Desert Cat Search
قطه الصحراء: 10/1/10 - 11/1/10

Thursday, October 28, 2010

علمونى أن أنكر الاصوات

كنت وانا صغيرة لما اتكلم بصوت عالى الاقى ماما تقولى ان انكر الاصوات لصوت الحمير .. ولما اضحك بصوت عالى الاقيها تقولى يا بنتى الرسول كان بيبتسم .. لحد لما دخلت المدرسة وأول درس فى النصوص كان حفظ آية ان انكر الاصوات لصوت الحمير وتفسيرها .. ولما كبرت شوية وبدأت اعرف يعنى ايه مشكلة وازاى ممكن أحلها كان دايما يتقالى الصوت العالى بيخلى صاحبه فى موقف ضعف حتى لو هو صاحب الحق ولحد كدا مفهوم لكن اللى مش مفهوم لحد دلوقتى .. انى لما كنت اسمع الاذان اروح لماما اسألها هو انتى مش بتقولى لى انكر الاصوات امال ده صوته عالى ليه ؟ بعد التكشيرة التمام لاقيتها بتقولى اخر مرة اسمعك تتكلمى بالطريقة دى ثانياً علشان يذكرنا بوقت الصلاة ونقوم نصلى الصلاة حاضر وفى وقتها .. امممممم مش مقتنعة اصل اللى اعرفه ان مفيش حد مستنى واحد تانى يفكره بواجبه وفروضه ده احنا من اول يوم فى المدرسة بنصحى فى معاد معين ونروح من غير ما حد يفكرنا ... وبما ان ماما قالت لى اخر مرة اسمعك تتكلمى كدا روحت سالت الميس تانى يوم نفس السؤال .. قالت لى اطلعى بره ومش تيجى غير وانتى معاكى ولى الامر .. لما كلكوا رافضين امال أسأل مين ؟

لما تبقى محظوظ زى وبيتك خلفه مسجد وعلى يمينه مسجد وقصادة مدرسة وقبل الفجر بساعة تلاقى انطلق سباق مين هيفوز بأعلى صوت وبعد الفجر بساعه اللى خلف بيتك يخلص اللى على يمينك يخلص بعده بنص ساعة ولسه هتبتدى تقول اخيرا مفيش ازعاج تلاقى طابور المدرسة إبتدى ياخى A7A

لما يبقى كل شارع فيه مسجد لكل مواطن وميكرفون لكل من هب ودب يبقى من حقى أعرف مين اللى قالهم إن ده من الدين ؟

مش ربنا هو اللى قال برضه انى قريب اجيب دعوة الداعى إذا دعى ؟ و مش هو اللى يسمع من فى القبور ؟ ومش هو اللى يعلم السر والجهر ؟

امال مين اللى قال للناس اللى ساعات بتحط المايك فى بؤها لدرجة انك غالبا مش تقدر تميز هو بيقول ايه ؟ والاصوات النشاز اللى طالعة من كل اتجاه ان ده هو الدين ومش ينفع صلاة من غير الإزعاج اللى بتعملوه للبشرية ده ؟

هو مش المفروض فى الصلاة الخشوع ؟ ليه بقى اخر حاجه تفكروا فيها واصبح المسيطر ايديولوجيا الاستبداد و القهر باسم المقدس .

Wednesday, October 27, 2010

اتفضل شوب من بول الابل

من اليوم وداعا للاطباء وعلينا باغلاق كليات الطب الكافرة خلاص توصلنا للحل الاعرابى المذهل شكولاتة لبن الابل تحمى من امراض السكر والسرطان الله يفضحوا يا شوية متخلفين بقينا اضحوكة العالم





اللنك من احد المعلقين على البوست السابق
تحياتى

Sunday, October 24, 2010

وما الحياة إلا ؟!!


ما زلت أحاول أن أتدارك بعض الأشياء .. ما زلت أحاول قراءة رسائل موجهة من الحياة من الأقرباء من الأصدقاء من جميع المحيطين .. ولكن دائماً أفضل أن أحجز أول صفوف المتفرجين .. أفضل الصمت حتى النهاية لتكون كلمتى هى الفاصلة .. ولكن أى نهاية فى حياة لم تنتهى بعد ومع اشخاص لا زلت أحيا بينهم محافظة على المركز الأول فى صفوف المتفرجين مهما داروا ولفوا من حولى وانا ادور معهم فى نفس الدائرة يتشاجرون تارة ويتضاحكون تارة يحبون الحياة مرة ويزهدونها مرات وأنا بين هذا وهذاك لا يلح عليا الا سؤال واحد فقط .. ما ذنب شخص فى أن يتحمل خطأ غيره ويضطر لدفع الثمن طوال حياته من أعصابه وعمره ؟

احاول الهرب بعيداً عن المحيط الذى احيا به فأصطدم بواقع لا حديث له إلا عن الديموقراطية .. اضحك بشكل هستيرى أصل اللى اعرفه ان علشان نعرف يعنى ايه ديموقراطية انه لابد من احترم الآخر و تعلم الرقى فى الحوار وبالتالى الإبتعاد عن العنف فهل هذا يوجد بيننا ؟ فما أراه حتى فى عالمنا الإفتراضى هو الصوت العالى والشجار على أتفه الأسباب ولو ألقينا نظرة سريعة على أخبار الحوادث لقرأنا عن إعتداء طلاب على مدرسيهم أو قتل أطفال فى مراحل ابتدائية لبعضهم البعض بسلاح أبيض .. فهل أصبح السلاح هو القلم الذى يحمله التلميذ أثناء ذهابه إلى المدرسة اليوم ؟

وقفة مع النفس ماذا نريد ؟ وماذا نفعل ؟ لماذا نرفض الإعتراف بالآخر ؟ لماذا النظرة الأحادية بإمتلاك الحقيقة المطلقة وتناسى الآخرين ومشاعرهم ؟

مشاعرهم !!! لماذا ألوم على الآخرين فى تناسى مشاعر غيرهم إذا كان الاباء والأمهات فى خلافاتهم المستمرة يتناسون من يسمونهم فلذات أكبادهم .... فى الغالب يكون الطلاق هو الحل ولكن حتى هذا أرى فيه أنانية فإذا كان الطلاق حل حتى يستريحا من آلامهم وشجارهم المستمر فأنظر إلى المستقبل وما يصحبه من تشرد وضياع وتشتت وفراق وفقدان لرعاية الأسرة .. تقابله عقبة مع من سوف يكمل حياته مع من يملك المال ؟ أم مع من تملك العطف والحنان ؟ وإن حسم الإختيار حيث أمان المال فهل سيتحمل المعاملة القاسية سيتحمل الضرب سيتحمل التوبيخ والسخرية بداع وبدون ؟لماذا يتناسون زهورهم فى غمرة مشاكلهم التى تؤثر فيهم وتدفعهم للبحث الدائم عن من يترفق بهم وهل من يترفق بهم هذا سوف يكون أشد حرصاً عليهم أليس من الممكن أن تسر لشخص في لحظة ضعف بسر أثقل تفكيرك أو خطأ إرتكبته فى لحظة ضعف ليأتي في لحظة لم تتوقعها ( ويطلعلك) القديم والجديد ؟

إحنا ليه آسيين أوى كدا على نفسنا ؟ وليه أصبح من المستحيل خلق يوتيبا جميلة من العلاقات الإنسانية بين الناس وبعضها كنت خايفة اكون ظالمة فى تصوراتى أو تكون دى مجرد اوهام .. حاولت اتكلم مع ناس مختلفة لا اكون مبالغة إن قولت اغلبهم اكدوا صدق كلامى حسيت وقتها الجميع يحيا آلام مختلفة ومشاكل مختلفة تجعل الجميع يترنح كالطائر المذبوح وعلى الرغم من آلامة يستجمع قواة المنهكة ليضرب بأجنحته فى الهواء عله ياخذ من الحياة أخر نسماتها .. صديقة جميلة قالت لى تشبيه قتلنى .. انا كنت حاسة انى واقفة فى وسط ميدان عام عريانة وكل اللى رايح واللى جاى ماسك ازازة وواقف يشرح فيا .. طيب اقولها ايه ؟ أنتى نزيفك خارجى وجروحك ظاهرة وتنفع تتداوى بس ارجوكى مش تقفلى على نفسك وتنسى تعالجى جرحك حتى لا يقتلك تقيحه ؟ شعور آسى أوى وإحساس قاتل انك طول الوقت عايش فى تناقض بين غربة المكان والنفس وسط ناس انت مش لاقى نفسك بينهم ولا معاهم وكأن الحياة مستخسرة فيك متعة الصفاء الخالد

Friday, October 22, 2010

تتقطع ايده

اجمل خطوة عملتها الدولة من سنين بامانة هى قفل القنوات المأجورة اللى بيجيبوا فيها شوية زبالين وقطاعين طرق يلبسوهم الطرحة البيضة والجلابية ويقعدوهم يتقيؤا على مسامع العباد .. الجربوع اللى فى الفديو ده قاعد يقول المرأة تنضرب امتا بقى يا حلوين ؟
مش لو مش عملت لك اكل ولا لو مش مسحت البيت ولا مش دخلت اطفالها مدارس وعلمتهم يمكن يطلعوا نماذج مفيدة لنفسهم ولمجتمعهم ؟ لا يضربها لو امتنعت عن الفراش يا خى احة يا راجل
يتقطع إيده قبل ما يمدها عليها .. افرض هو واحد جربوع زيك ومعفن ومش بيستحمى غير فى الاعياد والمناسبات الرسمية ؟ تستحمله ازاى ده ؟
وتلزق عهرك الأخلاقى فى ربنا يبقى ده اسمه ايه غير انك بتتبلى على اللى خلقك ؟
هو انت بتخاطب شوية حيوانات ؟ علشان كدا لو امتنعت مفيش حل غير الضرب ؟


Tuesday, October 19, 2010

شاهد عيان على شراشيح جامعة الازهر

شوفوا الفديو ده علشان تعرفوا جرابيع جامعة الازهر والشرشوحتين اللى قاموا بالفيلم الهابط قدام جامعة الازهر مع حرس الجامعة ومدى سفالتهم وسفالة اللى ربوهم واللى علموهم يمثلوا بالشكل المبتذل ده



وبما ان كل شيق بدأ ينكشفن ويبان

فخبر سعيد جدا نقاط النور تواصل ظهورها

إغلاق قناة الحكمة الفضائية وإيقاف بث "الرحمة" من مدينة الإنتاج

ماهو مش كل سواق توكتوك يروح يحفظ له آية وحديث ويجى يعمل فيها شيخ ويقرف الناس فى عيشتها

Monday, October 18, 2010

هواك معناه الحياة


كنت أبعد حلم فأصبحت أجمل واقع حتى الآن لا أصدق .. لا أصدق انك ملئ السمع والبصر والفؤاد .. كانت تطالعنى صورتك فيخفق قلبى كانت مهمتى شاقة .. أخاف محاورتك لتفلت الكلمات من لسانى ليسقط إعترافى بعشقك من بين يدى دون أن أشعر به وبعد أن صرت ملك لى أتهيأ دوماً لملاقاتك نعم أنظف نفسى وأتطهر وأغلق الأبواب والنوافذ لأمارس الكتابة إليك .. اليوم أشعر بأن لغات العالم كلها ضعيفة لا تستوعبنى .. كل المساحات ضيقة لا تحتملنى لذلك قررت الإنفصال عن جميع الناس حتى أحيا فقط بين أحضانك .. أراك قوياً جداً فدعنى أستمد منك قوتك ! علمنى كبف اوقف حواسى عند حدها فعينى لا ترى سواك واذنى لا تسمع الا همسك وقلبى لا ينبض الا باسمك وكيانى كله يهتز بمجرد رؤيتك أخبرنى كيف قتلت كل هذه المسافات وجئت لى لتضع بصمتك على كيانى حتى وشمت جميع اجزائى ببصمة الروح ؟ وكيف رغم هذه المسافات الشاسعة تشعل بداخلى كل يوم آلاف الحرائق وتتركنى دون أن تطفئها ؟ أتعلم أنى أصبحت أدخل إلى منزلى خلسة حتى أختلى بك ؟ حتى أكون معك ؟ علىّ أتغلب على نيرانى المشتعلة وأطفئ ولو جزء يسير منها ؟ حتى هذا لا أستطيع فأكتفى فقط بمتابعتك وإحراق رماد سجائرى حتى هذه أصبحت أحتار فى إتجاه دخانها .. فكيف تتركنى أتنفس كل هذا الفراغ وحدى ؟ ماذا أفعل ؟ أعترف لك .. فكرت فى الهرب فوجدتنى أهرب منك إليك ؟ أجبنى .. كيف أراك ولا ألمسك ؟ كيف أحيا بأنفاسك ولا أقبلك ؟ كيف أعيش داخل حضنك دون أن أشعر بدفئه ؟ كيف تفتت أحشائى دون أن أحتويك داخل الرحم ؟ لماذا أنت بهذه القوة فى بعدك ؟ وكيف بهذه السرعة أعدت تشكيلى من جديد لأصبح بين يديك كالحمامة الأسيرة .. منذ متى بدأت فى كتابة أولى صفحاتنا لنلتقى جسداً وروح حتى أصبحت رغبتى فيك أقوى من رغبتى فى الحياة ؟
من فضلك أتركنى
أتركنى أقبل راسك .. فأسمح لى
أتركنى أقبل يديك لتكون لى
أتركنى أقبل قدميك لتعيش بى
أتركنى أقبل رموش عينيك لتموت فى
أقبل أظافر يديك وجهك أنفك جسمك رسمك شعرك فأنت منى وأنت لى

Friday, October 15, 2010

هى الجزيرة مش نشرت الصور دى ليه ؟

ياترى قناة الحقيرة اللى مش فاضية غير لمصر وما تصدق تشوف اى حدث حتى لو متفبرك ينشروه حتى لو شوية عيال عاملين فيلم هابط زى شراشيح جامعة الازهر ينشروه ياترى هما فين بقى من الصور دى طالما هما شاطرين وحلوين كدا وقاعدين يتصيدوا اخطاء لمصر وينشروها ؟








مش تابعوا ليه رحلة بيريز فى اسواق الدوحة زى ما راحوا استضافوا وجدى غنيم يشتم فى سيد طنطاوى شيخ الازهر السابق علشان سلم على بيريز ؟ ولا هى قناة الحقيرة معمولة خصيصاً لمصر والمصريين ؟ ممكن قناة الحقيرة تكلمنا على الـ 3قواعد الامريكية اللى محتضناها طيب ممكن يكلمونا عن وقود الطيارات الامريكية اللى كانت بتطلع من عندهم تروح تضرب فى العراق ؟ ولا مش عندهم مراسلين كفاية يتابعوا الزيارة ولا الاخبار دى زى ما هما متابعين اخبار اوساخ جامعة الازهر اللى عايزين يعملوا وقفة احتجاجية قدام التعليم العالى لطرد الحرس الجامعى ومعاقبة الظابط اللى البنت السافلة كانت متسلطة عليه ؟ طيب الظابط ده لو اتقدم لمحاكمة انا اللى هعمل وقفة احتجاجية لطرد اوساخ الاخوان من الجامعة واعتقال الشرشوحتين اللى كانوا متسلطين عليه .. قال رافضه تطلع الكارنية ورافضة تفتيش شنطتها اصل شنطتها كانت فيها حاجات شخصية .. ياترى ايه الحاجات الشخصية دى يا شابة .. كان فيها الوويز

تحـــــــــــــــديث
البنت اللى كانت بتموت
وجالها نزيف داخلى يا عينى يا اوختشى عليكى
ده تقرير مستشفى الاحرار بعد ماتعمل لها اشعة مقطعية وتم وضعها تحت الملاحظة8ساعات


وأكد رئيس قسم الجراحة أن الطالبة سليمة ولم تُصب بنزيف داخلي، موضحاً أن الدماء التي خرجت منها أثناء نقلها ما هي إلا دماء الدورة الشهرية.

http://www.masrawy.com/News/Egypt/Politics/2010/october/15/azhar_uni.ಅಸ್ಪ್ಕ್ಷ

طيب والله انا كنت بقول الشنطة كان فيها الوويز وخايفة تتفتش كدا بالصدفة البحتة
ههههههههههههه
تعيشى وتاخدى غيرها يا حلوة

Wednesday, October 13, 2010

شراشيح جامعة الازهر

كنت فاكرة ان شغلة الشرشوحة اللى بيتم تأجيرها علشان ترمى بلاها على شخص ما انتهت مع الاحتلال لكن واضح ان الاخوانجية بيستخدموها فى خدمة اغراضهم فى الوقت الحالى .. فى فيديو ساذج واضح وضوح الشمس انه تمثيلية خيبانة لبنتين شراشيح واقفين يستفذوا حرس الجامعة واحدة رافضه التفتيش والتانية تقوله يلا يله من هنا وانت قليل الادب وطوال مدة عرض الفديو سفالة وانحطاط من بنتين ما يفرقوش كتير عن فتيات الليل اللى بيتم استئجارهم لتسجيل مكالمة او تصوير فديو لشخص علشان يستغله الخصم .. طبعا الفديو ده اتنشر على النت من يومين بالظبط والنهاردة سقطت الاقنعة القذرة وبان التمثيلية الخيبانة دى والفديو ده متصور ليه اصلهم عايزين يطردوا الحرس الجامعى

وقفه أمام "التعليم العالى" للمطالبة بطرد الحرس الجامعى

عايزين تطردوهم علشان تمارسوا همجيتكو دون رادع مش كان له لازمة افلام التلاتينات دى ونظام ضربنى بوشى على ايده يا بيه والجميل والمثير للضحك الهستيرى فعلا ان البنت اللى بيقولوا جالها ارتجاج فى المخ ونزيف داخلى من قلم الظابط يا حبة عينى قطعتى قلبى عليكى يا مسكينة بامانة واقفة تعمل حديث صحفى فى الشارع يجى نص ساعه وكانت واقفة زى القردة بتتكلم ولما دخلت الاسعاف بقت خلاص حتموت ؟ ولا البنت اللى كانت بتسالها قاعدة تكرر فى اسئلة غبية لهى اقرب للمهلبية بعينها نظام حافظ مش فاهم .. روحى ياشطرة منك ليها شوفوا لكو فيلم اكشن تانى مثلوه وقولوا لقوادكو اللى مسلطينكو ان الفليم ده اتكشف وبقى هابط ومش حقق نسبة مبيعات حتى التذاكر رجعت تانى .. خليهم يالفو لكو فيلم اكشن كدا بالالوان الطبيعية




واحدة رافضة تتفتش ورافضة تطلع الكارنية بتاعها المفروض يعمل لها ايه .. وكمان السافلة التانية بتقوله انت قليل الادب يلا يله دى اخلاق الاخوانجية ؟ هى دى برضه التربية ؟ البت واقفة زى ميكون واقفة تشحت وتواصل فى سفالتها وقلة ادبها البنت دى اعتقالها واجب واللى يقول غير كدا يبقى عايز ضرب الجزمة

Tuesday, October 12, 2010

ولو انه قرار متأخر

ولو انه قرار متأخر بس كويس انه حصل
تم قفل قناة الناس والحافظ والخليجية والصحة والجمال وتحذير لقنوات السحر والشعوذة والعلاج بالحبة الخضرة والبنفسجى وعسل السدر الجبلى اللى يشفى من كل الامراض ان شاء الله ده غير اعلانات اللحاف الاسلامى لكن البطانية كفر والرنة الاسلامية والموبايل الاسلامى .. اما البرامج فحدث ولا حرج عن الفتاوى المهلبية البنتنجانية وفى الاخر تطلع صنية مسقعة بطعم الكوكونت ياخدها المهابيل فى عقولهم وينزلهوا الشارع يقلوا ادبهم اصل الشيخ قال المرأة عورة وفتنة وتنقض الوضوء زيها زى الكلب يبقى انا اقرف المراة فى عيشتها وان اتحرشت بيها يبقى جهاد ايوا ما هو الشيخ قال كدا .. والمسيحى حرام تقوله كل سنة وانت طيب فى عيده اصل كدا بتساعده على الكفر برضه الشيخ قال كدا .. يبقى اقابل مسيحى اتف فى وشه على طول علشان ادخل الجنة وانعم بالحور العين اللى مستنيين هناك .. وان قولت له القرآن قال يقولوا لك يا كافر الشيخ قال .. يعنى الشيخ ولا القرآن يا ابو جهل يقولك ماهو الشيخ بيتكلم بالقرآن .. وبعدا ما بقى تقديس الشيوخ هو السائد ورمى العقول فى المراحيض وتسليم كل اعضائهم للشيوخ السائد .. أصبح الانحدار والانحطاط الاخلاقى فى كل مناحى الحياة برضه هو السائد
بجد تحية شكر وتقدير لكل اللى اخد القرار .. وسعيدة بان جهودنا لم تضيع هباءاً فقد كانت بدايتنا من الفيسبوك

الحملة المصرية لاغلاق قنوات التطرف الناس -نسائم الرحمة - الحافظ

ولا زالت جهودنا مستمرة للقضاء على التطرف والتخلف ومروجيه

Sunday, October 10, 2010

خذوا دينكم من هذا الكذاب

انا بامانة مكنتش ناوية اتكلم عن فتوى بيع الاثار اللى طلع لنا بيها فى المقدر جديد محمد حسان لان الجميع اتكلم فيها وقامت الصديقة العزيزة دينا جاد برفع قضية على هذا المرتزق الافاق .. بعد اصدارة فتوى لمساعدة اللصوص فى بيع آثار مصر .. معرفش بناء على ايه اساساً محمد قطران ده بيفتى ؟ وبناء على ايه لسه فى مغيبين ومتخلفين بيتصلوا بيه ويسألوه يدخلوا الحمام برجليهم اليمين ولا الشمال ؟ اصلهم خايفين من الشيطان الرجيم . وكل صاحب عقل يميز إذا كان محمد حسان لو هو فعلا رجل دين زى ما بيسمى نفسه او عالم زى ما الجهلاء والمتخلفين بيطلقوا عليه عالم .. كان انقذ حياة بنت غرر بيها ابنه ولما راحت تستنجد بيه علشان يساعدها عرض عليها فلوس علشان تنسى الموضوع ولما رفضت طردها بره بيته .. دى برضه أخلاق راجل دين ؟ وافكركوا باللنك
http://www.masreat.com/%D9%82%D8%B6%D9%8A%D8%A9-%D8%A7%D8%A8%D9%86-%D8%A7%D9%84%D8%B4%D9%8A%D8%AE-%D9%85%D8%AD%D9%85%D8%AF-%D8%AD%D8%B3%D8%A7%D9%86/

هى دى برضه اخلاق رجال الدين ؟ الا هو يعنى ايه اصلا رجل دين ؟ اذا كان النبى محمد نفسه ولا حد من الصحابة كانوا بيطلقوا على نفسهم رجال دين ؟ هو ده بقى العالم الجليل اللى رميتوا عقولكوا فى المراحيض وسلمتوا له ودانكو .. هو ده بقى القدوة اللى كل لما تيجى سيرته فى موقع اخبارى تلاقى الجرابيع بتوعه طالعين يقلوا ادبهم على الجميع ؟ فعلاً الطيور على اشكالها تقع
وليس بالغريب من يتاجر بالدين ويتخذ من كتاب الله وسنة رسوله وسيلة للإسترزاق انه يبيح سرقة الاثار المصرية .. لاء وعلشان سرقتك تبقى حلال وتدخل الجنة صح لو لاقيت الاثار دى متجسد فيها وجوه اشخاص اطمسها وبيييع يا لطفى .. على كدا بقى مهندسين المقاولين مش كانوا غلطانين لما كانوا بيتريقوا على السواق محمود طه اللى اخر ما زهق قتلهم كلهم دون تفكير ؟ على كدا اى حد من حقه يهدم بيته وبيت اى حد يعترض طريقه علشان يدور على الاثار ويبيع ماهو الدين قال كدا ؟ الغريب بقى والمستغرب فى كل ده ان محمد حسان بعد القضية اللى اترفعت عليه طالع يقولك انا مش قولت كدا ؟ ده ايه الزهايمر ده يا حسان انت اعمى ولا بتستعمى الناس ؟
هما الوهابيين اللى علموك ازاى تسرق عقول الناس بالدين نسيوا يقولوا لك ان فى انترنت كل حاجه بتتسجل فيه ؟ ولا الانترنت حرام لما يبقى فى حاجه ضدكو وحلال لما تحبوا تنشروا افكاركو المتقيحكة وترجعوا علي العقول المغيبة قذاورتكو يا شوية اغبيا



Wednesday, October 6, 2010

ذات مبعثرة



هل تعرف الفرق بين الغنى والفقير ؟ إننى لا أعرفه إلا الآن .. أكون من أغنى الناس بوجودك وأعود من أفقر الناس فى بعدك .. اشعر بالفقر فى نظراتى التى تبحث عنك واشعر بالفقر فى إحساسى الذى لا تشعر به .. هل سيطول شعورى ببعدك حتى أتحمل ألم الأيام التى مضت والأيام التى ستأتى ؟ أشعر وكأنى فى دوامة أسير فى طريق مبهم لا أرى أى معالم له وكأنى أحيا داخل لوحة سيريالية للفنان البوهيمى .. ما يساعدنى على مواصلة الحياة هو إحساسى بدفئ حضنك .. ولكن لا زلت لا أفهم مدى التعبير الغامض الذى رأيته على وجهك حينما القيت لك باعترافى ولا اعلم لماذا شعرت باتساع المسافات من بعده لذلك كرهت كل علامات التعجب الاستفاهمية
أحتاجك @ كثيراً ما أفكر فى مدى إحتياجى إليك وإجتياح عواطفى البركانية تجاهك ... أعذرنى على ضعفى فى حبك فإن عقلى لا يسعفنى ففى المواقف التى يستسلم فيها الإنسان لضعفه لا يملك إلا العودة إلى فطرته
أحتاجك @ علمنى الصمت والصبر والتأمل والنظر إليك .. علمنى أكتفى بالإستماع إليك والإستمتاع بك
أحاول تجميع شتاتى @ كم اكره تلك القوانين الكونية المعقدة فكيف بهذه السرعة أصبحت جزء من عقلى وقطعة من قلبى على الرغم من انك رجل الكلمة القاطعة ؟ ولماذا أصبحت أعشق الكسل فى مخالطة الناس حتى تكون أنت أخر صوت وأخر من رأيت
أحتاجك @ بداخلى ثورة ولكنها ثورة العاجز لا أملك الطلاقة ولا السهولة فى تفجيرها .. أأحسدك لأنك لا تحمل أى ذكرى لى بداخلك أم أحسد نفسى لأنى من بعدها أحيا بأنفاسك ؟
أتسائل @ هل سأحيا ثانية حتى أراك من جديد بين أحضانى ؟! هل سأحيا ثانية حتى أقبل شفتيك كما لم تقبل إمرأة رجل من قبل على وجه الأرض ؟ هل سأحيا ثانية لنغوض فى أعماق بعضنا البعض لتروى صحرائى القاحلة ؟ ما الذى حل بى ؟ ولماذا كل هذه العذابات أحياها وحدى ؟ أشعر بفضول يدفعنى إليك .. أود أن أعرف دائماً ماذا تفعل مع من تتحدث يمكن لانى اخشى فراقك ؟ يمكن لانى ادركت حقا انه بين الولادة والموت الفرح والحزن الحب والكراهية الوفاء والخيانة لا نختار ما يصيبنا من خيبات ؟ ! لا أعلم ولكن الذى اعلمه حقا انه . حينما أراك أشعر بأن العالم كله بين يدى وحينما تبعد اشعر ببرودة وقسوة لا يعانيها سكان المكسيك حينها فقط أدرك انك مبرر وجودى .. إحتوينى فأنا أريدك .. أريد همسك .. أريد لمستك .. أريد حبك .. أريدك كلك .. فأنت تعلم مدى وهن قدرتى فى بعدك .. بعدك الذى لا افكر الا فيه .. كيف يمكننى ان اعود الى نفسى التى تركتنى وذهبت اليك ولكن حتى نفسى تحالفت معك ضدى لانها سرعان ما تجيبنى بانك كائن خلق لى خصيصاً - دم يسرى فى عروقى ونفخ فيه من روحى لأنك من مادة الروح خلقت .. لذلك لم اعد اريد من الدنيا كلها الا انت ولا احيا الا بك ففيك قد تلخص وجودى

Tuesday, October 5, 2010

أصله معداش على مصر .. يا بخته

فى الوقت اللى التلفزيون المصرى يستعد فيه لعرض كافة الأغانى الوطنية اللى معندناش غيرها من ايام نكسات ناصر المتوالية وصولاً إلى عبور اكتوبر 73اللهم الا اغنية العظيمة الوطنية جدا الباشمهندسة شيرين ما شربتش من نيلها ولأنها كانت عارفه انها بتكدب على نفسها قبل ما تكدب على الشعب المصرى لان النيل بقى كله بكابورتات وحيوانات ميتة راحت وضعت بنتها فى امريكا للحصول على الجنسية اصل ليه تشرب من نيلها و تعيش نفس البؤس والشقاء اللى كل المصريين عايشينه ؟! فى الوقت اللى مدرسين التاريخ فى المدارس قاعدين يحضروا درس عن السادس من اكتوبر وازاى المصريين وقفوا وقفة رجالة وهزموا العدو وعدو خط برليف المنيع علشان كانوا رجالة ووقفوا وقفة رجالة .. وازاى رفعوا علم مصر فوق ارض سيناء الحبيبة علشان كانوا رجالة ووقفوا وقفة رجالة
تطالعنا جريدة الدستور بخبر واحد فقط وهو إقالة إبراهيم عيسى من جريدة الدستور
لكن بامانة مقدرش اقول على السيد البدوى وباقى افراد العصابة انهم رجالة ووقفوا وقفة رجالة


فى الوقت اللى شادية تصدح فيه بصوتها الرنان

ماشافش
الرجال
الشداد
فوق
كل المحن

اتوقف الدكتور علاء صادق من الفضائيات مش لانه قال البلد مش وسية ولا احنا لسنا عبيد لنورث لا سمح الله .. ولكنه طالب وزير الداخلية بالاعتذار للمجند اللى اعتدى عليه جماهير الترجى بعد مباراة الاهلى .. وياريت كان مجند وبس دول اتنين مجندين و7 ظباط .. هو الوزير ازاى حبيب وعادلى ؟؟
ومعرفش ازاى شادية
هان عليها بنات جنسها المصريين علشان تقول
ولاشاف العناد في عيون الولاد وتحدي الزمن


هو ده بقى ا
لتحدى اللى علشانه ابطال اكتوبر ضحو بنفسهم ؟
هو ده بقى التحدى اللى علشانه بنزور التاريخ وبنضحك على عقول الاطفال فى ابتدائى زى ما ضحكوا علينا زمان وقالوا ان المصريين خير اجناد الارض ؟
هو ده بقى التحدى اللى علشانه كاتبين فى المطارات ادخلوا مصر آمنين ؟
طيب منين وإزاى واحنا بره وجوا متهانين ؟
طيب منين وإزاى واحنا شعب بيتفنن فى ضرب الاسافين فى بعض حتى بقينا فى كل بقاع الارض مكروهين ؟
وعلشان التحدى اللى فى عيون الولاد محتلين المركز الاول فى السفالة والتحرش والتدنى الاخلاقى لدرجة ان شركات السياحة بتحذر الوافدات من الدول الاوربية لمصر من الرجالة المصريين وبيعرفوهم فى نشرات يتصرفوا ازاى لو حد اتحرش بيهم ؟ حلوين اوى رجالتنا فاضحينا بره وجوا .. حايحين على روحهم حتى لو راحوا يشتغلوا فى اى بلد مصايبهم اغتصاب وقلة ادب ... يا جماعة يا ما قولت الاخصاء هو الحل
يعنى ايه شادية تقول
ما شافش الأمل في عيون الولاد وصبايا البلد

امل ايه يا ست الكل والعيال بيتخرجوا ويشتغلوا سواقين تكاتك او يروحوا يشوفوا حد يهربهم على ايطاليا حتى لو ماتوا فى البحر مش مهم ماهم كدا كدا ميتين ؟
امل ايه حتى اللى عنده طموح بيقتلوه جواه اصل هو يعنى كان ابن مين ؟؟
عبيط ده علشان يحلم ؟ ازاى يفكر ويخطط لمستقبله ويبقى عايز منصب وهو اصلا مش ابن وزير ؟
امل ايه ولا امل مين والدين بقى تجارة والنصب والرشوة والاحتيال بقى شطارة ؟
مش عارفه بعد ما قريت خبر اقالة ابراهيم عيسى من الدستور وقبلها من الفضائيات ومن قبله عمرو اديب ومن بعدهم علاء صادق حاسة بعجز ومرارة مش قادرة استحملها ؟
مش عارفه باى بجاحة نظيف بيقول على مصراوى من يومين الاعلاميين فى مصر بيتمتعوا بازهى عصور الديموقراطية .. حتى شوفوا المدونين بيشتموا فى النظام ازاى وساكتين .. معلشى يا جماعه حد يفكرنى تانى كدا هو كريم عامر فين ؟


Saturday, October 2, 2010

وكان خصوصيات الاخرين مشاع

هل يؤمن الجميع بان هناك حياة اخرى بعد الموت فيها العقاب والحساب ؟
ام اصبحت العبادة مزايدات على حياة الأخرين الشخصية مهما سجلوا من فديوهات ؟
معرفش باى بجاحة وباى حق وفى اى عرف وفى اى دين يقوم مجموعة من المرتزقة المتخلفين عقليا المنحلين اخلاقيا بمظاهرات لمطالبة اطلاق سراح كاميليا .. يعنى الست سجلت فديو قالوا لالالالا دى مش كاميليا فين الحسنة اللى كانت فى وشها .. يعنى انت يا سلفى يا متعفن رايح تبحلق فى وش الست هى يعنى النظرة مش سهم من سهام جهنم يا مدعى منك ليه ؟
ونطالع الخبر ونشوف الوجوة اللى فى الصور وكل واحد همه يطلع فى الكادر علشان القوادين بتوعه يرضوا عنه

عشرات المصلين يتظاهرون عقب صلاة الجمعة بمسجد ''الفتح'' للمطالبة بإطلاق سراح كاميليا شحاته


مش شوفنا الاشكال دى عملت مظاهرات بسبب الغلاء الفاحش فى الاسعار ؟ سواق الميكروباص بيقول للركاب امبارح اللى انا كنت من ضمنهم الطماطم بعشرة جنيييييه .. حسبى الله ونعم الوكيل
هما الجرابيع اللى فى الصور دول مش حاسين بالمعاناة اللى الشعب بقى بيعانى فيها ؟
مش من باب اولى يعملوا مظاهرات ضد اللى سارقينهم وناهبينهم ؟
مش من باب اولى لو يهمهم الدين كانوا قالوا كلمة حق فى وجه سلطان جائر ؟
ولا فى دى ميقدروش واللى بيندفع ليهم لعمل الفتنة وقلة الادب فى المساجد والشوارع مكفيهم
الست خرجت واعلنت انها مسيحية
وطالبت من الجميع يبعدوا عن حياتها الشخصية .. حد من الجرابيع دول يرضى ان حد تانى ينتهك حياة زوجته او اخته او اى حد يخصه بالشكل الفج ده ؟
مين اللى طلب منهم يكونوا اوصياء على الناس
مين اللى طلب منهم انتهاك حرمات الناس
لو معاهم توكيل من ربنا ياريت يطبعوا منه نسخه ويوزعوه زى ما كانوا بيوزعوا فى مظاهراتهم المشبوهه منشورات لعمل الفتنة اصل البلد ناقصة حرايق