Desert Cat Search
قطه الصحراء: 2011

Sunday, December 18, 2011

وانتى رايحة تحرقى بلدك البسى عباية على اللحم

ايوه طبعا لما تروحى ترمى مولتوف يا اخت وتحدفى خير اجناد الارض بالحجارة مش تنسى تلبسى عباية بزراير على اللحم علشان يبقى سهل تتعرى فى الشاره وتعملى دعاية هايلة لنوع البراه اللى انتى لابساه ... لما كل الجرابيع اللى عند مجلس الوزراء ناس عايشة فى الشوارع وتحت الكبارى واللى ابوها طردها من البيت وده باعترافهم طبعا وبيروحوا يحدفوا الجيش بالحجارة ويحرقوا المبانى الحيوية اللى فى البلد بالمولوتوف فى مقابل 100جنيه يبقى قتلهم فى ميدان عام خير عقاب مش بس سحلهم .. مين اللى عرى الاخت اللى لابسه عباية على اللحم ؟ اسألوا اللى شايل درع مكتوب عليه بالعبرى ولابس شوز عادى وليس بيادة .. بالمناسبة اللى غطاها ظابط مصرى محترم .. لما شوية جرابيع جهله يولعوا فى التراث المصرى لأنهم لا يعرفوا قيمته يبقى حرقهم فى نفس مكان المجمع العلمى هو خير عقاب ليهم
ودى شهادات الجرابيع المأجورين لحرق مصر وقلة ادبهم على اسيادهم






وعلشان كدا هيفضل الجيش المصرى عظيم رغم أنف الحاقدين

Friday, December 16, 2011

عندما تخوض أقذر تجربة انتخابية



لالالالا محدش يفهم غلط انا مكنتش مرشحة للانتخابات البرلمانية ولا اى حاجه لكن لما يبقى فى عيلتك مرشح خصوصا لو كان شخص قريب من نفس سنك لو شخص انت عارف انه طموح وانه فعلا فى برنامجه الانتخابى الفائدة للجميع بتتمنى ان هو اللى يمثلك نظرا لعقله وطموحه وقوة شخصيته بخلاف انه صوت للشباب اللى اتمنينا نشوفهم طول عمرنا ويمثلونا ويتكلموا باسمنا فكان لازم اشارك بدورى حتى لو بوجودى خارج اللجان الانتخابية ، لكن اللى حصل من اول يوم بل من اول ساعه فى الانتخابات البرلمانية كان ينبئ دى ليست انتخابات وانما مسرحية هزلية حيث توجد لجنتى الانتخابيه لاقيت عائلة كاملة لمرشح اسمه نبيل العطار بالدائرة الرابعة لجنة مدرسة الشهيد فاروق نجم منتشرين من اول الشارع اللى فيه المدرسة حتى اخر الشارع وبيجروا وراك فى كل الاتجاهات علم على رمز السهم حيث الرمز الانتخابى للمرشح مش مهم ان الاشكال دى بره اللجنة لكن اللى حصل جوا اللجنة كان حاجه تانية خالص المندوبين داخل اللجنة ماسكين الورقة وصوباعهم على رمز السهم وتلاقى واحد بيقولك على فكرة انت ممكن تعلم على الرمز ده وجنبهم الاخت المندوبة عن لجنة حزب النور فى ايديها ورق الاحزاب وماسكة الورقة تقولك صوتك امانة للاسلام علم على حزب النور ، سالتهم فين يا جماعه القاضى اللى هنا شاوروا لى على شاب فى العشرينات قاعد فى جنب وفاتح الفيسبوك على اللاب توب وقاعد يشرب شاى بلبن ولا فى دماغه الهوا روحت اقوله اللى حصل من السادة المندوبين

ابتسم بهدوء وقالى طبعا دى مخالفة كبيرة ميرسى انك بلغتينى ... طبعا مشيت من قدامه متغاظة ورحت اتصلت باللجنة العليا للانتخابات واتصلت بمركز المخالفات الانتخابية والاتنين كانوا مهتمين جدا بسماع شكوتى وكل واحد وعدنى انه هيعمل اللازم لكن واضح ان عمل اللازم ده بينتهى بعد ما تقفل معاهم السكة ... توجهت للجنة مدرسة الثانوية بنات الدائرة الرابعة ايضاً .. وكان المنظر الغير متوقع تماماً كميات النقاب والخمار اللى بتدعو لحزب النور والحرية والعدالة فوق الوصف .. لكن يفوقهم فى عدد المجندين لمرشح فئات اسمه حسن ابو الناس وكلهم ستات واتنين ملبسهم نقاب واقفين يدعو له فى وسط الاخوات بتوع حزب النور .. عايزة واحد ابن كلب يقولى ان الرشاوى الانتخابية انتهت ؟ انا بعينى شوفت انصار حسن ابو الناس بيدفعوا لكل منتخب 50جنيه والمرشح نفسه داخل خارج داخل اللجنة وبيتنطط وكأنه ضمن المجلس فى جيبيه الشيمين وبالصدفة البحتة سمعنى بتكلم مع واحدة بقولها ليه مش ننتخب الشباب المفروض هما اللى فى ايديهم نهضة مصر لو مش فى دماغك مرشح معين ممكن تنتخبى رمز النسر راح لافف بسرعه البرق وراجع لى انتى ازاى واقفه توجهى الناس لمرشح معين قولت له حقى زى ما انت مجند كتيبة ستات والسادة الاخوان وحزب النور نازلين برجالتهم وستاتهم وولادهم انا كمان من حقى اتكلم فى اللى يخصنى كان رد السيد المرشح المحترم هو سب الدين ويحلفنى بامى وحياة امك لاوريكى مش بصيت ليه خالص لكن وجهت كلامى للناس اللى كانت واقفه وقولت لهم هو ده المرشح اللى هيمثلكو فى مجلس الشعب ؟ دى اخلاق مرشح محترم .. كان واقف شخص رد قاله لما موقف زى ده مش عارف تتصرف فيه وانت اللى مفتعله امال لما تدخل المجلس ويحصل مشكلة كبيرة هتعمل ايه فكان رده انه وقف لى اتنين شباب وقالهم خليكم وراها وان اتكلمت عن رمز النسر اعملوا اللازم معرفش ايه هو اللازم لانى رحت لظابط الجيش وبالطبع اتباعه ورايا وقولت له الشباب دول بيقلوا ادبهم وماشيين ورايا من الصبح وانا جايه انتخب ومش عارفه بسببهم .. تم احتجازهم ولاقيت غيرهم ظهروا بسرعه البرق .. فى نفس الوقت اللى انصار الحرية والعدالة رجالة وستات واطفال شايفين شغلهم بكل ذمة وضمير فسالت واحدة منهم انتوا عددكو كتير كدا ليه ؟ هو كل دول قرايبهم مرشحين ؟ قالت لى ولا واحد ليه مرشح بس جميع الاخوة والاخوات فى الجماعة عائلة واحدة واى مرشح من الجماعة فهو اخ لينا ولازم ندعى له .. قولت له ما تدعى لنا معاكى قالت مينفعش لو انتى دعيتى لنا عادى لاننا لا نتعارض معاكى فمرشحكو فئات فردى ولم يتبع اى حزب اما احنا لينا مرشحين فئات ولو دعيت لمرشحكو ابقى خائنة للجماعة التى انتمى لها ونعم الانتماء يا اوختشى ... خلصت الانتخابات الساعه9مساءاً وانتقلت الصناديق لمكان الفرز .. فكان من الجماعة اتباع حزب النور السلفى والحرية والعدالة الا انهم تقريبا نقلوا محل اقامتهم امام لجنة الفرز واخدوا بطاطينهم واكلهم وشربوهم وراحوا ناموا فى الشارع لكن المفاجأة الكبرى اللى حصلت جوا اللجنة هى خروج جميع المرشحين الغير تابعين لا لحزب الحرية والعدالة او حزب النور بما فيهم اللى وقف وسب لى الدين وهما مش مصدقين نفسهم ازاى كل الصناديق جوا حرية وعدالة ؟ ومين اللى له مصلحة فى تبديل الصناديق ؟ ومنين جت البطاقات الانتخابية المقطعة والبطاقات الفاضية اللى كانت فى ايديهم ولما صوروا الورق اللى يدل على المهزلة اتجمعوا حواليهم واخدوا موبايلاتهم وحذفوا من عليها الورق المقطع والورق الفاضى وقالوا لهم لو رجالة اثبتوا انكو شوفتوا حاجه !! علشان ايه شريط اخبارى على التلفزيون تزوير فى اللجان الانتخابية لصالح حزب الحرية والعدالة ؟ وعلشان ايه لما يبقى مرشح ضامن على الاقل عدد اصوات نص دايرته مش يلاقى ولا ورقة ليه فى الصناديق الانتخابية ؟ بعد المهازل اللى حصلت واللى لسه بتحصل نار الحزب الوطنى ولا جنة الاخوان والف مبروك ياشعب على العرص الديموقراطى المحلى بالخازوق الاخوانى

Saturday, December 10, 2011

تحالف الشياطين

تحالف الشياطين للقضاء على مستقبل وامن وامان وطن اسمه مصر
تحالف احقر واقذر كائنات على الارض وائل ابو دمعة اللى انضم لجماعة الاخوان المسلمين فترة من الزمان للوصول لاهداف وصل لها بالفعل
تحالف البرادعى وعمر عفيفى والاخوان ووائل ابو دمعه ونشوف الفديو ده علشان نعرف مين هما اعداء الوطن الحقيقيين وهل بعد كل ده ممكن يؤتمن البرادعى على حكم حظيرة من المواشى وليس بلد بحجم مصر

Monday, November 21, 2011

لماذا يريدون مهاجمة واقتحام وزارة الداخلية


لماذا يريدون مهاجمة واقتحام وزارة الداخلية
الجميع يتحدثون فى الاعلام ان رد فعل الشرطة العنيف على حد قولهم ولم يطلبوا من المتظاهريين العودة الى الميدان والبعد عن الوزارة فالميدان لا يوجد فية شرطى واحد


وزى ما فى مصابين وقتلى من المدنين فى ايضا مصابين وقتلى من رجال الامن

مدير مستشفي احمد ماهر : مجندين من الأمن المركزي مصابين بطلق ناري وخرطوش ضربوا نفسهم مثلا ؟

Saturday, November 19, 2011

يا من تسبوا علياء انتم من اجبرتوها

لا اجرم ما فعليته علياء فهى حريتها الشخصية التى لم تخرج خارج حدود مدونتها الشخصية فلم تسير علياء عارية فى الشارع لتجبرك على النظر اليها بل انت الذى دخلت اليها بمحضر اراداتك رغم التحذير الذى تحمله مدونتها حين الضغط عليها ورغم التحذير قررت على التحذير والدخول لمدونة علياء لتلقى نظرة على جسدها العارى وتتمعن فيه وبعد ذلك تسبها باقذر الالفاظ وتتغاضى النظر عن الشاب الذى يحمل الجيتار فى نفس البلوج بل وفى المواجهة مع صورة علياء .. هل لانه المجتمع الذكورى الذى تربيت وتحيا فيه انت ايها السباب اللعان وعلموك ان البنت عورة وصوتها عورة ووجهها عورة لدرجة ان مرشحة سلفية مقتنعة بانها عورة حلمها هو ان تجبر جميع النساء على لبس الاسود ؟ هل من المنطق والمعقول ان تدخل عضوة مجلس الشعب من اجل اخفاء بنات جنسها لا من اجل سن القوانين لجعل بلدها ووطنها فى تقدم وازدهار واحترام ؟
لا ابرر فعل علياء .. ولكن لا ادينها فأنت يا من تدخل ترى صور علياء وتقوم بسبها ترى العرى كل يوم وكل لحظة بل تبحث عنه بمحض ارادتك بل وتتباهى بما يحمله تليفونك المحمول وجهاز الكمبيوتر الذى تحمله بمقاطع من الافلام البرونو وتتباهى بانك عاكست وتحرشت وانك حادثت عدد لا بأس به من الفتيات بل ونشات بينكم علاقات حميمية بل تقومون غالبا بتصويرهن وهن فى احضانكم وتقومون بعرضهم وبمحض ارادتكم ليشاهدهم الجميع . .. ولكنك ترفض ان تعلن انثى عن نفسها من تصرفاتكم التى تعف عنها الحيوانات ؟ تنكرون بل وتسبون من قالت لكم اتركونى وشأنى فانى لا اعتبر جسدى عورة وافخر به ؟ اتروكها واذهبوا الى من جعلتوها شيئ وصورتوها على انها مجرد قطعة من الحلوى وصوروك على انك مجرد ذبابة .. اتركوها واذهبوا الى نزواتكم ومارسوا سفالتكم فى الطرقات وتحرشوا بهذه وتلفظوا بالفاظ بذيئة فى وصف جسد كل من تاتى فى مواجهتك ولكن ان صرخت وان احتجت فانها سافلة وقليلة الادب وتجد الادانة من مجتمع يعانى من التخلف والجهل والهمجية فما بالنا بمن تعرت انها لابد وان تقتل فالولد فقط من حقه يسب من حقه يتحرش من حقه يغتصب من حقه يتعرى وبمباركة من مجتمع ذكورى متعفن اما اذا كانت انثى فاقيمو الحدود وسنوا اقلامكم واكتبوا ترهاتكم واذا كانت برامجكم افلست وانفض عنها الجمهور فهنيئا بهذه المادة الخصبة انها فتاة تعرت فى حين عندما يكتشف عالم دواء يفيد به البشرية فلا احد يسمع عنه وكان الجميع صم بكم عمى فهم لا يفقهون

Tuesday, November 15, 2011

النهاردة عايز ستارة بكرة يقولك رضعينى

كل يوم يثبت لنا الإخوان والسلفيين انهم مجرد حيوانات لا يعرفوا من الحياة غير الجنس والمرأة العورة .. حلقة مختلفة مع هالة سرحان والشيخ عاصم عبدالماجد اللى خايف من الفتنة والمفروض انه رجل سياسة يعنى المفروض انه يحتك بجميع اطياف المجتمع لكن إزاى يقدر يتحمل انه شوف اى تاء تأنيث من غير ما يفكر فى الجنس اشخاص جعلوا عقولهم بين رجليهم لا يعرفوا عن المرأة سوى انها خلقت لإفراغ شهواتهم النتنة وياريت زى ما بيطلبوا حجاب بينهم وبين النساء يعصموا نفسهم ويبعدوا من مصر خالص علشان نستريح من تخلفهم وغبائهم وهوسهم الجنسى




أما عبدالمنعم الشحات فهو نموذج أخر لمرضى الفيتيشية ومرض الفيتيشية هو الاثارة من اشياء لا تثير فقد جلس مهدداً المذيعة ايمان الاشراف مذيعة القناة الخامسة بان ان لم ترتدى الحجاب اليوم بارادتها فسوف ترتديه غدا غصباً عنها .. طيب لما هما لسه مش حكموا مصر وبيعملوا فى الشعب كدا امال لو حكموها هيعملوا ايه ؟ مش بعيد يطلبوا من كل واحدة تكلمهم انها ترضعهم على طريقة فتوى رضاع الكبير ؟؟
انا مبسوطة باللى بيقولوه وبيعملوه دلوقتى علشان الناس تكتشفهم على حقيقتهم وتعرف نواياهم القذرة واخلاقهم العفنة

Thursday, November 3, 2011

حينما تكون المرأة مجرد فرج

فى مرشح للرئاسة المفروض ده المفروض يعنى انه محترم لا يرى فى المرأة إلا أنها مجرد وعاء جنسى اما كونها انسان فهذا بعيد كل البعد .... بقى فى مرشح رئاسة محترم يقول كلام زى ده ؟ روح شوف لك كهف اتنيل فيه وسيب المرأة والمجتمع فى حاله جتكو الأرف قرفتونا عالم هايجة على روحها طول الوقت



اما بقى حزب الظلمة السلفى امر بان جميع التماثيل لازم ترتدى الحجاب حيث انها عار وعورة وفتنة مش عارفه اى اهبل ممكن يفتن بتمثال حتى يتم تغطية تمثال بالاسكندرية بالقماش وربطة بالحبال يشفى الكلاب ويضركو

حجاب سلفى لتمثال «حوريات البحر» فى الإسكندرية

Tuesday, November 1, 2011

بالمستندات والفيديو: اسماء نشطاء مصريون تدربوا فى امريكا مع مركز سعد الدين ابراهيم ومنظمات يهودية

كتب/ احمد سعد

تحت رعاية منظمة dissent تلقى عدد كبير من النشطاء المصريين برامج تدريب مع منظمات ومؤسسات امريكية داخل الولايات المتحدة الامريكية ومنهم النشطاء الذين تدربوا على الديمقراطية الأمريكية وهم مايكل نبيل وائل عباس علاء عبد الفتاح إسراء عبد الفتاح …منى الطحاوي وائل غنيم أحمد ماهر باسم سمير

مدير المنظمة اسمه ديفيد يتحدث الإنجليزية و العربية و العبرية و أحد المستشارين سعد الدين إبراهيم من ضمن الأسماء التي أرسلت خطاب إلى أوباما لدعم الديمقرايطة في الشرق الأوسط و قبض عليه مسبقاً في مصر بتهمة التجسس مع إسرائيل الاعضاء فى برنامج المنشقين :مايكل نبيل وائل عباس إسراء عبد الفتاح علاء عبد الفتاح منى الطحاوي وائل غنيم عمرو غريبة بسمة موسى احمد ماهر 6 ابريل تامر مبارك مينا اكا (حاج جرجس) محمد خالد سراء راشد هانى ناذر عزيز عادل كريم نبيل سليمان يسرية مصطفى مالك مصطفى حمد رفعت فيليب رزق سالمة سيد شاهيناز عبدالسلام محمد سليم

الفيديوهات التى تثبت تلقى تدريب وتمويل لتلك الحركة
مايكل نبيل
وائل عباس
إسراء عبد الفتاح
علاء عبد الفتاح
http://www.cyberdissidents.org/ourexperts.html شاهدوا هذا الفيديو برنامج Dissent أو المنشقين عن النظام أحد برامج التدريب من مديريه سعد الدين إبراهيم المقبوض عليه مسبقاً في مصر بتهمة التجسس مع إسرائيل الفيديو خطير جداً http://www.youtube.com/watch?v=UAsWxnW4iGw لمن يريد معرفة أسماء كل النشطاء الذين تدربوا على الديمقراطية الأمريكية مايكل نبيل وائل عباس علاء عبد الفتاح إسراء عبد الفتاح …منى الطحاوي وائل غنيم أحمد ماهر باسم سمير ولستة من 38 اسم لباقي الأسماء شاهدوا الرابط http://www.cyberdissidents.org/bin/dissidents.cgi?Rank=1&c=EG و لمن يريد معرفة الأسماء في باقي الشرق الأوسط ادخل على هذا الرابط و اختر اسم بلدك و ستظهر لك الأسماء البحرين مصر إيران …الأردن الكويت لبنان ليبيا المغرب فلسطين السعودية سوريا تونس الإمارات اليمن http://www.cyberdissidents.org/dissidents.html مؤسس و مدير المنظمة اسمه ديفيد يتحدث الإنجليزية و العربية و العبرية و أحد المستشارين سعد الدين إبراهيم من ضمن الأسماء التي أرسلت خطاب إلى أوباما لدعم الديمقرايطة في الشرق الأوسط و قبض عليه مسبقاً في مصر بتهمة التجسس مع إسرائيل الاعضاء فى برنامج المنشقين :مايكل نبيل وائل عباس إسراء عبد الفتاح علاء عبد الفتاح منى الطحاوي وائل غنيم عمرو غريبة بسمة موسى احمد ماهر 6 ابريل تامر مبارك مينا اكا (حاج جرجس) محمد خالد سراء راشد هانى ناذر عزيز عادل كريم نبيل سليمان يسرية مصطفى مالك مصطفى حمد رفعت فيليب رزق سالمة سيد شاهيناز عبدالسلام محمد سليم

Sunday, October 9, 2011

الورد اللى هز فى الجناين

بما اننا متخصصين فى تصنيفات للورد ففى الورد اللى اتقتل وهو بيحرق المملتكات العامة للدولة ورغم صحيفة سوابقهم الهباب قالوا عليهم الورد اللى فتح فى الجناين بس واضح انه كان ورد بيتروى بمية مجارى .. ودلوقتى فى هذا الفديو الرهيب المهيب الورد اللى هز فى الجناين والاخت اللى متصدرة المشهدة تبقى اخت واحد من اللى بيقولوا عليهم شهداء واضح انها كانت حزينة جدا على المرحوم ومن حزنها هتبيت فى ميدان التحريض ومش مشكلة بقى البيت كله بيشربوا سجاير الكلام ده مش خيال مؤلف ده كلامها




اما بقى الاخ احمد ماهر وهو بيعترف على حبايبه من الحركة بانهم بيتلقوا تمويل فعيب يا ابو حميد انت برضه كبير الحرامية قاعد تتهم زمايلك بالعمالة والخيانة وانت الرأس المدبر ؟ اول مرة اشوف زعيم عصابة بيعترف بالسهولة دى على باقى افراد العصابة




وواضح انه يوم الفضايح العالمى فهذا صفوت حجازى يهدد شباب 6ابليس بانه هيفضحهم لو فكروا يفتحوا بؤهم ويقولوا الاخوانجية ركبوا على الثورة نياهاهاهاها اديها كمان فضايح


Saturday, October 1, 2011

وعلقة تانية علشان 6ابليس اصل فهمهم بطيئ

للمرة التانية 6ابليس وكل الجرابيع اللى دايرين يتكلموا باسم الشعب ويقولوا اصل الشعب عايز اصل الشعب بيقول الشعب اللى بيتكلموا باسمه يديهم العلقة التمام فى اقل من شهر ففى السابق اكلوا على قفاهم من اهالى العباسية اثناء توجههم لوزارة الدفاع وما اشبه اليوم بالبارحة فلما اتهفوا فى عقلهم وحبوا يكرروا عملتهم المهببة مش الجيش اللى اتصدى لهم ولا اسيادهم من رجال الشرطة ولكن المرة دى كان اهالى القبة وكان اخرهم عند كوبرى القبة واكلوا العلقة التمام ولان ثورتهم سلمية جدا سلمية خالص سلمية طحن بعد ما اكلوا العلقة راحوا كسروا واجهة زجاج مترو القبة وبرضه سلمية سلمية ماهم قبل كدا حرقوا الاقسام بالملوتوف وكان بيهتفوا سلمية سلمية وقتلوا ظباط ومواطنين ببنادق القناصة اللى ظهرت فى ايديهم يوم مسرح البالون واللى بقدرة قادر كل الناس اللى ماتت واتصابت مش فى ولا واحد منهم من 6ابليس وبرضه كانوا بيهتفوا سلمية سلمية .. دول كمان مش كرهوا فيهم بس الشعب المصرى دى حتى السفارة السعودية للمرة التانية برضه على التوالى فى اقل من شهر تعمل فيهم بلاغات نظراً لتطاولهم وسفالتهم وقلة ادبهم .. دلوقتى بقى بلطجية 6ابليس عرفتوا حجمكوا الحقيقى بعد ما كل مكان تمشوا فيه تاكلوا على قفاكوا ؟ عرفتوا حجمكو بعد ما كل الناس بتعمل فيكو وبلاغات ومش طيقاكو ؟ عرفتكو حجمكو بعد ما انكشف وجهكوا العميل والمجلس الاعلى دعى القوى السياسية المحترمة وتف عليكو ؟ كفاية بقى كلام باسم الشعب المصرى وروحوا شوفوا اسيادكو اللى دربوكوا فى صربيا خطتهم اللى جاية ايه بعد ما اكتلوا احلى قفا من المصريين المحترمين اللى انتوا ابعد ما يكون انكو تكونوا منهم



اما الفديو ده بيوضح الأدب الجم لشراشيح 6ابليس

Wednesday, September 28, 2011

وهكذا أمر قاضى ميدان التحرير

وهكذا كان أمر قاضى ميدان الجرابيع بان اى واحد مش تابع ليهم ومن من اى حزب او اجندة او استئلاف او منظمات ولا حتى منظفات يتم تقليعه هدومه وصلبه على اطول نخلة وكل جربوع لازم يديله بالقفا وبعد القفا شلوت اصل لو القفا بس يبقى الواد ده مش ثورجى لكن قفا وشلوت يبقى ثورجى مجاهد جدا لان اى وجه غريب لازما وحتما ولابد يبقى امن حتى لو لاجئ من تحت اى كوبرى وجاى يتونس معاهم داخل الخيمة زى باقى الناس اللى بتتونس ببعضيشها
لكن لما الداخلية والشرطة العسكرية تقبض على تجار سلاح ومخدرات يبقى ياااااااى ناس متوحشة بتعذب اونجل البلطجى اصل المفروض البلطجية اللى تركزت مهمتهم ترويع الآمنين بعد القبض عليهم بينهاروا ويعترفوا والمفروض الظبابيط يقدموا لهم شاى بلبن ونسكافيه وان الواد البلطجى طلب جاتوه يجيبوله دى حتى اكرام للضيف علشان الجرابيع اللى قاعدين يقولوا ياااى فين حقوق الانسان ؟



الواد ده كانوا ماسكينه فى التحرير واللى رايح واللى جاى شغال فيه طحن لمجرد انهم اشتبهوا فيه انه بلطجى ؟ اشتبهوا فيييييييه .. اشتبهوا فيييييه




لكن العيال دى تجار سلاح ومخدرات واثناء القبض عليهم كان بحوزتهم 4 طبنجة و2 بندقية خرطوش وخزينة إلى و5 طلقات 9 مللى و62 طلقة آلى و4 طلقات خرطوش ومبلغ مالى 8 آلاف، واعترفا بحيازتهما للمضبوطات بقصد الاتجار بها
المفروض القاضى يكرمهم ويديلهم جايزة اصلهم بيتاجروا فى الحاجات دى من اجل السرقة والبلطجة والاغتصاب وقلة الادب

انا فى المقابل بقى ومن اجل حقوق الانسان عايزة جرابيع التحريض يتحقق معاهم علشان تعذيب مواطنين

Monday, September 26, 2011

يا سلام على الفاظ الثوار المتربيين

هما دول بقى الورد اللى فتح فى جناين مصر ؟ بس من الفاظهم واضح انه الورد كان يروى بمياة المجارى
هما دول بقى بتوع الثورة البيضاء ؟ بس من الفاظهم واضح الوساخة والقذارة والعفانة
ممكن نسمع ونشوف جرابيع التحرير وشرموطة 6ابليس

Sunday, September 18, 2011

من يخشى جهاز الأمن غير المجرمين ؟؟

من قتل الضباط والجنود وهدم السجون هو من قتل المتظاهرين..فمن هو؟؟.
حبيب العادلى وضباط الشرطة والجنود كانوا يواجهون المتآمرين على أمن الوطن وهم أعلم بهم ،وكانوا يمارسون عملهم بوطنية تستدعى الدفاع عنهم من أبناء الشعب المخلص بعيدا عن فساد العادلى الشخصى فى التربح التى هى صفة الكثيرين بدءأ من الموظف الصغير المرتشى للطبيب الذى يبيع الأعضاء للإخوان الذين يمارسون تبييض الأموال للمهندسين الذين يخالفون فى البناء للمخرجين الذين يتاجرون بالأعراض للمطربين الذين تركوا المكوى والسمكرة وتوجهوا للغناء للمدرسين الذين يمصون دمائنا من الدروس الخصوصية لأساتذة الجامعات الذين يتحكمون فى المؤهلات والشهادات العليا ويبيعونها ويتحكمون فى مستقبل الطلبة....الفساد وصل لحبيب العادلى كغيره ، ولكن أين دم شهداء الشرطة...؟؟؟إن القانون يعطى الفرد حق الدفاع عن نفسة بقتل من يهاجمه ، فهل نترك ضباط الشرطة لمن يهاجمونهم بدون أمر إستخدام السلاح ضد المتآمرين من أن ينالوا منهم بالقتل ؟؟ثم من هجموا على مقر أمن الدولة ليدمروه ؟؟ وعلى وزارة الداخلية ليحرفوها ؟؟هل هذه مظاهرة سلمية نقول فيها للضباط لا تستخدموا السلاح وإتركوهم يقتلونكم حرصا على أمن المتظاهرين ؟؟؟من السفيه الذى يطلب ذلك ؟؟؟ وما العيب فى الأمر بإستخدام الرصاص الحى فى مثل هذا الأمر ؟؟؟من يقول للشرطى لا تستخدم الرصاص للدفاع عن نفسك....أقول له... تعالى أنت وأرتدى زى الشرطة وسنتركها لك وتذهب أنت وهم للجحيم / وسيترك ضباط الشرطة مواقعهم طالما هذه فلسفة الجهلاء... ويتركونها لكم تولع فيكم وفى المتظاهرين السلميين ،ورزق الضباط على الله حرصا على حياتهم..أفيقوا أيها المتخلفون ، الرصاص للمهاجمين وليس للمتظاهرين السلميين ، والشرطة حمت المتظاهرين السلميين يوم 25يناير ولم تهاجم إلا من هاجمها ،وشريط الفيديو يوضح كيف أن هناك من رمى زجاجة ملتوف على جندى مسكين يؤدى واجبه فإحترق ونزل داخل العربة مشتعلا فأشعل النار داخل العربة حتى تفحم ، من قتله ؟؟؟وماهو القصاص ؟؟؟ ومن من ؟؟هل هم المتواجدين بالتحرير ؟؟؟ومن قتل مأمور السجن والضباط وأخرج مساجين حزب الله وحماس والإخوان ؟؟؟هل هم أيضا من المتظاهرين السلميين ؟؟ من يخشى جهاز الأمن غير المجرمين ؟؟؟؟ إسألوا حماس وحزب الله من أخرج مساجينهم ؟؟ إسألوا الإخوان من أخرج قادتهم المحبوسين ؟؟ إسألوا المجرمين من أخرجهم من السجون وقتل المساجين؟؟؟ إبحثوا مع وزير الداخلية الذى يتقاعس عن البحث للان! إفعلوا كما فعلت إنجلترا ، حيث أعادوا شرائط الفيديو فى الميادين ليتعرف الناس على المخربين ويبلغوا عنهم وأستطاع ماكين رئيس الوزراء القبض عليهم وأصبحوا عبرة بدلا من تمجيدهم عند رئيس وزراء ميدان التحرير وصرف تعويضات لهم من جيوبنا!

Thursday, September 8, 2011

عارف لازم تنزل يوم 9سبتمبر ليه ؟

لازم تنزل عشان حزبك هايسقط في الانتخابات الجاية
لازم تنزل عشان تخرب البلد خالص و تجيب أجلها وتدمرها
لازم تنزل عشان البلد بدأت تقف على رجلها تاني
لازم تنزل عشان حلف الناتو لسة مجاش مصر
لازم تنزل عشان نفسك مصر تبقى زي العراق وليبيا واليمن وسوريا
لازم تنزل عشان تهاجم جيش بلدك اللي دايما حامي ضهرك
لازم تنزل عشان تقف ضد آخر حاجة فضلالك عشان تحميك وتحمي بلدك
لازم تنزل عشان إسرائيل مستنية إنك تقلب على جيشك بقالها سنين
لازم تنزل عشان المرة دي ميبقاش فيه بلد تاني
لازم تنزل عشان موركش حاجة تانية تعملها


تنبيــــــة

ياريت يوم الجمعة محدش يشارك فى اى شى عشان محدش يرجع يقول الفلول هى اللى عملت ياريت ندى فرصة للجيش والداخلية عشان يعرفوا يتصرفوا مع كلاب التحرير وثوار النكسة ومحدش يسخن وينزل هما عايزين انهم يشيلوا الفلول الليلة ويبانوا هما الاشراف ياريت الكل ينشر الرسالة دة والاهم انة يفهم اصدقاءة واهلة ارجوكم سيبهم يظهرم قذارتهم من غير ما يجدم حد يرمم عليه كالعاده ارجوكم فكرم وادم المجلس فرصه كمان يعرفهم يعني ايه الجلس العسكري المصري


تحذيـــــــــــــــــــر

في ناس هتلبس لبس جيش من ملابس الجيش اللي اتسرقت في الانفلات الامني و هينزلوا يوم 9-9 يحتكوا بالمتظهرين و عشان الحجات دي تتصور و يسخنوا الناس على الجيش يا ريت كلنا ننشر التحذير ده عشان كل الناس تعرف

تمكنت قوات الشرطة العسكرية من القبض علي 7 اشخاص فى لبس الجيش وهم مسجلين خطر ودة تمهيد ليوم 9/9...


اما دى بقى فهى خطة الجرابيع لخراب البلد ودمارها

من خلال استخدام «المقلاع الفلسطينى» السلاح الذى يستخدمه الفلسطينيون ضد قوات الاحتلال الإسرائيلى، ويمكن التدرب على استخدامه خلال يوم واحد، إلى جانب المقلاع التقليدى والذى أكدوا أنه يمكن تصنيعه من أى مواد قوية خفيفة مثل أنابيب البى فى سى ويستخدم زلط صغير ومدبب وحاد ليعطى نتائج قاتلة.

وتتضمن الخطة كذلك محاولة الاستيلاء على مدرعات الجيش والشرطة بدلا من حرقها للاستفادة منها مستقبليا مؤكدين أن أغلب ضباط جيشنا الشرفاء لديهم استعداد للانضمام للثورة وقتال المجلس العسكرى، حيث تم شرح نموذج لسيناريو الاستيلاء على مدرعتين تقفان بالقرب من أى منشأة، عبر التمويه بجعل مجموعة ترتدى ملابس جيش ومجموعة أخرى ترتدى ملابس شرطة ومجموعة ثالثة ترتدى أفرولات عمال نظافة ويستخدم الإلهاء، وذلك بافتعال حدث للفت انتباه القوة لأى شىء آخر، كافتعال حريقه بالقرب منهم أو افتعال صدام سيارات أو مشاجرة وذلك لإلهاء القوة ولحظة انشغالها بالإلهاء يقوم الثوار بالهجوم للاستيلاء على المدرعات. وقالوا إنه من الممكن لمجموعة من الشباب مكونة من عشرين شخصا السيطرة على القوة. مشيرين إلى أن المدرعات غالبا تكون معها قوة مكونة من10جنود وضابط وهناك نقطة ضعف أن المجلس العسكرى لا يصرف ذخائر لهؤلاء الجنود ومن الممكن لمجموعة من الشباب مكونة من عشرين شخص السيطرة على القوة بعدة طرق، فعلى سبيل المثال تنقسم قوة الثوار لأربع مجموعات كل مجموعة مكونة من خمسة شباب ينطلقون فى توقيت واحد من جهات مختلفة للاشتباك مع القوة إما باليد المجردة أو بأى سلاح غير مؤذ. وبعد التمكن من الحصول على المدرعات ورشها بكتابة ثوار مصر وقيادتها فى المناطق المجاورة لها مما سيحفز مئات الشباب للانضمام إلى ما أسموه «الكتائب الثورية».

http://www.youm7.com/News.asp?NewsID=488272&

Tuesday, August 23, 2011

مين اللى قتل المصريين على الحدود

طبعا معروف جدا مين العالم الوسخة القذرة اللى خربت البلد وسوابقها كلها معروفة من تكسير الجدار العازل لقتل جنودنا وظباطنا ولما حصلت النكسة فى 25يناير كانت فرصتهم فى انهم يدخلوا البلد بمباركة الاوساخ اخوانهم اخون الغل والسواد والانحطاط والقذارة .. هى اسرائيل علشان تضرب ولا تقتل محتاجة تتلثم يا جهله يا متخلفين امال الود بتاع السويس اللى كان بيفجر الغاز المصرى ده كانت بيشتغل لحساب مين ؟ عايزين حماس والاخوان المتزفتين يردوا علينا .. عايزينهم كمان يقولوا لنا مين اللى ضرب الاتوبيس الاسرائيلى وعايزينهم يقولوا مين اللى بيسعى لاحداث توتر لنقض كامب ديفيد ؟ علشان يجيبوا جرابيعهم بتوع حماس فى ارض سينا اللى بعيد عن شنب التخين فيهم ؟ مين اللى كل يوم والتانى يهجم على اقسام العريش ويقتل ظباط ويولع فى ممتلكات عامة ؟ ياترى هما فين من اللى بيحصل على الحدود ولا علشان بايد اخوانهم وبتدبير منهم لازم يتكتموا ويتفرجوا ؟ عايزين حد يقولهم اختهم كاميليا على الحدود طالما مش بيطلعوا الا علشان النسوان
الاشكال الوسخة دى محتاجة ابادة من الحياة باللى فيها ياريت اسرائيل تبعت لهم طيارة من غير طيار وتطهر البشرية من وساختهم وقذارتهم




اما العالم المتخلفة اللى مبسوطة بالواد النقاش اللى طلع ونزل علم اسرائيل فياريت يجوبونا هو الواد ده كان بهلوان فى اى سيرك علشان يطلع 20دور ولا بيشتغل حرامى غسيل ؟ مبروك عليكو هييييييه كسبتوا الحرب يا متخلفين يا اغبيا وظهرتوا قدام العالم كله من بعد وكسة يناير بانكو شوية همج ورعاع بقيتوا اضحوكة العالم كله ... الناس المحترمة عارفه يعنى ايه علاقات دبلوماسية وعارفه يعنى ايه مفاوضات وعارفة يعنى ايه عمل وحياة وانتوا اخركو الجعجعة والهمجية وانزال علم طيب ما تورونا شطارتكو فى اختراع ولو ورقة فاضية ؟ بدل ما انتوا عايشين عالة على الامم المحترمة يا امة ضحكت من همجيتها وغبائها وانحطاطها الامم

Saturday, August 13, 2011

اليوم اصبحنا عبرة لمن يعتبر

ما يحدث فى مصر اليوم عار على كل مصرى وكل عربى
نكسة يناير اللى كان يدعمها اوباما وكان يطلق كلمات تشجيع للكلاب والخونة والمخربين لانهم يفعلون ما لا كان يحلم ان يفعله فى 2000عام
مقال منقول لن اضيف عليه حرف
علشان اللى عندهم دم يعرفوا انهم بقوا عبرة وعار على العرب جميعا

محاكمة مبارك العلنية ..... لا أخلاق عربية ولا قوانين غربية

حدث تاريخي مهم يعرض من مصر على الشاشات العربية والعالمية ، ويتابعه العالم بذهول، انجاز مصري عربي باقتدار ، هذا الانجاز ليس له علاقة باطلاق مكوك الى الفضاء الخارجي ! ولا باكتشاف نجم جديد او مجرة بعيدة! ولا باكتشاف لقاح نادر لمرض فتكاك ! هذا الانجاز التاريخي هو محاكمة زعيم اكبر دولة عربية الرئيس حسني مبارك زعيم مصر.


تسمر الجميع امام الشاشات لمتابعة محاكمة الرئيس حسني مبارك، كل محطات العالم تبث حدثا تاريخيا لم يحدث من قبل ، ويسجل لاهل مصر الريادة والمبادرة والاسبقية في محاكمة زعيمهم الذي حكم بلادهم 32 سنة، وقضى جل عمرة لخدمة بلاده! سيسجل التاريخ كيف يمعن الانسان العربي في إذلال نفسه وكيف يجعل من نفسه اضحوكة للعالم.

سيسجل التاريخ لاول مرة كيف تتم اهانة واذلال زعيم دولة عربية ومحاكمته وعرضه على شاشات العالم على ايدي ابناء شعبه وليس على ايدي اعدائه.

سيسجل التاريخ كيف تتم جرجرة حاكم عربي خدم شعبه اكثر من نصف قرن بين المستشفى والمحكمة والسجن بطريقة مثيرة للاشمئزاز، بذريعة المحاسبة وحقوق الانسان وتطبيق القانون.

سيسجل التاريخ كيف وافق شعب على حشر زعيمه المسن المريض في قفص وهو ممدد على سرير بطريقة مذلة ومهينة لكل ما هو مصري وعربي وانساني.

سيسجل التاريخ ان الشعب الذي صفق لزعيمه ثلاثين عاما، صحا فجأة ليكتشف بان زعيمه لا يصلح وانه يستحق الخلع والمحاكمة والاعدام.

سيسجل التاريخ كيف يتم اغتيال الرموز، وتشويه التاريخ، وكيف تضيع هيبة مصر ويهان جيشها العظيم. سيسجل التاريخ كيف يتم التشهير برئيس دولة قبل ثبوت اي ادلة عليه.

سيسجل التاريخ كيف نامت وتعامت الشعوب العربية عن تحقيق دولة القانون لتصحو فجأة وبدون مقدمات مطالبة بتطبيق القانون فورا.

سيسجل التاريخ كيف تم اختزال كل الفساد في شخص واحد وجعله كبش فداء للتغطية على اجندات مشبوهة .

سيسجل التاريخ كيف انشغل المصريون بامور تافهة، وتركوا بلادهم تواجه مخاطر التقسيم والفتنة ومخططات اعادة احتلال سيناء. سيسجل التاريخ لحظة انتصار للعدو الاسرائيلي على من قام بتوجيه الضربه الجوية الاولى في حرب اكتوبر.

ترى هل اخطأ الرئيس مبارك عندما تنحى عن الحكم بتلك الطريقة الراقية ؟ هل اخطأ لانه لم يستخدم الجيش ضد شعبه ؟ هل اخطا لانه لم يدمر ميدان التحريرعلى المتظاهرين كما فعلت دول اخرى ؟ هل اخطأ لانه يعشق تراب مصر واصر على البقاء فيها ؟

لا ننكر ان الرئيس مبارك ارتكب اخطاء كثيرة كغيره من الرؤساء والحكام ، ولكن الشعوب تتحمل اخطاء كثيرة بسكوتها وخنوعها وتقصيرها ، وبرغم كل ذلك يبقى عهد الرئيس حسني مبارك مرحلة في تاريخ الامة لا يمكن انكارها ولا شطبها بكل حسناتها وسيئاتها شاء من شاء، وابى من ابى ، وستدرس هذه المرحلة في كتب التاريخ، فانظروا يا شعب مصر ماذا تسطرون لتاريخكم. لقد باركنا ثورة الشعب المصري، وتعاطفنا معه وأيدنا مطالبه وحقوقه، وسعدنا بالطريقة السلمية الهادئة التي تم بها تحقيق مطالب الشعب وتنحي الرئيس مبارك عن الحكم، واحترمنا الطريقة التي تنازل بها الرئيس عن الحكم، واحترمنا اصراره على البقاء في ارض مصر ورفضه للعيش في اي بلد اخر.

لكن للاسف لم ينته الامر عند هذا الحد بل استمرت المظاهرات والاعتصامات المشبوهة على مدار اشهر تطالب بمحاكمة الرئيس حسني مبارك وعائلته واعوانه بحجة مكافحة الفساد والثار لدم الشهداء ،وتوقفت الحياة في مصر ولم يعد هناك اية قضية او مسالة ملحة الا محاكمة رموز النظام البائد والمخلوع.

وساهمت وسائل الاعلام في تكثيف الحملات المبالغ فيها على حشد الرأي العام ضد الرئيس مبارك واستثارة مشاعر الثأر والمرارة لدى الموطنين والرمي بثقل كل المشكلات على مبارك وزمرته حتى يغفل الشعب عن الازمات والتحديات التي تعاني منها الدولة في مرحلة ما بعد الثورة.

وهنا نتساءل لماذا لم تخرج مظاهرات تطالب بفتح معبر رفح؟ لماذا لم تخرج مظاهرات تطالب بوقف تصدير الغاز الى اسرائيل؟ لماذا لم تخرج مظاهرات تطالب بالتحقيق في حرق اقسام الشرطة والسجون والمنشات الحكومية؟ لماذا اقتصرت المظاهرات والاعتصامات على المتاجرة بدماء الشهداء ومحاكمة رموز النظام البائد ومكافحة الفساد؟ وما ادراك ما الفساد؟ الفساد هي كلمة فضفاضة يتم استخدامها بمهارة بالغة في الثورات العربية المسمومة لتبرير الفوضى وتعطيل الحياة وخلق دوامة لايمكن الخروج منها، وخلق بيئة خصبة للاتهامات والتخوين والفتنة، ان الفساد لا يتعلق بشخص او مرحلة زمنية بل هو ملازم للبشر منذ وجودهم على هذه الارض مثل وجود الخير والشر.

اذن فما هو تعريف الفساد ؟ ومن الذي يحدد الفاسدين، ولماذا لا يحاكم كل الفاسدين من كل الفئات والطبقات والمراحل، وكيف يتم التعامل مع الفاسدين الذين ماتوا؟ هل سيتم نبش قبورهم واستحضار جثثهم واخضاعهم للمحاكمة، اذن فليحاكم كل شخص عمل مع الرئيس المخلوع ، فليحاكم كل فرد سرق وارتشى واخطأ في عهد الرئيس المخلوع ، فليس من العدل ان يحاكم شخص واحد عن مرحلة كاملة؟ لماذا هذه الانتقائية في تطبيق القانون؟ وهل الذين سيحكامونه ابرياء؟ وهل ستكون محاكمته نزيهة وحيادية ؟

لا استطيع ان افسر التشفي والحقد والشماتة والنكران والجحود لدى الكثيرين لمحاكمة الرئيس مبارك، ولا استطيع ان اخفي اشمئزازي من هؤلاء الذين كانوا يصفقون للرئيس ثم انقلبوا عليه وصاروا يتبجحون بحقوق الانسان والقانون والعدالة. لا اصدق ان اهل مصر الموصوفون بالطيبة والتسامح واحترام العيش والملح والعشرة يفرحون لمحاكمة زعيمهم بهذه الطريقة المخزية، ويساندهم كثير من العرب الذين يهللون ويباركون هذه المحاكمة ، لا ادري ماذا حل باخلاقنا العربية والاسلامية المتأصلة في ثقافتنا والتي يحسدنا الغرب عليها، اين اختفت مكارم الاخلاق اين المروءة والتراحم والعفو واحترام الكبير ومراعاة المرضى، هل اندثرت كل هذه القيم الجميلة التي تنبع من داخلنا ولا تفرض علينا بسطوة القانون ، لقد صدق الشاعر الذي قال :


مررتُ على المروءةِ وهي تبكي *** فقلـتُ علام تنتحب الفتاةُ؟

** **

فقالت كيف لا أبــكي وأهلي *** جمـيعاً دون خلق اللهِ ماتوا


لقد بلغ الامر بالكثيرين بتشبيه مبارك بفرعون مصر، وقد قامت احدى القنوات المشبوهة بتشبيه مبارك لحظة تنحيه بفرعون مصر بطريقة مهينة غير لائقة وذلك من خلال الاستشهاد بالاية القرانية التي نزلت في فرعون مصر، " فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ ءَايَةً" صدق الله العظيم .

وصف البعض ما حصل في ميدان التحرير عشية تنحي الرئيس مبارك بانه شبيه بفتح مكة ، اذن اين هم من اخلاق الرسول صلى الله عليه وسلم في فتح مكة عندما قال جملته المشهورة لاهل مكة" اذهبــو فانتـــم الطلـقـــاء"؟ وكان تصرفه حتى هذا اليوم درسا ليتعلم منه المسلمون كيف تقلب صفحة الماضي بالعفو ، وتبدأ بداية جديدة لتأسيس الدولة ، ولو اراد الرسول تعقب ومحاسبة رموز النظام البائد من قريش مثل ابي سفيان وهند وغيرهما لما انتشر الاسلام في بقاع العالم. من المؤسف ان نسمع وسائل الاعلام الاسرائيلية بتصريحاتها المتناقضة تتشفى بمحاكمة حسني مبارك، وتصرح بكل وقاحة بان هذه المحاكمة "ستكون مشهدا لبث الرعب فى قلوب الحكام العرب الديكتاتوريين ، وعلى رأس هؤلاء الحكام، معمر القذافى وبشار الأسد وعلى عبد الله صالح". اذا كان العرب يمتازون بالنسيان فان اليهود لا ينسون احقادهم ابدا حتى مع حلفائهم، فهم لن ينسوا ان حسني مبارك كان صاحب الضربة الجوية الاولى وقائد القوات الجوية في حرب اكتوبر التي اوجعت اليهود، لم لا؟ فقد خططوا ودبروا لاقدم قصة انتقام عرفتها البشرية ، فقد قاموا بتدبير حيلة لاخراج جثة "رمسيس الثاني" الذي عاش قبل 3 الاف سنة من مصر الى فرنسا بحجة العلاج، وقامت الدوائر الصهيونية في التلفزيون الفرنسي بعرض جثة الفرعون "رمسيس الثاني" عارية تماما بدون مراعاة لحرمة الموت على شاشات التلفزة الفرنسية، وقال المذيع انذاك (هـذا هو الفرعون الذي طرد اليهود واضطهد بني إسرائيل وسخرهم في أعمال البناء وأذاقهم سوء العذاب، هو ذا الآن أمامكم انظروا وشاهدوا).

وقال موشي دايان مخاطبا الجثة بكل حقد ( أخرجتنا من مصر أحياء، وأخرجناك منها ميتاً) ). ان الثورة تعني بداية صفحة جديدة وعهد جديد، وترسيخ الدولة التي يطمح لها الشعب، وان محاكمة مبارك واعوانه بهذا الشكل ستكون خطوة للوراء لانها ستنبش الماضي العفن وستكون أداة للخصومات والفتنة، وستستزف الوقت والجهد الذي تحتاجه مصر للخروج من بين الركام وممارسة دورها القيادي للامة العربية.