كل تحرش وانتوا طيبين

نزلت بوست للتهنئة بالعيد ومش كان ليا نفس اقول عيد سعيد لانه كما هى العادة عند المصريين عيد يعنى تحرش وكالعادة والهى ربنا يقطعهم واحد واحد وينتقم من كل سافل مجرم مش متربى ومش قادر يربى ولادة ويعلمهم الادب ومخرجهم زى الكلاب الضالة فى الشارع يقلوا ادبهم على اى واحدة مقابلاهم وكانهم حيوانات مع الاعتذار للحيوانات اصل بصراحة اللى بقى بيحصل فى مصر ده كتير وبزيادة اوى قولتوا لبس البنات معرفش ماله شوفوا الصور وشوفوا لبس البنات ومش ليكو حجة ولا مبرر يا مرضى .. قولتوا اصل الشباب مكبوت ومش لاقى يتجوز .. والعيال الصغرة كمان مكبوتة ؟ والشيوخ اللى عندهم 50سنة كمان عندهم كبت ؟ نعدم البنات علشان تستريحوا يا مرضى يا مهووسين .. كفاية نشر الصور دى علشان العار يطول البلد شرق وغرب اكتر من العار اللى هى فيه شعب عايز يتربى من اول وجديد







الخبر كامل على موقع اليوم السابع

بالصور... تحرشات جماعية بالبنات فى الحدائق العامة تفسد فرحة المصريين بالعيد.. و"الصبية" يدخنون السجائر بحديقة الفسطاط فى يوم حظر التدخين بالأماكن العامة


Comments

dr.lecter said…
وغلاوتك بعد الصلاه علي طول التحرش ابتدي
بس الغريب ان البنات كانت مبسوطه وفرحانه ان فيه ناس بتعاكسهم ويتحرشوا بهم
وناس كتيرلاه شايفه ده عيني عينك ومحدش عمل حاجه
لا اله الا الله احنا لسه بنقول يا هادى والعيد فرحه يكون فى الاخر كدة
بقت حاجة تقرف
والناس بقت بتخاف تخرج فى العيد من اصله عشان القرف ده
حسبى الله ونعم الوكيل
لا اله الا الله احنا لسه بنقول يا هادى والعيد فرحه يكون فى الاخر كدة
بقت حاجة تقرف
والناس بقت بتخاف تخرج فى العيد من اصله عشان القرف ده
حسبى الله ونعم الوكيل
Sahran said…
ما أتعس العرب !!!

شيء مخزي هو الذي أراه بالصور يا قطة ,,

والأغرب هو أن جميع الفتيات محجبات !!!

ونسمع بأنه حتى المنقبات يتم التحرش بهن ,,

إلا قوليلي يا قطة ,,,

هوا مصر ما فيهاش شرطة مثلاً ؟؟؟

لماذا لا يخرج أولئك الذين تظاهروا من أجل كاميليا , ليدافعوا عن الكاميليات اللواتي يتعرضن للاعتداء دونما احد يدافع عنهن

أنت على حق دائما يا قطة لما تجرسيهم , وتظهريهم على حقيقتهم ,,

أنت على حق
متابع said…
عزيزتى اولا كل سنه وانت طيبه
ثانيا
هؤلاء الصبيه يستمتعون بجو الفوضى السائد فى الشارع المصرى
والسبب هو غياب رجال الأمن لأنشغالهم فى الوقت الذى حدثت فيه هذه التحرشات بالقبض على شباب يوزعون منشورات تطالب بالتغيير
ولو احس هؤلاء الهاموش باحتمال وجود من سيحاسبهم ولو مجرد احتمال مافعلوا هذا ولكنهم متاكدون من خلو الجو لعبثهم
ونفس الشىء ينطبق على كل مظاهر البلطجه مثل جريمة ابن كريازى والبلطجيه الذين اصطحبهم
أيييييه

فين أيام الجدعنه المعروفه عن المصريين

في الحقيقه ,, عرضتي صور مخزيه ومؤثره تعبر عن همجية الانسان العربي عموماً لأن ما تعانون منه نعاني نحن أيضا منه مع إختلاف الطريقه والاسلوب

ما يحصل معكم عباره عن مسخره وقلة أدب ظهرت مع ظهور الصحوه الدينيه التي لا يأتي منها إلا المسخره

هذه الصور تمثل كيفية إحترام الاسلام والمسلمين للمرأه

أرأيتي أفضل من هذا الاحترام الكبير

أنتي بس ديري بالك على نفسك لأن خروجك الآن أصبح مغامره لك وجريمه عند المجتمع

تحياتي المعطره بالسوسن لـ إلك

(:
متابع said…
قطه
مع غياب الأمن من الشارع والدوريات المستمره وتحت ضغوط الحاجه الماديه او الحاجه لأثبات الوجود والشعور بالتفوق على الآخرين تحولت ممارسة الفوضى الى هوايه مصريه
تاخذ اشكالا متعدده فى الشارع والمكتب والمدرسه والمصلحه
وليست البلطجه والتحرش الا بعض اعراضها
karim said…
قريت الخبر و كالعادة قرفت بجد, ان معرفش اية الحل و بعديين كلة بايظ و مفيش امل, كل سنة و انتى طيبة
Ameerov said…
(طب انتى تسمى نفسك قطة وبعد كده تشكى من تحرش الكلاب بيكى .. طب على اى اساس يا قطة ؟!!)

- - -
اقول ايه بس
كل حاجة حمضت وبارت فى البلد دى

زمان كنت شاهد على احداث التحرش بتاعة الصحفيات والمتظاهرات
وشوفت الكلاب البوليسى والبوليس الكلاب بيعمل ايه ويدى العبرة مجانى و علنى ازاى
من يومها عرفت ان فى بلدنا مش لازم الكلب يعض عشان ينقل السعار
بلدنا شوراعها مليانة كلاب ضالة بتسرح بالليل
الكلاب السعرانة اكتر منها وموجودة بالليل والنهار

ويقولوا عيال و ينسوا ان الكلب الضال مصيره يبقى سعران
Anonymous said…
لما الولد يتربى في بيت الأم والأخت فيه بتتعامل على إنها في درجة ادنى من الاب والاخ. لما يتعلم إنها تستاهل اللي يجرالها مادام خرجت من البيت تشم الهوا. لما المدرسة والشارع والاعلام يفضلوا يقللوا من المرأة أكتر وأكتر كل يوم. لما في القرن الواحد والعشرين لسة بنسأل نخلي نص المجتمع يشتغل ولا نقعدهم في البيت. لما نفضل نقول إن البنات هم السبب في التحرش ونفضل نغطي فيهم وكل مانغطي أكتر الولاد يتجننوا أكتر.

كتير من المهاجرين للغرب جايين من البلاد المنكوبة بالتحرش بس بيعدلوا نفسهم فورا علشان عارفين إن البلاد دي مابتهزرش في الحاجات دي وكبيرهم بيبصوا بس وكمان مابيطولوش في البَصة أحسن البنت تاخد بالها وتبقى مشكلة.

احنا قدامنا سنين طويلة علشان نربي اجيال جديدة بعقلية مختلفة ده لما أصلا نفوق ونبتدي نربي. لكن لغاية ده مايحصل مش معقول البنات يفضلوا يعانوا من المشكلة دي. اللي مترباش في البيت المفروض القانون يربيه. القانون المدعوم بقوة امنية في الشارع المصري تطبقه مش قانون على الورق ومتروك للبنت تطبيقه بانها تاخد المتحرش على القسم أو تديله علقة مثلا.

الصور دي صادمة جدا. ياخسارة يا مصر مكنتيش كده.

مصرية من كندا.
BenBaz said…
دول عيال وراور .. يا خبر ... حتى الجيل الجديد ضاع
soly88 said…
يابنتى انت قولتى المفيد
(شعب لاعايز يتربى من اول وجديد )
لماذا تتداعى القيم فى اكثر البلاد تدينا منقول said…
لله يرحم أيام زمان عندما لم تكن كلمة "التحرش الجماعى" فى القاموس المصرى, حتى فى الستينات والسبعينات أيام "المينى جيب" لم تكن الفتيات يخشو الذهاب لوسط البلد حتى بالليل...أنا لا أدعو لعودة المينى جيب ولكن لماذا لم تنجح ثقافة الحجاب والنقاب والزقون وشيوخ الفضائيات فى منع أنشار وتفاقم الظاهرة المشينة؟, لأن السلوك الأجتماعى من العلوم المعقدة ولا يمكن أختصارة على كلمتين "حلال" و "حرام" الأباء والأمهات والمدارس يعتقدون أن الألتزام بالدين والمواظبة على تأدية الفروض هم بدائل للتربية الأجتماعية وهذا تبسيط كبير للأمور وتقصير فى واجبتهم تجاة الأجيال القادمة.
معقول!!! منقول من تعليق بالمصرى اليوم said…
رؤساء ومعاونيين مباحث اقسام عابدين والازبكية وقصر النيل شركاء فى مكاتب لبيع الملابس بالجملة والباعة الجائلين فى وسط البلد كلهم تبعهم وبالاخص فى شارع الشواربى وما حولة بل ومخليين امناء الشرطة بتوعهم يحموهم ويمدوهم بالامان ليزيدوا بطشاوجبروتا وتحرشا بالخلائق والويل كل الويل لمن يشتكى فى اى قسم من هذة الاقسام واسالوا اى صاحب محل او ساكن فى هذة المنطقة
معقول!!!!!!منقول من تعليق بالمصرى اليوم said…
رؤساء ومعاونيين مباحث اقسام عابدين والازبكية وقصر النيل شركاء فى مكاتب لبيع الملابس بالجملة والباعة الجائلين فى وسط البلد كلهم تبعهم وبالاخص فى شارع الشواربى وما حولة بل ومخليين امناء الشرطة بتوعهم يحموهم ويمدوهم بالامان ليزيدوا بطشاوجبروتا وتحرشا بالخلائق والويل كل الويل لمن يشتكى فى اى قسم من هذة الاقسام واسالوا اى صاحب محل او ساكن فى هذة المنطقة
سمراء said…
كل سنة وانت طيبة


سمراء
Kontiki said…
OH SHIT
حتى السنة دى برضة !!
اصل انا انعزلت فى العيد لا انترنت ولا تليفزيون ولا نزلت ولا اى وسيلة اتصال بالعالم الخارجى :)
بجد مفيش حل مشكلة تربية و اخلاق و جهل و فن و موسيقى كلها اسفاف و تفاهه
حطلب اية من عيل عندة 12 ولا 13 سنة ومش لاقى قدوة ولا لاقى تربية ولا لاقى مناخ صحى عشان يفهم اى حاجة !!
عليةالعوض
حقيقة الأخلاق said…
ببساطه يمكنك معرفى حقيقة اخلاق شباب منطقتنا
من هذا الكلب
الذى شاهده حتى الآن 200000
بسبب ما يعلمه لهم او ما ظنوا انه يعلمهم اياه
http://www.youtube.com/watch?v=jjVP82zsok0
Anonymous said…
يلعن أبو دين السعار الجنسي و الكبت و قلة الأدب و انعدام الأخلاق لي أصبح عليه المصريين

حطوا قانون و شرطة آداب تراقب الشوارع بجد و عاقبوا المتحرشين بالسجن و الحرمان من الحقوق المدنية و هتشوفوا ازاي هيتعدلوا و لو ان ذيل الكلب عمرو ما بيعدل و لو علقوه بقالب

أبو ريشة
مجتمع ممزق مرتبك said…
المجتمع المرتبك الذى يتمزق بين كل اشكال وانواع التفسيرات الدينيه المستورده وضبابية الأوضاع التى تمس حياته اليوميه
دفعت الى اهمال الصغار وهذا راى احد المتخصصين
.....
برر د. محمد المهدى أستاذ الطب النفسى بجامعة الأزهر ظاهرة لجوء المصريين إلى حمل السلاح المرخص أو غير المرخص إلى عدة أسباب أهمها غياب الأمن الاجتماعى نتيجة انشغال الأمن بالدور السياسى بشكل كبير جدا استغرق أغلب طاقته، بالإضافة إلى البطء الشديد فى التقاضى ويئس المواطن من استرداد حقه بالطرق والمسالك القانونية، وهو ما يولد شعورا داخل نفوس المواطن بأن عليه أن يحمى نفسه وأسرته.

ويضيف المهدى أن هذه الظاهرة مرشحة للتصاعد نتيجة الحالة الاجتماعية المضطربة والانهيار المجتمعى الشديد، وانتشار الفساد وتفسخ القيم والأخلاق، وهو ما عكسه تقرير وزارة التنمية الإدارية عن سلوك المصريين من أن 55% من المصريين لا يرون فى الكذب مشكلة، وأن 39% أقروا بدفع رشاوى لإنهاء مصالحهم، الأمر الذى يعكس انتشار وقبول المواطنين لقيم سلبية، وانتشار هذه القيم السلبية أدى إلى عدم وجود ثقة فى التعامل بين المواطنين.
تحليل لأسباب ما تقوله الصور said…
قطه
ماذا نعنى بالأهمال فى تربية هؤلاء الصبيه؟
نعنى طبعا فى الغالب اهمال الأبوين وهذا طبعا صحيح لأسباب كثيره ولكن ننسى ايضا ان التربيه يقوم بها ايضا الدوله ممثله فى تطبيق القانون والمدرسه والأعلام يعنى باختصار التربيه ف6ى الحقيقه هى تربيه مجتمعيه
ولننظر ماذا يحدث :الدوله لا تنفذ احكام القضاء..ولا تتقيد بالقوانين بل تتحايل عليها كثيرا
مما دفع الناس لأخذ حقهم بيدهم وانتشار البلطجه
من يستطيع التربح من منصبه لا يتردد من الهبش
المدرسه اصبحت سوق للدروس الخصوصيه
والأعلام حتى الخاص ملك كبار الأثرياء خاضع بطرق ملتويه لضغوط الدولهالتى تستطيع وقف حالهم
باختصار مد اليد هو ثقافة المجتمع
....مد اليد لهبش ما يريده الشخص
وطبعا مرتزقة الفضائيات الدينيه اياها نجحوا فى تحويل الأنثى لشىء
مثل اى شىء تمد عليه اليد
فلا نندهش اذا راينا فى ىالصور صبيه او مراهقين يمدون ايديهم لتلك الأشياء المتحركه المثيره للفضول
ازهى عصور الهبش said…
عادى مادمنا نعيش فى ازهى عصور الهبش
وأوضح التقرير أنه بمقارنة القواعد السالفة مع تصرف رئيس هيئة مستشارى رئيس الوزراء مع أفراد أسرته تبين انه خالفها جميعا، حيث إنه بمجرد أن يطلب منه أحد أفراد أسرته شفاهة أنه بحاجة لشراء أدوية من الصيدليات وليس معه تكاليفها، يبادر رئيس هيئة مستشارى مجلس الوزراء على الفور بتحرير شيك له بالمبلغ فورا، بدون تقارير طبية ولا مستندات، وبعد أن يحصل نجله أو حفيده على الشيك يسلمه للصيدليات الخاصة، ولا يخبر الجهات الحكومية بالأدوية التي قال إنه سيصرفها. وأكد التقرير أنه فى مارس 2009 طلب المستشار أحمد محمد يسرى زين العابدين نائب رئيس مجلس الدولة من والده رئيس هيئة مستشارى مجلس الوزراء صرف مبالغ مالية له حتى يشترى بها أدوية من الصيدليات نظرا لعدم قدرته على شراء هذه الأدوية على نفقته الخاصة، فقرر والده صرف شيكات له، وأول هذه الشيكات شيك بمبلغ 20 ألف جنيه فى مارس 2009، وبعدها بشهر طلب مرة أخرى من والده حاجته لمبلغ جديد لصرف أدوية أخرى، فوافق والده وصرف له 20 ألف جنيه أخرى، وبعدها بـ10 أيام أبلغ والده أن الأموال لم تكف، فصرف له مبلغ 20 ألف جنيه أخرى، وخلال ذات الأسبوع طلبت ابنته مبلغ 20 ألف جنيه مثل شقيقها لصرف أدوية مثله نظرا لعدم قدرتها على شرائها على نفقتها الخاصة، فحرر لها والدها شيكا بالمبلغ. وبعدها بشهر عاد نجله ليطلب أموالا إضافية جديدة لصرف أدوية، فصرف له مبلغ 20 ألف جنيه للمرة الرابعة، وكل ذلك على نفقة الدولة.

وبعد 3 أشهر طلب الابن من والده إمداده بأموال جديدة لصرف أدوية جديدة، فحرر له والده شيكا بمبلغ 40 ألف جنيه.

ولفت التقرير إلى إنه بعد شهر أيضا، طلبت الآنسة نورا من جدها رئيس هيئة مستشارى الدولة أموالا لصرف أدوية من الصيدليات الخاصة، فحرر لها شيكا بقيمة 20 ألف جنيه.

وقال الجهاز المركزى للمحاسبات فى التقرير الذى سلمه للنيابة إنه لم يعرف مصير الأموال التى صرفها رئيس هيئة مستشارى مجلس الوزراء لأفراد أسرته، وهل فعلا حصلت عليها الصيدليات الخاصة من عدمه، وهل سلمت الصيدليات الخاصة أدوية لأفراد أسرة رئيس هيئة مستشارى رئيس الوزراء من عدمه، وغير معروف ما إذا كان أفراد أسرته مرضى فعلا، وطلب الجهاز التحقيق فى هذه الوقائع لمعرفة مصير المال العام.
ازهى عصور الهبش2 said…
ازهى عصور الهبش
وزير الصحه يعيد مليون ونصف جنيه للدوله مما صرف من الأموال على علاج زوجته
وهو الملياردير ومع ذلك لا يزال فى منصبه
لا علاقة بين الملابس والأخلاق said…
مجمع البحوث السلاميه يؤيد منع النقاب
غير مفهوم اصرار بعض الرجال على فرض النقاب والحجاب من عندياتهم زى مايكونوا مصدقوا ان البعض استورد هذه العادات من الخليج ومسكوا فيها والسبب نفسى قطعا ولي حبا فى الفضيله لأنه لا علاقة بين الفضيله والملبس بدليل انه قبل هذه الهوجه وقبل ربع قرن كانت الأخلاق ارقى بما لا يقارن ...هؤلاء الرجال يعانون من شعور عميق بالدونيه وعدم الثقه فى… إقرأ المزيد .. انفسهم او فى نساءهم خاصة وان النصوص مختلف فيها بشده فلماذا اختيار التشدد الا اذا كان السبب نفسى [^]
Anonymous said…
دول عيال معفنة واشكال ضالة بصى السجاير اللى حطينها على ودانهم لية مش التدخين حرام ذية ذى التحرش ولا جايبين اللوم على البنات وسايبن القرف اللى بيشربوة واللى يقوللك لابسين محزق وملزق مازمان كانت الستات بتلبس الضيق والبنطلونات المحزقة واالفساتين العريانة وبيخرجو بيها فى الشارع مكنش فية القرف والانحاطط دة دى اشكالهم تقرف جتهم القرف مالو البلد دول المفروض يتلمو فى بوكس يعملو دماغ فى القسم بدل ما عاملين يمسكو فى البنات
Anonymous said…
عالم مرضى طب المحجبة والمنقبة واللى لابسا محترم اللى بيتحرش بيها بردك عملتلهم اثارة حاجة تقرف

Popular posts from this blog

قميص دهشور