Desert Cat Search
قطه الصحراء: 12/1/10 - 1/1/11

Thursday, December 30, 2010

نفسك فى أيه ؟



مقدرش انكر انى كنت مأجلة البوست ده لكام يوم جايين .. لكن بما أن الجميع عارف إن الإنتظار وحش خصوصاً لو ناس بتحب بتشوفهم وتتكلم معاهم يبقى مضطرة اتكلم فيه لحد ما أصحابى يوصلوا


طبعاً عنوان البوست مالوش علاقة خالص بأغنية كماننا .. لكن أنا حبيت أتكلم عن اللى فى نفسى
واللى شوفته وحصل فى 2010ومتنماش إنى اشوفه ولو حتى صدفة ولو مجرد شريط ذكرى فى 2011مع إنى برضه مش متفائلة أوى بس متمناش إنها تكون زى اللى فاتت ولو بحاجه قليلة أوى
يعنى مثلاً نفسى إن
2011مش يكون فيها
أى أزمات من أى شكل وأى نوع
يعنى سنة جديدة سعيدة على العالم كله بصرف النظر عن الجنس او اللون أو النوع
سنة جديدة على المصريين من غير بطالة
سنة جديدة على المصريين من غير اعتصامات او اضرابات
سنة جديدة على المصريين من غير صخور دويقة او اى تصريحات تحرق الدم ملهاش اى علاقة بالمواطن المصرى من قريب او بعيد
سنة جديدة على المصريين من غير نجع حمادى ولا عمرانية ولا اى فتن طائفية
سنة جديدة من غير خطب وهابية ولا سلفية ولا تحريض على المختلفين معنا ولا عنصرية
سنة جديدة سعيدة على الجميع من غير اشباه البشر اللى مفرغين حياتهم لأذيتنا والنميمة والكلام فى حقنا والخوض فى حياتنا الشخصية بسبب وبدون
سنة جديدة سعيدة على المصريين اللى بجد اللى دينهم هو الانسانية ونوعهم هو الرحمة ولونهم هو المحبة
سنة جديدة سعيدة من غير ارتفاع اسعار ومرتبات متدنية
سنة جديدة سعيدة من غير فقدان ناس غالية فى حياتنا
دلوقتى كل الى بتمناه بجد هو ازاى نقدر نحب بعض ونحافظ على بعض ونحتفظ ببعض

سنة جديدة سعيد على الجميع


Tuesday, December 28, 2010

ليلة ساخنة مع غرميات القرضاوى


اكيد كلنا متابعين الأحداث الأخيرة للشيخ القرداوى واللى مش متابع سمع عنها البداية كنت نزلت توبيك فى جروب اتكلم واسمع خطاب موجه للشيخ القرداوى وبعدها روحت البيت .. أيم ألون اعمل اييييه طبعا هو النت وفى غيره جبت اللاب توز وقعدت أألف موقع بالفرونت بيج وأكملت الصفحة وبعدها قولت انا ازاى هيجى لى نوم من غير ما أتفقد شئون الرعية ده حتى كدا يبقى عيب فى حقى ورحت داخله على اتكلم واسمع وألاقى خناقة فى التوبيك واصلة إلى عنان السماء طبعا جرابيع القرداوى كل واحد دخل يدلو بدلوه بكل ما أوتى من سفالات وقاذورات وكالعادة فى الآخر تلاقيهم بيحسبنوا عليك بس بأمانة كان فى رجالة ووقفوا لهم وقفة رجالة .. الواد دخل يشرشح ويقل ادبه لاقيت لوسيفر قاله ايه بقى الى الشيخ

Mohamed Shalaby بعد ما حضرتك شتمت

بما يكفى و بغض النظر عن لغتك البليغة
اية هى الاستفادة العملية او الرأى اللى حضرتك اضفته للموضوع؟؟
معلش اصل فهمى بطئ
مثلا لا تنه عن شئ و تأتى بمثله و سيادتك اتيت بمثله 7000 مرة
بتقول متشتموش و شتمت بتقول ما تتكلموش فى اللى ما تفهموهوش و اتكلمت بتقول اقضوا وقتكو فى عمل اخر و اديك بتضيع وقتنا و وقتك
يعنى لما سيادتك تقرا حاجة فهمت اضف رأيك و فوق دماغنا من فوق ما فهمتش لاجل خاطر ام العواجز ما توجعش دماغنا

وحياة ربنا دى ما دماغ كونياك أبداًً أحييك يا محمد والله .. وبعد كدا عبدالرحمن كمان ادلى بدلوه .. مش اشوف كدا امشى واسكت اتسحبت من لسانى ورحت قولت لهم بصراحة انتوا ناس محترمين اوى وانا بقى مش عايزاكو تنزلوا للمستوى القذر ده وتردوا على الأشكال دى ؟ راح الواد ما صدق يشوفنى وطافح علينا زى ماسورة الصرف الصحى اللى بتنفجر دون سابق إنذار .. طيب يا كابتن تعالى نتفاهم ..

احب شيخك الفاضل الدكتورة الجزائرية اسماء اثناء مشاركتها في احد المؤتمرات وقال فيها شعر وغزل وكتب فيها كلام شهوانى يعاقب عليه القانون اتقدم لخطبتها وابوها رفضه لفرق السن بينهم الشيخ القرداوى عمل الجزائر شغله الشاغل كأنه بينزل البقالة اللى تحت بيتهم يشترى لولى بوب ويطلع يغنى طلعت ادب نزلت ادب الشيخ بتاعك كان بيهدى اسماء كتبه بعد ما يحذف منها كلمة ابنتى ويكتب مكانها الى الحبيبة اسماء .. لحد ما البنت اصرت واتجوزته وهى يعنى حجر دى بشر يا جرعان وليها مشاعير وأحاسيس والشيخ المتصابى قعد يخطط ويلف ويدور حتى وصل إلى مبتغاه .. وبعد ما وصل إلى مبتغاه راح اتعشى معاها العشاء الأخير وقالها هأوو كان غيرك أشطر يا شابه طبعاً الشابة قعدت تلف وتدور حوالين نفسها ولا طلقها ولا اخدت اى حقوق قانونية طبعا مش قدامها غير الحل الطبيعى اللى اى انسان المفروض يلجأ له حتى ينال حريته وهو القضاء .. استنيت رد من البشمهلوس اللى كان بيشتم مش لاقيت قولت اكمل الموقع ماهى ليلة سودة من اولها فتحت المازنجر وفجأة قفشت لوسيفر بقولك ايه انا بدور على موقع استضافة يقبل ملفات FTP قالى ايه العك ده يا حاجه ما تلغى ده كله وتعمليه PHP يا عم هى طلبت معايا فرونت بيج الاقى عندك ؟ راح جابلى مواقع كتير وقالى جربى .. قولت ادخل اشوف يمكن الواد يكون رد لاقيته فعلاً رد وقعد يطفح ويطرطش وعبدالرحمن واقف له بالمرصاد واتارى لوسيفر كمان بيبعتلى مواقع وبيرد وانا ولا هنا خالص وكأن كان مولد والعالم كله بيتفرج يا بنى عيب احنا بنرد بادب وانت بتشتم يعنى هى دى تربية القرداوى ؟ يقولك لالالا محدش يجيب سيرته ده رئيس اتحاد العلماء ... اهلا يا كبير تعالى هنا علماء ايه بالظبط ؟ فى الجواز من بنات فى عمر احفاده وبعد ما يزهق منهم يمشى ويسيبهم كأنهم جوارى ولا ليهم حقوق ولا من حقهم يطلقوا ويتجوزوا غيره ويعيشوا حياتهم .. هو القرداوى ميعرفش ان الله لعن الزواقين والزواقات ؟ هو القرداوى الكبير عن النقد اللى المتخلفين ناقص يصلوا له هو 5 فروض فى اليوم مش بشر بياكل ويشرب ويتجوز وينسى وياكل حقوق الناس ورغم كل ده برضه بيقولوا عليه عالم يا خى أحه

ومش كان قدامى غير انى ارميه بردوده فى الزبالة لأن كانت كل ردودة شتيمة وسفالة ... وقولنا هنتفرغ للموقع ولوسيفر يقولى الموقع اسمه ايه ؟ وأنا طيب شوف السى بانل دى كدا ينفع يترفع عليها الملفات ؟ واتارينى باعته له سى بانل لموقع مع لنك موقع تانى نوهائى خالص والظريف يروح ياعت للإدارة يهزأهم وبعد شوية تانية ابعت له سى بانل مع موقع تالت .. الا هو مين فينا اللى عامل دماغ النهاردة سيبانى اشتم ادارة الموقع يا حونان شكلهم هيردوا عليا يتفوا فى وشى ... معرفش ايه ودانى تانى على الجروب ولاقيت حد رامى فى وشى لنك فتوى للقرضاوى يبيح فيه الجواز بنية الطلاق .. يا حلولىىى الفتوى دى فعلاً موجودة واباحها ابن باااظ وغيره من بتوع كتب التراث الصفراء لكن معلشى يعنى القرداوى افتكرها الايام دى تحديداً علشان هو مروج الافيون الاول لعقول المغيبين والمتخلفين عقلياً اللى بيقولوا عليه عالم وعلشان كلابه تنتشر يشتموا فى اى حد يجيب سيرته ويقولوا شوفوا ماهو الدين بيقول الزواج بنية الطلاق عاتشى خالص انتوا زعلانين ليه يا كفرة ؟

طيب تعالى منك ليه له لهوذا انت ممكن تجوز بنتك لواحد عارف مسبقاً انها مجرد يومين وهيطلقها ؟ يعنى هى مش بنى أدمة ليها إحساس ؟ ملهاش أى حقوق ؟ للدرجة دى غسيل المخ اللى دايرين بيه من بعد انقلاب يوليو المشئوم جاب تأثير جبار كدا لدرجة ان كل واحد يعتبر بنته او اخته او اى من تحمل تاء تأنيث مشروع سرير لأى عابر سرير يومين تلاته وبعد كدا يطلقها ؟ هو ده مش اسمه زنا برخصة شرعيه ؟

ولا القرداوى اللى بقى بيفتى كمان فى الكورة ويقولك دبى مش فازت بتنظيم كأس العالم إلا ببركة دعاه المرة دى بقى بييييييييج أحه

فجأة لوسيفر جاى يقولى بقولك ايه يا نانو أنتى بتحبى المخلل ؟؟

قولت له انت سبت الهندسة وبقيت بقال الايام دى ؟ قالى اينعم قولت له طيب نص كيلو زيتون من فضلك وابعتهم لى DHL .. بليز لوسيفر عايزة أضيف حاجات فى الهوم بيج ؟ راح سكت شوية وقالى لاء لاء انتى كدا حتفوقينى انا طيب احاول افوق بجد بقى وارجع اشوف ايه الموقع المعجزة اللى هيبقى أول موقع فى التاريخ مالوش اسم ولا عنوان ده... يا بنتى اسم الموقع ايه ؟ قولت له بص بقى انت تشوف الـ Index دى تترفع على أى ملقم ويب .. المرة دى اختفى خااااااالص انا قولت يلا فدايا ..

ورحت اشوف ملفات الـ HTML وألاقى واحد سمج آخر جاى يقولى هو انتى علشان مش عندك ثقة فى عقيدتك كل شوية تدخلى تشتمى الإسلام ؟ قولت له يا حلولى هو القرداوى دلوقتى بقى هو الإسلام ؟ ده لو كلامك ده صح يبقى انا أقر وأعترف إنى مش عندى ثقة فى عقيدتى خالص ابداً نوهائى وأعلن تبرأتى منها أمام العالم أجمع .. راح قالى القرضاوى ده يعتبر قدس الاقداس ومش اسمح لك تتكلمى عليه كدا .. خوفتنى ياض ناقص تقولى إن هو إلا وحى يوحى علمه شديد القوى قالى ماهو كدا فعلاً هو أنتى بتتريقى والله هتروحى جهنم .. ومين قالك انى عايزة اروح الجنة اللى انت والقرداوى فيها ؟

طيب يا جماعة حد يقولى بقى الراجل اللى يكتب لأسماء : أتري أطمع أن ألمس من فيك الجوابا.. أتري تصبح آهاتي ألحانا عذاب- يا حبيبي جد بوصل دمت لي واجمع شتاتي.. لا تعذبني كفاني ما مضي من سنوات- يا حبيبي وطبيبي هل لدائي من دواء.. لا تدعني بالهوي أشقي أترضي لي الشقاء- يا حبا زاد تدفقه فغدا طوفانا يغرقني.. يا شوقا أوقد في قلبي جمرات توشك تحرقني

بقى كلام الشهوانية ده فعلاً يخرج من واحد لا ينطق عن الهوى علمه شديد القوى ؟؟

طيب معلشى تعالو بقى خلينا نتفق فعلاً إن القرداوى ده راجل فاضل وعالم دين محترم جدا اوى خالص .. واحد راح اتجوز بنت فى عمر احفادة ؟ نزوة وخلصت سابها من غير ما تعرف ؟ مش اخدت ولا حق من حقوقها ؟ مش عارفه تتطلق ؟ وبدل ما يعترف بغلطه راح لابس عباية الدين مرة تانية وقناع التقوى والورع وافتى بانه يجوز الزواج بنية الطلاق ؟ طيب محدش بعد كدا يسأل هما أطفال الشوارع بقوا يمثلوا 99.9% من سكان مصر ليه زى نتيجة إنتخابات الرئاسة بالظبط ؟

ومع بزوغ فجر يوم جديد حيث كانت الساعه الرابعة والنصف صباحاً ظهر لوسيفر مرة أخرى ويقولى هييييييييه الملفات اترفعت والله والسرفر قبلها بس برضه اسم الموقع اييييييه ؟ وأى حد عايز يعرف إسم الموقع إيه يفعص هووون


Saturday, December 25, 2010

Merry Christmas

أولاًُ وقبل أى حاجه أنا بعتذر جداً لكل من كتب تعليق على آخر بوست وأتحذف التعليق بالطبع مع البوست ... مش هقدر أسهب فى كلامى وأقول أنا حذفته ليه لكن يكفى أنى أقول حذفته لأسباب شخصية .. عارفه أن منكو أصدقاء قريبين منى وهتقدروا وعارفه ان فى ناس متابعة البلوج حتى لو مش بيكتبوا تعليق وعارفين ان دى أول مرة تحصل لأنى بحترم أى حرف حد يكتبه على البلوج ده حتى لو كان نقد .. طبعا ما عدا بعض الاشخاص اللى عقولهم اتبدلت بنخاعات مسلوقة دول مش بلتفت لتعليقاتهم خالص ومن اول ما اشوف الاسم برمى فى الزبالة اصلى مش بحب اوجع دماغى كتير .. الاعتذار والتوضيح ده لاصدقائى وللناس اللى بينا احترام متبادل وبس

********
كنت بتكلم عن سانتا كلوزا من شوية فى الفيسبوك وببعبر وأوصف أد ايه انا مشتاقة لرؤية سانتا كلوزا النهاردة يمد لنا إيده المملوءة بالفرح والسعادة فسألنى مادو اشمعنا يعنى النهاردة ؟ قولت له علشان النهاردة الكريسماس قالى انتى فى غيبوبة يا بنتى ده النهاردة لسه 25الكريسماس 31قولت له يا حاج مادو عجبته اوى كلمة حاج دى بصراحة مع انه علمانى كافر 25ده الكريسماس لكن 31ده راس السنة . سألتنى راندا ليه عايزة تشوفى سانتا كلوزا ؟ قولت لها يمكن يستلب من دواخلنا المشحونة بالهموم وبعد رحيله يسيب لنا زهوره مع أحلام وأحلى أمنيات ورحت مقلبة صورة من عند صديق عزيز ونزلتها وقولت لهم النهارده ده سانتا كلوزا كل واحد يكتب أمنيته




راح شريف قايلى ده سانتا كلوزا ولا موزة كلوزا يا حنان ؟
قولت له وده سؤال يا بنى ما انت عارف الإجابة مسبقاً وبعدين المفروض كل واحد يكتب امنيته ويشوف عايز ايه ومقدرش أنكر إنى كنت اول واحدة كتبت أومنيتى ومحدش يسأل هى أيه اصلى كتبتها بالحبر السرى

وبما إن النهاردة يوم الأمانى ويمكن تتحقق أو مش تتحقق فى حد انا مدينة ليه باعتذار وأعتراف هو إحساسى إنك لسه بتابعنى وساعات بقرا تعليق من مجهول بحس إنه أنت أصلك بتتكشف بسرعه أوى حتى لو مش كتبت لى فى آخر التعليق إنى بنتك اللى كنت بتتمناها بس ده كويس جدا اصلك كنت هتندم هههههههههههه
فى حوار ماسنجر
ى مع مشمش ومع بداية مجلس النميمة عن ميجو وساندو كان لازم يتخلل الحوار عمو عصام ؟
قولت لها تصدقى لما اتقابلنا فى الأوبرا وشوفت طريقة الحوار كنت حاسة إنى جوا كتاب عن حياة يوسف النجار


بنوتة : بحس بجد إن الدنيا لسه بخير وإن فى ناس بيحبونا ويهتموا بينا حتى لو مش اتقابلنا معاهم قبل كدا كفاية أقولك إنى فعلاً بدور على تعليقاتك ومش قادرة اقولك بتكسف من نفسى أد أيه كل لما ألاقي لك تعليق بتسألى فيه عنى وبتطمنى عن أخبارى شكيت فى مرة إنك نرمين اللى لما مش بتشوفنى يوم فى الفيسبوك من سؤالها الكتير والرسايل اللى بتسيبها لى بحس إنى لو أتأخرت يوم تانى ممكن تحجز على أول طيارة من كندا وتيجى تدور عليا وقعدت فى يوم أحلفها إن مش أنتى بنوته وهى تضحك وتقولى أحلف لك بإيه طيب إنه مش أنا بجد سؤالكو بيفرق معايا أوى ودايماً تلاقينى بسأل هو ليه مش كلنا نفس الحب اللى بنكنه لبعض ده ؟ هو مش المفروض إن بتضمنا سما واحدة وأرض واحدة مع إختلاف الأماكن ؟ ليه الناس بشوفها بتاكل فى بعضها مع إن فى براح فى الكون يقضى أضعاف أضعافنا

أسعى إلى الصفاء الخالد
كل لما أحس إنى قربت أوى ألاقينى كنت جوا وهم كبير أوى وأرجع تانى من البداية .. فى يوم سألت فى ستيتوس إمتا يتحقق السلام على الأرض .. كانت الإجابات محبطة للغاية ولاقيت عبدالرحمن راح جاب لى صورة لمنفذ الهجوم الانتحاري في ستوكهولم....و زوجته و ابنته وبيقولى سلام على الأرض إزاى وفين وفى ناس بينا فاهمه الدين غلط وتفسير الآيات غلط


فكرنى بمقال قريته للأستاذ سامى بحيرى عن جاره فى الطيارة اللى رايح بعثه ياخد فيها الدكتوراه من بلاد الفرنجة وهدفه الأول هو الجهاد ولما سأله ايه مفهوم الجهاد عندك قاله أدعوهم للإسلام وإن مش اسلموا اما الجزية او الحرب.. طيب ناس مش دفعتك فلوس وهتديلك شهادة متحلمش بيها دى شهادة الطب عندك فى مصر مش معترف بيها فى أى دولة محترمة ورايح تعتدى عليهم فى بلادهم ؟؟؟ مين الحمار اللى فهمك إن ده دين ؟ ولا أنت كالثور الذى لا يعرف قانيه ؟

وبما إن لسه الأمانى ممكنة

Lets talk about love - it's all were needin'
Lets talk about us - it's the air we're breathin'
Lets talk about life - I wanna know you
Lets talk about trust - and I wanna show you
Lets talk about love


Friday, December 10, 2010

لبسها النقاب علشان الشمس مش تشاركه فيها

وانا بقول ريحتهم بتبقى معفنة ليه ؟ اتاريهم مش بيطلع عليهم شمس
وياسلام على ريحة التوم اللى بياكلوه على الصبح سنة يهتدوا بيها
الشيخ ابو اسحاق الحيوان واحدة اتصلت بيه بتقوله انها اول مرة تسمع تلفزيون وان ابوها قهوجى وامها بياعة فجل ومن خلال مكالمتها عرف المستوى بالظبط
ياختشى كميلة يعنى عرفت المستويات اللى بتعبرك اخيرا
عرفت المستويات اللى بتسمع كلامك اخيرا
طيب خلى عندك دم بقى وروح اقعد فى اى ماسورة صرف صحى وانصحهم هناك بدل ما تطفح على الناس اللى مش طيقاك

Wednesday, December 1, 2010

جنازة جماعية على هتك عرض الديموقراطية



اشاهد بمنتهى التعجب والعجب والإستعجاب والإندهاش حالة العزاء الجماعى المقامة من الشعب المصرى بكل فئاته وكل طبقاته بل وكل عياله وذكوره واجداده وخلاته وعماته وجميعهم يعزفون انشودة النشاز التى لم تمتعنى حقاً ويقيمون الحداد الجماعى على هتك عرض الديموقراطية امام العالم أجمع فى أول جولة من إنتخابات مجلس الشعب والجميل فى الشعب ده انه بيحب يجامل حتى لو مش عارف وتلاقى اللى له واللى مالوش قاعد يردد كلام ويقولك ده عار على جبينا كلنا وكأنهم يعون فعلاً ماهى الديموقراطية وما فائدتها وكيف يستخدمونها .. أنا لاأقلل من شأن أحد ولكن أحدهم سألنى بعد أن قرأ لى تعليق على ستاتيوس لأحد الأصدقاء وهل الديموقراطية تتعارض مع الدين ؟ إن الدين الإسلامى دين دنيا وآخرة وشامل لكل شيئ .. فأجبته الديموقراطية لا تتعارض مع الدين ولكن الدين هو الذى يتعارض مع الديموقراطية .. لأن الديموقراطية معناها المفهوم حكم الشعب للشعب ولكن ابسط مثال الاخوان المسلمين حينما توجه لهم اى نقد يتم اتهامك بالكفر دون تردد ويعتبرون الديموقراطية غزو ثقافى ومؤمرات على الدين ناهيك عن عدم إمتلاكهم لمنهج او برنامج يفهمه المثقف لا العامة من الناس وعلى الرغم من ذلك يعتبرون امثالهم ملاك الحقيقة المطلقة على الرغم من انه لا يوجد حقيقة مطلقة سوى الموت .
فكان سؤاله اليس من الجهل ان تصفيهم بما ليس فيهم دون أن تجربى حكمهم فالإخوان يريدون الحكم بالشريعة وضرب لى مثلاً بأمرهم شورى بينهم .
فكان ردى واليس أمامى إخوان حماس كتجربة وكان شعارهم الانتخابى ايضا وامرهم شورى بينهم ؟ ومن يضمن لى انهم عندهم يحكمون لا يفعلون مثل ما فعل الخليفة فى إبن المقفع حين وجه له النصيحة فأمر بقطع جميع اطرافة وبقي ينزف حتى مات .. فكان الرد بسرعة الصاروخ وهى إنه كان شاكك فيا بجد من البداية انى كافرة ودلوقتى بس اتأكد علشان كدا هيعملى بلوك وقعد يحسبن ويحوقل ويستعيذ بالله منى ومن أمثالى اللى بناخد معونات من أمريكا بنت ستين فى سبعين علشان نخرب عقول شباب المسلمين .. طيب استنى يا كابتن قبل البلوك بس قولى فين ماء السماء الطهور اللى قال عليه المرشد بتاعكو مش شفع لكو ليه بس كان زمانكو محتلين كل كراسى مجلس الشعب من غير انتخابات ولا بطيخ . بس تقريبا كان سبق السيف العزل وعمل بلوك على صوباعى وانا لسه بكتب اخر حرف على الكيبورد .
شخص بالعقلية دى اتعلم على ايد الكبار اصحاب نظرية طز فى مصر الشهيرة والمعارض هياخد بالجزمة واخرهما احدث نظرية انهم يملكون ماء السماء الطهور اللى هيطهر الشعب ابن الكلب النجس ده هيدخل مجلس الشعب يتكلم فى أى قوانين ؟ فاكرين العضو على لبن اللى قلع لهم الجزمة تحت قبة البرلمان اثناء الحرب على غزة اللى فضل ملف الغزو مفتوح فى مجلس الشعب على مدار اسبوع وكانه كان مجلس شعب فلسطين مش مصر ولما فكروا بس يناقشوا مشكلة التعليم فى مصر ردا على أحد الإستجوابات قالهم لالالالا تعليم اطفال مصر مين أطفال غزة أهم دول اطفال مسلمين وبعد الاعتراض كان لا صوت يعلو صوت الجزمة تحت قبة البرلمان .
هى مش الديموقراطية برضه معناها التعددية الفكرية والدينية وحرية المعتقد
طيب ما تيجو فلاش باك بس لسنة واحدة مش هنروح اكتر من كدا اصل انا شخصياً مصابة بالزهايمر وذاكرتى اخرها تحتفظ باحداث سنة مش اكتر ممكن اقل كمان .. فاكرين ليلة عيد الميلاد لما اتقتل 7 شباب فى عمر الزهور بعد صلاة القداس .. عارفين السبب ايه اللى اتقتل علشانه الولاد دول ؟ بامانة مش ليهم اى ذنب ولا عملوا اى حاجه بس اتقالك العيال دول اتقتلوا اصل فى ولد مسيحى اغتصب بنت مسلمة على الطريق الزراعى وقبضوا عليه .. طيب الناس اللى ماتت دى ذنبها ايه ؟ قالك مش مسيحيين زى بعض !! .. بعدها بشهر الولد اللى ابوه وعمه اتقتلوا اصل ابنهم قليل الادب المسيحى كان بيحب بنت مسلمة وصورها على الموبايل ونشرها على النت .. حد شاف صور البنت على اليوتيوب ؟ اصل البنت كان واضح جدا انها مستمتعة ومبسوطة وبتتصور بمزاجها .. وبالرغم من كدا قامت الدنيا واهل الولد قتل منهم ما قتل واتكسر محلات وصيدليات الاقباط .. يليها منزل دعارة المنيا اللى مفتوح من سنين على مرأى ومسمع من الجميع .. لكن معلشى ده بيت دعارة مسلم على الشريعة الاسلامية إنما يدخله مسيحى لا وألف لا فالمومس المسلمة لا ينكحها الا صايع وبلطجى مسلم .. فاكرين بقى الجماعة البهائيين ؟ اللى حرقوا بيوتهم وهما نايميين وخرجوهم من بيوتهم حافيين ؟
ديموقراطية ايه اللى بتعيطوا عليها وحرية ايه اللى بتفكروا فيها ؟ وانتوا اساسا لا تفقهوا معانها ؟
ديموقراطية منع المحجبات من الشواطئ والخمارات اللى فريد اسماعيل مقدم عليها بتاع الفين استجواب هما المحجبات اللى كان داخل المجلس علشانهم دول بيدخلوا خمارات وشواطئ عراه يعملوا فيها أيه ؟ ومش شوفناه اتكلم عن اطفال الشوارع ولا سكان العشوائيات ولا مهدودى الدخل وعمال الاعتصامات ؟ مش شوفنا حد اتكلم عن الأعراض اللى بيتم انتهاكاها كل يوم فى الشوارع والمواصلات على مرأى ومسمع وكل جاهل يبرر عجزه بكلمة مش شايفه هى لابسه آيه ؟ وياترى العجوز اللى عندها 75 سنة واغتصبوها فى المقابر كانت لابسه اية ؟ وسيدة كفر الشيخ اللى نزلوها من بيتها تحت تهديد السلاح اغرتهم إزاى ؟ والطفلة اللى عمرها 9 سنوات واغتصبوها وهى راجعة من تحفيظ القرآن آثارت السفلة اللى بتطلعوا مبررات لشهوتهم الحيوانية باى مسمى إزاى
لما تعرفوا يعنى ايه تعدييه فكرية ودينيه وحرية المعتقد ومفيش لدين سلطة على دين اخر لما تعرفوا ان جميع الاديان متساوية تحت قبة البرلمان لما تعرفوا انه علشان يسود المجتمع روح الحب مش الحقد اللى مالى القلوب بدون اى ذنب او مبرر وقلة الادب والسفالة على الضعيف لما تعرفوا معنى حرية المعتقد وعدم التمييز على اساس الدين أو الجنس ولما تتخلوا عن دخول المجلس برفع شعارات العنصرية الدينية والطائفية والقومية وقتها بس انا هكون اول واحدة انوح واصوت على الديموقراطية اللى سابتكو وذهبت مع الريح