إحنا نأخذ من كل رجل قبيلة




فى تعليق ظريف خفيف لطيف لواحد استنجالينا طحن على الخبر ده

الجارديان: سلاح تكنولوجى لمواجهة التحرش الجنسى فى مصر

بيقول ايه بقى الكابتن مهما عملتوا مش هيتمنع التحرش من مصر الا اذا منع الإختلاط بين الجنسين فى شتى مناحى الحياة وعمل مواصلات خاصة للستات ومواصلات خاصة للرجالة وهنا أقوله جتها نيلة اللى عايزة خلف من عينتك .. اصل عينتك واتمنى انها تنتهى على خير بعد عملية التحليل للعقل لتبين هل يحتوى على مخ ام على نخاعات مسلوقة هى اللى لابسه نقاب مش بيعتدوا عليها فى الشارع بمنتهى الوقاحة والسفالة برضه ؟ هى دى مش تعتبر برضه معزولة عن العالم ؟ هى سيدة كفر الشيخ مش طلعوا لها بيتها نزلوها منه تحت تهديد السلاح واخدوها اغتصبوها ؟ دول المصريين يا عم الحاج الشعب الفتك الفهلوى اللى فاهمين وعارفين كل حاجه فى كل حاجه يفتى لك فى الدين والسياسة ويشتغل سباك وكهربائى وزبال ونجار وحداد ودكتور ومهندس فى وقت واحد لما نفصل الستات عن الرجالة مش هيحصل تحرش ولا اغتصاب ابداً البتة ده ممكن يحصل حفلات جماعية على شرف الضحية وبدل ما بنسمع عنها كل اسبوعين تلاتة هنسمع عنها كل ساعه ثم ان الناس بتوع منع الاختلاط دول عندهم عمى فى قلوبهم جنبنا بلد مانعين الإختلاط فى كل حاجه برضه حتى المواصلات .. وكل يوم والتانى نسمع عن جرائم اغتصاب اخرهم الفتاة الجزائرية اللى كانت رايحة تعمل عمرة برفقة والدها وتم اغتصابها وقتلها فى مكة .. شوفتوا فييييييين ؟؟

تعليقات

‏قال خطورة الدوله التى تحكم باسم السماء…
خطورة الحكم نيابة عن السماء وباسمها
فالمعارض يحاكم بتهمة معاداة الله
وليس كمعارض
للسلطه كما حدث مع الناشطه السياسيه
حكم على ناشطة وصحفية ايرانية بالسجن ست سنوات بعد ادانتها بتهمة "معاداة الله".

وذكرت وسائل الاعلام الايرانية ان شيفا نزار اهاري، مؤسسة لجنة صحفيي حقوق الانسان في طهران، حوكمت بتهمة "معاداة الله"، وهي تهمة عقوبتها الاعدام غالبا.

كما ادينت اهاري بالتخطيط لارتكاب جرائم والتحريض ضد نظام الحكم.

وصدر الحكم عليها بالسجن ست سنوات إضافة الى دفع 400 دولار كفالة.
‏قال غير معرف…
مفيش واحد من العباقرة الجهابذة دول فكَّر ليه التحرش الجنسي قليل في البلاد اللي لو قلت لحد فيها على فكرة منع الإختلاط ممكن يقع على ضهره من كتر الضحك؟ حاجة تكسف لما الجهل يبقى صوته عالي كده.

مصرية من كندا.
‏قال باحث فى فيرس الغباء…
قطه
لدى شك كبير فى انتشار فيرس غباء بشكل وبائى
بين شرائح عريضه من الجمهور
هل للغزو الثقافى الصحراوى دور فى شل التفكير؟ محتمل جدا
‏قال غير معرف…
مفيش فايده .. تفيد بايه كل اسوار العالم والناس مكبوته وبيبصو على نص البنت التحتاني بس ؟؟ على راي اللمبي الواد من دول لو فات في حيطه هيكسرها ويعدي من الناحية التانيه .. عامتا منع الاختلاط هيزيد من فداحه المشكله كما هو الحال في دول الخليج اللي انا فيها .. الحل اتكلمنا فيه مييييت الف مره .. مزيج من التربية والمساواه والحريه الجنسية والثقافة
‏قال Elmasryeffendi
معاكى حق ده شكله دماغه فيها شبشب او قبقاب لان المنع عمره ما بيحل مشكلة بل بيزودها، و الحل فى عودة الحياة السوية للمصريين ايام ما كانت ليبرالية مش وهابية، بس انا بدات اتشائم لان عدد المتخلفين بيزيد و هاتيجى فترة و يجنوا فيها ثمار انتشار التخلف و دى المصيبة
‏قال غير معرف…
أحنا نقسم البلد نصين, نص للستات ونص للرجالة, وننقب الستات والرجالة بنقاب بعين واحدة علشان متحصلش فتنة, ونبقى كده عملنا السليمة.

وراء كل رجل متخلف 4 نساء منقبات
‏قال Kontiki
و الله فكرة نمنع الاختلاط فى كل مجال يتمنع التحرش و يزيد الشذوذ ونبقى قوم لوط وتنزل علينا لعنات السماء وتولع بينا ونخلص
صدقينى المشكلة فى المصريين التركيبة الحضارية و السكانية و التعليمية والثقافية فى 2010 فى اسوأ حالتها و بتقدم اسوأ انتاج بشرى انا اتعامل مع امم اخرى عندهم كل شىء مباح ولا اجد منهم سوى الاحترام والذوق الشديد !!
علية العوض
‏قال اضحك من قلبك…
من اظرف التعليقات على سلفى او وهابى اللع اعلم ينتقد الدكتور علاء الأسوانى
فى مجلة الشروق
......
ياقوت السلفي
الثلاثاء 21 سبتمبر 2010 6:48 م

احترم فذلكتك وغرامك المقيم بالشعوذةوتربصك الدوؤب لافكار الناس التي تخالف المذهب الياقوتي.....واتصورك في القرن الثاني الهجري..ترتدي السطيح(جلد الخروف) وتنتعل خفا مشققا....تحلب الناقة كل مساء تاكل الثريد وتغني اغنية محمد عبده_(كم تذكرت سويعات الثريد) وفي الصباح تمتشق سيفك وتغني اغنية فهد بلان(حنا للسيف)وتذهب لقتال بني قريظة.........وتموت
‏قال موقف الأخوان الأنتهازى المريب…
موقف الأخوان الأنتهازى المريب
بمناسبة عد اشتراكهم فى وقفة عابدين ضد التوريث
كان معظم المتظاهرين من حركتي "كفاية" و"6 أبريل" وحزبي الغد والكرامة والجمعية الوطنية للتغيير وشباب العدالة والحرية والجبهة الشعبية الحرة وحزب العمل والحملة المستقلة لدعم الدكتور محمد البرادعي، بينما غاب قادة وشباب جماعة الإخوان المسلمين عن المشهد.

وكان سبب المظاهرة إحياء ذكرى مرور 100 عام على ثورة الزعيم أحمد عرابي
‏قال يا ماكلنا اللحمه…
شر البليه
لقطه تموت من الضحك لدرجة البكاء
تعلق إمرأة في منشأة ناصر طرق مجدي كردي منسق الحملة باب بيتها ليطلب توقيعها "طبعا أوقع.. إحنا حنلاقي فين رئيس زي كردي" فيهتف أبناؤها "رئيسكم مين؟.. كردي.. كردي.. عايزين التيشيرت يا ريس".. هنا يتدخل مجدي ليفهمها أن المقصود هو الأستاذ جمال مبارك، فتحذف المرأة وأبناؤها اسم كردي من هتافاتهم ويستبدلونه بجمال وأثناء قيامها بالتوقيع تتذكر أنها لم تأخذ التي… إقرأ المزيد ..شيرت فتقول لمجدي كردي "عيوني للأستاذ جمال مبارك.. بس اديني الأول كام تيشيرت عشان عددنا كتير"! .. ثم تهتف إمرأة أخرى بعد أن اعطتها الحملة وجبة الافطار وبها قطعة لحم صغيرة "يا جمال يا حبيبنا يا مأكلنا اللحمة
تعليق من جريدة الشروق
‏قال Desert cat
خطورة الدوله التى تحكم باسم السماء

منتهى الاسفاف والغباء وقلة الادب
ماهو عندنا لما تيجى تنتقض افعال الاخوان المنتفعين يقولوا لك اسكت يا كافر
‏قال Desert cat
مصرية فى كندا

هما اصلا مش معترفين بالتحرش رغم ان مفيش واحدة فى مصر ميتعبرش مشيها فى الشارع مغامرة يعنى الناس دى اخواتهم البنات وامهاتهم ويمكن بناتهم بيتعرضوا للقذارة دى لكن لانهم متربيين فى القذارة مش قاردين يعترفوا بيها يقولوا لك فى بلاد الكفر نسب اغتصاب وتحرش كبيرة جدا وان سالتيهم جبتوا الكلام ده منين يقولوا لك احصائيات وانى سالتى منين الاحصائيات دى ومين اللى عملها تلاقى السفالة والقذارة هى خير رد عليكى
‏قال Desert cat
باحث فى فيرس الغباء

ده اكيد جدا مش بس محتمل
‏قال Desert cat
BenBaz

ولو قعدنا نتكلم فيها طول العمر اللى اتربى فى القذارة مستحيل يعرف ريحة الزهور
‏قال Desert cat
elmasryeffendi

انا مش بس بدات اتشائم انا بدات افكر فى الهروب باقصى سرعه
‏قال Desert cat
Anonymous

اقتراح هايل
ههههههههههه
ويبقى مش معروف الستات من الرجالة ومين كسر السور وراح فين
‏قال Desert cat
Kontiki

لاننا فقدنا المعانى الجميلة لكل حاجه وفى كل حاجه بقينا بنطلع عقدنا على الناس التانية
‏قال العاب
مافيش فايدة اعتقد
‏قال Desert cat
العاب
لو الحكومة مش مبسوطة من اللى بيحصل ده وبدل تصريحات وزير الداخلية بان مصر وشبابها زى الفل
والست سوزان مبارك بان شباب مصر مفيش اادب منهم فى العالم
كان زمانها حلت المشكلة من قبل ما تبدأ
‏قال emy
ياريت القوانين والردع بينفع . ماهي كل سنة بتزيد معدلات جرايم الإغتصاب مع إن الشباب عارفه إن عقوبتها الإعدام.. الرجالة واصلة لمرحلة يأس وإستبياع غير مسبوقة.. عشان كده دايما مستنيين الحل يجي من عند المرأة.. دايما تعليقاتهم- في أي برنامج يناقش مثل هذه القضايا- ماتشوفوا البنات بتلبس إيه!!, أو البنات دلوقتي هي إللي بتتحرش بالشباب, أو إفصلوهم عننا وريحونا من أشكالهم.. المهم الرجالة ميتعبوش نفسهم ويتربوا.. طبعا لا أقصد الجمع لكني أقصد القاعدة العامة

المشاركات الشائعة