بلاد المتناقضات

لسنا ضد حرية الرأى والتعبير ولكن لو اتكلمت عكس اللى احنا عايزينه حنطير رقبتك

لسنا ضد عمل المرأة لكن فى الحقيقة هى شغلتها الأساسية البيت وتتجوز وتطبخ وتمسح الحمام وآخر الليل تضاجع مولاها ليتكاثروا

كلنا مواطنين يهمنا مصلحة البلد أولاً والحفاظ على الهوية المصرية وكلنا نسعى جاهدين ضد التمييز بس لو مسيحى فكر يرمم سور كنيسة هنهده على دماغه ودماغ اللى يتشدد له

أمريكا عدوتنا اللدود دول بيتأمروا علينا ليل نهار وعايزين يبوظوا اخلاق شبابنا علشان إحنا احسن منهم .. وجذمهم دابت على سفارتها

اسرائيل ايه دى ؟ هى دى اصلاً دولة دول شوية جرابيع معتدين ملهمش شغل غير الحروب والمؤمرات .. وجامعاتها ترتيبها الأول والجامعات المصرية فى المؤخرة عفواً فى آخر ترتيب بين جامعات العالم

قاطعوا من أجل إخوانكم فى غزة دول برضه مسلمين زينا .. وهما سايبين المحتل وجايين يقتلوا الظباط المصريين على الحدود ( عالم ولاد كلب بقى ) نعمل ايه

القنوات الدينية والشيوخ دول المسلمين الى بجد هما دول اللى هيرجعوا لنا اسلامنا اللى راح بعد ما دول الغرب الكافر نشرت العلمانية .. وشيوخ الفضائيات ميعرفوش غير الدعوة للزهد والتقشف وطاعة أولى الأمر وشعر المرأة العورة وفى نفس الوقت يتجوز خمسة و يكون عنده سبعين سنة ويروح يتجوز بنت عمرها عشرين سنة ( ايوا الراجل بيجاهد )

كل الناس المحترمة لو سافرت سياحة تشوف تاريخ البلد وسر حضارتها والعرب يسافروا مخصوص يدوروا على الأفخاذ العريانة

كل الناس المحترمة لما تخاطب أى أنثى لا يهتم إلا بعلمها وثقافتها والعرب كل إهتمامهم هو جسمها

العربى من سعيه حقاً للمساوة وتحقيق العدالة الإجتماعية تلاقيه بيجرى ورا اى من تحمل تاء تأنيث وفى نفس الوقت يقتلها اصلها خانت شرفه

بيقولوا لك " لا إكراه فى الدين " وفى نفس الوقت اللى بقولوا "من غير دينه فأقتلوه "

قاعدين يقولوا احنا اهل سماحة ومظلومين فى دول أوربا ومضطهدين .. وهما مبيبطلوش شجب ولا تخريب لو دولة فكرت تطبق قوانينها من اجل الحفاظ على هويتها الثقافية وكأن اى مكان يدخلوه حكر لكن لو اى وافد مارس طقوسه فى البلاد العربية تلاقى صيحات التكفير والامر بقتله ازاى اصلنا بلاد اسلامية ليها عادتها وتقاليدها

هو ايه اللى بيعملوه ده ؟ هى الناس دى مجانين ؟


تعليقات

‏قال Ms Venus
بتقولى كلام فى الجون يا قطة


ربنا يحميكى
‏قال Desert cat
Ms Venus

تسلمى لى يا أحلى فينوسه
‏قال Elmasryeffendi
العالم الجهلاء دول تغلغلوا فى المجتمع و من السبعينيات و ادى النتيجة بتظهر دلوقتى و الدفاع عن هويتنا للاسف كالعادة حصل متأخر و لا زلت اشك فى جديته لانه لو الناس دى بتفهم يعنى ايه مصلحة امة ما كانوش سكتوا من بدرى و اكيد فاكرين محمد على و اللى عمله مع الوهابيين فى بداية ظهور حركتهم ، هو ده رجل الدولة بحق
‏قال ELVIRA
أه كلامك صح بس عارفةاول حاجة يردوا عليكى بيها هى الإستنكار ثم محاولة الشرح لكى و التبرير لأنفسهم و لا مانع إن اللى تقابلية يقولك أعوذ بالله أنا مش من هؤلاء أبداً
و على راى فينوس كلامك فى الجون
‏قال محمد حسان يشيد ببن لا دن…
محمد حسان يشيد" بالبطل" بن لادن
http://www.youtube.com/watch?v=EIWZ9D7txLI
‏قال Desert cat
elmasryeffendi

للاسف النظام من اشد المستفيدين من نشر الجهل علشان كدا يهمه تغلغل الوهابيين
والطبيعى تكون دى النتيجة
بلد مقرفة تدين ظاهرى واخلاق معدومة وحقد وغل على الجميع بشكل غير طبيعى
‏قال Desert cat
ELVIRA
وتلاقيهم بيستشهدوا بآيات ملهاش اى علاقة بكلامك
متعرفيش جابوا منين الثقة فى انهم ملاك الحقيقة المطلقة
‏قال Desert cat
محمد حسان يشيد ببن لا دن

قوادين بيشهدوا لبعض
‏قال نجح العلماء فى مصادم الهيدرون باعادة خلق صوره مصغره للحظة ميلاد الكون…
قارنى بين مايشغلهم وما يشغلنا
يأمل العلماء أن يطلعوا على بعض أسرار الكون بعد جزء من مليون جزء من الثانية من الانفجار العظيم
ونحن مشغولون
بشعر النسوان وكعوبهم
وفوائد بول البعير.
‏قال عباد الشمس مش طلع كافر…
قطه
مش عباد الشمس طلع كافر
متضحكيش قبل ما تشوفى العته اللى وصلنا له
http://www.youtube.com/watch?v=sjdqvieScV0
‏قال الكدب عند الأخوان حلال…
نرويج الشائعات من أبرز وسائل الدعاية «غير المكلفة والفعالة، والتى يمكن أن نستفيد فيها بكل قدراتنا البشرية كما أنها تلائم طبيعة مجتمعاتنا
».
من وثائق الأخوان حسب موقع الشروق
‏قال karim
كل دة صح و يدل اننا فى الضياع و متفككين و لازم مصيبة علشان نفوق و نتلم, مع الاسف دة بيحبط الواحد فى مستقبة و مستقبل الاجيال الى جاية و لسة الازمات الكتير اللى هاتظهر ربنا يستر
‏قال يحيا الهطل ....بيننا…
ايها الشعب الغليان
من بيان بثروات شيوخ الوهابيه المصريين مثل محمد حسان
...
أثناء أزمة الرسوم المسئية للرسول، وكان أيامها في قناة الناس، أطلق صرخته المدوية أن انصر رسولك ولو برسالة، دون أن يعلم المشاهد أن ثمن هذه الرسالة لن يذهب إلي الرسول، ولكن سيتفرق ثمنها بين شركة الاتصالات والقناة وجيب الشيخ حسان شخصيا.
‏قال يحيا الهطل...بيننا 2…
من بين ما يمتكله الشيخ محمد حسان كذلك عددا من القصور والفيللات، فلديه طبقا لدراسة هاني الديباني مجمع سكني في مدينة 6 أكتوبر عبارة عن خمس عمارات علي ألف متر، وتصل القيمة الأولية لهذا المجمع 15 مليون جنيه
يمتلك الشيخ كذلك فيللا في مدينة العاشر من رمضان، وفيللا في مدينة الشروق، يقال إنها كانت مملوكة لحليمو وهو من أشهر مشجعي النادي الأهلي، وهناك كذلك فيللا بجمصة يصيف فيها الشيخ وعائلته، فهو لا يصيف في الساحل الشمالي، ولا يفضل أن يصيف في الخارج، لأنه بالأساس ليس لديه وقت لذلك، هناك كذلك فيللا يمتلكها الشيخ في كفر البدماص بمدينة المنصورة أمام كلية الدراسات الإسلامية، وفيللا أخري في ميت بدر بالمنصورة أيضا، هذا غير بيت الشيخ الكبير في دموه مسقط رأسه، وهي القرية التي لم ينسها حسان بل ما زال يتردد عليها تقريبا أسبوعيا، وإلي جوار هذه العقارات يملك محمد حسان حوالي 200 فدان في أماكن متفرقة، منها 50 فداناً علي طريق مصر إسكندرية الصحراوي
يمتلك الشيخ محمد حسان عددا كبيرا من السيارت، للدرجة التي يقال إنه يملك أسطولا منها، يملك هو شخصيا سيارتين إحداهما فولكس واجن باسات ألماني، وأكبر وأحدث سيارة ماركة تويوتا، هذا غير السيارات التي يملكها إخوته وأولاده..،
‏قال Kontiki
رفعت الاقلام بعد كلامك يا قطة
هو دة واقعنا القذر
‏قال Desert cat
نجح العلماء فى مصادم الهيدرون باعادة

علشان كدا العالم العربى يستحق بجدارة يطلق دول العالم الثالث
‏قال Desert cat
يحيا الهطل ....بيننا

الجرابيع بتوعه اللى بيدافعوا عنه
قاعدين يقلوا ادبهم فى المواقع اللى بتنشر عن ثروته لدرجة انهم عينوه مكان ربنا على الارض
‏قال Desert cat
karim

لازم المثقفين يكون ليهم دور يا كريم اللى خلا الظواهر دى تستفحل سكوتهم وتغييب الناس
‏قال Desert cat
Kontiki

للاسف واقع فعلا كلنا عايشينه بس لازم نحاول ننضف القذارة دى مع التكرار ممكن تنتهى

المشاركات الشائعة