الجانى مختل عقلياً .. براءة

هى علامات الإضطراب النفسى مش بتظهر ؟ ولا الخلل العقلى بقى بيظهر فجأة و المحيطين بالشخص مش بيعرفوا غير لما يقتل ويصيب أشخاص لا يعرفهم ولا ليه معاهم سابق عداء أو خصومة ؟
هو معهد أمناء الشرطة بقى دلوقتى بيذبل ؟ مختلين عقلياً على بلطجية على مسجلين خطر يبقى العيب الحقيقى مش عليهم على اللى بيقبلهم وبيسلمهم سلاح علشان يعتدوا بيه على الأرواح
ثم إشمعنا الخلل النفسى مش طلع غير على الأسرة القبطية تحديداً مع ترديد الله أكبر ؟
أى عقيدة فاسدة دى اللى فهمته إن ده جهاد وإن قتله للأبرياء هو الطريق الوحيد للوصول لأنهار الخمر والنساء ؟
من فضلكو مش عايزة حد يجيب لى سيرة إنسانية ولا ليبرالية تانى مع الأشكال دى لأنهم لا يستحقوا إلا معاملتهم بنفس الطريقة وشربهم من نفس المشروب اللى بيسقوه لناس أبرياء ولو فضلنا نقول إنسانية ومهلبية يبقى محدش يتكلم لما الدور يجى عليه لأنه هيجى عليهم وقت ويصعب السيطرة عليهم ويبقوا زى الوباء اللى بيتنقل دون معاد أو سابق إنذار
محتاجه حد يفهمنى أى رب يتبعوه وأى إله يعبدوه
مين اللى قالهم ان التقرب لله اللى هيدخلهم الجنة بالقتل وسفك الدماء والغدر والسرقة وهتك الأعراض ؟
مين الإله اللى إدالهم توكيل بمحاسبة عبادة على الأرض والمختلف معاهم يبقى نساؤهم وأموالهم حل لهم ؟ وإن كان عندهم غلمان مفيش مانع ؟
هو برضه مش الإله اللى قال ( إنى قريب أجيب دعوة الداعى(
ومش هو برضه ( غافر الذنوب ولو كانت مثل زبد البحر(
هى آيات الرحمة والمغفرة اللى فى القرآن دى موضعها أيه من الإعراب ؟
ولا الاخوة السلفيين والوهابيين والمجاهدين مش بيعرفوا يقروا ؟ ولا متحرم عليهم يقربوا من القرآن ؟
واحد بيقولى انتى جاهله انتى اللى مش بتعرفى تقرى قرآن وقاعدة تفتى وخلاص
لما قولت له هات دليلك على جهلى ؟ راح جاب لى الآية دى ؟
)
وقاتلوا في سبيل الله الذين يقاتلونكم ولا تعتدوا إن الله لا يحب المعتدين(
كان نفسى أرد عليه بصوت عميق من الحنجرة ماراً بالأنف لكن الكى بورد مش فيها الأصوات دى للأسف
أصل اللى أعرفه إن قاتلوا لازم يبقى حد سبق وإعتدى عليك يعنى أمر القتل مش أنت اللى تبتدى بيه ؟
كمان الذين يقاتلونكم يعنى فى ميدان المعركة مش ناس بتصلى وتروح تفجرهم ؟ ولا ناس راكبة قطر وتروح تقتلهم ولا تسرق محلات وصيدليات وعلشان تبرر عهرك الأخلاقى تصرخ وانت رافع سلاح وتقول أموالهم حل لنا
مش عارفه ليه رده كان كله شتيمة وقلة ادب .. قولت له هو ده بقى جهاد الكلمة ؟ قالى ما انتى حلوة أهو وبتفهمى


لما الكمونى اللى قتل 7المحامى بتاعه راح يطلع شهادة انه مختل عقلياً ؟
واللى فجر كنيسة القدسين مختل عقلياً
والقاتل اللى المفروض انه أمين شرطة محترم وزوجته المحترمة بتفتخر فى وسائل الإعلام إنه بيعاملها وحش وبيعامل بنته اللى عمرها 3سنوات وحش ومختل عقلياً

إذن نناشد السيد رئيس الجمهورية بإسناد مهام وزير الداخلية لوزير الصحة حرصاً على الأمن العام من المختلين عقلياً

تعليقات

‏قال Ms Venus
جال لااله الا الله وراح مفرجع...........كلمات شاهد عيان من قطار الصعيد.....
‏قال SERVANT OF JC
استاذة حنان

الحقيقة إن الدولة بتستغفل الشعب كله وكأننا أطفال في الروضة..!!

بس انا ليا تعليق علي الآية اللي زكرتيها في سورة البقرة 190

بخصوص الآية دي انا الحقيقة رجعت لموقع تفسير القرآن ووجدت اجماع علماء التفسير علي ان هذة الآية منسوخة بآية اخري .. ومعني انها منسوخة انها اصبح موقوف الحكم بها لنزول آية بحكم آخر..

علي سبيل المثال لو فتحتي تفسير القرطبي لهذة الآية .. ستقرأي الآتي:

نزلت هذه الآية؛ أي يحلّ لكم القتال إن قاتلكم الكفار. فالآية متصلة بما سبق من ذكر الحج وإتيان البيوت من ظهورها، فكان عليه السلام يقاتل من قاتله ويَكُفّ عمن كَفّ عنه، حتى نزل
{ فَٱقْتُلُواْ ٱلْمُشْرِكِينَ }
[التوبة: 5] فنسخت هذه الآية؛ قاله جماعة من العلماء. وقال ٱبن زيد والربيع: نسخها
{ وَقَاتِلُواْ ٱلْمُشْرِكِينَ كَآفَّةً }
[التوبة: 36] فأمر بالقتال لجميع الكفار.
‏قال SERVANT OF JC
تفسير ابن كثير:

قال أبو جعفر الرازي عن الربيع بن أنس، عن أبي العالية في قوله تعالى: { وَقَـٰتِلُواْ فِي سَبِيلِ ٱللَّهِ ٱلَّذِينَ يُقَـٰتِلُونَكُمْ } قال: هذه أول آية نزلت في القتال بالمدينة، فلما نزلت كان رسول الله صلى الله عليه وسلم يقاتل من قاتله، ويكف عمن كف عنه، حتى نزلت سورة براءة، وكذا قال عبد الرحمن بن زيد بن أسلم، حتى قال: هذه منسوخة بقوله:
{ فَٱقْتُلُواْ ٱلْمُشْرِكِينَ حَيْثُ وَجَدتُّمُوهُمْ }
[التوبة: 5]

****

دي كانت بعض التفاسير ويمكنك العودة للموقع الآتي : http://www.altafsir.com/Tafasir.asp?tMadhNo=0&tTafsirNo=0&tSoraNo=1&tAyahNo=1&tDisplay=no&LanguageID=1

إذن الآية منسوخة بآية اخري وهي: اقتلوا المشركين حيث وجدتموهم.. !
‏قال غير معرف…
I love your Arabic language, I just don't have an Arabic key board and that is why I only send in English, so please do use your beautiful Egyptian not Arabic language always.

If we use mathematics, if the policeman was shooting randomly and all the people who were shot and killed were only Christians, then, the Christians must be the majority of Egypt. 

Marika
‏قال mrmr
من لحظه ما تسمعت الخبر
وشئ كان متوقع 100 % انه
ح يطلع مختل عقليا ذيه ذى غيره
امال ح تكون فى ايه حجه اكثر من كده علشان يطلع براءه

يوجد فيديو خطير ياريت تشوفيه
والكل يتفرج عليه يمكن نفوووق شويه ونبقى يد وحده
http://sahrdodo.blogspot.com/2011/01/blog-post_13.html
‏قال تعليق اعجبنى لأمل محمود رفيق…
الانسان عدو ما يجهل والاجيال الجديدة ضائعة تربت على شيوخ الفضائيات وصنعموا لانفسهم الهة من امثال عمرو خالد وغيرهم المدفوع لهم لنشر الفكر السلفى
هؤلاء مرتزقة بيقبضوا بالدولارات لنشر فكر متخلف يضرب مصر فى مقتل ودى النتيجة الضياع اللى وصلن
‏قال ELVIRA
لازم يشوفوا حجة جديدة البتاعة دى طعمها بقى ماسخ من كتر الإستعمال

شوفى دى يا قطة

http://caligula-elvira.blogspot.com/2011/01/blog-post_13.html
‏قال Desert cat
Ms Venus

اه طبعا الراجل كان رايح يتعبد ويصلى الجمعه يوم الثلاثاء الساعه 9 بالليل فى القطر
‏قال Desert cat
SERVANT OF JC
طيب يا عزيزى احنا كدا مش مختلفين
بمعنى امر القتال مش يكون هو المعتدى
يعنى يقتل اللى بدأ بقتله
وثم ان الكفار مش هما اهل الكتاب
اذا كان القرآن لم يذكر المسيحيين باى سوء ولا قال عليهم كفار
ولو راجعت آيات القرآن هتلاقيها عند ذكر المسيحيين تناديهم بأهل الكتاب او النصارى
لكن العالم الوسخة اللى بينا دى هى اللى بتقول عليهم كفار وبتحرف القرآن لأغراض مش عارفه معناها ايه ولا غرضها ايه
‏قال Desert cat
@ Marika

انا كتا فاكرة انك مش بتعرفى تقرأى عربى أصلاً علشان كدا كنت باكتب لك إنجليزى
الغريب يا مريكا فى اللى شوفته من رد فعل من نس كنت فاكراهم بيفهوا بجد لما نقلت الخبر على الفيسبوك قالوا لى اى حد يحصله حاجه فى مصر يبقى فتنة طائفيه ؟ ناقص لما واحد يموت بسكته قلبية تقولوا ده بسبب الفتنة
يعنى الناس اساسا مش مقتنعة واشمعنا الاسرة المسيحية بس اللى اتقلت ؟
مش لاقية جواب لحد دلوقتى
نفسى اشوف الاغلبية مسيحية والاقلية مسلمة علشان اسالهم على اخبار الفتنة الطائفيه
‏قال Desert cat
mrmr

الاخبار كلها كانت بتقول مختل عقلياً قبل ما يتقبض عليه او يتحقق معاه تفتكرى السبب ايه ؟
‏قال Desert cat
تعليق اعجبنى لأمل محمود رفيق

وهو حد معترف ان ده ضياع ؟
ده بيقولوا على شوية المرتزقة دول مجددين الدين
‏قال Desert cat
ELVIRA

اللى جاى اعتقد هيكون جديد
ايام حرائق مجلس الشورى وبعده مسرح جورج ابيض ثم شركات ومصانع مصر قالوا الفاعل ماس
تطورت الجرائم لقتل واغتصاب والفاعل مختل
مع تنوع الجرائم يتنوع الفاعل
‏قال SERVANT OF JC
قطة الصحراء

لو رجعتي يا اختي العزيزة إلي سورة التوبة 30.. ستجدي القرآن يكفر كل من يقول ان المسيح بن الله!

الآية تقول: "وقالت اليهود عزير ابن الله وقالت النصارى المسيح ابن الله ذلك قولهم بأفواههم يضاهؤون قول الذين كفروا من قبل قاتلهم الله أنى يؤفكون"

التوبة : 30

قاتلهم الله = لعنهم الله

ونحن كمسيحيين بكل فخر نقول ان المسيح هو ابن الله وهو الإله الظاهر في صورة بشر .. وهذا هو صميم الايمان المسيحي

إذن فالمسيحيين في نظر القرآن هم كفار وملاعين اذا ان القرآن يقول : قاتلهم الله - ومعناها لعنهم الله كما يقول المفسرون

استاذة حنان

انا بجد بحترمك جدا ومعجب بأفكارك وأرائك واعلم انك انسانة متسامحة إلي ابعد الحدود .. لكن تكفير القرآن للمسيحيين (او للنصاري كما يطلق علينا) بل وتكفير كل غير المسلمين هي حقيقة لا احد ينكرها...

آسف لو ازعجتك بالكلام دة .. لكن احببت فقط ان اوضح هذة النقطة

وشكرا ..
‏قال Desert cat
شكرا على التوضيح
ربنا يهدى الجميع ويعافينا من الافكار دى
البوست غير واضح عندي و فيه انصاف سطور متداخله مع انصاف سطور اخري
لكن علي العموم واضح معني الكلام من خلال العنوان و الموضوع و التعليقات خصوصا انه تكرر كثيرا
يعني كاننا بنتكلم عن موضوع فات من شهور او سنين
‏قال غير معرف…
عذرا هي ليست مجرد افكار
بل هي صلب عقيده اكثر من مليار شخص
‏قال Desert cat
ذو النون المصري

حاول تظبط لغة الجهاز عندك
‏قال IMSA
حنان :
بخصوص إلصاق كل شئ بالدين وإنه من أمر بذلك ، فهذا غير صحيح ، هناك شئ في الدين اسمه التفسير وسبب النزول ، او الحدث الي نزل بسببه الآية القرآنية ..
اما تجاهل كل هذا والتفسير على اجزاء معينة والوقف عليها ليس من الدين بشئ .
القتال حتى وإن كان في حروب له مبادئ وشروط وقيم امر بها الله تعالى والرسول والدين لم يأمر بالقتل لمجردالقتل ، مستحيل أي ديانة تأمر بذلك ، لكن طبعا لن تمعني بعض المتخلفين من الذين يتبعون القول بطريقة عمياء في النفيذ ..
//
طبعا لازم يدوروا على حجة جديدة من اجل أن يخدروا بها الشعوب لان الشعب قد مل من الحجة المعتادة ..
//
تحياتي لصوتك الحر والانسانية التي تتمتعين بها

المشاركات الشائعة