيلي شي مرة ارجعيلي. ردي لي ضحكاتي اللي راحوا.

يارب ماكُونش لخبطت في اللبناني لاني ضعيفة فيه شوية. يالله أهي فرصة نتكلم شوية في الحب والمطر والسنين اللي مش حترجع.

هو أنا متشائمة شوية ولا دي من المرات النادرة اللي باقية اللي حنتكلم فيها عن شيء ادمي. الايام الجاية مش حتبقى عاطفية خالص. صح؟


مصرية من كندا.
‏قال karim
اوافق الراى تماما فانا من عشاف المطر و الشتاء الجميل,كنت فى منتهى السعادة عند هطولة, وتمنيت ان يهطل كثيرا لغرامة بة. تحياتى
‏قال Desert cat
Anonymous

خلاص النهاردة يوم الفرحة والسعادة كل واحد من حقه يعمل اللى نفسه فيه
‏قال Desert cat
مصرية من كندا

لا يا حبيبتى انتى مش متشائمة ولا حاجه
بس احنا اللى من الظلم والقهر اللى عايشينه طول الوقت
تحسى اننا بقينا مش قادرين نح باى لحظة حب او سعادة
‏قال Desert cat
karim

ربنا يسعدك دايما يا كريم
انت من الناس اللى بحترمها اوى بجد

تحياتى ليك
‏قال normary
waaaaaaw
ya mzagooooo
bahebk ya bnota we enty mabsota keda
yarb el donia tmatr kteeeer
moaaaaaaaaaaah ya habibi
‏قال Ms Venus
فرحانة اوى بالحالة اللى انتى فيها دى يا قطة

من قلبى ربنا يديم عليكى السعادة

ويحميكى


ويبعد عنك اعداء الحياه والانسانية
‏قال Desert cat
normary

يارب يا ميرو تمطر كتيييير
أحلى موااااه يا قمراية
‏قال Desert cat
Ms Venus

ربنا يبعدهم عنى وعنك وعن كل الناس الجميلة يا فينوسة
‏قال Boneta
قطه
انا الشتاء بتجيب لي اكتئاب بسبب قله سطوع الشمس
لكن ببقي مبسوطه بالمطر وبحب اشوف السماء بعد المطر وهي صافيه امبارح كنت بره البيت اليوم كله وشوفت الاربع فصول في يوم واحد الشمس والغيوم والمطر والبرق
الواحد مش يقدر يقول غير سبحان الله
انا صورت المنظر امبارح وهابقي انزل الصور علشان تشوفيها
ربنا يفرح قلبك كمان وكمان ياقطه
ربنا معاكي يا حبيبتي
‏قال Tamer Moghazy
"كان بينا طاولة شهدت على كلمتين وفنجان قهوة ومج نسكافيه بلاك سمعوا أحلى قرار ..
من النهاردة قررت أكون معك "

اللللله على التعبير..
من النهاردة..قررت انت وبس من كل الدنيا دي اكون معاه..
اجمل واحلى تعبير ممكن يتقال بجد :)
‏قال Desert cat
Boneta

ربنا يبعد عنك كل كآبة يا جميلة
هستناكى تنزلى الصور على المدونة
‏قال Desert cat
Timo..

كانت ايام وعدت يا تيمو
وتعبيرات مش تخرج إلا من القلب وتنطق بيها المشاعر والأحاسيس مش اللسان

تحياتى

المشاركات الشائعة