يوم 25يناير

انتوا عارفين المظاهرات والمسيرات اساساً هدفها الأول ايه ؟ هدفها تغيير النظام والقانون المتبع قسرا واحتكارا وديكتاتورية في اي بلد عارفين ده فعلاً ولا هدفكو هو تسليم أمن مصر القومى للسفهاء ذاكرتوا التاريخ كويس ولا كعادة الإخوان إستقطاب المسجلين والجهلة لأنهم سهل قيادتهم دون سؤال او معرفة طيب سيبكو من الناس اللى قاعدة تحرضكوا على خراب البلد فى نفس الوقت اللى هيبقوا قاعدين فى مكاتبهم المكيفة وبيتابعوا من خلال الإنترنت وتعالوا القوا نظرة على اللى بيحكموا بالدين وشوفوا إيران وحكمها العادل جدا اوى خالص وشوفوا حماس اللى سايبة المحتل وبتقتل فى ظباطنا على الحدود وبتضحك على العيال الصغيرة اللى فى مصر باسم الجهاد وتخليهم يخربوا البلد عايزين تشيلو حسنى مبارك هأووو هفترض فعلاً إنكم طلعتوا جهابذة ورجالة اوى وفى الشدة شداد فين البديل ؟

الإخوان اللى مش تهمهم مصر وعندهم إستعداد يحكم ماليزى بس مش يحكمها مسيحى مصرى ؟ الإخوان اصحاب نظرية طز الشهيرة فى مصر وأبو مصر ؟

الإخوان اللى قاعدين يحلفوا ويتحالفوا إنهم لو مسكو الحكم المعارض هياخد بالجذمة ؟ وبصراحة عندهم ألف ألف حق عارفين ليه ؟ اصل اللى بيعارضهم يبقى بيعارض الله ماهما المتحدثين بإسم الله فى الأرض بس مش عايزين يوروا التوكيل اللى معاهم لحد خايفين من الحسد بس اعلنوا انهم يملكو ماء السماء الطهور اللى هيطهر الشعب .. طيب قريتوا بيان الإخوان اللى على أساسه حرضوا على مظاهرة 25يناير مش فيه ولا كلمة واحدة عن المواطنة والمرأة تم حذفها والأهداف منه واضحه جدا انهم عايزين الحكم هو مش آن الآوان بقى إن المادة الخامسة من الدستور يتم حذفها ويتم حظر تأسيس حزب على أساس ديني ؟

عايزين مين يحكم البرادعى ؟ مقدرش أنكر انى كنت من أشد المؤيدين ليه فى البداية وكان نفسى انه يحكم لكن لما لاقيته داير يتخبط وشوية يتحالف مع الإخوان وشوية يتحالف مع الوفد وشوية مع مجانين العباسية مش عندى إستعداد يحكمنى البرادعى مع احترامى ليه كشخص وكعالم اعتز جدا بعلمه وأفخر بيه كمصرى لكن مش اعتز بيه كرئيس لمصر .

الناس اللى نازلة الشارع دى هدفها ايه غير الفوضى وقلة الأدب على الشرطة وناس تصور علشان يجروا ينشروا على النت ويقولوا شوفوا الشرطة بيعملوا فينا ايه ؟ ونتفرج بقى على الشتيمة وقلة الأدب من كل واحد على راسه بطحة اللى حرامى واللى نصاب واللى عواطلى وعايز الشرطة تصرف عليه وكل واحد يطلع عقد النقص والغل اللى عنده عليهم مع انه اول لما بيخلص الثانوية اهله بيبقى عندهم استعداد يبيعوا اعضائهم علشان يدخل شرطة ولما مش يطولها يبقى الشرطة كلهم ولاد ستين فى سبعين هو ده بقى اللى ينطبق عليه المثل اللى بيقول نفسى فيه وأقول أخيييه وياريت لما تتسرق ولا يجرى لك اى مصيبة مش تروح تعيط لهم طالما قاعد تشتمهم وتقل ادبك عليهم تعالى تخيل نفسك من غير وجودهم فعلا وشوف هيحصلك ايه فى الغابة اللى هتبقى عايش فيها وقتها لما الحرامى يدخل يسرقك مش هيسرقك وبس ده ممكن كمان يعمل فيك حاجات أبيحة يبقى احترم نفسك منك له .. أمن مصر القومى واجب على كل المصريين مش على جهاز الشرطة لوحدهم الناس اللى انت نازل تقل ادبك عليهم دول بتبقى انت نايم وهما فى الشوارع فى عز البرد والحر مفيش شعب بيكره نفسه وبيحقد على نفسه إلا الشعوب الجاهله .. وانظروا الى عشوائية العقول لما رجل اعمال مسجلبن خطر اعتدوا عليه و سرقوا منه40الف جنيه فى الطريق الصحراوى دى حادثة كانت منشورة فى المصرى اليوم كل الردود كانت كلها غل وحقد وسفالة وشماته اصل ازاى رجل اعمال وعنده 36سنة ياترى واخدهم رشوة من مين و زنا مع زوجة مين ولا سارقهم منين .. واللى يقولك لو كان وزعهم على الشباب كان اتجوز بيهم كام واحد ؟ على اساس انه شغال عند ابوهم ناس قاعدة فى بيوتها مأنتخة وهو يشتغل علشان يجوزهم .. دى كانت عينات الردود على حادثة حصلت لواحد كل ذنبه انه رجل اعمال وانه يملك 40الف جنيه .. تخيلوا عشوائية العقول وصلت لفين ؟ فى الدول المحترمة الشباب بيشتغلوا شغل إضافى وممكن يشتغلوا زبالين لتحسين وضعهم المادى على الرغم من انهم ممكن يكونوا اصحاب مناصب فى شغلهم الاساسى .. لكن عندنا تبقى عواطلى ومش عندك مانع تسرق وقاعد فى الشوارع وتعاير اللى بيشتغل لمجرد انه شغلته مش عجباك .. شوفوا المعاقين فى بلدنا بيتعاملوا إزاى ومدى التريقة والسفالة اللى بيتعرضوا لها .. ناس بالقذارة دى ياترى عارفين يعنى أيه مستقبل وطن ؟ من اول انقلاب يوليو بدأت تشوية العقول وتشويه الأخلاق حتى وصلنا لهذا الغباء من لم يفهم التاريخ لا يستطيع أن يعيش ولا يمكن أن يبنى مستقبله . مستقبل الوطن مش بالكسل نضفوا نفوسكو من الغل والحقد على اى حد مستواه احسن منك اشتغل زيه اجتهد زيه اتعب زيه مش كل واحد معاه فلوس يبقى حرامى او مرتشى او بتاع نسوان ولا كل واحدة معاها فلوس تبقى عاهره او كسبتهم بطريقة غير مشروعة .. الشرطة مش هتأكلك ومش هتصرف عليك .. نظام مبارك كلنا عارفين انه فاسد لكن انت عملت ايه ؟؟ نزلت تشتغل ؟ حاولت تعمل على صلاح البلد ولا قاعد تسب وتلعن .. ولو حد ادالك عشرين جنيه عندك استعداد تبوس ايده وتبيع بيهم نفسك

مين الغبى اللى فهم الناس اللى فاكره نفسها هتنزل تحرر مصر يوم25يناير من الاحتلال الانجليزى ان النظام مرعوب وضعيف وخايف فوقوا من اوهامكو ده لو المليون مجند بتوع الامن المركزى نزلوا هيبدوا ال80مليون فى دقايق معدودة ولو الشرطة فشلت ده لو يعنى هينزل الجيش بالمدرعات شوفتوا بقى النظام مرعوب وبيموت من الرعب إزاى ؟

قبل الجعجعة اللى مش من وراها عائد نضفوا قلوبكو وحبوا نفسكو امن مصر القومى مش لعبه مواجهة الأزمة من دواخلنا إحنا من زيادة وعى الشعب المصرى ونضافة النفوس .. وكل سنة والشرطة المصرية بخير وسلام

Comments

Ramy said…
الموضوع كبير جداً

الناس فاكره الموضوع سهل كده زى بتاع تونس مش عارفين ان لو حصل اى انفلات امنى فى البلد هندبح بعض قلت ده لناس كتير فاكرينى بهبط بس يا جماعة دة اللى باين

لو حصل انفلات امنى مش هيتلم احنا مش زى تونس الناس هناك مُتعلمة

هنا عندنا الحمد لله المُتعلمين قبل الجهله ربنا كارمهم بدماغ زى الفل

بس يمكن لو انها مُظاهرات سلمية

مظاهرات تبين ان خلاص الناس على وشك الأنهيار و انهم مبقتش تفرق معاهم كل ده

ممكن يحسوا على دمهم
(و دة مش أكيد)

تحياتى
Boneta said…
بتفق مع رامي ان الموضوع مش سهل وخصوصا ان احنا زي ماقولتي مش عندنا بديل للي ما يتسمي وبعدين الناس اللي نازلين بكره دول ايه مطالبهم .
مشكلتنا ان كل فئه ليها اجنده وعاوزه تنفذها علي حساب امان البلد نضيف عليهم ان اغلب اللي ماسكين البلد ناس فاسده ومش همهم مصلحه مصر او المصريين نهائي طيب ايه الحل مع ولاد التيت دول ؟ ما انا برضه خايفه علي شبابنا المصري لان اللي بيتمسك منهم مش بيرحموه ياريت يكون الاحتجاج بشكل سلمي لمصلحه البلد ولمصلحتنا كلنا
وربنا يعديها علي خير الناس مش ناقصه وووش اللي فينا مكفينا .
تحياتي يا قطه
من مهازل الحكم باسم السماء0 said…
من مهازل الحكم الدموى باسم السماء
عدام بطلين للمقاومة الإيرانية جعفر كاظمي ومحمد علي حاج آقايي بأمر من خامنئي
karim said…
دة كلام صحيح جداا بس هى الناس وخداها الحماسة من اللى شافوة فى تونس ميعرفوش اننا مش زى ى حد, اللى يقوم عندنا بثورة فعلا وتكون فعالة هو الجيش مش الشعب و التاريخ بيقول كدة , مع ان المفروض انة العكس فى كل دول العالم ان الناس هى اللى بتغيير اى نظام مش الجيش علشان مش مهمتة الثورات ,لكى اللة يامصر
Anonymous said…
انا من الاول كنت شاكك فيكى
هما كل العملاء الصهاينة كدا الواحد ميشوفش ليهم وجه من ظهر
وبيرقصوا على كل الحبال
قولى لى يا قطتى اشمعنا المدونة بتاعتك اللى كل يوم والتانى نازلة فى السى ان ان حبايبك الصهاينة عايزين يروجوا لك
ولا بتعرفى المديرين بتوعك انك شايفه شغلك كويس لدرجة ان المدونة بتاعتك كل يومين فى السى ان ان والجلوبال فويس
ربنا ينتقم منك انتى واللى زيك
ياريت تفجير الكنيسة حصل فيكو انتوا لكن لا تستعجلوا يومكو قرب يا صهاينة يا كلاب وان غدا لناظره قريب
Anonymous said…
انتى بت منافقة وكلبة من كلاب النظام يومك قرب واقرب مما تتخيلى بس الاول حتموتى من القهر وحرقة القلب على حبايب قلبك بتوع الشرطة
من مهازل الحكم باسم السماء0 said…
فعلا ممكن توظيف الدين لأستمرار اى وضع
http://www.youtube.com/watch?v=t8druxER6yI
Anonymous said…
النظام يرتعد وبدا يتهاوى
اقرى ما تكتبه الصحف فى المانيا والغرب
عن المظاهرات
وعجز الشرطه
SERVANT OF JC said…
فعلا كلامك مضبوط جدا يا قطة

الموضوع كله وراه الإخوان اللي هما طبعاً عايزين ينتقموا من النظام بسبب منعهم من دخول مجلس الشعب

الإخوان كعادتهم بيستغلوا الفقر والاوضاع السيئة اللي بتمر بيها مصر وبيلعبوا علي نغمة جديدة وهي نغمة المطالبة بالحرية والعدالة والديمقراطية (قال يعني هما بيؤمنوا بحاجة اسمها حرية!! دة اللي يعارضهم يعتبر كافر!!).. المهم.. مفيش مانع كمان انهم يرفعوا شوية شعارات للوحدة الوطنية (زي يحيا الهلال مع الصليب..وغيرها) من اجل حشد اكبر عدد ممكن من الشباب المصري المخدوع !

احنا لازم فعلا نحذر كل الشباب المصري بعدم الانخداع بهذة الشعارات لإن الإخوان في الغالب هم من يقفون وراءها وغرضهم واضح ومعروف للكل وهو إسقاط نظام الدولة ونشر الفوضي والخراب في البلد

بجد بحييكي يا قطة علي وعيك السياسي .. وتقبلي تحياتي :))
اذا الشعب يوما said…
وضربت الشرطة بعض المتظاهرين بالعصي بقوة. وأظهر محتجون اخرون صمودا نادرا في مواجهة عملية امنية ضخمة وطاردوا بعض افراد الشرطة في شوارع جانبية. واظهرت لقطات لتلفزيون رويترز رجل شرطة ينضم للمتظاهرين.
وكالة رويترز تسجل هروب الشرطه امام الشعب said…
الشعب يطارد الشرطه التى هربت من المواجهه مع الشعب
http://www.youtube.com/watch?v=xyFQXB8r0xE
elmasryeffendi said…
الله يحرقهم سرقوا وقفتنا و محاولتنا للاعتراض بصورة حضارية كان ما حدش بيعرف يحشد الناس و يجمعهم غير جماعتهم المحظورة
Anonymous said…
Anonymous said
بعد اذنك ياريت لما نختلف مع بعضنا نعبر عن اختلافنا باسلوب احسن شويه
مش يصح ابدا اننا نشتم في بعض كده ممكن حضرتك تعبر عن وجهه نظرك في الموضوع بالطريقه اللي انت شايفها ما احنا كتير بنختلف معاها بس من غير مانشتمها واحنا كلنا ضد الفساد اللي في البلد وانا مع التظاهر بطريقه سلميه لانه حق لكل مواطن لكن فيه ناس بتدخل المظاهرات علشان تخرب وتحرق في عربيات واملاك مواطنين مصريين زيهم مالهمش ذنب في شيء وده مرفوض مننا كلنا كمصريين اما الكلام عن الشرطه فا مش هانختلف ان في تجاوزات للشرطه والامن مش ممكن الواحد يتغافل عنها ولكن برضه مش هانقدر ننكر ان في كل مكان وزمان هانلاقي اشخاص محترمين وعندهم ضمير وبيحبوا مصر قوي سواء من الشرطه او الجيش او اي مؤسسه تانيه وانا علي قد ما انا متغاظه من عمايلهم وتعذيب الشباب علي ايدين الاثمين منهم و علي قد مانا حزنت علي الشباب اللي قالوا انه اتوفوا او اتصابوا لانهم اخواتنا وأولادنا حزنت برضه علي العسكري اللي قالوا انه مات لانه ضحيه ومش له اي ذنب لانه ومن الاخر مواطن مصري غلبان ومطحون زيه زيينا وبينفذ الاوامر المشكله في رأس الفساد الكبيره اللي في البلد .ده رايي واتمني انك تتقبله من غير زعل .وربنا يحمينا ويحمي بلدنا من كل شر
بونيـتا
Ms Venus said…
مش هقول غير ربنا يحمى مصر

ويبدد مشورة كل ظالم فيها
Ms Venus said…
معلش يا قطة اسمحى لى اقول كلمة للبنى ادم اللى بيشتم ده


اولا يعنى انت انسان ضعيف تعرف ليه ؟


لان سيادتك داخل من غير اسم تشتم وتجرى

لو واثق فى نفسك وفى رأيك ومقتنع انك صح كنت دخلت بأسم واضح ومعروف وتعبر عن رأيك باسلوب محترم من غير شتيمة


لان الشتيمة دليل الضعف والجبن


ياريت ترتقى بنفسك شوية وتحترم حتى نفسك وتعتز بأسمك وتدخل بيه تقول رأيك

يا محترم
ليست اشاعات said…
نفت مصادر مسؤولة بمطار القاهرة اليوم الأربعاء، ما تردد عن سفر شخصيات مصرية مهمة إلى خارج البلاد أو استعداد طائرات خاصة للإقلاع بعدد من المسؤولين، وقالت المصادر إن "حركة الطائرات والسفر طبيعية في المطار، ولم تتأثر طوال 24 ساعة الماضية، كما وصل العاملون والركاب في مواعيدهم".

وقد ألغى رئيس الوزراء أحمد نظيف سفره مع عدد من الوزراء والمحافظين إلى الأقصر اليوم الأربعاء على رحلة مصر للطيران، وكان من المقرر أن تجتمع اللجنة العليا للتخطيط العمراني برئاسة نظيف لاعتماد المخطط التفصيلي لمشروعات تنموية هامة.

وأشاع مشاركون في احتجاجات أمس الثلاثاء، سفر بعض الشخصيات المصرية المهمة "بصورة مفاجئة" إلى الخارج خوفا من الاحتجاجات، كما أخبروا بعض رجال الإعلام والوكالات الأجنبية بذلك.
من موقع الشروق عن انبل من فى مصر said…
رباط حذاء أصغر متظاهر خرج أمس يهتف لمصر التى يريدها ويحبها أشرف من كل متقعر متكبر يختبئ خلف غابات مفرداته العقيمة وتنظيراته السقيمة.. وأنبل من كل رجل أعمال جبان تعامل مع الوطن باعتباره أحد المحاجر فكسره قطعا واستحوذ على ثرواته.

هؤلاء مصر فى نبلها وبهائها وتألقها العبقرى، رأيتهم ومشيت فى ركابهم مئات الأمتار فى شارع البطل أحمد عبدالعزيز وهتفت معهم والقلب يرتجف فرحا وأملا فى مصر أفضل وأجمل وأرقى وأشرف.
مصر ستعود بكم الى بهائها said…
كان الشباب المتظاهر الذى فاقت أعداده الخمسة آلاف فى شارع البطل أحمد عبدالعزيز فقط يهتف «مصر» و«بالروح بالدم نفديك يا وطن» كانوا يهتفون بمنتهى الرقى والحرص على سلامة أفراد الشرطة قبل سلامتهم الشخصية، وسلامة المرافق العامة قبل الاثنين، وسلامة مصر قبل الجميع.

حتى عندما امتدت أيدى بعض جنود الأمن المركزى للإمساك ببعضهم كانوا رائعين ومتحضرين وهم يهدئون الجموع ويطلبون منهم عدم اللجوء إلى العنف.
ام مصريه لرجال الأمن ابكتنى said…
اخص عليكم خربتوا البلد
صفاء الشريف-موقع شروق said…
وكأنه حلماً ما رأيناه ليلة امس، راهن العديد من المنافقين والافاقين على حدوث تجاوزات من المتظاهرين كونهم لا يمتلكون ثقافة التظاهر بالشكل الحضاري ، وانهم مجردد شباب تم غسيل ادمغتهم من قبل اناس تدعي الوطنية، الا ان هذا الافتراء رد عليه شباب مصر الواعي المتحضر بالفعل وليس بالقول، اكملوا المسيره ولا تتراجعوا وكلنا بقلوبنا معكم
داليا-دبى said…
نا بجد فرحانة نفسى انزل مصر مش عارفة اعمل حاجة غير متابعة الاخبار مش عارفة اركز فى الشغل فى عملى و مش عارفة اذاكر لاولادى - كنت حاسة امبارح ان نفسى لو فى مصر اودى اكل للمتظاهرين اعمل لهم اى حاجة - اعلق علم كبير على بلكونتى بجد كل مصرى برة هيتجنن نفسه ينط و يجى مصر و يشارك هذا الشعب الجميل الذلى شككنا فى جماله و وطنيته وحبه و انتماءه -ال… إقرأ المزيد ..شعب ده طلع جدع -رجالة ولاد و بنات معرفناش بين الناس ديانة كل واحد ولا دخل الدين فى المظاهرة انا فخورة انى مصرية - الناس ديه كلها عندما تتاح لها حياة محترمة هتخلى مصر احسن بلد فى العالم من غير سرق و لا نهب و لا تحرش - صحيح يا شبابنا الجميل ما سمعناش على تحرش بالبنات اللى بينكم ما احنا حلوين اهه و مش لازم اخاف على نفسى و بناتى فى بلدنا الجميلة [^]
محمد حمدى said…
يلا نكمل ياشباب مش عايزن نقف حكومتنا استخبت امس وهى بتراهن علينا انها زوبعه فى فنجان وهتخلص وهنرجع للجبن والخوف مره اخرى ويرجعوا هما تانى ويطلعوا لسانهم لينا ويقولوا علينا هبل واغبيه هما مستنين هنعمل ايه تانى بعد امس عايزين نظل كما نحن واقفين يدا بيد بدون تدمير او ايزاء اى احد نحن نريد الحريه ونريد الاسقلال عن هذا الحزب والحكومه لازم نظل… إقرأ المزيد .. ثابتين على موقفنا ونكمل مسيره التظاهر السلمى الراقى ضد افشل واسوأ حكومه مرت بتاريخ مصر كنا نتمنا ان يظهر اى مسؤل من الحزب او الحكومه ويقول اى حاجه لكن نحن نعرفهم كذابين مضللين فاسدين ظلما لايهمهم الا مصالحهم الشخصيه وتكديث المليارات من دم الشعب هم نسوا انهم سيقفون فى يوم من الايام امام خلقهم للسؤل ياريت يفقكروا من الان ماذا سيقولون لرب العباد واعلمو ان دولة الظلم ساعه [^]
مهموم said…
بصفتى من ارباب المعاشات اعتذر لابنائى و كل شباب مصر عن الحال الذى اوصلنا اليه بلدنا و كنا السبب فيه فنحن ان لم نكن مشاركين فى الفساد المتفشى فى بلدنا فقد سكتنا عليه خمسين عاما ارجوكم لا تتركوا الفرصة تضيع من بين اياديكم الشريفة.
علياء سالم said…
نحن شعب متدين ومترابط الي ابعد مدي سجل يوم 25 يناير مشاهد لن تمحي من الذاكرة ابدا تحكي عن المصريين منها مشهد مجموعة من المتظاهرين يحمون رجال الشرطة ..حتي لايفتك بهم باقي المتظاهرين ..مشعد عساكر امن مركزي يخلعون الميري وينضما للمتظاهرين ..مشاهد سيدات مسنات نزلوا للمشاركة في الهتاف ..هتافات تضامن من شرفات البيوت واعلام مصر علي كل البيوت ..… إقرأ المزيد ..امهات يلقون بزجاجات المياه والطعام للمتظاهرين ..الكل متضامن شهداء يحملهم اخوانهم ويقسمون ان يقتصوا لهم ..واجمل ملفي الملحمة نظافتها وطهارتها الشديدة ..لم يندس اي لص او بلطجي في صفوف المتظاهرين ..لم يخرج هتاف خارج او بذئ من افواه المتظاهرين الكل يهتف بحب مصر وحرية مصر وحق المصريين في العيش بكرامة علي ارضهم ..تحيا مصر تحيا مصر [^]
استاذ جامعى said…
نا من جيل النكسة وجيل 73 وجيل انتفاضة 16 و17 يناير وكنت دائما استهزأ بأولادي بأنهم جيل لا حول له ولا قوة جيل الدليفري والتيك اواي جيل الخوف والجبن والاهتمام فقط بالملزات جيل ننسي عجرم واليسا والشميس والتقليد الاعمى جيل الااستهلاك و عدم الانتاج جيل سلبي لا حول له ولا قوة ثم رأيت انتفاضتكم ايها الابطال وظللت اتنقل بين القنوات الفضائية وم… إقرأ المزيد ..واقع النت وعيناي تزرف الدمع مع فرحة عارمة لأقول لنفسي انني كنت محطئ هولاء هم اولادي اولاد من حرروا الارض في 73 وسيحرروا ان شاء الله مصر من اعدائها من نظام نهب ثرواتها وحاول تغييب ابنائها انها الجينات يا استاذ وائل فالجينات الوراثية لا تموت يموت البشر ولا تموت الجينات الوراثية تحية لكل شاب بطل خرج يعترض على نظام افسد بلد بأكملها سرق امجادها وأمجاد شعبها وشيوخها خرج ليكشر عن انيابه بان المره القادمة ستكون موجعه لنظام لا يستحي وان شاء الله سأكون بينكم بين اولادي وتلاميذي وبناتي .... [^]
حلمى مراد said…
نعم مصر لن تمت ... مصر لن تمت ... ولن تمت مصر باقيه .. مصر حاضره ... مصر عندما نامت نامت كنت أنا وأنت السبب لأننا تربينا بثقافة الخوف بثقافةأمشى جنب الحيط .... بثقافة الأب يأمر يطاع والمدرس يأمر يطاع والعسكري يخوفنا وأحنا أطفال فننام ليس لحاجة النوم ولكن لنغلق أعيينا عن منظر الرعب الذي يرسم لنا فننام حتى لانراه … إقرأ المزيد ..ولا نشعر به عندما يأتى لضربنا ولكن اليوم مصر استيقظت .. استيقظت مع أبنى وابنك استيقظت لأن فيها مؤمن ابنى الذي يناقشنى ويعترض ويطلب منى حقه ويطلب منى أن اتحدث معه بشكل أجمل يطالبنى أن أحترمه وأحترم رغباته وأحتياجاته .. ..... مصر استيقظة لأن الناس تعبت وهذا الجيل يعرف حقه .. انا مسافر وكنا نخاف أن ننفصل من العمل فنقبل بأي شي ونعمل كل شيئ ولكن صدقنى يأتينى شباب مصريين كثيرين لايقبلون بأي شي ولا يوافقون على كل شي ... هؤلاء هم من سيبنى مصر وعلينا دعمهم وتوجيههم دون التدخل في أرادتهم .. لأنهم هم المستقبل وهم مصر .. تحيا مصر. [^]
د.سيدحسين said…
لقد نزلت امس الى الشارع فى مدينة المحلة وكنت قد نبهت على ابنى الا ينزل واذا بى اجده وسط المتظاهرين بكت عيناى ولما سالته لما نزلت قال لى مش ممكن واحد مننا يقعد فى بيته الان اخذته معى وظللنا نهتف سويا يا شباب مصر ويارجل ونساء مصر نقبل على اقدامكم قبل رؤوسكم لقد قتلتم فينا الجبن والخوف الذى لازمنا طيلة عمرنا وكنا نظن اننا لسنا قادرين عليها … إقرأ المزيد ..الامل بدا يتحقق فى الافق الى غد افضل والله الموفق [^]
محمد حسين عبد الناصر said…
شاهدت تلك المظاهرة فى شارع البطل احمد عبد العزير ، ولم اتمالك نفسى من البكاء امام هذا الجيل الواعى من الشباب المصرى الذى خرج منتفضا يهتف باسم الوطن وهذا هو قدره ويهتف بمطالبه وهذا هو مستقبله ، للاسف لم ولن يتسنى للنظام المصرى القابع خلف قصورره وحراساته ان يسمع ويرى هؤلاء ، لم يقابل هؤلاء وهم يهتفون بسقوطه ورحيله كما حدث فى تونس ، النظام… إقرأ المزيد .. المصرى بالامس لم نعرف له عنونااولم نسمع له حسا تعليقا على ما حدث بينما المضحك او لتقل المبكى ان تسمع تصريحا لوزيرة الخارجية هيلارى كلينتون تطمئن فيه النظام بأنه لايزال باقيا و راسخا رغم مطالبة الجماهير بالاطاحة به ، لقد تركنا النظام كالمعتاد للامن للاجهاز على التظاهرات بالضرب بطلقات المطاط والغاز المسيل للدموع ، ماحدث بالامس يزيد من الشروخ فى شرعية النظام التى نتشكك ان تكون موجودة من الاساس ، اما الشعب فقد اطمأن ان لديه ذلك الشباب الواعى بمطالب الوطن واماله ، والكرة الان فى ملعب النظام من جديد وان كانت الرسالة قد وصلته وفهمها ام لا و التى لسوء حظه قد وصلت للجميع و ان فضيحته اصبحت بجلاجل امام شاشات التلفزون العالمية وهى تنقل هتافات الجماهير من بيهنا ...الشعب يريد اسقاط النظام ... [^]
خبر عاجل said…
الاتحاد الاوروبي يعلن دعمه للشعب المصري ويحث الحكومة على الاستماع لمطالب بالتغيير
خبر عاجل said…
هروب بعض الكبار
بداية نصر شعب مصر said…
الحزب الوطني يصدر بياناً يؤكد فيه تفهمه لمطالب الشعب ويطالب المواطنين بعدم اللجوء إلي العنف
Boneta said…
Anonymous said...
انتى بت منافقه و........
بعد اذنك ياريت لما نختلف مع بعضنا نعبر عن اختلافنا باسلوب احسن شويه
مش يصح ابدا اننا نشتم في بعض كده ممكن حضرتك تعبر عن وجهه نظرك في الموضوع بالطريقه اللي انت شايفها ما احنا كتير بنختلف معاها بس من غير مانشتمها واحنا كلنا ضد الفساد اللي في البلد وانا مع التظاهر بطريقه سلميه لانه حق لكل مواطن لكن فيه ناس بتدخل المظاهرات علشان تخرب وتحرق في عربيات واملاك مواطنين مصريين زيهم مالهمش ذنب في شيء وده مرفوض مننا كلنا كمصريين اما الكلام عن الشرطه فا مش هانختلف ان في تجاوزات للشرطه والامن مش ممكن الواحد يتغافل عنها ولكن برضه مش هانقدر ننكر ان في كل مكان وزمان هانلاقي اشخاص محترمين وعندهم ضمير وبيحبوا مصر قوي سواء من الشرطه او الجيش او اي مؤسسه تانيه وانا علي قد ما انا متغاظه من عمايلهم وتعذيب الشباب علي ايدين الاثمين منهم و علي قد مانا حزنت علي الشباب اللي قالوا انهم اتوفوا او اتصابوا لانهم اخواتنا وأولادنا حزنت برضه علي العسكري اللي قالوا انه مات لانه ضحيه ومش له اي ذنب لانه ومن الاخر مواطن مصري غلبان ومطحون زيه زيينا وبينفذ الاوامر المشكله في رأس الفساد الكبيره اللي في البلد .ده رايي واتمني انك تتقبله من غير زعل .وربنا يحمينا ويحمي بلدنا من كل شر
بونيـتا
انا المصرى said…
مصر المريضه تتعافى فلا تعصب ولا طائفيه ولا تخلف ولا تحرش ولا بلطجه مصر الحضاره تعود فى ابهى صوره
الى عقلاء مصر said…
رسالة إلي عقلاء مصر(حكومة ومعارضة) ما حدث في مصر أمس ليس بالأمر الهين ولن يمر مرور الكرام الأمن لن يتمكن من اعتقال عشرات الآلاف من الشباب لا يمكن منع العمال أو الطلاب من الإضراب إعلام المسلسلات ومذيعو التوك شو لن يقنعوا الشباب ترزية القوانين لن يسعفوا الحكومة الكهنة والسحرة والحواة شاخوا وحفظ الناس ألاعيبهم لا بد من اجتماع العقلاء..من كل الأطياف من أجل مصر....ومن أجل غد أفضل لأبناء مصر لا بد من استدعاء الشخصيات الوطنية التي لا يختلف الناس عليها يجب عدم استثناء أي لون كل هؤلاء يجتمعون اجتماعا دائما مع خروج بيانات يومية عن هذا الاجتماع حتي يتفقوا علي خطوط عريضة للحل ويبدأوا في التنفيذ غيرذلك لا يمكن أن يتوقع أحد ما يمكن أن تؤول إليه الأحداث حفظ الله مصر المحروسة من كل سوء .. [^]
Anonymous said…
مشكلة الاخوان فى مصر او الاسلاميين ورقة يتم استخدامها بطريقة جيدة لتخويف الشعب من التغيير اى فزاعة ,وللاسف ان الاسلامين يجب ان يتم الحذر منهم ولكن ليس الى الدرجة التى نؤيد فيها الاستبداد , لقد قمت يا قطة بالتهويل والترهيب من المظاهرات باسم الامن القومى والاخوان ولكن لم تضعى تصورك لحل للاستبداد فى مصر
البرادعى كشخصية سياسية يمارس السياسة ويجب ان لا يقصى اى حزب او جماعة للجميع الحق فى المشاركة السياسية فى البلد فالوطن للجميع ولا للاقصاء ولكن التهديد ب المليون جندى وقوات الامن يدل على عقلية ديكتاتورية تمتلكينها ياقطة ,وهو شى مؤسف ليس وحدك تخشين على بلدك فليس الاخرون اقل وطنية
لا خيار عندما تتاصل الديكتاتورية الى اان تصل الى حد التوريث والامتداد سوى الاقتلاع ورغم اى خط ريهدد الامن القومى فهو اهون من كل الانحدار الذى تسير نحوه مصر ,ليست مصر اول بلد يثور فيه شعبه ولو سقط النظام فليس النظام وحده الذى ينتلك قدر مصر فقدر مصر سيكون فى ايدى ابنائها جميعا وفى القوات المسلحة اناس وطنيين لن يقفوا مكتوفوا الايدى اذا حدث سقوط للنظام او تسلط للاسلاميين
انحطاط الياس said…
انحطاط ياس النهايه
أصدرت لجنة التنسيق بين الأحزاب والقوى السياسية بالمحلة الكبرى بيانًا، تبرأت فيه من أحداث التخريب والشغب التي شهدتها المدينة، واتهمت "بلطجية" بالخروج وتكسير بعض الأكشاك وإحراقها بتعليمات من الشرطة "لتشويه الثورة البيضاء"، حسب وصف البيان.
Desert cat said…
Ramy

فى تونس يارامى الناس كان مطالبها واحدة ومحددة وكلها فى صالح الشعب
فى مصر كل واحد نازل لتحقيق هدف شخصى
والنتيجى زى ما انت شايف
Desert cat said…
بونيتا

احنا اصلا شعب مجرد كرة بتخليه يولع فى الشوارع فما بالك بثورة ؟
انتى متابعغه معايا اولاً بأول وشايفه بنفسك اللى بيحصل
Desert cat said…
من مهازل الحكم باسم السماء0

وعلشان نبقى زى ايران الاخوان نزلوا يحدفوا حجارة فى مجلس الشعب
Desert cat said…
karim

ومين قال ان الجيش هيغير بس يا كريم
مصر بجد لو الفوضى دى مش انتهت ممكن يحصل فيها حظر تجول ويبقى جنت على نفسها براقش
Desert cat said…
Anonymous

انت واحد جبان وسافل وقليل الأدب
ولو البلد هاماك اوى كدا قاعد تعمل ايه على النت ؟
ما تنزل تجاهد فى الشارع يمكن تخطفوا الكرسة وترجعوا بالمرشد راكب الحصان الأبيض وتغنوا له طلع البدر علينا
Desert cat said…
Anonymous

اقل واحد فى الشرطة رباط جذمته برقبتك
يلا بقى غور من هنا
Desert cat said…
Anonymous


نظام ايه اللى يرتعد ويتهاوى ؟؟
بطلوا الاوهام اللى فى عقولكو المريضة دى
اذا كانت الشرطة واخدة اوامر بضبط النفس فانت متعرفش ايه اللى يحصل بعد شوية بلا ش اوهام
Desert cat said…
SERVANT OF JC

وده اللى حصل استغلوا المظاهره امبارح لصالحهم ولما الناس حبت تمشى الساعه 9 خطبوا فيهم فى ميدان التحرير خطب حماسية تحثهم على الجهاد والناس بيتت للصبح
بس معلشى حد يقولى الناس اللى اتقبض عليهم دول موقف الاخوان منهم ايه ؟
Desert cat said…
elmasryeffendi

بعد ما كانت المطالب شعبية اتحددت فى مطالب الاخوان
وشكرا على كدا وكل اللى نزل يخبط دماغه فى الحيط والمغيبين جايين يقولوا لك النظام يرتعد النظام يتهاوى
Desert cat said…
بونيتا
ميرسى بجد على زوقك
بس انا مش عارفه بيدخلوا عندى يعملوا ايه طالما كلامى مش عاجبهم ومش ماثر فى حد بيدخلوا يحرقوا فى دمهم ليه ؟ عندى مش عارفه بصراحة
Desert cat said…
Ms Venus

ربنا يحمى مصر من السفلة والمخربين اللى فاكرين نفسهم هيجيبوا الديب من ديله
بغبائهم يا اما يحولوا مصر لعراق تانيه يا اما يترموا فى المعتقلات
بلاش قلة ادب
Desert cat said…
Ms Venus

ميرسى اوى ليك يا فينوسه
هنعمل ايه بس فى البلاوى اللى بتتحدف علينا
Desert cat said…
ليست اشاعات

كل واحد قاعد على النت يحلم ان البلد خلاص بقت سايبة والنظام مرعوب واول ما كام الف نزلوا الشارع المسؤلين بلغوا فرار يا حرام بجد صعبانين عليا المسؤلين دول مرعوبين خالص
يعنى مش اجتماعاتهم زى ماهى وبينزلوا عادى خالص
طيب ما تعملوا لهم مراقبة علشان تتأكدوا انهم مش هربوا وسابوا البلد ؟
Desert cat said…
مصر ستعود بكم الى بهائها

وعادت مصر فعلاً إلى بهائها ولا الشباب فى المعتقلات واللى بينزل الشارع يتظاهر دلوقتى بينضرب ؟
ومش بعيد يتعمل حظر تجول ؟ علشان الناس تتربى
Desert cat said…
من موقع الشروق عن انبل من فى مصر

وحضرتك يا اللى قاعد تنقل اخبار وتقص وتلزق من مقالات وعامل مدونتى مرصد اخبار قاعد تعمل ايه على النت ؟ مش نزلت ليه علشان رباط حذائك ينال شرف البطولة بتاعة الشباب اللى نزلوا نصهم مرمين فى السجون والنص التانى بيتسحل ومنهم اللى مات ؟
خبر عاجل said…
لم يكن يعلم أن إصراره على البقاء في مصر بعد تقديمه استقالته من العمل كمترجم بأحد المراكز المرموقة في السعودية، ومشاركته في التظاهرة الحاشدة التي انطلقت بميدان التحرير أمس الثلاثاء، ستفقده عينه اليسرى.


"صانعو الرصاص المطاطي حرصوا على اختراق عين المتظاهر وفمه لإسكاته نهائيًّا"، هكذا قال وائل محمد محمود، 34 عامًا، أحد الشباب المشاركين في تظاهرة ميدان التحرير، بصعوبة.
Desert cat said…
محمد حمدى

انت قاعد تحرض الناس وانت قاعد على النت ؟
عايز تنزل تكمل ايه ؟
لسه فى شارع مش اتقفل ؟
لسه فى اقتصاد مش اتخرب ؟
لسهعايزين تحدفوا طوب فى دار القضاء ومجلس الشعب ؟
عايزين تدمروا ايه فى البلد تانى ؟
Desert cat said…
خبر عاجل

والنبى الجماعة اللى بينزلوا لنا بالأخبار العاجلة دى يدعموا لنا كلامهم باللنكات
Desert cat said…
Anonymous

كلمة فزاعة دى مش غريبة عليا اصلك كررتها سبعين مرة فى المدونة وبدل ما انت قاعد فى الإمارات وخايف تنزل توسخ إيدك علشان التاريخ يسجل لك موقف مع الثوار اللى اتسحلوا فى الشوارع ودخلوا الاقسام احجز على اول طيارة وانزل مع الناس دى
ولا انت اخرك النت وكلمتين حماس وكدا قومت بدورك على اكمل وجه ؟
Desert cat said…
Anonymous

اخوان ايه دول اللى انا هترعب منهم اللى كل لما تتكلم تقول مرعوبة من الاخوان ؟
النظام المصرى اذكى من اى حد ممكن يتخيل الاخوان بغبائهم وخطفهم المظاهره لصالحهم دقوا اخر مسمار فى نعشهم الاخير وبكره تشوف بنفسك
انا مش بخوف الناس بالمليون عسكرى امن مركزى ولا بالجيش بس الامن كان عنده اوامر بضبط النفس وفى ناس ماتت فما بالك بان لو الامن اتعامل معاهم بعنف ؟ هو علشان انت بعيد عن الخطر وقاعد تحرض من برجج العاجى يبقى فى ستين داهيه ارواح الناس ؟
Desert cat said…
انحطاط الياس

كان المفروض ابريل 2008 كان يبقى درس تحديدا لعمال المحلة لكن واضح ان الناس مش بتتعلم من أخطأها نظام مبارك أذكى من ان حتى 20مليون واحد يسقطه
Anonymous said…
بصراحة كلامك فيه شى من المعقولية لكن الظغط يولد الاتنفجار والدولة تتحمل جزء كبير مما يحدث , للاسف الاستبداد لا يتعلم بل يظل يمارس غباءه بكل غطرسة
والشعوب تصمت كثيرا وكلما صمتت ارتفعت صوتها صراخا فى لحظة الانفجار
لكن ما يجعلنى اطمئن ان مصر بلد له تاريخ طويل نهض فيه رغم كل الازمات
للاسف لست مؤمنا لادعوا ولكن اتمنى لمصر كل

خير
Desert cat said…
Anonymous

لكل نظام أخطاؤه وانا من اكتر من اشد الناس كرهاً للنظام الحالى لأنى مش احسن حال من اى حد فى مصر
لكن انا ضد الهمجية وضد اتخاذ قرارات متهورة
طيب اهو الشباب نزل الشارع الغخوان استغلوهم للمطالبة باسقاط نظام الحكم علشان يحكموا بالشريعة
والنواب السابقين استغلوهم علشان حل المجلس وتتعاد الانتخابات
والسلفيين استغلوهم علشان محمد حسان يحكم .. وناس ماتت وناس فى المعتقل القيادات دى كلها فين منهم دلوقتى ؟
ماهى لازم تكون الخطوات محسوبة وفى بدائل متوفرة وفى وعى سياسى كافى وفى مطالب شعبية من اجل الشعب مش من اجل تحقيق اهداف شخصية ووقتها هتلاقى الـ80 مليون فى الشارع مش كان ألف
هل لديك حل said…
بعبقريتك السياسيه ياريت تدلينا لحل لهذه المعضله
لو كان الأخوان الملاعين عقبه فى سبيل حكم ديمقراطى أذا ستظل مصر تحت نير الأستبداد لأن الأخوان سيستمرون فى الوجود
ومارايك فى ان الحل عند البعض هو اشراكهم قى العمليه السياسيه
لا اقصاءهم
كما ان الأحزاب حتى المتطرفه فى اسرائيل لها دور فى السياسه ولا يتم اقصاءها
الا اذا كان لديك حل آخر عبقرى
شعب السةيس الذى افشل الهجوم الأسرائيلى على المدينه 73 said…
فرضت قوات الأمن في السويس حظر تجول في شوارع المدينة، دون صدور قرار رسمي بذلك.

واشتبك جنود الأمن المركزي مع المتظاهرين أمام مشرحة مستشفى السويس العام، وأطلقوا رصاصًا مطاطيًّا والعشرات من القنابل المسيلة للدموع بشكل عشوائي، ما تسبب في نشوب حرب شوارع بين المتظاهرين والشرطة، أصيب خلاله العشرات وسقوط 4 قتلى.

وقال طلعت خليل، رئيس حزب الغد بالسويس: "ما يحدث الآن تصفية جسدية لشعب السويس، في محاولة للانتقام منه بسبب مظاهرات الأمس".
العالم يتابع said…
نشعر بأسى شديد لخسارة الأرواح في المظاهرات المصرية، وعلى جميع الأطراف أن تتحلى بضبط النفس، وأن تتفادى العنف. من الضروري أن تلتفت الحكومة إلى مطالب المتظاهرين، وأن تحترم حق الشعب في حرية التعبير.
Kamba said…
هى الشريعه ديه مش كلام ربنا و لا واحد كتبها على القهوه
اميركا تغير موقفها said…
حثت الولايات المتحدة الرئيس المصري حسني مبارك يوم الأربعاء صراحة على إجراء إصلاحات سياسية في ضوء الاحتجاجات التي تطالب بإسقاطه مغيرة موفقها من
حليف عربي رئيسي تغييرا واضحا.

وبتوجيه دعوة جديدة إلى إجراء اصلاحات بعد يوم من الاشتباكات بين الشرطة والمحتجين المصريين بدا أن واشنطن تراعي عدة مصالح، من الرغبة في الاستقرار في حليف إقليمي ومساندتها للمبادئ الديمقراطية وخوفها من قيام حكومة إسلامية معادية للولايات المتحدة.
Kamba said…
بصى انا فاهمه انتى خايفه من ايه لكن لازم يكون فيه اخطاء علشان نتعلم ممكن اللى بيحصل ده يجيب الاخوان؟ ممكن و لكن الشعوب تتعلم ازاى؟ يعنى اوروبا و امريكا مثلا مروا بكل المراحل بما فيها الدوله الدينيه لحد ما و صلوا للى هم فيه دلوقتى و كله باختيار الناس و كان فيه عنف و قتل و سجن منقدرش نقول لا احنا عايزين السجن و الظلم علشان تمن الحريه غالى
رؤية جلال امين فى الأحداث المزلزله said…
اكد د. جلال أمين أن الأحداث الحالية في مصر والتي تتميز بالاضطراب والعشوائية تشبه الفترة السابقة لثورة يوليو 1952 حيث التخبط في وقتها بتغيير الحكومات وتحرك الشارع المصري واضطراب النظام
نقل موضوعى للأحداث من جريدة الأهالى المواليه للنظام said…
لم تحدث أعمال تخريب رغم الاستفزازات الأمنية ومحاولة التحرش بالمتظاهرين وكان الهتاف الأشهر عاش الشعب وعاش الجيش واحنا مش لاقيين العيش.. يا جمال قول لأبوك في السعودية بيستنوك.
راى علاء الأسوانى said…
وصف الروائى علاء الأسوانى خروج الآلاف فى مظاهرات، أمس الأول، وتجمعهم بميدان التحرير بـ«علامة فارقة فى تاريخ مصر»، مؤكدا أن ما حدث أثبت «زيف ما يروج بأن الشعب المصرى لا يقدر قيمة الديمقراطية والحرية».

وقال فى تصريحات خاصة لـ«الشروق»: «انتفاضة الثلاثاء كسرت الكثير من النظريات الأمنية والسياسية فى مصر، وأهمها الفصل بين ما هو اجتماعى وما هو سياسى»، مشيرا إلى أن المطالب التى رفعها المتظاهرون كانت تجمع بين مطالب سياسية واجتماعية، مؤكدا أن المظاهرات تمثل «بداية جديدة للتاريخ المصرى».
تعليق ابكانى said…
انا اسمى سماح قعيدة (مشلولة) و لو كنت اعرف امشى على رجلى لخرجت فى المظاهرات و طالبت بالحرية مثلكم من جميع المحافظات ارجو ان يكون يوم الجمعة يوم تحرير مصر من النظام الفاسد و يمكن لما اسمع الخبر ده اقدر امشى على رجلى تانى
Desert cat said…
هل لديك حل

اولاً لما تدخل هنا تدخل بأدبك
ولو مش عارفه تتعلم الأدب يبقى حط فى بؤك جزمة قديمة وإخرس
ثانياً الإخوان مش ملاعين
الإخوان دول ولاد ستين كلب وإبادتهم من المجتمع واجب قومى
نشرك مين فى السياسة ؟ وانتوا اصلا تعرفوا سياسة انتو كبيركو تلموا شوية فلوس من اسيادكو بتوع البترول ولما النظام يديكو بالجزمة تبلغوا على بعض وتلفوا تعيطوا فى وسائل الإعلام بأغنية مطهدين والنبى مضطهدين
Desert cat said…
شعب السةيس الذى افشل الهجوم الأسرائيلى على المدينه 73

وانت بقى مبسوط بحرب الشوارع اللى شعب السويس فيها دلوقتى ؟
لو اخوك اتقتل فى المظاهرات دى كان هيبقى ده رد فعلك
ولا انت اخرك تقعد على النت مدفى رجليك تنقل كلام من المواقع قص ولزق وده هو الجهاد الإلكترونى
ألا نامت أعين الجبناء يا مجاااااااهد
Desert cat said…
Kamba

اه شريعة الإخوان عاملينها شوية تجار مخدرات قاعدين على غرزة وفى بيوت دعارة مش على قهوة بس اصل القهوة بالنسبة لشريعة بتاعتهم تعتبر مكان محترم
Desert cat said…
Kamba

ومين اللى قال حضرتك إن انا خايفه لحد دلوقتى الأمن عنده أوامر بضبط النفس لكن يوم ما يهغلبوا هيبيدوا الشعب ده كله
مصر علمانية رغمن عن أنف الجميع وعمر ما هيمسكها الإسلاميين دى اوهام بيعيشوا نفسهم فيها
Desert cat said…
تعليق ابكانى

امسح دموعك حضرتك
اصل تقريبا فيلم رد قلبى ماثر على الناس وكل واحد قاعد ينسج حكاية من خياله الخصب
ALHBALABADY said…
اتمنى ان ينحقق الامان
وده اللى الشعب محتاجه حاليا
ربنا يستر على شعبه
محدش عارف الخير فيه
اسئله لك said…
ياست
موقفك غريب لما سقط شهيد من تلومين القاتل ام المقتول الذى خرج يعبر عن رايه؟
ثانيا اليس افضل تحيه لأبطال الشرطه زمان وليسو الذين قتلوا خالد سعيد وغيره هو التخلص من الأستعمار الوطنى؟
هل تريدين ثوره بلا ثمن وتضحيات؟
هناك فرق بين ثوره شعبيه ومباراة تنس
او
فرح بنت شيخ البلد
وللحرية الحمراء باب بكل يد مدرجة يدق
اعتقد انك تكونين فى افضل الأحوال عندما تكتبى فى الرومانسيات والقرب من الحبيب
وليس فى السياسه
صرخة الشباب الموجعه لكل متقاعس عن المطالبه بالكرامه للوطن said…
هتفت صبية في عمر… الزهور ياأهالينا انضموا لينا ؟كانت صرخة في البرية ,لكنها كهدير الموج. [^]
Kamba said…
mosh awham ya otta, maho da eli kano bey2oloh fee Iran masalan. wel islameyeen kano beyetwa3'alo fee 7agteen :1. el talaba ( we hena fee masr 3amleen keda) 2. fee el amaken el fa2eera eli ma7adesh sa2el feeha we deeh nesbetha 7awaly aktar men 60 %, el e7'wan henak, belfelos el ma3'soola we el molawatha bel petrol wala bel gaz , ahom leehom tawagod we sha3beya
Desert cat said…
اسئله لك

طيب ما انت قاعد تحرض على الانترنت وتجاهد ما تنزل الشارع يمن تنول شرف الشهادة والبلد تتحرر الى ايدك من الاحتلال الافغانى

ووقتها اوعدك اكتب فى الحب والرومانسيات
اما طول ما فى كدابين زفه
هكتب فى السياسة
يلا خلى عندك شوية دم وانزل مع المجاهدين حدف طوبتين فى مجلس الشعب
Desert cat said…
Kamba

مش انكرت انهم متوغلين فى كل مكان فى البلد ومش فى الجامعات والمناطق الفقيرة بس
دول كمان فى اكبر المناصب القيادية فى البلد
فين التوعية علشان مش نبقى زى ايران ؟؟
اللى بيحصل دلوقتى ده لو النظام وقع فعلا مش بعيد نبقى افغانستان مش بس ايران
خبر عاجل said…
حجب الفيسبوك
خبر عاجل said…
اين عز
اين امين السياسات
خبر عاجل said…
ثمن القرضاوي دور "الأحرار الذين خرجوا ليعبروا عن غايتهم ولم يدفعهم أحد ولا يمثلون حزب أو قوة سياسية لكنهم يمثلون مصر"، مضيفاً "مصر التي تنشد الحرية والكرامة ومستوى الحياة اللائق بها وأن يكون لها مقعدها تحت الشمس".
أفتى القرضاوي بتحريم إطلاق الرصاص على المتظاهرين وقال "أي شرطي يطلق النار على متظاهر لم يبدر منه ما يستحق القتل مجرم وأثم"، وطالبهم بعدم الاستجابة لقادتهم" ومن يقول إنه عبد المأمور أقول له أنت عبد لله والقتل حرام"، وفي المقابل حرم القرضاوي تحريما قاطعا الاعتداء على رجال الشرطة من قبل المتظاهرين، وقال "هم منا ونحن منهم ودمائهم محرمة، ولعلهم يشكون مما نشكو، ولو أتيحت لهم الفرصة لانضموا إلى الجمهور"، مشدداً على حرمة المساس بالممتلكات العامة والخاصة.
استنكر القرضاوي تصريحات رموز الحكومة والحزب الوطني التي "لا تعبر عن رؤية أو أدراك لم يحدث"، مضيفاً "كلامهم دليل على ضيق أفقهم فهم لا يحسون بالتغيير الذي حدث في نفوس الشباب المصري".
من بولاق ابو العلا said…
رفع أكثر من 1000 شاب وفتاة من أهالي الحي شعارات اجتماعية واقتصادية، ودعوات للحكومة بالعمل على تحسين الدخل وفرص العمل للشباب، وتحولت هتافاتهم شيئا فشيئا إلى سياسية والمطالبة بتغيير النظام.


وبدا لافتا حفاظ الجموع الغاضبة على ممتلكات المواطنين والمحال، غير أنهم حرصوا على إزالة جميع اللافتات والصور التي تشير من قريب أو بعيد إلى الحزب الوطني.


ولم تستمر الأوضاع على هذا الحال كثيرًا مع اقتراب في منتصف الليل، حين حاول مئات من جنود الأمن المركزي الدخول للشارع مدعومين بعربات مصفحة للسيطرة الأمنية على الموقف، ومحاولة تفريق المتظاهرين بالقوة، إلا أن الأمن فشل -بحسب ما رصدته الشروق– في إنهاء المظاهرة، واضطر لمغادرة المنطقة، وسط تهليل الأهالي الذين قذفوا الأمن بالحجارة.
امنعوهم من تهريب الأموال said…
الناشط ايمن نور يتقدم ببلاغ إلى النائب العام لوقف تحويلات الأموال للخارج من بعض رجال ورموز النظام
Kamba said…
طبيعة الشعب المصرى بتحب الفن و الضحك والفرفشه مش حيستحملوا حد يكفرهم و لا يقفلها فى و شهم و كمان اللى حيوزن الموضوع الجيش. المهم اى حد ييجى فى السلطه يحقق عداله اجتماعيه حقيقيه و يرجع للناس ابسط الاحتياجات :الاكل و الشرب صحى والعلاج الامن و التعليم المجدى
خبر عاجل said…
محمود سعد يرفض الظهور الليله على التيلفزيون المصرى تضامنا مع المظاهرات
والفنانون فى وقفه تضامنا مع المتظاهرين
Kontiki said…
تسلم ايدك يا حنان مصر فيها تيارات كتير جدا تقلق وهم عاوزين فوضى مطلقة !

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز