المغضوب عليهم


سمعت ذلك الافاق العابس الوجه يكشر عن انيابه على احدى قنوات التطرف وجلس ينعت كل ماهو غير عربى بالكفر والالحاد والفسق والفجور ونحن العرب يا ضنايا طيبين قوى وزوق لابعد الحدود ومن شدة احترمنا وادبنا الغرب الكفرة كلهم عاملين مؤامرة علينا علشان يدخلونا جهنم وبئس المصير لذلك وجب الحذر اصل هما المغضوب عليهم اما العرب فهم خير امة اخرجت للناس .. فكرت فى مدى دلالة كلمة المغضوب عليهم وتساءلت هل يمكن ان يغضب الله على الذين نأخذ منهم فائض إختراعاتهم من كافة أنواع التكنولوجيا والذين نتداوى من نتاج أبحاثهم وتجاربهم بينما من يستهزئون بهم ليل نهار فى قنوات التطرف لا يجيدون سوى العلاج بحبة البركة وعسل النحل حتى الرجولة اختزلوها فى الحبة الزرقة ؟ هل شبابنا العربى عندهم بهذه الأهمية ليتركوا جميع اهتمامتهم ويقضون اوقاتهم فى عقد المؤامرات لغزو عقولهم .. عقولهم التى لا يوجد بها سوى المرأة عقولهم التى لا تفقه سوى أن شرفهم معناه الأعضاء التناسلية لنسائهم مهما إرتكبوا من موبقات وزبالات موجودة فى قاموس الرذائل فإن وضعت نسائك الف حاجز وحاجز على أعضائها التناسليه إذن أنت شريف واسرق واغتصب وارتشى وانصب واحتال على الجميع اما اذا كنت طاهر اليد ولكن احدى نسائك استخدمت حقها فى جسدها الذى هو ملكها لوحدها ويخصها برضه لوحدها يبقى انت راجل غير شريف .. ولذلك يطبق شيوخنا الأجلاء الشرف بحذافيرة فيتزوجون اربعه ويحثون ايضا المواطنين الذين لا يجدون قوت يومهم بالزواج باربعة اصل الشرع قالهم كدا وكم من اشخاص تم تغييب عقولهم وسلب اموالهم فالدين اصبح طريق للجنة وطريق لتورم الارصدة فى البنوك وكل تاجر وشطارته فان الجمهور الكئيب يبحث عن محمد حسان واخوانه من يكشرون عن انيابهم عابثى الوجه ولاصحاب البشاشة يوجد عمرو خالد المتانق دائما ومع تعدد الفضائيات تعدد مرتزقة الدين الذين يعطون للبلهاء شيكات بلا رصيد فى جنة الخلد . من هم المغضوب عليهم ؟ الذين يحترمون عقولهم وينهضون بانفسهم ومجتماعتهم ؟ ام الذين ألقوا بعقولهم فى المراحيض وعلى الرغم من انهم تربوا على ان الشرف بين افخاذ النساء يكرسون كل حياتهم للجرى خلف كل من تحمل تاء تأنيث فتارة يشترونها بنقودهم تحت مسمى زواج مسيار على مصياف على شتوى على باقى فصول السنة وزواج متعة وزواج سفر وفى زواج برضه لمدة نص ساعه طالما الفلوس موجودة وان كان ليس فى الامكان يبقى الاغتصاب هو الحل يا خير أمة أخرجت للناس .. يا محترمين يا اللى هتدخلوا الجنة أفواجاً اصلكم عرب والقرآن بلسان عربى لذلك انتوا اولى فى دخول الجنة بس اجتهدوا انتوا وحرموا كل حاجه فى الحياة وحرموا على الناس عيشتها فالفن دعارة والمفكر ملحد وكافر اما المرتزق باسم الدين اللى عايش عالة على غيرة اللى بيسرق فلوس الناس وعقولها وقلوبها باللعب على وتر العواطف الدينية فده هيدخل جنة الخلد ... وبالرغم من هذا العجز البين يتغنون بانهم خير امة اخرجت للناس وان الغرب الكافر يعقد عليهم المؤامرت ليبعدهم عن الجنة .. فاى تعاسة تضاهى تعاسة الإنسان حين يفقد بصره على الرغم من أن له عينين ؟

تعليقات

‏قال Kontiki
دة عمى بصر و بصيرة بس الموضوع بقى مسلى و الله عارفة تدخلى محل تلاقى منقبة قاعدة زى الشبح الظريف :) كل واحد بيتنازل عن انسانيتة بطريقتة وهم اختاروا طريقتهم
جتهم البلا هم واتباعهم
‏قال Elmasryeffendi
العيب فينا احنا لان حتى المملة الظلامية الامور فيها مش كده ، احنا اللى بقينا دولة بلا هوية و شعب جاهل بيطبق اى تخلف من نفسه و بيسمع لاى حد يلعب فى دماغه حتى العالم الصيع تلاقى الواحد منهم لو سافر العراق يرجع لابس زيهم و بيتكلم زيهم لانى مسح هويته المصرية و بيتمسح فى اى عالم جهلة انما التقدم و التطور فينفروا منه لانه بدعه
‏قال Ameerov
ياما جاب الغراب لأمه يا قطة, أو كما يقال...

(علاء الأسوانى فتح النار على المترجم الفرنسى ريشار جاكمون وقال عنه انه مستشرق باجندة غربية ومتآمر على أدبنا المصرى العظيم.. كل ده عشان قال كلمة حق وقال ان ما يكتبه الاسوانى ليس أدبأً..الطريف انه كان بيقول ده وهو فى فرنسا)!!

المسلمون والعرب لا زالوا يتعاملوا وينظروا للغرب نظرة الفاشل على أنه الغرب الصليبى الكافر الذى يحسدهم على النعم والمثاليات والتقدم والأبهة التى هم فيها يرفلون
الغرب الناقم اللى قاعد يفكر لهم فى فكيرة لأجل أن يفسد أخلاقهم ويضلهم !!

ناسين أن هذا الغرب علمانى أساسا لا يعترف بدين محدد
ناسين ان هذا الغرب هو من فتح لهم أبواب الهجرة لكل المضطهدين من كل شكل ولون
وأولهم أصحاب الدقون والمناخوليا اللى عايزين يعلنوها اسلامية فى بريطانيا وامريكا
الغرب اللى علمهم يعنى ايه علم ويعنى ايه تطور ويعنى ايه فن ويعنى ايه أخلاق ويعنى ايه جمال ويعنى ايه حرية ويعنى ايه رومانسية حتى
هو اللى علمهم يعنى ايه انسانية ومساواة وعدل
- - -
نفسى الناس دى تفوق بقى شوية وتعرف حجمها الطبيعى
(Innovate Or Evaporate)

this is a good article kitty
Keep Going

Salut
‏قال ELVIRA
دى عالم مختلة
فى مدونتى لما كتبت عن واحد منهم اللى هو يحيى ابو لحية

هذا الرجل مصيبة تمشى على الارض لانه نموذج للى قلتى عليهم معهوش ياكل فياخد من زوجته و اولاده
و بعد كدة عايز يتجوز واحدة مش نحجبة اساسا قال أيه علشان تتوب


اما الشرف فحاجة تبكى لما مفهوم الشرف عندنا هو نس مفهوم الشرف فى الجاهلية الاولى اسلب ما بيد غير ولا تدع غيرك يسلب
انهش فى بنات الناس و اياك حد يقرب من بناتك
‏قال سواح…
قطه
ارتباط الشرف بالجنس قديم جدا ويرجع الى الأنسان البدائى الأول.كان البشر يعيشون فى مجموعات تحت امرة زعيم ذكر يدعى صلته بالآلهه كان يتحكم فى كل النساء وينظم استغلالهم من بقية الذكور حسب مايرى
وكانت اى انثى تثور على هذا الوضع الأحتكارى تتعرض للعقاب الشديد الذى يصل الى حد الموت
والخوف من مثل هذا التمرد هو السبب فى النظر الى المراه كمصدر للعار المحتمل
والى اليوم نسمع من يصف زواج البنت بانه يريد ان يسترها
وسمعت هذا من مذيع شاب يرتدى على الموضه ويرطن باللغات فى قناه عصريه جدا
ويمكن الرجوع الى كتب الأنثروبولوجيا
وخاصة كتاب فريزر الشهير الغصن الذهبى
‏قال سواح…
قطه
الأعتراف بالحق فضيله
وانا احى فهمى هويدى المحسوب على الأخوان لشجاعته فى نقده الشديد للجماعه ...يقول
لإخوان يعلمون ان تجربة انتخابات عام 2005 لن تتكرر، وبالتالى فإن الـ88 مقعدا التى فازوا بها لم تكن مشاركة من جانبهم بقدر ما كانت تحذيرا للسلطة لكى تضع حدا لذلك «الاختراق». صحيح انه ازعج الحكومة وأثار شغبا فى المجلس الذى تعتبر رئاسته انه ذراع للحكومة وراع لمصالحها، لكنه لم يوقف شيئا مما أرادت الحكومة تمريره بواسطة الأغلبية التى فرضتها. كما أنه لم يوقف شيئا من إجراءات الاعتقال والقمع والمصادرة والمحاكمات التى اتخذت بحقهم. من ثم فكل الذى حدث أنهم شاغبوا وأحدثوا ضجيجا لم يسفر عن أى «طحن» ممكن. فى الوقت ذاته فكل ما صدر عن المجلس من خطايا عملوا بقسط من المسئولية عنه بحكم أنهم كانوا شركاء فيه.
ياريت تكملوا قراية مقاله فى موقع دريدة الشروق
‏قال سواح…
تابع فهمى هويدى
بكلام آخر فإن مشاركة الإخوان فى برلمان عام 2005 لم تحل عقدة النظام معهم، ولم يستفد منها الوطن شيئا. فلا دفعوا عنه شرا ولا أضافوا إليه خيرا. وكل الذى حدث ان النظام استخدمهم كديكور ديمقراطى. أما هم فأثبتوا حضورا ربما كانوا بحاجة إليه وقتذاك بعد طول غياب، علما بانه لن يسمح لهم بدخول المجلس إلا فى الحدود الدنيا (يقال على نطاق واسع انه سيسمح لهم بعشرة مقاعد فقط). ولا ينسى فى هذا الصدد أنه لم يسمح لأحد منهم بأن ينجح فى انتخابات مجلس الشورى.
‏قال سواح…
...تابع هويدى3
إذا سلمنا جدلا بأن للإخوان مصلحة شكلية فى المشاركة فالثابت ان للوطن مصلحة اكيدة فى ان يلقوا بثقلهم إلى جانب دعاة المقاطعة، تعبيرا عن الاحتجاج على سياسة تزوير الديمقراطية ومصادرة الحريات العامة فى ظل استمرار الطوارئ. وقد سبق ان قلت ــ وقال غيرى ــ أن المقاطعة الفعالة من وسائل الضغط على النظام وإحراجه كى يضطر إلى اتخاذ الخطوات اللازمة لتحقيق الإصلاح السياسى المنشود. وعلى الإخوان ان يختاروا بين مصلحة الجماعة ومصلحة الوطن.
‏قال Ms Venus
فاى تعاسة تضاهى تعاسة الإنسان حين يفقد بصره على الرغم من أن له عينين ؟


وحشتينى يا اجمل واجرىء قطة


جاية اسلم عليكى بعد فترة اجازة
‏قال غير معرف…
لسه محمل من النت الان كتاب بعنوان اتظنون انكم خير امة اخرجت للناس؟
تاليف واحد اسمه زهير المارديني
عن موقع المصطفي للكتب الاليكترونية
................
ذو النون المصري
‏قال غير معرف…
كل رجل دين هو عدو شخصي لي
‏قال سواح…
لماذا تخلى المصريون عن انسانيتهم
يجيب المفكر جلال امين بهذه القصه
وياريت تقروا مقالته فى موقع جريدة الشروق عن الفتنه الطائفيه يقول.....
فى غمار هذه الأحداث المدهشة لابد أن يتذكر المرء قصة بديعة، حدثت بالفعل فى الثلاثينيات أو الأربعينيات من القرن الماضى رواها عن أمه، عبدالرحمن عزام، ذلك الرجل الوطنى الفذ وصاحب الفكر النير، والذى ألف كتابا ممتازا فى شرح تعاليم الدين الإسلامى، وكان أول أمين عام لجامعة الدول العربية. والقصة انه عاد يوما إلى منزله فوجد أمه ترتدى ملابس العزاء، فسألها عن السبب، فقالت انها كانت تعزى جارتها أم جورج (أو لعل الاسم الحقيقى غير ذلك). فلما سألها عما إذا كان قد حدث شىء لجورج، قالت انه غير ديانته إلى الإسلام. سألها مندهشا وهو غير مصدق «انت تذهبين لتعزية أم جورج لأن ابنها اعتنق الإسلام؟« فقالت «انت تعرف قلب الأم يا بنى!».
‏قال Desert cat
Kontiki

انا لو دخلت اى مكان وشوفت منقبه اللى فيه بخرج تانى اى مكان فيه منقبة انا عدوته
‏قال Desert cat
elmasryeffendi

والاغرب انك تقلاى كل واحد جاى يفرض عليك انت كمان تغيير هويتك يعنى مش كفاية انسلاخه هو وتقليده للاخر بيفرض على غيره وان اعترضت يبقى انت كافر
منتهى الغباء والبغاء العقلى
‏قال Desert cat
Ameerov

انا قريت مقال دكتور علاء الاسوانى واستغربت جدا من كلامه لان الشخص ده انا بحترمة جدا وبجد اتصدمت من الكلامده
واضح انه لسه بدرى اوى علينا لما نقدر نتقبل وجهات نظر الاخرين حتى ولو اختلفوا معنا
‏قال Desert cat
ELVIRA

ماهى الحيوانات اللى زى ابو يحيى ابو لحية ده بتكون عايشه عالة على المجتمع كله مش يفرقوا حاجه عن سكان العشوائيات اللى عايشين فى اوضة واحدة وتلاقى الراجل متجوز اربعه مشغلهم فى البيوت ومخلف عشرين عيل مشغلهم من بعد سن 3 سنين وهو نايم فى البيت مستنيهم اخر اليوم علشان يصرفوا عليه ويجيبوا له مخدرات شعب اوسخ من كدا مشوفتش
‏قال Desert cat
سواح

بسمع جملة زواج البنت سترة دى كانى بسمع انها هم تقيل على اهلها
واضح ان وأد البنات هيرجع تانى
‏قال Desert cat
سواح
انا شايفة ان الاخوان عملوا انجازات هايلة فى المجلس على مدار خمس سنين وهما تحت القبة يرفعوا الجزم لكل اللى يعارضهم فى الراى ولما ظهرت فضيحة سرقة العلاج على نفقة الدولة كانوا محتلين الصدارة
‏قال Desert cat
بامانة وجودهم فى المجلس مسلى للغاية واهو من خلاله بنستكشف اخلاقهم الى بيتغنوا بيها
‏قال Desert cat
Ms Venus

وانتى كمان وحشتينى يا اجمل فينوسة

حمد الله على سلامتك يا قمر
‏قال Desert cat
ذو النون المصرى

مبسوطة بالكومنت بتاعك لانى بحب اقرا الكتب دى
تحياتى
‏قال Desert cat
BenBaz

وانا كذلك
‏قال Desert cat
سواح

فين بقى احنا دلوقتى من هذه السماحة والمحبة
المتخلفين عقليا ماليين الدنيا صياح عايزين كاميليا

المشاركات الشائعة