Posts

Showing posts from July, 2010

فى انتظار فتاوى ديلفرى

Image
بدأت فضائية إسلامية في التحضير لإطلاق أول برنامج من نوعه في مجال الفتاوى الدينية، وذلك عبر نظام الإكسبريس، أو الفتاوى السريعة، والتي ستعرض خلال شهر رمضان المبارك، بهدف الإجابة عن أسئلة المستفتين واستفساراتهم، من خلال الاتصالات الهاتفية والرسائل القصيرة (sms)


واضح ان تجار الدين شغالين على قدم وساق استعداداً لشهر السبوبةشهر رمضان شهر القرآن شهر العبادة سابقاً
هو مش المفروض ان الفتوى تتم عن بحث ودراسة لكبار العلماء ؟
هو مش المفروض ان الفتوى دى تعتبر قانون شرعى لازم يلتزم بيه جميع المسلمين ؟
كنت بسمع ان فى رمضان تسلسل الشياطين امال الشياطين من تجار الدين بينشطوا وينتشروا ويتوغلوا فى رمضان ليه ؟
دول حتى قاعدين يستعدوا له من قبل ما الشهر يبتدى ويحسبوا حساباتهم ويعدوا العدة لطبق الفتة
والمضحك بجد فى الموضوع ان اسم البرنامج فتاوى اكسبريس ؟
ده الرسول نفسه يا جهابذه الدين كان لما حد يسأله سؤال فى الدين مش يجاوبه غير لما ينزله الوحى
مش سمعنا عن حد من الصحابه كان شغال مفتى إكسبريس
بس انا بعد كل ده مش شايفه اى غلط عند مرتزقة الفضائيات الغلط كله عند البقر اللى لاغيين عقلهم ومش بيعرفوا يدخلوا الحمام الا …

خلاص حلو كل مشاكلهم

المقصود طبعاً عصابة حماس اللى كابسه على نفس الشعب الفلسطينى واللى قاعدين يخترعوا فتاوى لقتل الضباط المصريين على الحدود ودخول مصر بالقوة بدل ما يوفروا فتاويهم لقتل اللى محتلينهم مش اللى واقفين يحموا حدود بلادهم ..
طبعاً بعد ما عصابة حماس قامت بكل مهامها على أكمل وجه من تخريب فى فلسطين وقتل فى المعارضين وقتل لأى انثى غير محجبه واعتقال اللى بتضحك بصوت عالى واعتقال القرايب اللى بيزوروا بعض اصل ازاى الناس تحافظ على صلة الرحم يا عيب الشوم .. وفى نفس الوقت سايبين اللى محتلهم عايش حياته بالطول والعرض ومالوا يا ألف اهلا وسهلاً بيه أمال يحاربوهم علشان المعونات اللى بتروحلهم تتقطع ؟ وشنط الفلوس اللى بتتبعت لقواد حماس تتمنع عنهم ؟
أمال الأخوانجية فى مصر هيلبسوا ويتشيكو ويوقفوا قدام النقابات يشحتوا ويعيطوا على مين ؟
طبعاً الإحتلال ده له فوائد جمه .. فلازماً وحتماً ولابد تبقى اسرائيل فى فلسطين خلاص عصابة حماس حلفت ومش هترجع تانى فى يمينها .. هما بس كل جهادهم متوجه للستات فقط لا غير .. خلصوا من كل حاجه مش باقى غير ملابس السيدات
وشوفوا الخبر ده بيقول ايه

حكومة حماس تمنع عرض الملابس الداخلية للنساء ب…

فى ذكرى اللاديموقراطية

Image
عن أى شيئ يهتفون ؟ وعن أى ثورة يتحدثون ؟ فالفهوم الذى يعلمه الجميع للثورة انها الحركة الشعبية الثورة يقوم بها الشعب بجميع طوائفه .. أما ما قام به البكباشى ناصر وأصدقائه لا يوجد له سوى مسمى واحد وهو الإنقلاب .. الإنقلاب الذى يهلل له السذج والمنتفعون الذين دمروا الأخضر واليابس فبعد أن كانت مصر بلد زراعى أصبحت تعيش على الإعانات ولا يخفى على أحد القمح الفاسد و الذرة المخلوطة بشتى أنواع الحشرات .. بعد القطن طويل التيلة أصبحنا لا نجد القطن ولا حتى التيلة .. فأخذ الفلاحين أراضى ليست من حقهم وبدل من زراعتها وتنمية البلاد جرفوها وبنوا فوقها تلك الهياكل الأسمنتية فالطبيعى هو التغنى والإحتفاء بإسم من أخذ أموال الأغنياء عنوة وتوزيعها على غير المستحقين ومن قبلها أستولوا على القصور التى كانت تحف فنية وقاموا بتحويلها إلى دوواين حكومية وانظروا الى حال المصرى كيف يتعامل مع الأشجار لو مقطعهاش يحس بالمرض فلابد من قطعها حتى يتعافى فما بالنا بتلك التحف التى لا يعلم قيمتها سوى العظماء .. وزع البكباشى ناصر وشلته على بعضهم البعض كل القطاعات المهمة فى البلد وبعد أن كان يحكم مصر فاسد واحد أصبح يحكمها 28فاسد…

ما السر في انشغال العرب بالأعضاء التناسلية!!

مقال يكشف عن سر تغييب العقول والمصالح الشخصية التى يجنيها كل من يطلق عليهم الغوغاء والجهلاء لفظة علماء
فالعالم ايها المغيبين هم من يخترعون لكم الدواء لشفائكم من الامراض المستعصية وهم العاكفون الان على اختراع مضاد قوى وسريع المفعول لقتل فيروس المرتزقة اللذين يسمون انفسهم بالدعاة .. ولم يكذبون فعلا فى اختيار الاسم فهم دعاة للجهل والرجعية والانحلال ولا دجل ولا شعوذة كله باسم الدين

ما السر في انشغال العرب بالأعضاء التناسلية!!

كتب: أسامة فوزي

لا يعقد زواج في مصر دون طبل وزمر مهما كان ظرف العريس المالي وغالبا ما يحيي العرس أبناء الحارة وبناتها وللزواج في مصر طقوسه التي يلتقي عليها أبناء الذوات وأبناء الحارات وان تباينت الأماكن التي تقام فيها الزفة بتباين الظرف المالي للزوج.. والشيء المؤكد أن "الزواج السري" غير المعلن الذي يتم داخل الشقق ولا يسجل في الشهر العقاري هو إما زنا مقنع، أو زواج يخجل منه صاحبه، أو هو من قبيل زواج الفنانين الذين يبقون الزواج مكتوما حتى لا يؤثر زواجهم وزواجهن على المعجبين والمعجبات.

أين يمكن تصنيف الزواج السري للشيوخ والوعاظ من أولياء الله في أرضه مثل …

ليضع العهر بصمته

Image
اسمحوا لى اصدقائى الاعزاء ان اصحبكم معى فى جولة داخل مجتمع النفاق .. ذاك المجتمع الذى يتصارع فيه الجميع من أجل اللاشئ ، مهلاً لا تنزعجوا فلم اترهبن بعد ولم اشعر بالعجز حتى أخذ معى القليل من الزاد لأنتظر الموت فوق قمة جبل .. ولكن الصحف تطالعنى يومياً بما لذ وطاب من الإنتهاكات وارتكاب الموبقات من تحرشات و اغتصابات وقتل من اقرب الاقرباء ومجازر بشعه بيد من يشهد له الجميع بالاخلاق الحسنة والطيبة فاصبحت أخاف على نفسى من ذاك الخراب الانسانى الموحش من الداخل وفى ظاهره التدين والعفة . حقاً يالا النفاق !
كتبت قارئة تعليق على إحدى مقالاتى قالت فيه :

ممكن تكتبى عن الرجالة الوسخة ولاد الكلب اللى بيقرفوا ويطلعوا عين اىواحدة سنجلوكمان الرجالة اللى فى الشغل اللى تندب فى عيناها الرصاص ومتطلعش ونظراتهمالوسخة لا وعامليلنك نفسهم محترمين والتقوى بتشر من وشوشهم اللى شبة افاهموانهم بيعاملوكى بأحترام وتتلفتى وراكى تلاقيهم مركزين عينهم على سورى جدعلى مؤخرتك


واقول لها ماذا تنتظرين يا عزيزتى من مجتمع تسبق قائمة المحرمات والمحظورات فيه قائمة المتعة والشهوات ؟ ماذا تنظرين من مجتمع لا يرى فى المرأة المتحررة إلا عاهر…

اللب ينطق الشهادتين

طبعا فى ظل البرتقان اللى بيتشاهد والكنتالوب اللى يوحد الله والشجر اللى فروعه على شكل لا اله الا الله وفى النهاية تطلع خيال احد الاشخاص كان واقف يستنى صاحبه ومن زهقه حفرها فصورت وكالات الأنباء وزاعت الصحف وانتقل الغائد والعائد يتفرج .. مش بعيد خالص ان محمد حسان يقول قشرة اللب بتتكلم هى كمان بس الغريب مش قشرة اللب اللى اعلنت شهادتها على الملأ الأغرب هو حجم قشرة اللب اللى طولها نص متر عجايب

ايه إحساسك ؟

Image
كان إحساسك ايه وانت بتأذى حد حتى لو الصلة بينكو مجرد مصالح مش لازم تكون الأذية جسدية ؟ ممكن تكون معنوية
إحساسك أيه لما بتلاقى حد ضعيف وتخرج قهرك وضعفك وسطوتك عليه ؟
إحساسك إيه لما بتحاول بكل جهدك تفرق الناس عن بعضها لا لشئ غير ان فى سؤال واحد بس يلح عليك ليه انا مش معاهم ؟إحساسك أيه لما تكون شايف واحد عايش فى عذاب ولما تخرجه من أزماته يكون أنت اول واحد يعض إيده ؟
إحساسك أيه لما كل الناس اللى بتقابلها فى حياتك تشتكى من الحال والأحوال مش ملاحق تسمع مين ولا ترد على مين . وفاكرين علشان مش بتشتكى انك مولود فى بؤك معلقة دهب فى حين أن جواك نزيف محدش شايفه ولا حاسه غيرك ؟
وياترى إحساسك أيه وانت بتقرأ تصريح لوزير المالية انه ما بينام ليل ولا نهار من أجل توفير حياة أفضل للمواطنين انا مصدقاه فعلا انه مش بينام ليل ولا نهار لكن من اجل التفكير فى كيفيه تنضيف جيوب المواطنين ده ان اتبقى لهم اصلاً حاجه يلبسوها فيها جيوب ؟ احساسك ايه لما تسمع قنوات الإرهاب وهى بتقول على امك او اختك او بنتك انها عورة وانها مساويه بالكلب لان كلاهما ينقض الصلاة ؟
احساسك ايه وانت ماشى فى الشارع ترتكب الموبقات فى حق اى واح…

وتسقط ورقة من وريقات التنوير

Image
دائماً عندما أسمع خبر وفاة شخص وارى الحزن فى عيون ذوية تكون اولى كلماتى ليه نحزن على حد مات وراح يقابل اللى خالقه .. انا مش بحزن غير على اللى اتولد لانه جاى للمجهول ميعرفش مصيره ايه ولا هيروح فين خصوصاً والحياة كل يوم من سيئ لأسوء .. اليوم فقط استدركت شعور الفقد اليوم فقط جربت معنى الحزن كما لم احزن من قبل .. حينما اقرأ كتباته يشرد ذهنى واتمنى لو مصر بها نصف عقل هذا الرجل صاحب العقل الرائع والإبداع الراقى .. رجل عانى من الجهلة والجهلاء الذين جعلوا من انفسهم أوصياء على الناس فى الأرض ولا أعلم من أعطاهم الحق فى الفصل والقرار فى شئون الأدب والنقد إذا كانوا لا يقرأون ولا يفقهون فسمحوا لأنفسهم بتكفيره بل وتفريقه عن زوجته خوفاً من أن يبزغ شعاع أمل للعقول فتبور بضاعتهم الفاسدة من نخاعات مسلوقة حلت مكان المخ بالعقول .. من الذى يستطيع أياً كان وزنه وحجمه أن يصادر حقنا فى التقدم والرقى الذى يسعى إليه العالم كله بعد أن كنا فى مقدمة العالم اصبحنا فى اسفل سافلين .
قتلوا بجهلهم فرج فودة فصفق لهم اعوانهم من الجهلاء وكانت اسلحة المثقفين هى القلم فظنوا انه سلاح الضعف فنصبوا من انفسهم أمراء إفتاء ورج…

كيف يفسح المجال للعراة والفجرة

Image
طبعاً مع بداية الصيف لازم يبتدى ماراثون كل سنة من الاخوة السلفيين والوهابيين اللى فى كل حاجه لمناخريهم حاشرين .. وبما ان الصيف هو موسم الخروج للكافيهات والمتنزهات والمصايف فالطبيعى ان المشكلة التى تطفو فوق السطح وهى بعض الأماكن تمنع دخول المنقبات والمحجبات .. ومعرفش ايه السبب فى ان المنقبات والمحجبات يدخلوا كافيهات من من ابتداع الغرب الكافر بتقدم الخمر يعنى هو شرب الخمر مش حرام ؟ وليه المنقبات يروحوا ينزلوا حمامات سباحة من اهم شروطها المايوه ما فى شواطئ مبتقولش لاء حتى لاطفال الشوارع ؟ ثم هو نزول البحر مش حرام ؟ دى بتكون طالعه من المية جسمها كله متقسم وباين حتة حتة كأنها ماشية عريانة وعلشان ايه يرموا الهلب خصيصاً على الأماكن السياحية اللى لو دخلوها هيخربوها بغبائهم وهمجيتهم وفوضيتهم ؟ طبعاً يوسف الفقرى برر دخولهم الاماكن دى انهم اثناء الصلاة بيجمعوا بعضهم ويصلوا على الشاطئ جماعه وبكدا رايحين يعملوا دعوة جماعية للإسلام .. اما محمد البرى اللى بيقولوا عليه راجل دين وفقيه وعالم فكان رده منتهى السفالة والانحطاط وقلة الادب
كيف يفسح المجال للعراة والفجرة دون غيرهم؟ فهذا أمر غريب وجديد
بأمانة …