Desert Cat Search
قطه الصحراء: 11/1/10 - 12/1/10

Saturday, November 27, 2010

بتوع دين دول ولا شراشيح حوارى

من بعد محمد حسان وجدى غنيم قاعد يردح لعمرو خالد ويقوله انت بتقول على نفسك داعيه اسلامى يبقى لازم تكون بدقن وجلابية مينى
اصل بصراحة وجدى غنيم مش بيعجبه اللى بيلبسوا بدل مستوردة و بيحلق دقنه كل يوم علشان هو كدا كافر وماشى على منهج الفرنجة الكفرة لانه مش بيتحدث بقال الله وقال الرسول ومش بيحث الناس على العلاج ببول الابل ولازم يقنعهم بارضاع الكبير
وزواج المسيار ومفاخذة الاطفال ونكاح الغلمان
يبقى عمرو خالد مش مسلم اصل امريكا الكافرة كرمته من ضمن 100شخصية
وجدى غنيم مفقوع وهيطق له عرق علشان عمرو خالد بيقول انا حسنت صورة الاسلام فى امريكا اصل مش قدر يعمل كدا فى 4سنين
مش مهم مين بيشرشح لمين ومش مهم بيردح لمين الاهم انهم شوية مرتزقة ودجالين وقعوا فى بعض على الله بقى المغيبين والمتخلفين يفوقوا ويعرفوا انهم عبارة عن مفعول بهم وانهم مجرد وسيلة لتورم ارصدة النصابين دول فى البنوك


Wednesday, November 24, 2010

اللى يقابله مسيحى يقتله

المصريين فى مصر بلدنا المصريين اللى فلقونا بالاسطوانة المشروخة مصر بلد الأمن والأمان بقت مصر بلد المصالح والمنتفعين ... وبما ان المشايخ على مختلف أنواعهم وألوانهم وجنسياتهم وزعوا الأفيون على الشعوب والناس تقبلته بصدر رحب لدرجة انهم دخلوا فى الغيبوبة فبقى الجهاد دلوقتى هو بقتل المسيحيين .. اللى هما زينا مصريين واللى هما برضه زينا المفروض ان ليهم حقوق فى البلد وعليهم واجبات زى ما علينا بالظبط بس لأ ابو اسحاق الحوينى قال عليهم كفرة واوعى يوم عيده تقوله كل سنة وانت طيب لانك كدا بتساعده على الكفر ولو قابلك فى طريق اوعى تبتسم فى وشه وضيقوا عليهم فى الطرقات علهم يعودو الى رشدهم ويدخلوا فى دين الله افواجا او نهججهم من البلد فاصبح المسيحى فى مصر عليه واجبات ومالوش اى حقوق .. اصل يعنى ايه ناس تفرح بالعيد وتروح تصلى ده لازم يتحرق قلوبهم على اولادهم علشان نقتل فرحتهم اهو ده اللى ناقص كمان انهم يبقى لهم اعياد ويفرحوا بيها .. علشان ايه يبنوا كنيسة بفلوسهم مش عاملين صناديق فى الشوارع وكاتبين عليها العبارة الخالدة تبرعوا لبناء المسجد .. مجانين دول عايزين يبنوا كنيسة فى مصر اللى دمرت حضارتها وارتدت ثياب البداوة وبقت وهابية مع سبق الإصرار والترصد ؟؟ لكن لما يتقال لهم فى امريكا حددوا مكان تانى ابنوا فيه مسجد يصرخوا ويصوتوا ويقرفوا الدنيا نواح وياريتهم اتمنعوا دول مسموح لهم بالبناء لكن الاختلاف على المكان .. شوفتوا بقى امريكا الكفرة ولاد الكلب اللى عايزين يفسدونا وبيعملوا علينا مؤمرات بيحترموا انسانية ازاى وحرياتهم الشخصية ؟ لكن فى مصر ازاى المسيحيين اللى هما مصريين يفكروا يبنوا كنيسة فى بلد مش بتاعتهم وبتعتبرهم عاله علشان كدا بقوا ملطشة لوعضو مجلس شعب عايز يستفيد يسلط بلطجية عليهم عادى وهما مين هيعبرهم اصلا ويقف جنبهم .. داخلين على انتخابات نخترع اى مصيبة نحطهم فيها مفيش مشاكل وبما ان الاخوان والحزب الوطنى وجهان لعلمة واحدة وعلى علاقة سرية غير شرعية اذن الاحداث اللى حصلت النهاردة فى العمرانية للمسيحيين لا تخلو منها يد الإخوان .. اشمعنا فاقوا فجأة بعد ما المبنى قرب يتشطب ؟ رايحين يهدموه ويرموا قنابل مسيله على المسيحيين العزل ويحدفوهم بالطوب وكان غزة اتفتح لها فرع جديد فى العمرانية ؟ واشمعنا الكنائس اللى عليها حظر وبيتعمل عليها كل الضجة دى حتى لو فكروا يرمموا سور الكنيسة ؟ واشمعنا المساجد والزوايا منتشرة اسفل كل البيوت والعمارات وفى كل شارع وزقاق وبالرغم من كدا برضه بيقفلوا الشوارع وقت الصلاة ده غير الاصوات المزعجة اللى بتطلعها المكرفونات 5مرات فى اليوم ؟؟ ولمصلحة مين قانون البناء الموحد مرمى حبيس الادراج ؟
ويعنى ايه مستشفى الهرم عنده اوامر بعدم استقبال المصابين واسعافهم .. طيب كنتوا اعتبروهم جرحى غزة .. اه سورى نسيت انهم مش مسلمين وبالتالى لازم يتعاملوا معاملة الكلاب نعاملهم بانسانية على اساس ايه ؟



فى حد يرضى يشوف ابنه بيموت قدام عينه بالشكل ده يا ظلمه

Friday, November 19, 2010

انكح طفلة ولك الاجر

الراجل بتاع الاطفال اللى قاعد فى الفديو ده بيقول ممكن تتجوز طفلة عمرها سنتين طالما عجباك اخلاقها
الحق روح اتجوزها قبل ما يسبقك واحد تانى ويتجوزها عجباك اخلاها وهى عندها سنتين حد واخد باله ؟؟ مش مهم انت عندك كام سنة مش مهم انها محتاجة رعاية مش مهم شعورها النفسى المهم انك تفاخذها ولما تحس انها بقت حيطة وتتحملك عيش حياتك معاها زى ما انت عايز ..
الله يخربيتك
الله يخربيتك
الله يخربيتك
انا لو اقدر اتحكم فى الاشكال دى اللى متعرفش من الحياة غير زواج الاطفال والمفاخذة لكنت جمعتهم ووقفتهم فى مكان عام وجبت كل اطفال العالم يتبولوا فى بؤهم


Tuesday, November 16, 2010

تحيا الوحدة الوطنية


واضح انه أصبح ممنهج مع صبيحة كل يوم عيد نسمع خبر قتل مسيحيين زى ما حصل فى ليلة الميلاد يناير 2010والحجة اغتصاب طفلة فى السادس الإبتدائى وبعدها توالت الاعتداءات تحديداً فى صعيد مصر واخرهم قتل شاب فى الشارع على مرأى ومسمع من الجميع اصله قفشوه فى بيت دعارة مسلم .. بصراحة يستاهل القتل والحرق كمان بيوت الدعارة المسلمة مسموحة للمسلمين فقط .. وفى يوم عيد الاضحى المفروض الناس بتصلى العيد وتسلم على بعضها المفروض العيد يعنى لتنمية روح المحبة والتسامح وصلة الرحم والود بين الناس وبعضها بصرف النظر عن دين او عقيدة لكن الاخوة فى قنا ابوا ان تمر المناسبة مرور الكرام من غير اى مشكلة مع المسحيين حرقوا بيوتهم وكسروا محلاتهم فى قرية ابو تشت اصل واد مسيحى سافل قليل الادب عاكس بنت مسلمة .. والجميع عارف المسلمة لا يعاكسها ولا يتحرش بها إلا مسلم .. علشان كدا حوادث التحرش والإغتصاب اللى مغطية مصر من شرقها لغربها الجميع بيشوفها وساكت عرض مستمر لان الزبالة اللى بيتحرش رافع شعار انا مسلم والمسلمين اولى بالتحرش وانتهاك آدمية بعض ... بس معلشى انا نفسى اعرف مين العبقرى اللى فهم المسلمين فى ابو تشت ان التضحية فى عيد الاضحى بقت بالمسيحين بدل من الخروف ؟

Monday, November 15, 2010

عيد سعيد

عيد اضحى سعيد على العالم كله فى شتى أنحاء الأرض دون التمييز بين دين او جنس
وياريت يا جماعة بهذه المناسبة العظيمة الفزيعة الشنيعة محدش يرمى قاذورات فى الشوارع اصل الشعب المصرى شعب مرفه خالص على راى احمد عز وبيدلل عن رفاهيته برمى اى حاجه فى ايده فى الشارع وطبعا الجماعة الحلوين اللى بيصلوا العيد ويطلعوا يتحرشوا بالبنات ياريت وزارة الداخلية تكثف جهودها لوقف الجرابع دى عندها حدها ده لو عاوزين يعنى لكن تقريبا المسئولين ممكن يدخلوا غرفة الانعاش الجماعى لو فضايح التحرشات الجماعية فى مصر مش اخدت اكبر مانشتات فى الصحف كل عيد
اخر حاجه بقى مش تاكلوا لحمة كتير علشان التخمة المصريين مش ناقصين اصلا احجام زيادة كفاية الناس اللى وزنها الف كيلو بيقفلوا الشوارع وهما ماشيين العرض عرضين بجد حاجة غريبة الناس بتشتكى من الاسعار والجوع وهما اكبر شعب ضرب الرقم القياسى فى الأحجام الخرافية الست تبقى ماشية تضاريس من ورا ومن قدام كانها كتلة متحركة واغلب الرجالة يبقوا كرش وطالع له شنب .. بليز يا جماعة خافوا على صحتكو وخليكو نضاف علشان اكتر حاجه بتقرفنى فى العيد ده الناس اللى بترمى زبالات فى الشوارع


Saturday, November 13, 2010

فتوى الكوسا‏


فتوى رقم)26409 .(تاريخ 29\4\1421هـ الرد على الفتوة

إلى من أفتى هذه الفتوة الغبية العجيبة, والى من أرسل هذه الفتوى..

إنني الزوجة الثالثة لرجل له اربعة زوجات , واظن انها مشكلة لا اقول ان غالبية النساء تعاني منه بل الاكثرية هنا في السعودية , مع العلم ان زوجي يبلغ الثامنة والسبعين من العمر , ولا يستطيع ان يقوم بواجبه الزوجي الا مرة واحدة في الشهر وينام بعدها اسبوع في فراش المرض ماذا افعل؟ تبقى الكوسا الدواء الناجع لحالتي وحالة اخواتي في نفس المنزل ,حيث ان الكوسا غالبا طازجة وقياسها وشكلها ورأسها يوافق حالتي واخواتي ,الان وقد قامت لجنة الافتاء الموقرة بتحريمه ماذا نفعل ؟ أتوجه إلى ضمائركم ان تعودوا عن قراركم او تستثنوا اللواتي في مثل حياتي ,مع العلم ان الموز والخيار قد سبب لي الحساسية , واستشرت طبيبة اعرفها فنصحتني بالابتعاد عن الخيار والموز واستعمال الكوسا هذا قبل تحريمه.

الكوسا <26409> تاريخ 29\4\1421ه

الحمد لله وحده والصلاة والسلام على من لا نبي بعده – وبعد

فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتية أم طلحة والمحال إلى اللجنة من الأمانة العامة لهيئة كبار العلماء برقم 1709 وتاريخ 3\4\1421ه وقد سألت المستفتية سؤالا هذا نصه: انتشرت في الآونة الأخيرة وبعد أن منّ الله علينا بموسم زراعي جيد ظاهرة شراء الكوسا المتوسطة الحجم وبكميات كبيرة جدا تفوق حاجة المنزل وتوافق ذلك مع انشغال الرجال بالمباريات الرياضية فما حكم ذلك وبعد دراسة اللجنة للاستفتاء أجابت بما يلي : ليس من هدي المسلمات على مر القرون أن يلجأن إلى استعمال هذه الوسائل الغير شرعية والتي وفدت إلى نسائنا من الأفلام الخلاعية التي يرسلها الكفار وأعداء الإسلام وخاصة اللواتي ذهبن في زيارات إلى بلاد الكفار وتعودن على بعض من هذه العادات الغريبة عن مجتمعنا , مع العلم أن هذه الكوسا قد تسبب النزف وتؤدي إلى العقم وبما أن غاية الزواج في الإسلام هي الإنجاب بناء على ذلك فلا يجوز التعامل بالكوسا على الوجه المذكور بيعا أو شراءَ أو إهداء والمشروع في هذه الحالات هو الخيار والموز كما دلت على ذلك سنة النبي صلى الله عليه وسلم . وبالله التوفيق

اللجنة الدائمة للبحوث العلمية والإفتاء
عضو : بكر بن عبد الله أبو زيد عضو:صالح بن فوزان الفوزان
الرئيس عبد العزيز بن عبد الله بن محمد آل الشيخ

Monday, November 8, 2010

بلاد المتناقضات

لسنا ضد حرية الرأى والتعبير ولكن لو اتكلمت عكس اللى احنا عايزينه حنطير رقبتك

لسنا ضد عمل المرأة لكن فى الحقيقة هى شغلتها الأساسية البيت وتتجوز وتطبخ وتمسح الحمام وآخر الليل تضاجع مولاها ليتكاثروا

كلنا مواطنين يهمنا مصلحة البلد أولاً والحفاظ على الهوية المصرية وكلنا نسعى جاهدين ضد التمييز بس لو مسيحى فكر يرمم سور كنيسة هنهده على دماغه ودماغ اللى يتشدد له

أمريكا عدوتنا اللدود دول بيتأمروا علينا ليل نهار وعايزين يبوظوا اخلاق شبابنا علشان إحنا احسن منهم .. وجذمهم دابت على سفارتها

اسرائيل ايه دى ؟ هى دى اصلاً دولة دول شوية جرابيع معتدين ملهمش شغل غير الحروب والمؤمرات .. وجامعاتها ترتيبها الأول والجامعات المصرية فى المؤخرة عفواً فى آخر ترتيب بين جامعات العالم

قاطعوا من أجل إخوانكم فى غزة دول برضه مسلمين زينا .. وهما سايبين المحتل وجايين يقتلوا الظباط المصريين على الحدود ( عالم ولاد كلب بقى ) نعمل ايه

القنوات الدينية والشيوخ دول المسلمين الى بجد هما دول اللى هيرجعوا لنا اسلامنا اللى راح بعد ما دول الغرب الكافر نشرت العلمانية .. وشيوخ الفضائيات ميعرفوش غير الدعوة للزهد والتقشف وطاعة أولى الأمر وشعر المرأة العورة وفى نفس الوقت يتجوز خمسة و يكون عنده سبعين سنة ويروح يتجوز بنت عمرها عشرين سنة ( ايوا الراجل بيجاهد )

كل الناس المحترمة لو سافرت سياحة تشوف تاريخ البلد وسر حضارتها والعرب يسافروا مخصوص يدوروا على الأفخاذ العريانة

كل الناس المحترمة لما تخاطب أى أنثى لا يهتم إلا بعلمها وثقافتها والعرب كل إهتمامهم هو جسمها

العربى من سعيه حقاً للمساوة وتحقيق العدالة الإجتماعية تلاقيه بيجرى ورا اى من تحمل تاء تأنيث وفى نفس الوقت يقتلها اصلها خانت شرفه

بيقولوا لك " لا إكراه فى الدين " وفى نفس الوقت اللى بقولوا "من غير دينه فأقتلوه "

قاعدين يقولوا احنا اهل سماحة ومظلومين فى دول أوربا ومضطهدين .. وهما مبيبطلوش شجب ولا تخريب لو دولة فكرت تطبق قوانينها من اجل الحفاظ على هويتها الثقافية وكأن اى مكان يدخلوه حكر لكن لو اى وافد مارس طقوسه فى البلاد العربية تلاقى صيحات التكفير والامر بقتله ازاى اصلنا بلاد اسلامية ليها عادتها وتقاليدها

هو ايه اللى بيعملوه ده ؟ هى الناس دى مجانين ؟


Tuesday, November 2, 2010

الإرهاب ليس له دين


فى بيان لتنظيم القاعدة تبنى فيه هجوما داميا على كنيسة سيدة النجاة التابعة للسريان الكاثوليك ببغداد مساء أمس الأول حاول التنظيم تبرير الهجوم بالقول إنه نفذه نصرة لأخواتنا المسلمات المستضعفات الأسيرات فى أرض مصر المسلمة وطالب إطلاق سراح كاميليا ووفاء وجميع الأسيرات المسلمات .. أولاً مين دول ؟ ومين اللى عينهم أوصياء على دول العالم وحماة للدين ؟ ومين اللى قالهم إن مصر ليها ديانة ؟ مصر مصرية رغم أنف الجميع

مين اللى قالهم إن قتل الآمنين وترويعهم هيدخلهم الجنة ؟ ومين اللى شجعهم على التعدى على سيادة وأمن دولة بحجم مصر ؟ من خلال متابعتى للتعليقات على المواقع الالكترونية شوفت اتحاد مش كنت متخيلاه خصوصاً بعد كلام العوا ومظاهرات السلفيين والإخوان .. وعند آخر ثلاثة اسمحوا لى بوقفة العوا والسلفيين والإخوان .. من يسعون للحكم لفتح مصر على مصراعيها لايران وحماس واخواتهم فالحدود بين الدول حرام شرعاً اصل الاسلام مش كان فيه كدا كمان جدار عازل ايه ده اللى يتبنى البلد لازم تبقى سداح مداح لكل من هب ودب .. وإن أمنا نفسنا وقفلنا الأنفاق اللى بيهربوا منها المخدرات والأسلحة ويدخل من خلالها الارهاب لمصر يبقى نظام كافر بيساعد القتلة وسفاكين الدماء .. إذن مين اللى سمح لمصر بالتهديد نعم فالتهديد للكنيسة المصرية هو تهديد للمصريين جميعاً .. مين اللى كان صاحب اليد العليا فى تهديد الأمن داخلياً حتى يتجرأ الإرهابيين بالتهديد خارجياً ؟؟

أنا لا اقصد من كلامى التحريض ولكن لا يمكن لكل صاحب بصر وبصيرة إنكار ضوء النهار

إذا كان أياً من الديانات الإبراهيمية الثلاث أمر بالقتل وسفك الدماء حتى يرضى عنك الرب ويرزقكك ب72 فيرجن فى الحياة الأخرى فأتوا ببرهانكم إن كنتم صادقين .

يا من تتشقدون بأن الإسلام دين السماحة فأى سماحة فى حروب داخليه خبيثة يشنها من يملكون ماء السماء الطهور الذى سيطهر الشعب المصرى على أساس ان الشعب ده نجس .

ألم تعرفوا من الدين أن الانسان لا يقدر إلا بالعمل والمعاملة والتقوى اما الأديان فهى لتنظيم العلاقات الإجتماعية وإحترام الإنسانية ؟ فأى تنظيم واى إحترام لجماعة طز الشهيرة وإنجازتهم التى لا تخفى عن أحد تحت قبة البرلمان من رفع جزم على المعارضين وسرقة أدوية العلاج على نفقة الدولة ؟ وإن نظرنا للسلفيين فلن نجد إلا كل خراب ودمار وتكفير وإنحطاط فكرى وأخلاقى ويكفينا ما يفعلونه من أجل طمس الهوية المصرية وسعيهم للعودة بمصر آلاف السنين ولكن أخاف الظلم حقاً فمن إنجازتهم إغلاق المساجد والشوارع بالمظاهرات من أجل كاميليا .

فإذا كان الداخل يعج بمثل هؤلاء ؟ لماذا نلوم إرهابيين الخارج ؟ أنا لا أوجد لهم المبررات فأنا أثق تمام الثقة فى الأمن المصرى وفى جميع المصريين الشرفاء المسلمين قبل المسيحيين فى حماية الكنائس المصرية فوحدة الدم واخوة الوطن فوق الجميع .. ولن يسمح مصرى شريف بالتدخل السافل والتهديدات الحمقاء من أمثال هؤلاء السفاحين .

ولردع المجرمين حتى لا تعاد الكرة مرة أخرى وجب بيان مشترك من رجال الدين مسلمين ومسيحيين وكتم أفواه من يسعون للفتنة والمهللين .. أعتقد ده وقت المصريين اللى بجد بصرف النظر عن الإعتقاد والدين أن الجميع يبقى إيد واحدة ليعلموا هؤلاء القتلة أن جميع المواطنين بجميع الديانات بمختلف الأطياف = مصر