Desert Cat Search
قطه الصحراء: 8/1/10 - 9/1/10

Tuesday, August 31, 2010

يحيا رمز السرقة والإجرام


كنت كل لما ادخل موقع اخبارى فيه خبر عن الهباب المسمى مجازا بالنقاب الاقى الستات قاعدين يتفرجوا والرجالة واقفين يشرشحوا ويقولوا انتوا عايزين تخرجونا من دينا انتوا ايه كفرة النقاب ده هو العفة النقاب ده هو الشرف النقاب ده هو رمز الدين والتدين يا علمانين يا منحلين واتارى ولا كنت دارى اتارى قلبك مدارى تيرررا رااام ان الرجالة الحلوين الشاطرين الامورين مبسوطين جدا اوى خالص بانتشار الهباب ده فى مصر اللى هى مش اسمها صحراء النقب الاسم اللى اشتق منه النقاب يعنى واللى فيها الستات والرجالة لابسينه من شدة حرارة الجو يعنى مش بيبجحوا زى اللصوص والنصابين وقتالين القتلة اللى عندنا اللى مبسوطين بانتشاره علشان يداروا فيه جرايميهم ويقولوا من الدين يعنى لو واحد عايز يروح يقابل حبيبته وماله النقاب موجود ولا من شاف ولا من درى لو واحد عايز يقتل وماله يدخل يقتل ويخرج ولا من شاف ولا من درى لو واحد عايز يسرق وايه يعنى بس المرة دى شاف ودرى واتقفش وارحمنا بقا يا وزير الداخلية وامنع اكياس الزبالة دى من الشوارع

لصوص في زي المنتقبات يقتحمون شركة غبور

اقتحم مجهولون يرتدون النقاب فجر أمس شركة غبور للسيارات بالمهندسين‏,‏ وسرقوا مبلغ مليون و‏100‏ ألف جنيه من داخلها‏,‏ بعد أن هددوا العاملين بالأسلحة ولاذوا بالفرار‏.

Sunday, August 29, 2010

هترجع بجيبك مليان ومعاك نسوان

وهكذا يا حضرات اوضح ابو اسحاق الحيوان فى احدى نداوته الارهابية واللى قاعد يجعر فيها على الملأ ويقول للناس روحوا جاهدوا انتوا لو عملتوا غزوتين فى السنة هتبقوا اسياد العالم طيب احنا نروح نحارب مين ؟؟ نقتل فى بعض علشان نعمل الغزوة .. هو فاكر نفسه عايش ايام نحن غرابه عك عك .. وبعدين بقى ابو اسحاق الحيوان بيقولك الغرض من الغزوة ومحاربة الكفار ايه مش حتخسر اى حاجه خالص ده انت هترجع من الغزوة جيبك مليان وساحب وراك3نسوان وشحطين .. افيقوا ورحوا حاربوا وامنعوا النساء من التعليم والاطفال من اللعب فى الشوارع .. ده ناقص يقول الوأد يا إخوانى ثم الوأد هو الحل .. بس ياترى لما اخوانه اللى هيطلعوا يسرقوا ويرجعوا بالجيب مليان بعد الوأد ده هيجيبوا نسوان منين ؟ ولا هو شايف انهم يكتفوا بالشحطين واهو يبقى ضربوا عصفورين بحجر يوسعوا لهم الدبر ويبعتوهم يفجروا نفسهم فى الغزاوت واهو كله جهاد وكله بثوابه .. روح يا بعيد ربنا ينتقم منك ومن اللى يسمع لك واللى يردد كلامك وهو مقتنع بيه
ده الفديو اللى كله هبل × عبط × غباء لابن الحيوان قصدى ابو اسحاق الحيوان

Tuesday, August 24, 2010

حتى لو منقبة !!

أه والله الراجل دهون فى الفيديو دهون بيقول ان المرأة هى سبب الزنا والتحرشات حتى لو منقبة .. اصلها لو خارجة من بيتها وهى منقبة وحد اتحرش بيها يبقى اكيد كانت خارجة تتسكع مش خارجة تعمل حاجه مهمة
الله يخربيتك يا شيخ وبيت امثالك قرفتونا وكرهتونا فى البلد كلها بسبب هبلكوا وعبطكو ده .. خليتوا البهايم يرموا لكو عقولهم ويخرجوا الشارع يقلوا ادبهم ويقرفوا المرأة العورة سبب كل المصايب وهو اسم النبى حارصه وصاينه غلبان عبيط حيوان مريض بالهوس الجنسى مش عارف يتحكم فى نفسه علشان كدا مش ينفع يا شيخ يا حيوان تقوله عيب غض بصرك كما تدين تدان لو مثار على روحك روح اتعالج وسيب الناس تمشى فى حالها
بتتبرر للحيوانات اللى ماليه الشوارع ايه يا شيخ يا مريض فى اعضائك التناسلية
لكن العيب مش عليكو العيب على اللى عمل لكوا قنوات تطرف وعمل لكو مساحة علشان تكرهوا الناس فى عيشتها


Monday, August 23, 2010

هو الحفاظ على الأمانة برضه مش عبادة ؟



منذ ما يقرب من العام كانت فاجعة تصادم قطارى العياط الذى راح ضحايها طلاب عائدين من جامعتهم ومدارسهم واولياء امور رجال ونساء عائدين من اعمالهم بعد يوم شاق يسارعون القدر للذهاب الى زويهم او مجرد رؤيتهم ولكن الشيخ حسن كان ليه وجهة نظر تانية خالص وهى عنهم ما روحوا الله لا يجعل اولادهم ولا اهاليهم ينعموا بالحياة فى وسطهم بلا قطارات تدخل فى بعضها بلا ارف البلد فيها فوق التمانين مليون اللى فى القطرين اياك يتحرقوا ويحصلوا بتوع قطر الصعيد فى بداية الالفية التانية المهم هو انه يلحق صلاة العشاء حاضر واهو لما القطارات تدخل فى بعضها ويروح النيابة هيقول قدام البيه وكيل النيابة كنت بلحق العشا حاضر ياباشا وطبعا الصلاة عماد الدين ولو وكيل النيابة حبسه حتقوم الدنيا ومش حتقد وممكن يتقال عليه كافر ماهو مش تنسوا المادة التانية من الدستور بتقول ايه .. وبدل ما الشيخ حسن ورفاقه ياخدوا حكم يشفى صدور اهالى الضحايا كان الحكم3سنوات ايشى خيال يا ناس
وبما ان الاحكام فى مصر بقت ماشية بنظرية اصلى كنت بلحق صلاة الجماعة ياباشا
فكان نفس التطبيق العملى للنظرية مع سرقة لوحة الخشخاش للفنان فان جوخ بدار الاوبرا المصرية افراد الامن الحلوين المسلمين المؤمنين
كانوا بيصلوا الضهر فى جماعة
عايزين انحدار ايه اكتر من اللى وصلنا ليه ؟
عايزين تخلف ايه اكتر من اللى عايشين فيه ؟
يعنى حياة الناس فى ستين داهيه المهم يروح يحضر صلاة الجماعة .. ومال مصر العام فى تسعين داهيه المهم يرح يحضر صلاة الجماعة .. هما الاخوان المسلمين احتلوا هيئات ومصالح مصر ؟
هى وزارة الداخلية بقت وهابية ؟ علشان يسيبوا ارواح الناس وحمايتهم ويروحوا يطاردوا المجاهرين بالافطار ؟
لاء ومش بس كدا دول عاملين ليهم اكمنة .. قاموا نبهوا على اصحاب المطاعم وضع خيم على الابواب وبهوات الداخلية هيدخلوا بمنتهى الهدوء يسحبوا اللى بياكل جوه من قفاه .. هى الحفاظ على ارواح الناس مش مذكور فى الدين ؟

حماية الأملاك العامة للدولة مش مذكورة فى الدين ؟
بتطاردوا اللى الدين اصلا مش جاب سيرتهم من قريب او بعيد
ليهم حق البلطجية والحرامية والقتالين القتلة ينشطوا وينتشروا فى نهار رمضان ماهو كل ده مش مهم الاهم تشوفوا مين بياكل وفين

Friday, August 20, 2010

فى ذكرى يوم غالى


فى مثل هذا اليوم العاشر من رمضان الساعه الثانية ظهراً اجتاحت قواتنا المصرية خط بارليف المنيع وعبرت الضفة والله اكبر ولله الحمد كل ما نتذكره من هذا اليوم هو شوية اغانى حتى دلوقتى مبقوش موجودين وتناسينا ان فى ناس دفعت دمها الغالى من أجل تحرير الوطن .. ان فى ناس مش همها ان فى وراهم اطفال حيتيموا ولا ستات حيترملوا ولا امهات يتحرق قلبها على ولادهم .. لكن عزاؤهم انهم ماتوا شهداء وانهم حرروا بلادهم من الاستعمار من أجل مستقبل أفضل لأولادهم ولأخواتهم ولكل أهل مصر .. حرروا مصر من الاستعمار فى 73واستعمرنا الوهابيين فى اخر 10سنين ناس دفعوا حياتهم من اجل مستقبل أفضل وحياة أفضل وثقافة افضل .. وناس بتجيب لنا ثقافة الصحراء وممكن تدفعك انت ثمن حياتك لو فكرت مجرد التفكير .. ناس دفعت حياتها ثمن من أجل الحفاظ على أرض مصر والهوية المصرية .. وناس عندها استعداد تدفعك حياتك لو قولت أنا مصرى حفيد الفراعنة .. اصل كدا بتعتدى على السبوبة بتاعتهم والتجارة اللى من خلالها بيبتعبت لهم تمويل من عند اسيادهم الوهابيين لنزع هويتك دى منك غصبا واقتدارا امال يسكنوا فيلل منين ويركبوا عربيات احدث موديل إزاى ؟ وعدة الشغل مش كتير هو طرحة وجلابية ودقن بطول المقشة وقناة ارهابية بتمويل وهابى للعودة بنا للخلف آلاف السنين .. نساء تحملت فراق أغلى الناس فى حياتها وهو بيحرر بلده .. والنهاردة بيقولوا عليهم عورة وناقصات عقل ودين ... اطفال عاشوا من كلمة بابا محرومين لكنهم بيه فخروين اصله دفع دمه تمن لتحريرهم من المستعمر .. لكن الوهابى كان ليهم بالمرصاد ويقولهم انتوا ضالين ولو شغلت عقلك بالارهاب احنا واقفين ... مصابين فى الحرب ومعاشاتهم متاكلش عيش لحد اخر الشهر ومن الحياة منفيين .. بيذكرهم التلفزيون فى الانتصار بفيلم الرصاصة لا تزال فى جيب محمود ياسين بينما هما فى عون العلاج محتاجين مش عايزين المنظرو الكدابة بس كل همهم حد يقولهم انتوا فين ولا انتوا مين .. ياترى شهدائنا لو كانوا يعرفوا انهم بيضحوا بنفسهم فى سبيل انهيار وانحدار وانحطاط وهابى حل علينا ده غير فساد مستشرى فى شرايين الوطن يمكن بسببه اولادهم ماتوا فى عرض المحيطات هربا من البطالة كانوا ضحوا بكل نقطة دم فى شرايينهم برضه وهما مبسوطين ؟ سؤال يطرح نفسه ارضاً

Monday, August 16, 2010

فى مصر ستان

الآن فى مصر ستان شاهد اقوى عروض المطاردات الأمنية فى شوارع المحروسة لاء ومش بس كدا ده كمان المحافظات السياحية خلاص زهقنا مش عايزين سياح خلاص قفلنا مصر بقت وهابية بفعل فاعل خلاص اتفضلوا من عندنا مصر بقت طلبانية
يعنى لما سيادة اللواء اسماعيل الشاعر يسيب البلطجية والمتحرشين والحرامية والنصابين متمتعين بكامل الانطلاق والحرية وينزل يدور على اللى بيشربوا سجاير فى نهار رمض
ان يبقى ده اسمه غير ان اغنية
الدولة المدنية مجرد اسم والفعل طلبانية




لما السيد محافظ البحر الاحمر يدرس قفل المقاهى فى بلد سياحى والسياحة مصدر دخل اساسى فيها يبقى ده اسمه ايه غير كوميديا وهابية كل ده علشان ايه ؟
ياترى فى قانون يحظر الفطار فى نهار رمضان ؟
ولو فى نزل امتا وعقوبته ايه ؟
وياترى فى قانون مقابل ليه لقفل المطاعم اللى بتقدم وجبات لحوم فى صيام الاخوة المسيحيين ؟

للدرجة دى المسلمين مشاعرهم مرهفه الحس لدرجة انهم مش طايقين يشوفوا حد بياكل قدامهم ؟

للدرجة دى الداخلية والسادة المسؤلين عندهم وقت فراغ كبير لدرجة انهم ينزلوا يدوروا على المفطرين ؟
للدرجة بقينا اغنيا اوى لدرجة اننا نستغنى عن مصدر من مصادر دخل البلد ونقفل الكافيهات فى وشوش السياح نقولهم بطريقة لذيذه بره بلدنا مش عايزينكم فيها اصلكم كفرة واحنا وهابيين بس متنكرين فى زى المدنية اللى كل يوم والتانى بيكشف عن عوراتنا اكتر واكتر

Wednesday, August 11, 2010

فين رمضان ؟




انا مش بدور على حد تايه اسمه رمضان .. لكن المفروض أن النهاردة أول أيام الشهر الفضيل اعادة الله على كل المصريين من كل جنس وكل دين فى اى مكان بالخير .. لكن انا افتكر وانا صغيرة كنا نستعد انا واطفال المنطقة مش بس الشارع كله لعمل زينة رمضان وكنا احنا اللى بنعملها بايدينا بالورق والنشا وكان الناس الكبار اصحاب المحلات يشوفونا يقعدوا يساعدونا مش يتريقوا علينا وكان فى جيران كبار يقفوا فى بلكوناتهم يعلقوها لنا فى نص الشارع مش يطلعوا من البلكونات يشتمونا ويقولوا لا يالا يابت انت والواد ده من هنا على اساس اننا كدا بنعمل اختلاط وفتنة والمفروض ان البنت عورة مش تخرج من بيتها حتى لو عمرها 6سنوات وكنت بحس بالروحانيات قبل رمضان يمكن من بداية شعبان ... المفروض النهاردة اول رمضان والشوارع فاضية على عروشها مش فيها حتى حبل غسيل .. مش عايزة زينة المهم القلب حتى ده برضه مش موجود اصل طول ما انا ماشيه فى الشارع سامعة اللهم انى صائم وناس بتزعق بعلو صوتها فى المواصلات اللهم انى صائم .. يا سيدى انت مش محتاج تعمل اعلان انك صايم انت صيامك لربنا مش للناس علشان تجعروا واحد ورا التانى اللهم انى صائم انا معترفة ان رمضان السنة ده عصيب جدا الجو حر والاسعار نار بس بسببنا لاننا بنعمل مخزون للشهر من قبل ما يبتدى شهر رجب السلع مش هتطير لما تاخد على اد احتياجاتك مش احتياجاتك واحتياجات عشر سنين جاية .. الاطفال فى الشوارع كفنوها وقفلوا عليهم الف باب وباب والناس المفروض انها تسعد لرمضان بالحب والمودة لكن للاسف الناس هنا ا
ستعدت له بالخطف تحت تهديد السلاح وتصوير انسانة عارية تماما من ملابسها

ورمضان كريم

Tuesday, August 10, 2010

والفاعل انثى

كام واحد قرا او سمع عن حادث مقتل شاب على يد فتاة اسفل كوبرى المنيب يوم الخميس الماضى
اكيد كتييييير واكيد كلنا قرينا التفاصيل اللى كتبتها الجرايد وهى ان الولد البنت قتلته لان كان فى بينهم قصة حب واهل الولد رفضوا الجوازة دى لان البنت باباها توفى من 3سنين وهى اللى بتشتغل وتصرف على اخواتها وعليه المفروض النهاية الطبيعية كل واحد يروح فى طريق لكن الولد اصر يطاردها على الرغم من ان اهله هو اللى رافضين وغالبا البنت قفلت موبايلها من كتر التهديدات اللى كان بيبعتها لها واخرهم يوم الخميس بعد ما خرجت من بيتها فتحت الموبايل ولاقيت عليه4رسايل تهديد والولد برضه بيطاردها وعليه راحت مطلعه سكينة وخبطته بيها والخبطة دى اودت بحياته مش دى مشكلتى على فكرة والتفاصيل دى كلها ماليش علاقة بيها اللى استفزنى انى اكتب الموضوع ده ان الرجالة اصحاب الشهامة والنخوة والكرامة وقفوا يتفرجوا من اول الخناقة بين الولد والبنت لحد ما قتلته من غير ما حد يتدخل
ان الرجالة اصحاب الشهامة والنخوة الأقوياء جدا لما الولد غرق فى دمه برضه محدش اتحرك ووقفوا كلهم يتفرجوا على بنت ماسكة سكينه وواقفه تصرخ تقولهم اطلبوا الاسعاف لانها اتفاجات بالدم اعتقد انها كانت قاصدة تهوشه علشان تبعده عنها مش تقتله علشان كدا البنت مش هربت وفضلت واقفة تستغيث بالناس يطلبوا له الاسعاف وهما كالعادة واقفين يتفرجوا على عرض مسرحى ساخر بمنتهى البلاهة .. لحد ما جت السيدة ياسمين معالى وهى متجهة لشغلها شافت الزحمة دخلت تشوف فى ايه وقفت تصرخ هى كمان تستغيث بحد يتصل بالاسعاف ولا حياة لمن تنادى الاسعاف كانوا بيردوا على الاتصالات بتاعتها وبتاعت اللى فكروا يتصلوا ان كان حد فكر ويقفلوا السكة تانى فى وجوههم اصل اللى بيتصل مش بيتصل من تليفون ارضى يعنى ناس بتلعب بموبايل وبتهزر معاهم .. السيدة ياسمين جريت على امين شرطة فى الشارع قالت له جيب البوكس بسرعه ينقل الولد للمستشفى قالها البوكس مش بينقل غير الجناة مش لينا دعوة بالمصابين لما مش لاقت حل خالص قالت للناس يساعدوها ينقلوا الولد فى عربيتها وهتروح هى توصله للمستشفى السيدة ياسمين فى الطريق وقفت ظابط وحكت له الموضوع وقالت له امشى قدامى بالبوكس يوسعوا لى الطريق الولد بيموت وكانها كانت بتحكى نكته محدش عبرها .. دخلت المستشفى ومعاها الولد اللى مات فى عربيتها والبنت اللى قتلته ومعاها شاب تانى قالها انا جاى معاكى اصل يلبسوكى انتى الموضوع انا واقف من الاول وشاهد وده بصراحة احييه وارفع له القبعه احتراما لرجولتة ده واحد ياترى من وسط كام واحد كانوا واقفين ياترى ؟؟ السيدة ياسمين موظفين الاستقبال عاملوها بنتهى البرود وهى بتصرخ وبيتقول انا معايا واحد بيموت الحقوه الولد خلاص مااات ودول بمنتهى البلاهة يردوا عليها وبين انها خايفة البنت تجرى وتلبس هى المصيبة وبين انها قلقانة ان الولد يموت وهو كان بالفعل مات وبين انها عايزة حد يغيثها واقفه تصوت فى النهاية جابوا نقالة عليها بطانية مطبقة ورموا الولد عليها وراسه اتخبطت فيها بمعنى كلمة اتخبطت يعنى الولد لو مش مات من السكينة مات من الخبطة ... وفى النهاية قالوا لها روحى انتى اصل يلبسوكى المصيبة وتدخلى فى حاجات مالكيش دعوة بيها .. ياترى الرجالة الحلوين اصحاب الشهامة والنخوة اللى كانوا بيقولوا المرأة ضعيفه ولا تصلح للقضاء محدش اتحرك ليييييه وهما اللى قلوبهم فى منتهى القوة ؟
ياترى اللى قارفينا ليل نهار صراخ المرأة عورة ولا تصلح للعمل المرأة وجب تغطيتها وتكفينها مش هقول هما اصلهم ساكنين فى فيلل وبيركبوا جاجوار يعنى مش بيشوفوا المناظر اليااااى دى لكن اللى قاعدين يرددوا كلامهم عمال على بطال ومنساقين وراهم كام واحد فيهم كان بيتفرج على الحدث واللى اهتمت ونقلت الولد المرأة العورة ؟
ياترى كام واحد من اللى بيقلوا لبس البنت بيخلى الشباب يتحرش بيها ويغتصبها كان كام واحد فيهم واقف وشاف المرأة اللى بتثيره وهى بتحاول تنقذ حياة انسان وهو واقف جبان بيبص على كام واحد ة واقفه يثير نفسه عليها ؟
ياريت اى حد تانى بعد الحادث ده وقبله السيدة هدى برضه اللى طاردت حرامى شنط بعربيتها شافته بيخطف شنطة بنت ومش سابته غير لما اتقبض عليه يخرسوا خااالص

وده لنك الموضوع بالتفصل
وفيه شهادة السيدة ياسمين صوت وصورة

http://www.shorouknews.com/ContentData.aspx?id=280900

Sunday, August 8, 2010

واتارينا نرتكب الموبقات منذ زمن

كل اللى عنده كرسى يسارع يرميه من البلكونة اصل اتضح اننا نرتكب الموبقات طول عمرنا والست ام انس حذرتنا ونورت بصيرتنا اهيئ اهيئ خايفه يقفشوها زى ابن محمد حسان فى قضية دعارة ويتضح انها تملك فيلل وسيارات وشاليهات فى مارينا وشرم ماهو اصل تجارة الدين دى بتكسب دهب ودولارات وريالات .. وبعد ما قرينا عليها شوية نشوف فتواها اللولبية


فتوى أم أنس فى تحريم الجلوس على الكراسى
=============================
بسم الله الرحمن، خلق الإنسان، سبحانه له العظمة والامتنان؛ وصلى الله وسلم على حبيب قلبي وقرة فؤادي وفلذة روحي سيدي النبي محمد وعلى آله وصحبه ومن اهتدى بهداه واتبع خطاه. واللعنة والدمار على أعداء الدين، ومتبعي الغرب اللعين، ومن قلدهم واقتفى أثرهم، آمين.

فلقد خفي على الأمة الخطر العظيم لهذا الزمن ومافيه من رذائل وبُعدٍ عن الدين، حتى كثُرت المنكرات والبدع، وزادت الملل والخُدع، وابتعد الناس عن نهج السلف وضاعت العقيدة مع الترف، نسأل الله العافية!

لقد جلب لنا الغرب الشر كله، وكل الغرب شر مطلق، لقد جلبوا لنا مايبعدنا عن منهج الصالحين ويقربنا من منهج الفاسقين والعلمانيين، نسأل الله أن يشل أركانهم ويهدم بنيانهم ويمزقهم شر ممزق!

أيها الأمة: نحن مأمورون باتباع السلف الصالح، فالخير كل الخير في الاتباع والشر كل الشر في الابتداع!. وخير القرون هو قرن حبيبي وقرة عيني عليه الصلاة والسلام ثم الذي يليه وشر القرون هذا القرن ومابعده، نسأل الله العافية فالحذر الحذر ياأمة الإسلام من ضياع دينكم وأنتم لاتعلمون!

إن الكفرة والغرب ممن يريدون بأمة الإسلام شراً، لم يتأخروا والله عن إشغال أمتنا عن المعالي، بنشر الرذائل، وقد سبق لعلماء الأمة الربانيين بيان خطر ذلك في فتوى تحريم الورود، وفتوى تحريم لعب كرة القدم وتحريم عباءة الكتف وتحريم التلفاز وخضراء الدمن وجريدة الوثن.. وغيرها من الفتاوي العظيمة والتي قام ببيانها علماء نحسبهم من أهل الجنة البررة والله حسيبهم ولانزكي على الله أحداً.

إن من أخطر المفاسد التي بُليت بها أمتنا العظيمة مايُسمى بالكرسي ومايشبهه من الكنبات وخلافها مما هو شر عظيم يُخرج من الملة كمايخرج السهم من الرميّة، نسأل الله العافية! وإليكم بيان حرمة استخدام الكراسي واقتنائها والجلوس عليها والنظرإليها, وِفْق تأصيلٍ شرعيٍ من الكتاب والسنة، ومن لنا ياأمة الإسلام غير الكتاب والسنة ثم العلماء الربانيين الذين يعلمون مالاتعلمون!.

ولي في هذا الباب عدة وقفات نسأل الله أن ييسر لي بيانها وتوضيحها لعامة الأمة وخاصتهم:

الوقفة الأولى: إن السلف الصالح وأوائل هذه الأمة وهم خير خلق الله- كانوا يجلسون على الأرض ولم يستخدموا الكراسي ولم يجلسوا عليها، ولو فيها خير لفعله حبيبي وقرة قلبي وروح فؤادي المصطفى عليه الصلاة والسلام ومن تبعه بإحسان. قال جل من قائل عليما { وماآتاكم الرسول فخذوه ومانهاكم عنه فانتهوا}.والله تعالى قال عنه { وَمَا أَرْسَلْنَاكَ إِلاَّ رَحْمَةً لِلْعَالَمِينَ }. قال شيخ الإسلام: هذا حجة على العباد في طاعة الرسول والاقتداء به كالقُدّهْ.

الوقفة الثانية: أن هذه الكراسي وماشابهها صناعة غربية، وفي استخدامها والإعجاب بها مايوحي بالإعجاب بصانعها وهم الغرب، وهذا والعياذ بالله يهدم ركناً عظيماً من الإسلام وهو الولاء والبراء نسأل الله العافية. وإن من أحب الكفرة حُشر معهم، فقد روي في الصحيحين أن المرء يحشر مع من أحب، فهل ترضون بأمة الإسلام أن تحشر مع الكفرة والعلمانيين والفسقة؟ قال الله سبحانه في محكم تنزيله {ليس عليك هداهم} وقال {ومن يضلل الله فليس له من هاد}. قال والدنا العظيم سماحة الشيخ ابن باز رحمه الله وأسكنه فسيح جناته: الغرب هم أصل الشر والضلال. انتهى. صدق وربي!

الأمر جلل يا أمة الإسلام فكيف نرضى بالغرب ونُعجب بهم وهم العدو {هم العدو فاحذرهم قاتلهم الله أنى يؤفكون}. وقال تعالى ( وإن تطع أكثر من في الأرض يضلوك عن سبيل الله ) الآية , وكما جاء في الصحيحين من حديث أبي سعيد أن النبي صلى الله عليه وسلم قال : يا آدم اخرج بعث النار قال وما بعث النار ؟ قال من كل ألف تسعمائة وتسع وتسعون في النار وواحد في الجنة ) . قال ابن مسعود أهل الجنة هم السلف، وقالت أم أنس في معجمها هم شباب الصحوة المباركة,ولله الحمد والمنة. أما أولئك الكفرة فهم حطب جهنم هم ومن تابعهم ورضي بصنعهم {هم فيها خالدون}.

الوقفة الثالثة: وهي مايجلبه الكرسي أو الأريكة من راحة تجعل الجالس يسترخي وتجعل المرأة خاصة تفرج رجليها وفي هذا مدعاة للفتنة والتبرج، فالمرأة بهذا العمل تمكن نفسها من الرجل لينكحها وقد يكون الرجل من الجن أو من الإنس، والغالب أن الجن ينكحون النساء وهن على الكراسي, قال حبيب قلبي وقرة فؤادي ومهجة عمري المصطفى عليه الصلاة و السلام {إن الشيطان يجري من ابن آدم مجرى الدم} صدق بأبي هو وأمي، فلكم من مرة شعرت المرأة بالهيجان والشبق الجنسي المُحرّم وذلك بعد جلوسها على الكرسي،إيو الله، ولكم من مرة وجدت المرأة روائح قذرة في فرجها، كما خبرتُ وكما حدثتني بذلك بعض الصالحات التائبات من الجلوس على الكراسي. لهذا فالجلوس على الكرسي رذيلة وزنا لاشبهة فيه؛ ولهذا وجب على الأمة حماية أعراضها وشرفها ودينها وعقيدتها قبل ذلك!

الوقفة الرابعة والأخيرة: إن الجلوس على الأرض يذكر المسلم بخالق الأرض وهو الله جل جلاله وهذا يزيد في التعبد والتهجد والإقرار بعظمته سبحانه، قال تعالى {وماخلقنا السموات والأرض ومابينهما لاعبين} قال العلامة الشيخ صالح الفوزان قدس الله ذكره: الجلوس على الأرض يجلب البركة والخير كله. انتهى كلامه. وكان حبيب قلبي وقرة عيني ومهجة فؤادي المصطفى عليه الصلاة وأتم التسليم كان يفترش الأرض وكذلك كان الصحابة والتابعون ومن لحقهم بإحسان وبركة إلى يوم الدين. أما الجلوس على الكرسي فهو ينسي الجالس خالق الأرض ويجعله يعجب بصانع الكرسي الغربي مما يخرج من الملة وقد سبق بيانه في باب الولاء والبراء.

وبعد هذا البيان والتوضيح والتأصيل الشرعي لحكم الإسلام من الجلوس على الكراسي وماأشبهها- هل يرضى أحدٌ أن يعصي أمر الله ويرتد عن دينه؟ قال تعالى {ومن يرتدد عن دينه فأؤلئك الذين حبطت أعمالهم في الدنيا وليس لهم في الآخرة من خلاق}.

والآن ياأمة الإسلام بعد أن بلغتكم الحجة الشرعية المؤصّلة بالأدلة من كتاب الله وسنة رسوله حبيبي المصطفى بأبي هو وأمي صلى الله عليه وسلم، ومن سيرة سلفنا الصالح ومن آراء علماء الأمة الربانيين- حين بلغكم ذلك ليس لكم عذر في الجهل، قوموا بواجبكم الجهادي في الإنكار, بإرسال البرقيات إلى ولي الأمر وتكسير الكراسي في المدارس والمستشفيات والصالونات وغيرها من الأماكن التي يضع العلمانيون والفسقة والكفرة والملاحدة فيها الكراسي لإغواء الأمة وإفساد عقيدتها الصحيحة. وإن تكسيرها وحرقها من أعظم أبواب الجهاد وذروة سنامه.

الله أكبر ولله الحمد وسبحان الله ولاعدوان إلا على الظالمين.

حررت الفتوى لسبع ليال بقين من شهر شعبان من العلامة الداعية أم أنس.

جزى الله خيراً من ساعد على نشرها

Tuesday, August 3, 2010

هما دول بقى تجار الدين بتوع الصلاح والتقوى ؟؟

المقال زى ماهو منشور بالظبط
محمد حسان حاول يشترى سكات البنت بفلوس لكنها رفضت ... فلوس وفيلل وعربيات هو التجارة بالدين بتكسب كل ده ؟؟

===============================================

تحقق نيابة أكتوبر أول في بلاغ تقدمت به مدرسة تتهم فيه مدير قناة الرحمة وهو ابن الشيخ محمد حسان بأنه تزوجها عرفيا ويرفض توثيق زواجه منها‏

يباشر التحقيقات محمد حسين عامر وكيل أول النيابة برئاسة أسامة رستم مدير النيابة وبإشراف المستشار حمادة الصاوي المحامي العام الأول لنيابات جنوب الجيزة‏.‏
فقد تلقي اللواء أسامة المراسي مساعد وزير الداخلية لأمن أكتوبر اخطارا من اللواء أحمد عبدالعال مدير المباحث الجنائية يفيد بتقدم شيرين عبدالسلام‏36‏ سنة مدرسة من محافظة الشرقية ببلاغ إلي العقيد رضا العمدة رئيس فرع البحث الجنائي بأكتوبر اتهمت فيه أحمد محمد حسان‏21‏ سنة مدير قناة الرحمة بأنه تزوجها عرفيا‏,‏ وعندما طلبت منه توثيق الزواج رفض ونهرها بالسب والشتم‏.‏
وأكدت المدرسة في أقوالها أمام محمد حسين عامر وكيل النائب العام بأنها تعرفت علي أحمد ابن الشيخ محمد حسان عندما حضرت من محافظة الشرقية منذ عدة شهور لتقديم أوراقها للعمل في قناة الرحمة وعند ذلك طلب منها الزواج عرفيا لوقت معين وعقب ذلك بدأ يتهرب منها حتي لايوثق هذا الزواج رسميا كما قالت المبلغة‏.‏
وباستدعاء المشكو في حقه أمام النيابة أنكر الاتهام‏,‏ وقال انها جاءت منذ فترة إلي الفيلا محل سكنه وأسرته في أكتوبر وقابلت والده الشيخ محمد حسان‏,‏ وأخبرته بالموضوع وطلبت منه توثيق زواجها من ابنه‏,‏ ولكنه رفض وحاول احتواءها‏,‏ واعطاءها مبلغا ماليا ولكنها رفضت وطلبت المبيت عندهم في الفيلا‏,‏ غير أنهم رفضوا وطردوها وأضاف أنها أثناء خروجها قامت بكسر زجاج سيارته‏,‏ وانصرفت وأنها تطارده منذ فترة كما أكد أنه متزوج‏.‏
وفي نهاية التحقيقات أمرت النيابة بإخلاء سبيل أحمد حسان بالضمان الشخصي من سراي النيابة‏,‏ وكلفت رجال المباحث بعمل التحريات حول الواقعة‏,‏ كما أمرت بعرض المدرسة علي أحد الأطباء النفسيين بعد أن أصيبت بحالة هيستيرية في نهاية التحقيقات عندما علمت بإخلاء سبيل المشكو في حقه‏.‏