ليلة ساخنة مع غرميات القرضاوى


اكيد كلنا متابعين الأحداث الأخيرة للشيخ القرداوى واللى مش متابع سمع عنها البداية كنت نزلت توبيك فى جروب اتكلم واسمع خطاب موجه للشيخ القرداوى وبعدها روحت البيت .. أيم ألون اعمل اييييه طبعا هو النت وفى غيره جبت اللاب توز وقعدت أألف موقع بالفرونت بيج وأكملت الصفحة وبعدها قولت انا ازاى هيجى لى نوم من غير ما أتفقد شئون الرعية ده حتى كدا يبقى عيب فى حقى ورحت داخله على اتكلم واسمع وألاقى خناقة فى التوبيك واصلة إلى عنان السماء طبعا جرابيع القرداوى كل واحد دخل يدلو بدلوه بكل ما أوتى من سفالات وقاذورات وكالعادة فى الآخر تلاقيهم بيحسبنوا عليك بس بأمانة كان فى رجالة ووقفوا لهم وقفة رجالة .. الواد دخل يشرشح ويقل ادبه لاقيت لوسيفر قاله ايه بقى الى الشيخ

Mohamed Shalaby بعد ما حضرتك شتمت

بما يكفى و بغض النظر عن لغتك البليغة
اية هى الاستفادة العملية او الرأى اللى حضرتك اضفته للموضوع؟؟
معلش اصل فهمى بطئ
مثلا لا تنه عن شئ و تأتى بمثله و سيادتك اتيت بمثله 7000 مرة
بتقول متشتموش و شتمت بتقول ما تتكلموش فى اللى ما تفهموهوش و اتكلمت بتقول اقضوا وقتكو فى عمل اخر و اديك بتضيع وقتنا و وقتك
يعنى لما سيادتك تقرا حاجة فهمت اضف رأيك و فوق دماغنا من فوق ما فهمتش لاجل خاطر ام العواجز ما توجعش دماغنا

وحياة ربنا دى ما دماغ كونياك أبداًً أحييك يا محمد والله .. وبعد كدا عبدالرحمن كمان ادلى بدلوه .. مش اشوف كدا امشى واسكت اتسحبت من لسانى ورحت قولت لهم بصراحة انتوا ناس محترمين اوى وانا بقى مش عايزاكو تنزلوا للمستوى القذر ده وتردوا على الأشكال دى ؟ راح الواد ما صدق يشوفنى وطافح علينا زى ماسورة الصرف الصحى اللى بتنفجر دون سابق إنذار .. طيب يا كابتن تعالى نتفاهم ..

احب شيخك الفاضل الدكتورة الجزائرية اسماء اثناء مشاركتها في احد المؤتمرات وقال فيها شعر وغزل وكتب فيها كلام شهوانى يعاقب عليه القانون اتقدم لخطبتها وابوها رفضه لفرق السن بينهم الشيخ القرداوى عمل الجزائر شغله الشاغل كأنه بينزل البقالة اللى تحت بيتهم يشترى لولى بوب ويطلع يغنى طلعت ادب نزلت ادب الشيخ بتاعك كان بيهدى اسماء كتبه بعد ما يحذف منها كلمة ابنتى ويكتب مكانها الى الحبيبة اسماء .. لحد ما البنت اصرت واتجوزته وهى يعنى حجر دى بشر يا جرعان وليها مشاعير وأحاسيس والشيخ المتصابى قعد يخطط ويلف ويدور حتى وصل إلى مبتغاه .. وبعد ما وصل إلى مبتغاه راح اتعشى معاها العشاء الأخير وقالها هأوو كان غيرك أشطر يا شابه طبعاً الشابة قعدت تلف وتدور حوالين نفسها ولا طلقها ولا اخدت اى حقوق قانونية طبعا مش قدامها غير الحل الطبيعى اللى اى انسان المفروض يلجأ له حتى ينال حريته وهو القضاء .. استنيت رد من البشمهلوس اللى كان بيشتم مش لاقيت قولت اكمل الموقع ماهى ليلة سودة من اولها فتحت المازنجر وفجأة قفشت لوسيفر بقولك ايه انا بدور على موقع استضافة يقبل ملفات FTP قالى ايه العك ده يا حاجه ما تلغى ده كله وتعمليه PHP يا عم هى طلبت معايا فرونت بيج الاقى عندك ؟ راح جابلى مواقع كتير وقالى جربى .. قولت ادخل اشوف يمكن الواد يكون رد لاقيته فعلاً رد وقعد يطفح ويطرطش وعبدالرحمن واقف له بالمرصاد واتارى لوسيفر كمان بيبعتلى مواقع وبيرد وانا ولا هنا خالص وكأن كان مولد والعالم كله بيتفرج يا بنى عيب احنا بنرد بادب وانت بتشتم يعنى هى دى تربية القرداوى ؟ يقولك لالالا محدش يجيب سيرته ده رئيس اتحاد العلماء ... اهلا يا كبير تعالى هنا علماء ايه بالظبط ؟ فى الجواز من بنات فى عمر احفاده وبعد ما يزهق منهم يمشى ويسيبهم كأنهم جوارى ولا ليهم حقوق ولا من حقهم يطلقوا ويتجوزوا غيره ويعيشوا حياتهم .. هو القرداوى ميعرفش ان الله لعن الزواقين والزواقات ؟ هو القرداوى الكبير عن النقد اللى المتخلفين ناقص يصلوا له هو 5 فروض فى اليوم مش بشر بياكل ويشرب ويتجوز وينسى وياكل حقوق الناس ورغم كل ده برضه بيقولوا عليه عالم يا خى أحه

ومش كان قدامى غير انى ارميه بردوده فى الزبالة لأن كانت كل ردودة شتيمة وسفالة ... وقولنا هنتفرغ للموقع ولوسيفر يقولى الموقع اسمه ايه ؟ وأنا طيب شوف السى بانل دى كدا ينفع يترفع عليها الملفات ؟ واتارينى باعته له سى بانل لموقع مع لنك موقع تانى نوهائى خالص والظريف يروح ياعت للإدارة يهزأهم وبعد شوية تانية ابعت له سى بانل مع موقع تالت .. الا هو مين فينا اللى عامل دماغ النهاردة سيبانى اشتم ادارة الموقع يا حونان شكلهم هيردوا عليا يتفوا فى وشى ... معرفش ايه ودانى تانى على الجروب ولاقيت حد رامى فى وشى لنك فتوى للقرضاوى يبيح فيه الجواز بنية الطلاق .. يا حلولىىى الفتوى دى فعلاً موجودة واباحها ابن باااظ وغيره من بتوع كتب التراث الصفراء لكن معلشى يعنى القرداوى افتكرها الايام دى تحديداً علشان هو مروج الافيون الاول لعقول المغيبين والمتخلفين عقلياً اللى بيقولوا عليه عالم وعلشان كلابه تنتشر يشتموا فى اى حد يجيب سيرته ويقولوا شوفوا ماهو الدين بيقول الزواج بنية الطلاق عاتشى خالص انتوا زعلانين ليه يا كفرة ؟

طيب تعالى منك ليه له لهوذا انت ممكن تجوز بنتك لواحد عارف مسبقاً انها مجرد يومين وهيطلقها ؟ يعنى هى مش بنى أدمة ليها إحساس ؟ ملهاش أى حقوق ؟ للدرجة دى غسيل المخ اللى دايرين بيه من بعد انقلاب يوليو المشئوم جاب تأثير جبار كدا لدرجة ان كل واحد يعتبر بنته او اخته او اى من تحمل تاء تأنيث مشروع سرير لأى عابر سرير يومين تلاته وبعد كدا يطلقها ؟ هو ده مش اسمه زنا برخصة شرعيه ؟

ولا القرداوى اللى بقى بيفتى كمان فى الكورة ويقولك دبى مش فازت بتنظيم كأس العالم إلا ببركة دعاه المرة دى بقى بييييييييج أحه

فجأة لوسيفر جاى يقولى بقولك ايه يا نانو أنتى بتحبى المخلل ؟؟

قولت له انت سبت الهندسة وبقيت بقال الايام دى ؟ قالى اينعم قولت له طيب نص كيلو زيتون من فضلك وابعتهم لى DHL .. بليز لوسيفر عايزة أضيف حاجات فى الهوم بيج ؟ راح سكت شوية وقالى لاء لاء انتى كدا حتفوقينى انا طيب احاول افوق بجد بقى وارجع اشوف ايه الموقع المعجزة اللى هيبقى أول موقع فى التاريخ مالوش اسم ولا عنوان ده... يا بنتى اسم الموقع ايه ؟ قولت له بص بقى انت تشوف الـ Index دى تترفع على أى ملقم ويب .. المرة دى اختفى خااااااالص انا قولت يلا فدايا ..

ورحت اشوف ملفات الـ HTML وألاقى واحد سمج آخر جاى يقولى هو انتى علشان مش عندك ثقة فى عقيدتك كل شوية تدخلى تشتمى الإسلام ؟ قولت له يا حلولى هو القرداوى دلوقتى بقى هو الإسلام ؟ ده لو كلامك ده صح يبقى انا أقر وأعترف إنى مش عندى ثقة فى عقيدتى خالص ابداً نوهائى وأعلن تبرأتى منها أمام العالم أجمع .. راح قالى القرضاوى ده يعتبر قدس الاقداس ومش اسمح لك تتكلمى عليه كدا .. خوفتنى ياض ناقص تقولى إن هو إلا وحى يوحى علمه شديد القوى قالى ماهو كدا فعلاً هو أنتى بتتريقى والله هتروحى جهنم .. ومين قالك انى عايزة اروح الجنة اللى انت والقرداوى فيها ؟

طيب يا جماعة حد يقولى بقى الراجل اللى يكتب لأسماء : أتري أطمع أن ألمس من فيك الجوابا.. أتري تصبح آهاتي ألحانا عذاب- يا حبيبي جد بوصل دمت لي واجمع شتاتي.. لا تعذبني كفاني ما مضي من سنوات- يا حبيبي وطبيبي هل لدائي من دواء.. لا تدعني بالهوي أشقي أترضي لي الشقاء- يا حبا زاد تدفقه فغدا طوفانا يغرقني.. يا شوقا أوقد في قلبي جمرات توشك تحرقني

بقى كلام الشهوانية ده فعلاً يخرج من واحد لا ينطق عن الهوى علمه شديد القوى ؟؟

طيب معلشى تعالو بقى خلينا نتفق فعلاً إن القرداوى ده راجل فاضل وعالم دين محترم جدا اوى خالص .. واحد راح اتجوز بنت فى عمر احفادة ؟ نزوة وخلصت سابها من غير ما تعرف ؟ مش اخدت ولا حق من حقوقها ؟ مش عارفه تتطلق ؟ وبدل ما يعترف بغلطه راح لابس عباية الدين مرة تانية وقناع التقوى والورع وافتى بانه يجوز الزواج بنية الطلاق ؟ طيب محدش بعد كدا يسأل هما أطفال الشوارع بقوا يمثلوا 99.9% من سكان مصر ليه زى نتيجة إنتخابات الرئاسة بالظبط ؟

ومع بزوغ فجر يوم جديد حيث كانت الساعه الرابعة والنصف صباحاً ظهر لوسيفر مرة أخرى ويقولى هييييييييه الملفات اترفعت والله والسرفر قبلها بس برضه اسم الموقع اييييييه ؟ وأى حد عايز يعرف إسم الموقع إيه يفعص هووون


Comments

elmasryeffendi said…
اولاً اشكرك على مجاملتك لاسلوبى و مدونتى و لشخصى المتواضع فى تعليقك الاخير بمدونتى
اما بالنسبة للبوست فاحييك على الموضوع لانهم فعلاً علماء فى علم النسوان، و النسوان فى راييى يختلفن عن الانثى الجميلة فهؤلاء النسوان هن من ترضين بالالتحاف بالاجولة المتخلفة و السير فى ركب هؤلاء القوادين باسم الدين و هن من يرضخن لهم، اما الانثى الحقيقية فهى رمز للجمال كل جزء فيها يستحق ان يكون بورتريه او عمل فنى و رمز للجمال بكل معانيه، الغريبة بقى ان البيه شيخ الازهر اللى ما بقاش شريف بيتقرب مع صاحبنا القرضاوى عشان نشر الدين المعتدل ، هو احنا سنة كام هجرية ؟ شكلنا رجعنا 1400 سنة ، نشر دين ايه و تعاليم ايه اللى بيتكلموا عنها
Desert cat said…
elmasryeffendi

على فكرة انا مش بجامل وحضرتك عارف كويس انى برمى دبس ماليش فى المجامة
((:
واضح ان كلهم بقت النسوان عندهم نمبر وان واهم اولولياتهم
علشان كدا تلاقى اتلم المتعوس على خايب الرجا وتولع مصر ما ترجع 7000 سنة ويهمهم ايه
ELVIRA said…
حبة القرداتية دول ميهمكيش منهم
كلنا عارفين ان اهم أسباب انتشار الفقه المنحرف بتاعهم دة هو السعار الجنسى اللى راكبهم
و علشان كدة الناس دى بتدافع عنه و عن اللى زيه دة بضاعة فقه الحريم بس يا بنتى
Desert cat said…
ELVIRA
لا لا يا اولفا ما انتى عارفه انا مش بيهمنى من الاشكال دى اصلا فى الزبالة وبرمى على طول
ما تلاقيش حد بيدافع عنه غير المرضى فى عقولهم اللى شبهه
Kontiki said…
اموت فيكى يا قطة وانتى بتطلعى روح اهلهم الحثالة دول
Desert cat said…
Kontiki

ماهو السكوت اللى وصلهم لكدا وخلى اصواتهم عالية بالشكل ده يا كونتا لازم بقى نعرفهم انهم حثالة
Boneta said…
قطه يا قطه
مش قولتلك نفسي مصر كلها تبقي قطه الصحراء يمكن حالنا يتعدل ونفوق من الغيبوبه
بحسدك علي صراحـتك مع نفسك يا قطه
لا حلوه حكايه قدس الاقداس دي وهو اللي زي القرداتيه دول يفهموا يعني ايه كلمه قدس الاقداس ولا هو هبل وخلاص
طول ما عندنا الامخخه المتخلفه اللي كل همهم في المتعه والجنس عمر حالنا ما هايتعدل
ولايهمك منهم يا قطتنا
تحياتي لك
Desert cat said…
Boneta
ده وصله لمرحل الانبياء كمان يعنى القرداوى لا ينطق عن الهوى
بقى بينزل عليه وحى خلاص

ميرسى يا جميلة لزوقك

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز