تحيا الوحدة الوطنية


واضح انه أصبح ممنهج مع صبيحة كل يوم عيد نسمع خبر قتل مسيحيين زى ما حصل فى ليلة الميلاد يناير 2010والحجة اغتصاب طفلة فى السادس الإبتدائى وبعدها توالت الاعتداءات تحديداً فى صعيد مصر واخرهم قتل شاب فى الشارع على مرأى ومسمع من الجميع اصله قفشوه فى بيت دعارة مسلم .. بصراحة يستاهل القتل والحرق كمان بيوت الدعارة المسلمة مسموحة للمسلمين فقط .. وفى يوم عيد الاضحى المفروض الناس بتصلى العيد وتسلم على بعضها المفروض العيد يعنى لتنمية روح المحبة والتسامح وصلة الرحم والود بين الناس وبعضها بصرف النظر عن دين او عقيدة لكن الاخوة فى قنا ابوا ان تمر المناسبة مرور الكرام من غير اى مشكلة مع المسحيين حرقوا بيوتهم وكسروا محلاتهم فى قرية ابو تشت اصل واد مسيحى سافل قليل الادب عاكس بنت مسلمة .. والجميع عارف المسلمة لا يعاكسها ولا يتحرش بها إلا مسلم .. علشان كدا حوادث التحرش والإغتصاب اللى مغطية مصر من شرقها لغربها الجميع بيشوفها وساكت عرض مستمر لان الزبالة اللى بيتحرش رافع شعار انا مسلم والمسلمين اولى بالتحرش وانتهاك آدمية بعض ... بس معلشى انا نفسى اعرف مين العبقرى اللى فهم المسلمين فى ابو تشت ان التضحية فى عيد الاضحى بقت بالمسيحين بدل من الخروف ؟

تعليقات

‏قال Ms Venus
تعرفى


مش لاقية كلام اقوله


عاوزة اكتب واصرخ لكن ساكتة
‏قال Desert cat
Ms Venus

قولى كل اللى نفسك فيه يا فينوس اصل تقريبا بقى حرام تعدى مناسبة من غير حرقة دم
‏قال Unknown
تحياتي لما تكتبين وكل عيد وانت بخير ..الموضوع بقا اننا اصبحنا شعب غاوي ينكد على نفسه مش بنعرف نفرح ودي المصيبة الكبرى مبقناش نعرف نحب بس بنعرف نكره بعض للاسف كنت زمان بشوف بابا وماما وهما بيتبدلوا التهاني مع اخوتهم المصريين المسيحين في اعيادنا واعيادهم وبنشارك بعض في كل مناسبة وبنحترم بعض ..لكن دلوقت وبفعل فاعل تحولنا لناس منستحقش نعيش على ارض مصر ارض السلام التي احتوت وعلى مر القرون جميع الاجناس والمعتقدات
تحياتي وللامام
‏قال Elmasryeffendi
ما هو طول ما فى متخلفين بيرددوا فى المساجد و يقولوا اموالهم عنيمة لنا و نساؤهم سبايا لنا كأننا فى عصور ما قبل الجاهلية مع انى اعتقد انهم كانوا اكثر تحضراً من المصريين الان و لكن الحكاية بقت مهزلة و الشريك الاكبر فيها هى الشرطة لان اى مشكلة بين مسلم و مسيحى بيحولوها لامن الدولة و للاسف ما فيش حد بيفهم فى العمل الشرطى فى الوزارة دى لان لو بيفهموا ما كانش الحال وصل لكده و الامور ولعت بفعلهم، الغريبة بقى انك فكرتينى بواحد متخلف كان زميلى فى الكلية و كان بيعاكس و يغلس و يتحرش بالمسيحيات فقط و لما نساله يقول اصله حلال، ما هو جهاد بقى بروح امه ،فى تخلف و جهل اكثر من كده
‏قال Boneta…
Ms Venus
انا كمان عاوزه اصرخ واصرخ
حاسه قلبي وجعني حاسه بمراره
حاسه اني مقهوره من الظلم
حاسه ان مفيش امل في بكره في بلدي الغاليه مصر
بحبها ايوه
لكن كرهت سكوتها
كرهت الكره اللي مالي قلوب اولادها
بجد كرهت وجودي فيها
نفسي اعيش في بلد الاقي فيه الامان
بلد فيه ليا كرامه كإنسان
تعبت يارب ..ارحمني برحمتك
‏قال Boneta…
فعلا يا قطه واضح ان قتل المسيحيين اصبح عاده ..وبما ان قطع العوايد فال وحش فا هما ياحرام مستمرين في قتل النصاري الكفره ولاد ال...وفي حاجه هاتجنني بصراحه وهي معروف ان في جرايم الشرف عند الصعايده ان لو اتمسكت بنت في حاله زنا اهلها بيقتلوها علشان يغسلوا عارهم لكن هنا الموضوع مختلف يعني في ديروط مثلا البنات بتوع بيت الدعاره الناس سابوهم ومسكوا الولد قطعوه حتت علشان هو نصراني نجس وربات الصون والعفاف العاهرات ماينفعش يتنكحوا من نصراني انما لو اللي عمل كده اخوهم في الاسلام فا ده منهم وعليهم والامور تعدي زي الفل مع العلم ان بيت الدعاره ده بقاله سنين والناس في المنطقه عارفينهم .انما الرجوله حلت عليهم فجأه لما عرفوا ان الضيف مسيحي!!.اما الحادثه الاخيره دي فا بيقال ان الولد والبنت من نفس المنطقه وناس بيقولوا انهم مسكوهم في المقابر وناس تاني بيقولوا انهم مسكوهم ماشين مع بعض في الشارع وللان اهل الولد مايعرفوش عنه اي شيء مع العلم انه تم الكشف الطبي علي البنت ووجدوها عذراء يعني مفيش داعي للحرق وقله الادب دي كلها ثم ليه الرجاله دول مايروحوش يلموا بنتهم اللي لقيوها في احضان شاب غريب زي ما بيقولوا؟ ثم لو الولد غلطان انا اخد ليه كل القريه بذنبه؟ولا البلد خلاص مافيهاش قانون؟ ولا هي حجه علشان يولوعوا في المسيحين ؟بما انهم بقيوا خرفان العيد وواجب دبحهم في الاعياد
‏قال karim
كلامك صحيح , ولو نظرنا للكام السنة اللى فاتو تحسى ان البلد زمامها فلت مفيش حد ماسكها و كل و احد بيترف لوحدة و من دماغة سواء الفعل او رد الفعل, واضح ان الحكومة و الريس رحححت عليهم من زماان , اما بالنسبة للحادثة دية واضح انة لا تعليق كفاية ان اسمها ابو تشت, تحياتى
‏قال emy
ماهو أصل المناسبة دم طول عمرها. من أول ماخليل الله كان هيدبح إبنه لحد النهارده.طول عمري بحلم إن البشرية ترتقي بنفسها, لكن واضح إن مافيش فايده
‏قال ELVIRA
هما دايماً كدة أسفل نوعيات البشر
حلال لى و حرام على غيرى
قبل كدة كانوا مع عبد الناصر و ثم أنضموا للصحوة الوهابية و قالوا البلد مش هتتعدل لأن فيها مسلمين و مسيحيين
و فى أنفلوانزا الجنازير كانوا بيموتوا الخنازير بسبب الدين مش الوباء
زى ما منعوا موالد الصوفية لأنهم مش سلفيين
و لما جت عند الحج قالوا لا
علشان السادة البدوو مواردهم متقلش


دى عالم زبالة أساساً
‏قال *****…
قبل كام سلة انا قلت ان المساجد في خطبة الجمعة بتحرض على قتل المسيحيين واليهود وكل من هو غير مسلم وسبي اموالهم ونسائهم بس للاسف اتشتمت جامد

دالوقت الحادث دة زي لطمة الجزمة على وجه كل اللي شتموني

فهمتو بقة ليه كلنا بنسيب الاسلام وبنتبع ديانات تانية؟

علشان مش عايزين نكره حد ولا نقتل حد ولا نسبي نساء حد

الحادث دة هو واحد من سلسلة لن تنتهي من احداث هي نتيجة الكراهية التي تبث من خلال صلاة الجمعة

اللي عايز يشتمني كمان مرة يتفضل . يس البرهان على كلامي اهو موجود في البوست
‏قال Boneta…
ده فيديو ياقطه من علي اليوتيوب وفيه الهمج بيحرقوا بيوت النصاري الكفار ((الجناح التاني المكسور للامه))
لكن لفت نظري انهم بيقولوا حاجه غريبه وهما بيولعوا في الناس جوه بيوتهم سمعتهم بيقولوا "الله أكبر" تفتكري الاكبر بيتمتع برؤيه القتل والحرق والنهب لكل اللي بيخالفه ؟ولذلك هما بيهتفوا باسمه خلال وبعد كل مدبحه او مصيبه؟ بصراحه الموضوع ده هايجنني وخصوصا ان اللي دبحوا الطفله اللي عمرها 3 سنين علي مذبح كنيسه النجاه كانوا بيقولوا نفس الجمله الغريبه دي حتي وهما بيفجروا نفسهم .بجد ربنا يشفيهم ولا اقولك بلاش يشفيهم ربنا يحرقهم بجاز لان الواحد قرف بصراحه من اشكالهم
ده اللينك اللي عاوز يتفرج ويمتع نظره http://www.youtube.com/watch?v=c1eoulp8w_s&feature=player_embedded
‏قال غير معرف…
ثقافة الهزيمة.. أسكندرية ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول ، ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، وحلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين..

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية…

باقى المقال ضمن مقالات ثقافة الهزيمة بالرابط التالى

www.ouregypt.us
‏قال Desert cat
Medus

ده كان زمان وكمان كان ممكن تلاقى اليهودى جنب المسيحى جنب المسلم ومحدش فيهم بيسال عن دين التانى ولا يهمه الا التعامل الانسانى لكن النهاردة فى انتشار فضائيات ارهاب وتطرف وفى مرتزقة يطلقوا على نفسهم اسم شيوخ شغلهم الشاغل هو احداث الفتنة والتمييز بين الناس وبعضها وتكفير المختلف والجهلاء والغوغاء يصدقوا
‏قال Desert cat
elmasryeffendi

على فكرة افكار صاحبك بتاع الثانوية ده هى اللى بقت سائدة فى المجتمع دلوقتى يقولك انا ارخم عليها واقرفها فى عيشتها لحد ما تسيب الكفر والضلال اللى هى عايشة فيه ده
وببلسف مفيش لا امن ولا رادع
‏قال Desert cat
Boneta
ماهو للاسف كل لما تسكت على الظلم كل لما يزيد الظالم والطاغى ويبرر حمقاته بانها جهاد
‏قال Desert cat
Boneta
وبما انهم بقوا واجب دبحهم فى الاعياد يبقى ياترى بعد كام عيد كدا سوف يتم القضاء على اخر مسيحى فى مصر
‏قال Desert cat
karim
وهو حياة الناس وامنها وامانها بقى يرتبط بالاسامى المفروض يكون تصرف امنى حاسم يرد للناس دى اعتبارها ويحسسها بالامان فى البلد
‏قال Desert cat
emy
طول ما المسيحيين ساكتين على الظلم اللى بيتعرضوا له مفيش فايدة لكن لو اتحركو هيبقى فى الف فايدة
‏قال Desert cat
ELVIRA
البدو اخترقوا كل حاجه عندنا حتى الفنادق اشتروها وقفلوها بمسمى بيع الخمور حرام والنتيجة خسارة مصر ملايين فى سنتين علشان البدو يفرحوا
‏قال Boneta…
Desert cat
ما تقلقيش يا قطه لو الدبح كان بينفع مع المسيحيين كانوا انقرضوا من 1400سنه او اكتر وماكونتيش تسمعي كلمه مسيحي دي لا في مصر ولا في العالم كله لكن لان معاهم قوه تانيه اكبر واقوي من قوه الدبح فا هما للان موجودين وماحدش يقدر ينكر وجودهم اللي عامل وششششششش في دماغ ناس كتير
‏قال Boneta…
اما بالنسبه لسكوت المسيحيين فانا معاكي انهم سلبيين لدرجه مستفزه لكن لو حطيتي نفسك مكانهم تفتكري ايه المفروض يعملوه؟كل ما يحاولوا يتكلموا ويحتجوا علي اللي بيحصلهم التهمه الجاهزه مستنياهم وهي (الاستقواء بالخارج)!! مش عارفه هو المفروض انهم يندبحوا من غير مايطلعوا صوت كمان ؟
‏قال غير معرف…
أنا كمسيحية عارفة إني متهمة بالسلبية لكن أنا ححاول اقولك ببساطة أنا فاهمة السلبية دي إزاي. أنا ايماني جوه قلبي مابحاولش اتكلم عنه مش علشان خايفة لكن لانه شيء خاص جدا ومش من حقي افرض أفكاري على أي حد. فهمي لديني بيخليني ماردش على الإساءة بالإساءة وعارفة كويس إن الغلط مش حيصلح الغلط. مش بانكر إننا في منطقة من العالم العدالة فيها نادرة بس برضه ده مش حيخليني أؤمن بشريعة الغاب وإني اظلم اللي ظلمني لو قدرت. أنا مش خايفة أنا بس عاوزة أوصل للعدالة بشكل حضاري. الحرية والمساواة حق لكل البشر ولا مفر منهم مهما كان صوت الجهل والتخلف عالي. ومش ناوية أقعد مستنية الحرية والمساواة من غير مايكون لي دور بس شايفة دوري نشر كلمة حب وإني احارب الشر باني مسكتش واوصل صوتي على قد ماقدر في كل مكان ممكن يتسمع فيه.

أنا مش جبانة أنا بس حاسة بسلام داخلي لما مش بارد على الشر بالشر. ومش حادعي إن ده بس لاني مسيحية. لما عشت بره مصر قابلت ناس من ارقى واروع ماقابلت من البشر وهم لا يؤمنوا بأي دين.

مصرية من كندا.

المشاركات الشائعة