Posts

Showing posts from January, 2011

قالوا فى الشارع المصرى

يوم 25 يناير هب الجموع للمطالبةبحقوق المفروض انها مشروعة لحد الساعه 3 عصراً لكن من بعد الساعه 3 بدأ يندس بين المتظاهرين الميلشيات الإخوانية وحاولوا اقتحام مقار الأماكن المهمة فى مصر زى وزارة الداخلية ودار القضاء العالى ومجلس الشعب اللى كانوا فاكرين نفسهم فى فلسطين وراحوا حدفوهم بالحجارة .. مطالب الشباب على الفيسبوك كانت المفروض انها مظاهره سلمية لا تحديف حجارة ولا اعتداءات على افراد الأمن على الرغم من ان الأمن كان واخد اوامر بضبط النفس لكن لما توصل المهزلة لقلة الأدب يبقى وزير الداخلية يقال من منصبة لأن الأشكال دى مش ينفع معاها غير ضبط عينيهم على اتجاه واحد وهو اتجاه المحيطات اللى بيغرق فيها الشباب المهاجر لإيطاليا يمكن نخلص .. الشباب الثار نازل الشارع من أجل مستقبل أفضل وحياة آدمية والقضاء على البطالة وتغيير المادة سيئة السمعة من الدستور وده حق لكل مصرى لكن القيادات اللى نزلت الشارع كل واحد حاول يسرق المظاهره لتحقيق أهدافه الشخصيةيعنى أعضاء مجلس الشعب السابقين يطالبوا بإعادة الإنتخابات اصل يمكن ينجحوا فى الدورة اللى جاية مش قادرين يستغنوا عن الكرسى .. الإخوان نازلين فاكرين نفسهم هيرج…

اللى مش عارف يدخل الفيسبوك يا جماعه اقولك تدخل ازاى

من امبارح بيتردد اشاعات ان الفيسبوك اتقفل فى مصر انا كنت داخله طبيعى جدا من دى اس ال تى داتا وبالليل الناس كلها اكدوا ان ده كان ضغط على الموقع لأن الجميع بيتابع الأخبار من خلاله
النهاردة ومن ساعه تحديداً بالفعل إتحجب الفيسبوك
علشان تدخل عليه

ده براوزر بيفتح اى موقع مع المحافظة على سرية بياناتك

http://hotspotshield.com/

يوم 25يناير

انتوا عارفين المظاهرات والمسيرات اساساً هدفها الأول ايه ؟ هدفها تغيير النظام والقانون المتبع قسراواحتكارا وديكتاتورية في اي بلد عارفين ده فعلاً ولا هدفكو هو تسليم أمن مصر القومى للسفهاء ذاكرتوا التاريخ كويس ولا كعادة الإخوان إستقطاب المسجلين والجهلة لأنهم سهل قيادتهم دون سؤال او معرفة طيب سيبكو من الناس اللى قاعدة تحرضكوا على خراب البلد فى نفس الوقت اللى هيبقوا قاعدين فى مكاتبهم المكيفة وبيتابعوا من خلال الإنترنت وتعالوا القوا نظرة على اللى بيحكموا بالدين وشوفوا إيران وحكمها العادل جدا اوى خالص وشوفوا حماس اللى سايبة المحتل وبتقتل فى ظباطنا على الحدود وبتضحك على العيال الصغيرة اللى فى مصر باسم الجهاد وتخليهم يخربوا البلد عايزين تشيلو حسنى مبارك هأووو هفترض فعلاً إنكم طلعتوا جهابذة ورجالة اوى وفى الشدة شداد فين البديل ؟ الإخوان اللى مش تهمهم مصر وعندهم إستعداد يحكم ماليزى بس مش يحكمها مسيحى مصرى ؟ الإخوان اصحاب نظرية طز الشهيرة فى مصر وأبو مصر ؟ الإخوان اللى قاعدين يحلفوا ويتحالفوا إنهم لو مسكو الحكم المعارض هياخد بالجذمة ؟ وبصراحة عندهم ألف ألف حق عارفين ليه ؟ اصل الل…

القطة فى السى ان ان

Image
بداية أنا كنت داخله أكتب عن الأستاذ جمال عيد مدير الشبكة العربية لحقوق الإنسان اللى شاف برنامج حرب النجوم امبارح على قناة الفراعين أكيد شاف الأستاذ جمال عيد ومدى وعيه الثقافى والفكرى واللى بتمنى يبقى 10 %بس من الشعب المصرى فى مستوى عقله وأسلوبه العقلانى ورد الحجة بالحجة والدليل بالدليل البرنامج كان بيتكلم يا حضرات عن وقف تنفيذ عقوبة الإعدام وبدلاً منها السجن مدى الحياة طبعا كل المداخلات مش هقولكوا بقى انتوا عارفين اللى بيحصل فى مصر والعقول اللى اترمت فى المراحيض وطبعا المستغرب انى الاقى قاضى إسمه رأفت ومش هكمل اسمه اصل أهلى عايزنى بيتكلم بطريقة اللى متربيين فى الشوارع يعفو عن الكلام بيها ويزعق ومش مدى لا المذيعة ولا أستاذ جمال ولا نزار غراب فاكرينه ؟ ده المحامى اللى كل لما واحدة كانت بتلبس إسترفش طول السنة وفى الامتحنات تلبس النوقااب يقوم تتمنع من دخول اللجنة تروح له يرفع لها قضية على هانى هلال ؟ ده بقى كان المفروض انه الرأى الآخر المخالف لأستاذ جمال بس بصراحة والحق يقال الراجل طول الوقت كان قاعد ساكت خالص ومش فتح بؤه بكلمه مش عارفه كان جاى يعمل ايه .. بعد شوية اتصل واحد إسمه خالد…

حقيقة النقاب

مش مهم نشتغل مش مهم ننتج المهم الركن السادس من أركان الإسلام ألا وهو النقاب
المرأة المنقبة تبقى شريفة وعفيفة حتى لو هى صديقة الطلبة مش مهم ماهى مغطية وشها تبقى شريفة غصب عن بوزك منك له وهتدخل الجنة
الراجل عمل اللحية ولبس الجلابية المينى مش مهم بقى يشتغل .. ماهو بيبع السواك علشان ياخد فلوس وياخد ثواب لكن يشتغل فى المصانع ويطور لالالا حرام يا كافر يا فاسق منه له العمل الشريف الحقيقى هو بيع السواك او يقعد على اى محطة قطر يقرأ قرآن بصوت عالى واللى رايح واللى جاى يديله اللى فيه النصيب ماهو ده برضه شغل .. والموضة بقى لما كنت فى إسماعيلية إمبارح البلد دى انا بحبها جدا بس شكلى هبتدى أغير رأى وألاقى شوية عيال رايحين جايين ورانا والنبى تشترى المصحف ده .. انا واشترى مصحف يلا ياض من هنا بدل ما اديك باللى فى رجلى .. دخلنا كافية شيك أنيق واثناء واحنا قاعدين الاخت المنقبة رفعت النوقاب واديها شيشة تفاااااح احسن من اجدعها معلم فى سوق الخضار .. يا خى احه فين بتوع الشريفات العفيفات اصلهم متأسيين بأمهات المؤمنين ألا هما امهات المؤمنين كانوا بيشربوا شيشة تفاح ؟



الراجل ده بيقول كلام كله صح اسمعوه ومش…

حتى لو الشعب كله ولع فى نفسه

فى البداية قالوا عاطل عن العمل وراح عند مجلس الشعب علشان يطلب شغل وبعدين قالوا صاحب مطعم فى القنطرة غرب وولع فى نفسه علشان عايزهم يزودوا لهم 20رغيف من العيش المدعم للمطعم بتاعه والسبب التانى هو الصح
لكن اللى انا عايزة أفهمه ان اى حد يعمل مصيبة تطلع مراته تقول عليه مختل عقلياً
يعنى الشرطى اللى أطلق النار على أسرة مسيحية فى قطر سمالوط زوجته واهله طلعوا قالوا عليه مختل وبيتعالج
ونفس الحوار مع عبده عبدالمنعم اللى حاول يولع فى نفسه قدام مجلس الشعب النهارده
الغريب والمثير بقى ان زوجته واخوه بيقولوا انه دخل مستشفى العباسية فى 79وكان يعانى من اكتئاب وقعد فيها شهر وخرج قوم ايه بقى بقدرة قادر تروح الشهادة بتاعة الشهر ده تطلع فى سنة 1998هو لما كل واحدة هتطلع مراته تقول على جوزها مختل عقلياً كنتوا بتتجوزوهم اساساً ليه ؟ ولا علشان تخلفوا معاتيه والبلد توصل بالمتخلفين اللى فيها للحال اللى وصلت ليه دلوقتى ده ؟
والأخ اللى راح يحرق نفسه فاكرها تونس ؟ ده لو الشعب كله ولع فى نفسه ولا حد هيتحرك
ولو راح جاب كل عيلته ولعوا فى نفسهم كل واحد هيقولك وانا مالى اصل ده شعب مات فى وطن مات من 52انقلاب البكباشى ن…

ابعدو عن النقاب وفروج النساء تبقوا زى تونس

Image
عملوها التوانسة عملوها الوحوش .. إذا الشعب أراد يوماً الحياة فلابد أن يستجيب القدر
الحرية فى الاتحاد - مش تسمعوا للمرتزقة اللى بيفرقوا الناس عن بعضها بحجة الاختلاط
الحرية فى الشجاعة - عمرك ما كنتى عورة ولا ناقصة عقل ولا دين انتى مكانك فى المجتمع مش فى البيت لتربية عيال سافلة وقليلة الادب واخر الليل مجرد فرج لإفراغ شهوات الحلوف اللى مالوش شغلانة غير الاكل والنوم ولما حد يذكر قدامه اسم رائدة فى اى مجال يقوم زى الكلب السعران ويقول الشيخ أبو حزمبل قال المرأة مكانها الحقيقى هو البيت اصله خايف لتزاحميه فى فشله وقلة حيلته
الحرية فى الكرامة - مش فى شعب كل واحد ماشى حاطط راسه فى الأرض ويقول انا عايز أربى العيال لغاية مبقاش لاقى ياكل لا هو ولا العيال ورغم كدا برضه لسه حاطط راسه فى الارض وعنده اصرار غريب على الخنوع والذل رغيف العيش اللى بيجى بسوسو والرز ابو دود والعدس ابو فوفو مش فيهم لا حرية ولا كرامة
اذا الشعب اراد يوماً الحياة فلابد أن يستجيب القدر والقدر أستجاب لتونس والآن أعزائى أنتهى ( الدرس الأول ) فهل من متعظ ؟

هى دى الحرية ودول فعلاً الشريفات اللى عنده كرامة وعزة



واظن الفرق واضح بين ال…

حاسة إنى عايزة أطير

Image
أصل المطر ده كان بداية للحب ومن خلال المطر ده رويت أجمل شجرة علشان كدا بفرح أوى بيه لأنه كل لما بينزل أكيد بيرويها .. منه رسمت أجمل حلم وعشت أرق وأقسى وأجمل واصعب مشهد حتى لبعد ما أموت مستحيل أنساه .. كان بينا طاولة شهدت على كلمتين وفنجان قهوة ومج نسكافيه بلاك سمعوا أحلى قرار .. من النهاردة قررت أكون معك بعشق الشتاء بغموضه بحسه رومانسى أوى ورغم هدوء لياليه إلا إن ضجيج قلبى دايماً عامل قلق ومش بيهدى إلا إذا سمع صوت المطر أحب أوى أستمتع بيه وقت الفجر واتفرج عليه وهو ينساب على نافذتى بكل رقة وهدوء مش عارفه ليه بيكون نفسى أحضنه لأنى دايماً بحس بهمسه ليا " تفائلى " لسه الحياة مستمرة ولسه الأمل موجود
الجو النهاردة هيجننى مش لاقيه كلمة توصف سعادتى لسه بتأمل قطرات المطر ولسه براقب جماله بس خدنى لشعور غريب أوى بالحنين لطفولتى ولسنين عدت من عمرى شريط من الذكريات لونه وردى وكأنى بتفرج على فيلم الأحلام خلاص زهقت من ظلم البشرنفسى أجرى نفسى أصرخ بأعلى صوتى من غير ما حد يسألنى أنتى بتعملى كدا ليه حاسة أنه يحتوينى بستمتع أوى بريحته

الدخول بالنقاب والبانتى الأحمر

Image
نقابى رمز عفتى
انا جوهرة مصونة بنقابى
وغيرها من الشعارات اللى قرفونا بيها

الجانى مختل عقلياً .. براءة

Image
هى علامات الإضطرابالنفسى مش بتظهر ؟ ولا الخلل العقلى بقى بيظهر فجأة و المحيطين بالشخص مش بيعرفوا غير لمايقتل ويصيب أشخاص لا يعرفهم ولا ليه معاهم سابق عداء أو خصومة ؟
هو معهد أمناءالشرطة بقى دلوقتى بيذبل ؟ مختلين عقلياً على بلطجية على مسجلين خطر يبقىالعيب الحقيقى مش عليهم على اللى بيقبلهم وبيسلمهم سلاح علشان يعتدوا بيه علىالأرواح
ثم إشمعنا الخلل النفسى مش طلع غير على الأسرة القبطية تحديداً مع ترديد الله أكبر ؟
أى عقيدة فاسدة دى اللى فهمته إن ده جهاد وإن قتله للأبرياء هو الطريق الوحيد للوصول لأنهار الخمر والنساء ؟
منفضلكو مش عايزة حد يجيب لى سيرة إنسانية ولا ليبرالية تانى مع الأشكال دىلأنهم لا يستحقوا إلامعاملتهم بنفس الطريقة وشربهم من نفس المشروب اللىبيسقوه لناس أبرياء ولو فضلنا نقول إنسانية ومهلبية يبقى محدش يتكلم لماالدور يجى عليه لأنه هيجى عليهم وقت ويصعب السيطرة عليهم ويبقوا زى الوباءاللى بيتنقل دون معاد أو سابق إنذار
محتاجه حد يفهمنى أى رب يتبعوه وأى إله يعبدوه
مين اللى قالهم ان التقرب لله اللى هيدخلهم الجنة بالقتل وسفك الدماء والغدر والسرقة وهتك الأعراض ؟
مين الإله اللى إدالهم توكيل بم…

السيد بلال وايه يعنى كلب وراح

Image
مستغربة اوى من النواح اللى عاملينه السلفيين والاخوانجية ومدعين الانسانية على السيد بلال
انا لا القى اللوم عليه ولا على اى سلفى فى اى مصيبة تحصل فى البلد دائما لومى يكون على امن الدولة لأنها من البداية مش شايفة شغلها وسمحت للأشكال دى تنتشر فى البلد وعليه يتم إرتكاب الجرائم بمسمع ومرأى من الجميع والحجة الدين والإنسانية كانت فين بقى الإنسانية والسيد بلال ده وشوية الجرابيع اللى كانوا معاه كل يوم والتانى مقفلين الطرق وعاملين مظاهرات من أجل إنتهاك الحياة الشخصية لكاميليا شحاته .. هى كامليا دى مش بنى أدمه برضه والمفروض أن ليها حقوق إنسانية ؟ هقول ان مالوش يد ولا له اى علاقة بحادث الاسكندرية مع ان مجرد المعاكسات والتحرشات اللى بيتعرض لها نساء مصر هما اساسها تلاقى الشيخ السلفى قاعد يستمنى على قنوات التطرف اللى بيقولوا عليها أعادت الدين من جديد للناس ويتكلم عن المرأة العورة وإزاى المنقبة مصانة دى حافظة فرجها لزوجها ويتمادى فى وصف الفرج والصدر والوجه والعينين ينزل العيل هايج على نفسه من المواصفات اللى سمعها لا يسيب منقبة ولا محجبة ولا حتى واحدة هدومها مقطعة غير لما يقل ادبه عليها المحجبة لابسه …

وقفة صامتة تحت المطر واااااو

Image
ورجعنا بالسلامة ونبتدى من الأول خالص وهو ليلة القداس روحنا الكنيسة الساعه8.30فى البداية لاقينا أمن كتيييير وجينا ندخل راح واحد فيهم قال دول لاء قام راعى الكنيسة دخل نادى البابا وجه قابلنا بوجه بشوش جداً ورحب بينا وقدمنا له ورد أحمر وورد روووز وقعد يشكرنا كتير دخلنا جوا لاقينا الدنيا زحمة جدا ولسه فى ناس بتيجى فقولنا احنا جايين نهنى ونبارك يبقى مش ناخد مكان غيرنا وقولنا نمشى بقى وإحنا خارجين البابا لمحنا جه قالنا انا سعيد أو باللفتة الإنسانية دى ومش عارف اشكركو إزاى قولنا له لا شكر على واجب يا أبونا راح قال ياريت لو تشرفونا الصبح الساعه10علشان المحافظ يشوفنا مع بعض ويشوف اواصر الحب والمودة اللى بينا .. فى سرى بقى ونجيب ورد تانى ؟ وخرجنا من الكنيسة وإحنا خارجين نلاقى فى وشنا أعضاء مجلس الشعب متجمعين وسلموا علينا ومبسوطين أوى بينا وعايزنا ندخل تانى معاهم بس كان جاى ناس كتير جدا وراهم والناس دى كلها فضلت واقفة بره لأن الكنيسة فعلاً مش كبيرة وقفنا سلمنا على الناس اللى نعرفها منهم وبعدين جه ضابط حليوة كدا بيقولنا عايزين تدخلوا ؟ قولت له إحنا ماشيين بس هنيجى الصبح هتبقى تدخلنا ؟ قالى طبعا ..…

الناس اللى نازلة الوقفة الصامتة

Image
انا تقريبا هكتب البوست ده وأجرى بس كان لازم اقولكوا الكلمتين اللى اتقالوا لى دلوقتى حالا بس معلشى أنا أسفه مش هقدر أكتب المصدر اللى قالهم لى
اولاً لو أى حد حاول يستفذك أو عى تخرج عن هدوئك خليك فاكر إن الوقفة صامتة يعنى لا شعارات ولا هتافات خلينا كلنا نحترم الكتاب المقدس اللى هيكون فى إيدينا سواء إنجيل أو قرآن
خلينا كلنا نحترم أرواح الشهداء اللى ماتوا وهما بيصلوا وبيتعبدوا لربنا لو حد حاول يستفذك وخلاص هتخرج عن شعورك لأن الطبيعى هيكون فى عناصر زبالة مدسوسة فى وسطنا ومحدش عقله الوسخ يصور له إن العناصر دى شرطة لاء الشرطة دى موجودة علشان تحميك بليز بلاش أى إحتكاك بيهم
العناصر دى هتكون نفسها الناس اللى بتاخد اخبار وتروح تفجر نفسها علشان الـ72 فيرجن اللى فى الجنة يقابلوهم بالأحضان
يبقى يا حبيبى منك له كدا فى حالة خلاص الحمار اللى جنبك هيخرجك عن شعورك تروح واخد بعضك ورايح على أقرب ضابط شرطة قدامك وتقوله فى حمار مواصفاته كذا و شتم او قل ادبه او اى كان بقى اللى عمله فيك وده مش معناه اننا لو فى واحد متغاظ من التانى يروح يبلغ عنه ويقول الواد اللى هناك ده شتمنى لالالالالا إحنا بنقول الناس اللى هتتس…

حد شاف المنظر ده قبل كدا ؟

Image
قام المعمل الجنائي بمعالجة وترميم أشلاء الجثة المجهولة من ضحايا تفجيرات كنيسة القديسيننتائج البحث ﻓﻲ Googleحملة حمدين صباحي تدعو إلى وقفة احتجاجا على تفجيرات كنيسة الاسكندريةتفجيرات كنيسة القديسين بالاسكندرية - مصراوي. اطبع; أضف تعليق; ارسل. 1/1/2011 12: 24:00 PM. كتب - أحمد الشمسي: دعت حملة دعم حمدين صباحي لوقفة احتجاجية بدوران ... ارتفاع ضحايا حادث كنيسة القديسين إلى 23 قتيلا4 كانون الثاني (يناير) 2011 ... كلمة الشيخ محمد حسان في تفجيرات الإسكندرية · بيان الشيخ محمد حسان حول تفجيراتكنيسه القديسين · تصريحات البابا شنودة الثالث ... مبارة للنادي الأوليمبي مع أحد أندية القمة لصالح ضحايا كنيسة القديسين4 كانون الثاني (يناير) 2011 ... بيان الشيخ محمد حسان حول تفجيرات كنيسه القديسين · كلمة الشيخ محمد حسان في تفجيرات الإسكندرية · مشيعو جنازة الإسكندرية يرفضون شكر وتعزية ... سويسرا تدين حادث الاعتداء على كنيسة القديسين بالأسكندرية4 كانون الثاني (يناير) 2011 ... فيديو يظهر تعذيب ضابط ليبى لمصريين وتجريدهم من ملابسهم · بيان الشيخ محمد حسان حول تفجيرات كنيسه القديسين · مشاددة عنيفه مع الأمن …

موعدنا6يناير

Image
تحديــــــــــــــث
أولاً أنا سعيدة جدا جدا بالتفاعل اللى حصل فى البوست ده من ناس لا أعرفهم ولا يعرفونى الناس اللى سابت لى أرقام تليفونها أو اللى سابوا لى إيملاتهم وعايزين ينسقوا معايا هنتقابل إزاى المكان مكتوب يا جماعة فى البوست يعنى الوقفة هتبتدى من قدام محافظة الزقازيق لحد الجامعة يوم الجمعة الساعه4 .. أما الناس اللى مش من الزقازيق وعايزة تيجى ومش عارفين المحافظة فين ولا الجامعة اللى جاى من القاهرة هينزل المحطة يعنى بينه وبين المحافظة أقل من خمس دقايق مشى أما الناس اللى جاية من محافظات تانية فأنت ممكن تاخد تاكسى من أى مكان تنزل فيه يوصلك للمحافظة ولو إنى أشك فى سهولة المواصلات فى اليوم ده .. لأى إستفسار للأسف مش هينفع أكتب رقم تليفونى لكن هكتب إيملى واللى يحتاج يسأل على أى حاجه يبعت لى رساله .. الناس القريبة منى عارفين هيتواصلوا معايا إزاى
بجد مش عارفه أعبر لكو إزاى عن سعادتى بيكو وسعادتى الأكتر لما عرفت حملة الدروع البشرية اللى عاملينها طلاب جامعة الزقازيق بالتنسيق مع الأمن بمعنى إن الطلبة هيوزعوا نفسهم على كنائس المحافظة لحماية المصلين المسيحيين فى الكنائس طيب أقول أيه أكتر من …

اقوى عروض العيد فى مصر ستان

Image
آخر أمنية كنت بمتناها فى 2010 إن مش يكون فى نجع حمادى ولا عمرانية جديدة ومعرفش ليه كتبتهم غصب عنى مش علشان انا متشائمة لا سمح الله ولا فى حاجه فى البلد دى تدعو لأى بهجه او تفاؤل معاذا الله لكن لأن السادة القائمين على امن الوطن للأسف بقى معندهمش اهتمام بالوطن ومش عايزة اقول مش يهمهم الوطن . كلمة إرهاب دى أول مرة أسمعها تقريبا كنت فى تانية إعدادى وكان كل تركيزهم على السياح ويقولوا لك اصل دول كفرة وكان الجميع يشجب ويندد ويستنكر واسمع الهتافات كأننا طالعين غزوة بدر وخيبر خيبر يا يهود جيش محمد سوف يعود .. وأنا أقول هو فين جيش محمد ده وهيرجع منين قوم قريحتى الفذة تقترح عليا إن جيش محمد ده هو جيش الرئيس محمد حسنى مبارك أه وربنا ده اللى فضلت فاهماه ! الكلام ده كان فى 92 ايام خط الصعيد والارهابيين اللى كانوا بيستخبوا فى القصب وبعدها بشوية طلع لنا ارهابيين شرم الشيخ اللى فجروا خليج نعمه وبعدها بشويتين إستلموا أتوبيسات السياح والاماكن الآثرية زى القلعة والحسين خلصنا على السياح وعلى مصدر دخل هام فى مصر نشوفبقى الجماعة المسيحيين ماهو كل لما حد يتكلم يقولك ماهم اغنيا دول كلهم عندهم محلات دهب وصيدلي…