Posts

Showing posts from January, 2010

اوعوا تاكلوا عندهم

من اول يوم فى اعدادى لحد اخر يوم فى ثانوى كانت شريكتى فى الديسك اسمها مريان كنا غالبا طول الوقت مع بعض حتى الدروس الخصوصية بتاعتنا كنا برضه مع بعض لو انا قريبة من بيتها بطلع معاها واكل فى بيتها ولو هى قريبة من بيتى بتطلع معايا وتاكل فى بيتنا لو اتاخرت ماما تتصل بمامتها تسال عليا والعكس ماما عمرها ما قالت متروحيش بيتها ومش تشربى ولا تاكلى عندهم ماماتها عمرها ما قالت لها متروحيش بيت مسلمين ولا تاكلى فى بيتهم .. ماما كانت بتحب مريان جدا لاخلاقها العالية وذوقها وتربيتها الراقية ماما ماريان مش كان يحصل مناسبة او عيد غير لما تتصل بماما تهنيها او تقولها كل سنة وانتى طيبة حتى بعد التنسيق ما حدف كل واحدة فينا فى جامعة مختلفة و محافظة مختلفه كنا على اتصال باستمرار ببعض .. بحكى القصة دى كلها ليه ؟ مش ذكريات ولا أيام قاعدة أترحم عليها .. لكن لأنى سمعت إمام مسجد من اللى أخرهم إبتدائية قديمة ويقتص من القرآن آية يستشهد بيها وقت اللزوم .. فى خطبة الجمعه اللى كانت من يومين قاعد هاتك يا تقطيع فى فروة المسيحيين اللى هما اصلا ربنا مش راضى عنهم واللى هما أصلاً هيدخلوا النار لأنهم اختاروا دين الضلال .. ول…

ص ف ر جزائــــر

Image
اللهم ما لا شماته بجد انا مش شمتانة بالعكس دول صعبانين عليا جدا خصوصا بعد خبر الإغماءات الجماعية اللى حصلت فى السفارة الجزائريةبعد فوز مصر على الجزائر باربعة أهداف نظيييييييفه وربنا يستر ومش يكون فى مع الاغماءات دى ترجيع .. ليثبت المصريين انهم ملوك افريقيا وان الرياضة ادب مش مطاوى وسنج وقلع بنطلونات وقلة ادب .. الف مبروك للمصريين وياريت يا جماعه نتعاون ونرسل عربيات اسعاف جماعية للجزائر وكراسى متحركة اصل فى اخبار ان اللى بيفوق من الاغماء إما يصاب بفقدان للذاكرة او شلل نصفى .. بصراحة معذورين ماهو اربعه كتير اوى عليهم وكمان مع الرأفة عرفتى بقى قيمة الفراعنة يا خضرة ؟؟ هو الاعلاميين الجزائريين كمان اغمن عليهم ولا ايه ؟؟ اصل الردح بتاعهم مش باين والجرايد الصفرا بتاعتهم اللى كانت كل يومين قرفانا الفراعنة بين فكى محاربى الصحراء .. جالهم سكتة قلبية لما شافوا الخضرا بتقع من طولها بعد الاربع اهداف وان كنت عايز تهده هالته جدوووو .. و80 مليون مبروك لكل المصريين

ما تيجى نتعرف !!

Image
اغلب تعليقات الأخوة المؤمنين جدا المحترمين خالص اللى داخلين يدافعوا عن خبر أول خطوات فرنسا نحو حظر النقاب وهو منع المنقبة من استخدام المرافق العامة مثل دخول الاماكن الحكومية وركوب الأتوبيس .. طبعاً كالعادة التعليق على اى خبر يمس النقاب او الحجاب دايما المتصدرين ليها رجالة .. والبنت الوحيدة اللى علقت على الخبر قالت خلاص حتنتهى الاشباح من فرنسا واللى مش عاجبها ترجع تعيش فى دول العالم الثالث .. والرجالة الحمشين المؤمنين بالقوى خالص اللى كانوا بيقولوا بيحاربو الاسلام اعااااااااا بيرهبونا اهئ اهئ عوووو سابوا الخبر والموضوع وعملو رجاله على البنت اللى يقولها شكلك مقضياها واللى يقولها انتى بتمشى عريانة والذباب بيتلم عليكى واكثرهم فكاهه بقى التعليق ده
بواسطة: darsh
بتاريخ: الثلاثاء، 26 يناير 2010 - 15:45

شكلك كده 100% ممكن نتعرف

هو الرجالة المثارة على روحها دى واللى رافضه العلاج وعايزة تكفن المرأة برضه بيقولوا من أجل الأخلاق راحت فين اخلاقهم بمجرد نزول تعليق البنت ؟؟
امال فين الأخلاق فى الشارع وهما ماشيين يتحرشوا بالمنقبة قبل اللى مش محجبة ولو قولت له هو انت شايف منها حاجه يقولك ياعم ماهى لابساه …

خالـــف تعــــرف

Image
محجبة متزوجة من 3 سنوات بدأت قصتها بشكوى من إهمال زوجها اللى أخدتها دوامة الحياة من أول أسبوع فى الزواج ومش بيخرجها زى ايام الخطوبة ولا بيسأل فيها حتى أصابها الملل وبعد 3سنوات افتكرها تقريبا واتصل بيها من الشغل وقالها انه عازمها على خروجة وعليه قامت لبست فستان مركون جنب اخواته اللى اكلهم خشب الدولاب من قلة اللبس وخرجت مع جوزها رايحين فين بقى علشان يسهروا ؟؟ رايحين يسهروا فى ملهى ليلى على النيل ... قابلهم الويتر على المدخل وقالها عفواً ممنوع دخول المحجبات لان المكان لا يقدم فيه سوى كحوليات.. هنا وبدأت فى الصراخ والشكوى لكل عباد الله الغائدين والعائدين وبعتت استغاثتها للجرايد القومية والمعارضة على مستوى العالم للى بيفهموا عربى واللى بيفهموا إغريقى وتايوانى بأنها مضطهدة فى بلدها وممنوع دخولها ملهى ليلى علشان هى محجبة ومؤمنة وموحدة وملتزمة ولابسة الحجاب علشان الرجالة الحيوانات بيثاروا على روحهم من نعومة ورقة وجمال شعرها ... طيب معلشى يا اخت هو برضه الملتزمات والمؤمنات اوى خالص كدا بيروحوا يسهروا فى ملهى ليلى ؟؟
بيدخلوا قاعات ديسكو ؟؟ ويروحوا يشربوا منكر ؟؟ ايه اللى موديكى هناك يا شابه ما ت…

لما تبكى الكلمة

Image
لما تبكى الكلمة لازم نعرف انها رافضة الحياة
لا ادرى لماذا كان كل هذا الإندهاش بعد أن انطق بهذه الجملة وكأنى ارتكب الخطيئة العظمى فى وضح النهار على مرأى ومسمع ولا تتردد ثانية واحدة فى سؤالى هو فى كلام يملك حق الإعتراض علشان يبكى او يرفض الحياة ؟؟
فاجيب بالطبع الم تسمع احدهم ذات مرة يتكلم وبعد ان ينتهى من إحدى كلماته يعتذر آسف فقد خانتنى الكلمات ؟
الكلمات لا تخون ولكن الكلمات تنطلق من العقل الذى لا يستشير القلب فى هذه اللحظة بماذا يتفوه او ماذا يقول لتجد طريقها اذن المستمع الذى كان من المفترض ان تخبره الكلمات غير ذلك تماماً ... نعم أعترف بأن الجميع خانتهم كلماتهم عندما اطلقوها مدوية دون أن أكون مهيأة لإستقبال مثل تلك الكلمات القاتلة التى نفذت من أفواههم إلى قلبى ليعاجله النزف الحاد دون توقف والتى ترجمته عينى لدموع دامية
أعترف بأن جميع من تقاسموا معك رحلة الحياة وكلاً يحتفظ بذكرى مختلفة من الطفولة حتى سمعاهم الأذان خانتهم الكلمات فماذا يفيد بعد أن جف ندا زهرة الصباح التى ظلت متماسكة برائحتها الذكية ولونها الوردى إلى أن جفت أوراقها لتسقط مع أول هبوب غادر للرياح ليخطفها الثرى دون رحمه يضمها…

باى باى مرشد الطزات الثلاث

Image
حدث انه فى يوم الخامس عشر من يناير كسوف للشمس الساعه 7 الصبح قوم ايه تانى يوم المخبر العام للمحظورة اتغير
وذهب مخبر الطزات الثلاث حيث تصريحاته المتضاربة حنضرب لاء مش ضاربين حنلعب لاء مش لاعبين و..... الخ من التصريحات اللى كان يطلعها بالليل يطلع عليها النار يسيحها محمد حبيب .. واللى مسك مكانه المحظورة محمد بديع الطبيب البيطرى وعلى رأى الأنونيمس مرشد الاخوان دكتور بيطرى على الله يقدر يعالج ما افسدوه ههههههههههههههههههههه
واحب اضيف برضه انه صاحب 3سوابق فى عين الحسود اشهرها قضية سيد قطب سنة 65اتحكم عليه بـ15 سنة قضى منهم 9 سنين وباقى السنين قضاها مراجيح
طبعا كان لازم وحتما ولابد نرحب بالمخبر العام الجديد محمد بديع اللى الاخوانجية محتلين ما شاء الله كل المواقع الاخبارية وقاعدين يرحبوا بيه ويبايعوه وكأنه محمد الفاتح وجاى لهم بالنصر المبين .. امبارح بس كانوا بيبوسوا ايد مهديهم عاكف والنهارده وديع ولا بديع ده اخص عليك يا زماااااااااااان مالكش امان


ملحوظة ( الصورة متقلبة من مدونة حسن الهلالى )

السرقة حلال بفتوى شرعية

بيقولك ايه يا سيدى انت وهى وهو انك لو سرقت وصلة دش علشان تتفرج على المباراة يبقى حلال ثم حلال ثم حلال امال يعنى حتقطع نفسك يعنى الجزائر تتبلى علينا فى بلدنا ويطلعوا مسجلين خطر فى طيارات حربية يضربونا فى السودان وكمان يمنعوا عننا بث المبارايات ده يرضى مين ده يا عبعال ؟؟
ونظراً لظروف الشعب المصرى المقهور من غلاء الاسعار والبطالة و البنات حتى المنقبات اللى بيخلوا الشوباب الصايع يتحرش على روحه وهو ماشى فى الشارع ومؤخرا حرق بيوت البهائيين وحرق المسيحيين وهدم الكنائس وتهجيرهم من بيوتهم وقتل ولادهم فى ليلة العيد ... راح الراجل الكوبارة الدكتور سعد الدين هلالى أستاذ الفقه المقارن بجامعة الأزهر مطلع فتوى لولبية حلزونية بتقول ايه بقى الفتوى يا بنات وبعدين يا رجالة طبعا ليدز فرست
للمصريين أن يشاهدوا مباريات كأس الأمم الأفريقية على "الوصلة"، مادمت هناك حالة احتكار من قبل قناة الجزيرة لبث المباريات، ومبالغاتها فى شروطها المادية، مما أدى إلى تعجيز الحكومة المصرية عن دفع هذه المبالغ، موضحاً فى الوقت ذاته ارتفاع ثمن الاشتراكات للحصول على مشاهدة المباريات، مما يعد حملا زائداً على الأسرة الم…

الله ينتقم

Image
الله ينتقم من اللى قتل الشهيد المصرى احمد شعبان الله ينتقم من حماس والإخوان الله ينتقم من كل المههلتيه اللى قاعدين يشتمو فى البلد ليل نهار وكأنها مش لاماهم ولا مأكلاهم ولا مشغلاهم عالم معندهاش دم عايشة على ارض مصر وبتفرح فى اى مصيبة تحصل لها ودايماً ضدها طب عايشين فيها ليه ؟ قاعدين فيها بتعملوا ايه ؟ مصر جعانة مصر مليانه بلاوى خلاص سيبو مكانكو فى السكن وفى الاكل وفى المواصلات وفى الشغل لناس تستحقها لناس بتحبها الله ينتقم فى كل من أشعل الفتنة الطائفة وكل من شجع مسجلين الخطر على ارتكاب افعالهم الإرهابية الله ينتقم من الجماعات الإسلامية اللى الإسلام منها بريئ الله ينتقم وياخد كل من فكر فى أذية اى شخص مختلف فى العقيدة اخذ عزيز مقتدر الله ينتقم من كل واحد يشجع الزانية المسلمة ويقتل المسيحى اصله دخل شقه دعارة مسلمة .. يبقوا الداعرات يكتبوا داعرات للمسلمين فقط على الابواب بعد كدا او يشوفوا بطاقة اللى هيزنوا معاه موت 7 مسيحيين كلهم شباب فى عمر الزهور واطفال غير الجرحى سرقوا فرحتهم بالعيد وقتلوهم برصاص الإرهاب والغدر .. وقاعدين لحد يولولوا على شهيدة المرجيحة اللى اطلقوا عليها شهيدة الحجاب مستني…

جلا جلا

Image
قاعدة بالليل بتفرج على قناة كوميدى المهم قولت اغير يمكن الاقى الست هيفا ولا الحاجه إيلسه المهم وانا بقلب فى الريموت والاقى الحاج بتاع تفسير الأحلام قاعد مفشوخ وفرحاااااان بالستات اللى بيتصلوا بيه وانا قاعدة اضحك على العبط والردود المنيلة بتاعته اللى بيرد بيها ..و ابص على فجعه والاقى ايه بقى خير الله ما اجعله خير فى شريط الاعلانات البروفسيور ابو جلمبو بيعالج بالقرآن بيعالج ايه بقى ابو جلمبو ده بالقرآن يا جرعان ؟ بيعالج البواسير - وبيعالج الصدفيه .. وسرطان الرحم وتاخر الجواز وتاخر الحمل والقلب والضغط والسكر .. والله الراجل ده بركه
بقى بيعالج كل ده بالقرآن ومفيش تدخل جراحه ولا حقن ولا برشام ولا اى نقطة دم حتنزل من جرح ولا اى حاجه خالص كدا ؟ وبعدين ايه بقى اللى عايز يتصل بيه رقم التيفون للجادين فقط فكرنى باعلانات مطلوب عروسه هيفاء فيحاء والاتصال للجادين فقط شوية تانية ونيجى للطامة الكبرى الشيخ حلمبوحة .. اللى لسه راجع حالاً من المانيا بيعمل ايه بقى الشيخ البركة ده ؟ بيفك السحر والربط والحل والعقد .. والله هو اللى بيقول كدا .. وبيعمل عمل لجلب الرزق ولسرعه الزواج قولت هى المانيا قلبت المونيا و…