كوكتيل بنكهة الغباء

للمرة اللى مش عارفه كام تهب المواقع الالكترونية وتقف وقفة رجل واحد فى وجه الاعداء اللى هما بالطبع فرنسا لاتخاذهم قرار بات ونهائى فى حظر النقاب من الاماكن العامة .. وقولنا مراراً وتكراراً بدل ما تقعدوا تصوتوا وتلطموا وتقولوا هى دى بقى بلد الحريات اللى ضد الحرية ؟ طيب واى حرية فى فرض حاجات مش مفروضة اصلاً فى بلاد احترمتكو واستقبلتكو وعملتكو بنى ادمين وشغلتكو وسكنتكوا وبتاكلكوا فا ما تحترموا قوانينها وتنفذوها واما ترجعوا لبلادكو اللى طردتكو وبتعاملكوا معاملة الكلاب الضالة ويا دار ما دخلك شر .. ثم ان النقاب لا فرض ولا فضل علشان تقعدوا تعيطوا وتتباكو بالطريقة المثيرة للشفقة دى .. وكالعادة اللى عاملين الهيصة والضجة دى مدونين فى خانة النوع فى شهادة الميلاد ذكور .. بس انا شايفة ان الذكر اللى يتم اثارته من خصلة شعر او دراع او رجل باينه يبقى لامؤاخذة ده راجل اندر وير وكبيرة خصلة الشعر دى ولو اتجوز ممكن يحصل له اللى حصل لاونكل اللى رمى نفسه تحت القطر ليلة فرحة فى فيلم النوم فى العسل


اما بقى الجماعة بتوع جبهة هوبلاء الازهر معرفش باى بجاحه بينسبوا اسمهم للازهر اصلا اذا كان الازهر متبرى منهم
وحصل على حكم قضائى نهائى لحل الجبهة المشبوهة دى عام 1999م ولكن اللى اتعود على الفتنة والوقيعة وقلة الادب ميعرفش يعيش فى النور محترم بين الناس وبالتالى راحوا الكويت وبدأوا يبثوا سمومهم من هناك واخر زبالة تقيؤها هى مقاطعة المسيحيين على اساس ان المسيحيين دول غزاة محتلين البلد ولازم نقاطعهم ونقرفهم فى عيشتهم علشان يمشوا منها طيب انا مش حتشرى حاجه غير من مسيحيين بالعند فيكو فعلا دول اللى ينطبق عليهم وجوه بالنعال تضرب فتصيح النعال بماذا ضربتمونى


اما بقى تقسيم السودان فده بشرة خير جامدة اووووى ومؤشر هاااااايل للوضع فى مصر بعد التفتيت الحاصل بفعل فاعل بين المصريين وبعد ما كنا كلنا لا نتعامل الا على اساس انك مصرى وفى السنوات اللى هجمت علينا فيها الوهابية والسلفية من بلاد المهلبية اصبحنا نتعامل انت مسلم ولا مسيحى فانتظروا تقسيم مصر لجمهورية الصعيد وجمهورية القاهرة وجمهورية الدلتا وانا من موقعى هذا وانتوا شاهدين عليه انا برشح نفسى من النهارده لرئاسة جمهورية الدلتا وابقى غطينى وصوتى يا صفيه

تعليقات

‏قال Kontiki
غباء وتطرف بس اللى وجع بطنى كلمة تقسيم مصر :( :(
‏قال Desert cat
سلامة بطنك يا كونتا
‏قال غير معرف…
كنت بأتفرج على جمال التعليقات في جريدة مصرية عن موضوع حظر النقاب في فرنسا علشان اتنقط شوية ع الصبح. واحد عبقري بيقول مش عارف يبقى عفيف من كتر عري البنات في مصر (أنا آخر مرة جيت مصر كانوا لابسين جدا) وكمان تعب خالص المسكين من الفيديو كليب والفضائيات (طب مادي سهلة بلاش تتفرج). والغريبة إنه ماجاش على باله خالص إنه يحاول يكون عفيف من جوا ومش كل مايشوف حاجة لابسة فستان يحصله هوس جنسي.

الموضوع التاني بقى ده مصيبته كبيرة قوي. أصل مقاطعة المصري للمصري دي جديدة وعلامة خطيرة حتى لو كانت محدودة وانا مش متأكدة من ده. لقيت جروب على الفيس بوك للغرض ده وناشرين أسماء الشركات والاماكن اللي المفروض المسلمين يقاطعوها وشتيمة جامدة جدا ومشاعر كراهية رهيبة يعني حاجة تخوف.


جرالنا إيه ماكنا عايشين مع بعض في حب من غير ماحتى نسأل عن ديانة بعض. إيه ياربي الكابوس المزعج ده. من اللي بيحاول يدمر مصر؟

مصرية من كندا.
‏قال الى الأحبه الأغباء…
لو كان تغطية الوجه هو الفضيله مكنش حد غلب...ما اسهل ان تغطى المراه وجهها وتمارس كل انواع الكيد والغش والكذب و...و....واهمالها لعملها او....او....النفاق ولن تعجز عن طريقه لتنفذ اى رغبه شريره....فيا معش السذج الطيبين ...اى واحده ممكن ببساطه تغطى نفسها لترضيكم وتخدعكم ايضا فى نفس الوقت...لأنه لا علاقة بين الملابس والأخلاق....والسؤال ايهما افضل منقبه وكذابه وغشاشه ونصابه ومنافقه والا عارية الراس وعلى قدر كبير من احترام الذات؟ جاوبوا لو لديكم القدره على مواجهة الحقيقه وعدم اخفاء الرؤوس فى الرمال واختيار الحل السطحى السهل
‏قال بفضل مرتزقة الفضائيات…
عزيزتى

بلغ ببعضنا الغباء ان يستورد مشاكل بيئات متخلفه لا تزال تناقش بعنف قضايا حسمها مجتمعنا منذ قرن او يزيد
فهم يناقشون الأختلاط وينبرى شيخ هو البراك فيعتبر الأختلاط رده عقابها القتل
بينما شيوخ اخرون يعارضونه وذلك بمناسبة السماح بالأختلاط فى جامعه جديده
المهم لا شان لنا بذلك ولا يتصور ان تعود الساعه عندنا للوراء ارضاء لهؤلاء المتخلفين ولكن البعض توصل الى حل يجعل هذا المستحيل ممكنا
وهو النفاب فهو يحقق ولو جزئيا فكرة منع الأختلاط
ولأنه من غير المتصور ان تختفى المراه من المكاتب والمصانع والمدارس والشركات والمحلات وكافة المحالات
فلا اقل من اخفائها
انه فيرس الغباء وهو لا يقل خطوره من اى وباء آخر
ويتلقف بعض الرجال فاقدى الثقه فى انفسهم او نسائهم وينظرون للمراه كشيطان -تلقفواالموضوع فبفرضون على نسائهم هذا المرض والتشويه العقلى
والنفسى
لأنه قائم فى الأساس
على تصور منحط عن المراه كشيطان او مصدر لكل شر ولا يثق بها
لأنها ليست انسانا له عقل بل مجرد لعبه للهو بها
واخفائها فى غير اوقات اللهو
وكل ما يساق من حجج او استنتاجات من نصوص لا يستطيع اخفاء هذه العقد
‏قال فكروا بالعقل ولو مره…
لماذا هذا الدفاع المستميت عن زى بعض البلاد الخليجيه ....ناخدها كده بالعقل واحده واحده هل صيانة للأخلاق ؟غلط لأن ليس كل من تغطت بالضروره اكثر خلقا من اختها المحتشمه فقط بدليل ان مايجرى خلف ابواب مغلقه فى دول هذا الزى مما تشيب له الرؤوس هل لأنه فرض؟غلط لأن هناك اختلافات كثيره جدا فى التفسير والأستدلال والأستنتاج ...الخ هل النقاب… إقرأ المزيد .. مما يسهل حركة المراه العامله ؟غلط والأسباب لا تحتاج لشرح سواء كانت معلمه او طبيبه مثلا والواقع المعاش يقول ان الأخلاق مع هذه الموجه تتدهور ولا ترتقى فلماذا يامن لديكم عقول [^]
‏قال اللى عايزه تعمل حاجه لن يمنعها النقاب…
غير مفهوم اصرار بعض الرجال على فرض النقاب والحجاب من عندياتهم زى مايكونوا مصدقوا ان البعض استورد هذه العادات من الخليج ومسكوا فيها والسبب نفسى قطعا ولي حبا فى الفضيله لأنه لا علاقة بين الفضيله والملبس بدليل انه قبل هذه الهوجه وقبل ربع قرن كانت الأخلاق ارقى بما لا يقارن ...هؤلاء الرجال يعانون من شعور عميق بالدونيه وعدم الثقه فى… انفسهم
او نسوانهم
مع ان من تريد عمل شىء لن تعدم الف طريقه واسالوا عما يحدث خلف ابواب مغلقه فى دول النقاب ..
‏قال ازهى عصور الهطل…
فى فترات التدهور الحضارى يختزل البعض الدين فى شعر وكعب وحواجب المراه
وعبر عن ذلك قبل 1200 سنه المتنبى
الذى قال
اغاية الدين ان تحفوا شواربكم يا امة ضحكت من جهلها الأمم
‏قال اوهام ضعيفو الأدراك…
اوهام
ليس معنى منع النقاب هو الدعوه للعرى كما يروج الجهابذه ضعيفو الأدراك
لأن المطلوب هو الحشمه والبساطه
والتى كانت سائده قبل هوجة الوهابيه الصحراويه ووقتها كانت الأخلاق ارقى بكثير
الوهم الثانى هو انها حريه شخصيه
وهذا هراء لأن النقاب معناه يتعدى انه زى لفكر ونظره متدنيه مريبه للمراه
وسعى للحد من حركتها بل وممارستها لعملها احيانا عندما يعوق النقاب قياغمها بالعمل
‏قال كرة القدم حرام ...تصوروا…
احدث الفتاوى
كرة القدم ...حرام
والغريب اللجوء للنصوص التى قيلت فى وقت لم تكن قد اخترعت فيه اللعبه
ولكن اهه موضوع وفرصه للفتوى واكل العيش
http://www.youtube.com/watch?v=OXXafKlg_2E
‏قال على باب الله
فرقة حسب الله دي بتاعة جبهة علماء الازهر للأسف أغانيها بتطرب المواطن المصري
‏قال الوهابيه ضد العقل ومع تحقير النساء ولا عزاء لحلم التقدم مثل البشر…
الوهابيه دعوه صريحه لألغاء العقل وتحقير النساء
http://www.youtube.com/watch?v=p4PfNmUcSkY
هل سمعتم عن امه نهضت بعد ان احتقرت العقل
‏قال كل حاجه عند هذا الشيخ الوهابى حرام ودعاره…
الوهابيه والمراه العجوز والتمثيل
http://www.youtube.com/watch?v=XNf4mg7cz7A
‏قال dr.lecter
اصلها بطيخه اللي خلفوهم
‏قال رد على رد شائع سطحى وساذج…
يدافعون ببلاهه او استهبال عن النقاب بقولهم انه حريه شخصيه مثل اى زى
فهل هو حريه شخصيه؟
نناقش هذا الدفاع الساذج السطحى فنقول لا
هو ليس مثل اى زى
فلو فرضه الرجل على نساءه كما يحدث غالبا فهو اخفاء لهم ويكون هنا بمثابة درجه من الواد فهو واد لهم افتراضى وهم فوق الأرض والواد الفعلى هو اخفاء لهم تحت الأرض
كمصدر للعار
واذا سعت اليه المراه بنفسهالتختفى عن الأنظار لأعتقادها انها عوره وعار فهو درجه من الأنتحار-انتحار افتراضى فالأنتحار هو اختفاء ارادى من على سطح الأرض
والواد والأنتحار لا يدخلن فى باب الحريه الشخصيهباى مبرر من المبررات
علما بانه ليس فريضه ولا فضل ولا علاقة له بالشرف او العفه
لأنه لا علاقة بين الملبس والأخلاق
‏قال ELVIRA
انا أتحدى اى حمار وهابى او سلفى يدافع عن الحرية الشخصية لبنته فى قلع الحجاب و او النقاب
‏قال غير معرف…
اغتصب مسحراتي بمنطقة ميت رهينة بالبدرشين طفلة عمرها 3 سنوات بعدما تناول بعض الاقراص المخدرة .. وقتلها بطعنة سكين بالرقبة خوفا من افتضاح أمره لدي أسرتها وألقي بجثتها في الرشاح .. ألقي القبض عليه وأخطر اللواء أسامة المراسي مساعد وزير الداخلية لأمن أكتوبر وتولت النيابة التحقيق


http://www.masreat.com/حادث-اغتصاب-ميت-رهينة-البدرشين/
‏قال اسباب التدهور الحقيقيه…
اسباب التدهور الحقيقيه
يضع تدهور أحوال الطبقة الوسطى ومعاناة المنتمين لها مصر أمام تحديات خطيرة تطول توازن واستقرار المجتمع والسياسة وتحد كثيرا من فرص تطورهما الإيجابى.
و الدور المحورى الذى قد تلعبه طبقة وسطى واسعة لجهة دفع المجتمع المعنى نحو حكم القانون وتداول السلطة والتعددية الحزبية سياسيا ونحو العلمانية والعقلانية والتسامح وقبول الرأى الآخر فكريا.
منقول من جريدة الشروق
‏قال ياعالم فوقوا…
ياعالم فوقوا
فيما تعتزم نخبة من المفكرين والعلماء والفلاحين وعالمة الأنثروبولوجى المصرية الدكتورة زينب الديب التقدم ببلاغ للنائب العام، يتهمون فيه الحكومة ممثلة فى وزارة الزراعة بإجهاض وتجميد «المشروع القومى الإنمائى لتطوير البيئة الإنسانية بصحراء مصر» أصدرت منظمة الأمم المتحدة للأغذية والزراعة (فاو) تحذيرا من أزمة غذاء فى مصر على خلفية ارتفاع أسعار القمح العالمية.
‏قال تحرير فلسطسن يمر بشعر النسوان…
خبل ...خبل
ماذا ينشغل بعض الغيورين فى حماس بلباس الناس وحياتهم الخاصة، فى حين أن القطاع محاصر بالاحتلال وحياة الناس فيه مهددة وعذاباتهم بلا حدود؟
فى الأخبار أن الشرطة التابعة لحكومة حماس فى غزة أغلقت لمدة ثلاثة أيام منتجعا ترفيهيا تم افتتاحه قبل شهرين بدعوى إقامة حفلات «ماجنة مختلطة». ونقل عن مسئول فى المنتجع أن عشرة رجال مدنيين مسلحين ملتحين، يعتقد أنهم من المباحث الجنائية، وصلوا إلى المكان قبل ساعة من موعد الإفطار، وطردوا العاملين والزوار الذين بلغ عددهم 150 شخصا.
من مقال لكاتب من التيار الأسلامى هو فهمى هويدى
‏قال اذا لم تكن هذه خيانه فماهى الخيانه…
من مقال سلامه احمد سلامه بالشروق
ضعف المعارضة وتفككها وهوانها على نفسها بحثا عن غنائم سريعة. ولا يهمها العمل على بناء نظام ديمقراطى، وإرساء قيم الممارسة الحقيقية لعملية انتخابية نزيهة ولو تأجلت لسنوات أخرى.
الأخوان فى مقدمة الخونه لآمال الشعب
وحجة الأشتراك لمنع التزوير كما يقول الكاتب مهلهله
‏قال Elmasryeffendi
مش فاهم مالهم و مال فرنسا ؟ كل دولة حرة تفرض قوانينها و سيادتها على ارضها و اللى مش عاجبه يروح او يشرب من البحر
‏قال Desert cat
Anonymous

لا يا حبيبتى هما مش يقدروا مش يتفرجوا اصل الريموت كنترول بيضربهم على ايديهم علشان يشوفوا قنوات بعينها وبينزلوا الشوارع مجبرين علشان يقلوا ادبهم على الناس وان اتكلمتى يقولوا لى ما تشوفى انتى لابسه ايه مع انك ممكن تكونى لابسه نقاب بس حتى ده لما بتقولى دى منقبة ازاى يعاكسوها يقولوا اصلهم معروفين لابسينه ليه يبقى احنا لازم نقوم بالواجب معاهم فى الشوارع وبصراحة هما ادرى بقى
شوية زبالين عايزين ابادة جماعية من المجتمع كله
‏قال Desert cat
الى الأحبه الأغباء
هما عارية الراس بالنسبة لهم مستباحة يعنى يعملوا فيها ما يحلو لهم اصلها فى الغالب بتبقى مسيحية ودى اغتصابها جهاد
‏قال Desert cat
بفضل مرتزقة الفضائيات

على ذكر موضوع الاختلاط ده عبيط فى موقع الكترونى النهاردة بيطالب بعمل ماصلات خاصة للسيدات مواصلات خاصة للرجال
قمة الغباء
‏قال Desert cat
على باب الله

اصلها من نوعية بحبك يا حمار
:))
‏قال Desert cat
dr.lecter

طلما فى متبعين ليه مش يهبلوا زى ما هما عايزين
‏قال Desert cat
ELVIRA

فى الحالة دى ممكن يأدها ويقول حرية شخصية
‏قال Desert cat
elmasryeffendi

قمة البجاحة وقلة الادب معرفش بامانة بيجيبوها منين

المشاركات الشائعة